ভারতকী প্রধানমন্ত্রী

খুরুমজরি!

ইকাইখুম্নজরবা রাস্ত্রপতিজী, মন্ত্রীমন্দলদা লৈবীরিবা ঐহাক্কী খোংবুরোই রমেশ পোখরিয়াল নিশঙ্কজী, সঞ্জয় ধোত্রেজী, কনফরেন্স অসিদা শরুক য়াবীরিবা ইকাই খুম্নরবা রাজ্যপাল, উপ-রাজ্যপাল, এজুকেসন মন্ত্রী, নেস্নেল এজুকেসন পোলিসী অসিগী মশক-মওং অসি শেম্বদা মরুওইবা থৌদাং লৌবীরিবা দোক্তর কস্তপরীগঙ্গনজী অমসুং মহাক্কী তীম, তোঙান-তোঙানবা য়ুনিবর্সিতীগী ভাইস চাঞ্চেলর, এজুকেসনিস্ত, নুপী-নুপা খুদিংমক!

খ্বাইদগী ইহান হানবদা ইকাইখুম্নজরবা রাস্ত্রপতিজীদা তৌবীমল খঙবা উৎচরি। নেস্নেল এজুকেসন পোলিসী অসিগা মরি লৈননা মসিগী থৌরম অসি মতমসিগা য়াম্না চান্নৈ, য়াম্না মরুওই। এজুকেসনগী তাইবং অসিদা চহি কয়াদগী খঙন-উনরক্লবশিং অদু অমত্তা ওইনা পুনশিল্লে। ঐহাক্না ময়াম পুম্নমকপু তরাম্না ওকচরি, নোল্লুকচরি।

ইকাইখুম্নরবা,

লৈবাক অসিগী অনিংবা-অপাম্বশিং মপুং ফানা পাংথোক্নবগী খ্বাইদগী অথোইবা পাম্বৈ অসি এজুকেসন পোলিসী অমসুং এজুকেসন সিস্তেম অসিনি।

এজুকেসন সিস্তেমদা থৌদাং লৌবা অসি কেন্দ্র, রাজ্য সরকার, মফমদুগী য়ুনিৎশিং পুম্নমক্কা মরি লৈনৈ। অদুবু এজুকেসন পোলিসীদা সরকারনা খুৎ থিংজিনবা, নম্ফু-শাফু পীবা অসি খ্বাইদগী য়ামহল্লোইদবনি হায়বসিসু অচুম্বনি। এজুকেসন পোলিসীদগী ওজাশিংনা গার্জিয়নশিংগা মরি লৈনবা, মহৈরোয়শিংগা মরি লৈনবা অদুগুম্না মরি লৈননা অমদি স্কোপ অনিমক হেনগৎহনবগদবনি।

লৈবাক অসিগী মীওই লাখ কয়ানা, সহরদা লৈরিবা মীওই কয়ানা, খুঙ্গংদা লৈরিবা মীওই কয়ানা, এজুকেসনগী লমগা শম্নরিবা মীওইশিংনা মসিগী মতাংদা মখোয়গী ফীদবেকশিং পীরকখি, ৱাফম থম্লকখি

এজুকেসন পোলিসীগী দ্রাফ শেমখি, মদুবু তোঙান-তোঙানবা বিন্দুশিংদসু মীওই লাখ ২দগী হেনবনা সজেসন পীরকখি। হায়বদি গার্জিয়নশিং, মহৈরোইশিং, এজুকেসনিস্তশিং, ওজা, এজুকেসন মেনেজর, প্রোফেস্নেল পুম্নমক্না মখোয়গী থৌদাংশিং লৌখি। অসুক্কী মতিক হকচিনবা, অসুক্কী মতিক শন্দোক্না, অসুক্কী মতিক মখল-মখলশিং খন্নরবা মতুংদা মসিগী অমৃত অসি থোরক্লিবনি, মরম অসিমক্না হৌজিক মায়কৈ খুদিংমক্তগী নেস্নেল এজুকেসন পোলিসী অসি তরাম্না ওক্নরি।

খুঙ্গংদা কনাগুম্বা ওজানা নত্রগা চাউর-চাউরবা এজুকেসনিস্তশিং পুম্নমক্না নেস্নেল এজুকেসন পোলিসী অসি মখোয়গী এজুকেসন এজুকেসন পোলিসী ওইনা খল্লি। মীপুম খুদিংমক্কী থম্মোইদা হান্নগী এজুকেসন পোলিসী অসি ঐহাক্না লৈরিঙৈদা শেমদোকপা অসি উবা পাম্বগী ৱাখল্লোন অমা লৈরি। মসি নেস্নেল এজুকেসন পোলিসী অসি য়াখিবগী য়াম্না চাউবা মরম অমনি।

এজুকেসন পোলিসী করি ওইগনি, করম্না ওইগনি, মহাক্কী মওং-মতৌ অসিনা করি ওইগনি হায়বসি লেপ্নরবা মতুংদা লৈবাক অসি খোংথাং অমদা চংশিল্লক্লি। হৌজিক লৈবাক অসিদা নেস্নেল এজুকেসন পোলিসী অসিগী মতাংদা, মসিবু চৎনহন্নবগী মতাংদা পাক-চাউনা খন্নরি, ৱারী শানরি। পাক-চাউনা খন্নবগী মথৌ তারিবা অসি মথৌ তারিবগী মরমদি নেস্নেল এজুকেসন পোলিসী অসি শুপ্নতগী ইবা-পাবগী মওংদথক্তমক অহোংবা পুরক্নবগী নত্তে। মসিগী পোলিসী অসি ২১শুবা চহি চাগী ভারতকী খুন্নাইগী ওইবা মওং অমসুং শেন্মিৎলোনগী অনৌবা মায়কৈ পীগদৌরিবনি।

মসিগী পোলিসী অসি আত্মনির্ভর ভারতকী ৱাশক অমসুং মপাঙ্গল অসিগী মওং শেমগদৌরিবনি। তশেংনা মসিগী ৱাশক অসিগীদমক্তা ঐখোয়না থৌরাং শেম্বশিং, ঐকোয়গী মিৎ-না শিংবশিংগীসু অদুক্কী মতিক চাউহনগদবনি। অদোম খঙ-হৈরবশিংগী মরক্তগী অয়াম্বনা নেস্নেল এজুকেসন পোলিসীগী অকুপ্পা ৱারোল অসি নৈনবিখ্রে, মাগী পান্দমদা লেপ্তনা ৱারী শান্নবা অসি হৌজিক অদুক্কী মতিক মথৌ তাই। চিংনবা অমদি ৱাহং পুম্বা লোইশিন্নরবখক্তদা লৈবাক অসিনা নেস্নেল এজুকেসন পোলিসী অসি মায় পাক্না চৎনহনবা ঙমগনি।

ইকাই খুম্নজরবা,

ঙসি মালেমগী তুংদা ওইরক্কদবা ফীভম অসি থুনা-য়াংনা হোলক্লিবা থবকশিং, থবক তৌবগী মওংগী মতাংদা ঙাংনরি। মসিগী পোলিসী অসিনা লৈবাক অসিগী নহা ওইরিবশিংগী তুংগী পুন্সিগা মথৌ তাবশিংগী মতুং ইন্না লৌশিং-জ্ঞান অমসুং হৈথোই-শিংথোইবা অনিমক্কী ওইবদা শেমগনি। অনৌবা এজুকেসন পোলিসী অসি লাইরিক পাবগী মহুত্তা তম্বদা পান্দম থম্মি অমসুং করিকুলমদগী হেনগৎনা হকচিন্না ৱাখল খনবদা লুম্না লৌরি। পোলিসী অসিদা থবক চত্থবদগী হেন্না পামজনা, থবক তৌবা অমদি পাংথোকপদা লুম্না লৌই। মসিদা য়ুম্ফম ওইবা মওংদা তম্বা অমসুং লোলশিংদসু মিৎয়েং থমগদবনি। মসিদা তম্মগা ওইরকপশিং অমসুং ওজাগী ত্রেনিংদসু মিৎয়েং থমগদবনি। মসিদা এক্সেস অমসুং এসেসমেন্তকী মতাংদসু মরিক চুম্না অনৌবা মওংদা শেমদোকখ্রে। মসিদা মহৈরোয় খুদিংমক পাঙ্গল-থৌনা হাপ্নবা পরম অদু উৎখি। মায়কৈ অমদা য়েংলুরগদি সাইজ অমখক্তনা ময়াম পুম্নমক্তা চাবা অদুগী মওংদগী ঐখোয়গী এজুকেসন সিস্তেম অসি মপান্দা পুথোরক্নবগী অকনবা থবক অমনি। অদোম খুদিংমক্নসু মসিগী হোৎনবা অসি মান্নদে, ময়ামগা মান্নদে হায়না ফাওবিরমগনি। হৌখিবা চহিশিংদা ঐখোগী এজুকেসন সিস্তেমদা লৈরম্বা অৱাৎপশিং লৈবা উনখিবশিং, খুদোংচাদবশিং ওইনা খনখিবশিং অসি লৈহন্দনবা শন্দোক্না মসিগী পোলিসীদা খন্নখি। য়াম্না কুইরবা মতমদগী ঐখোয়গী অঙাংশিং অসি খাউ অমদি বোর্দকী পরিক্ষাগী, ইমুং-মনুং অমদি খুন্নাইগী নম্ফু-শাফুনা নন্দুনা লাক্লি। পোলিসী অসিদা মসিগী ৱাফম অসি নিংথিনা থমখি। ঐখোয়গীসিদা সা বিদ্যা য়া বিমুক্তয়ে হায়নসু হায়নরি। ৱাখল-লৌশিং অসি ঐখোয়গী জ্ঞান অসি থোকহল্লকপা অদুনি।

হৌরকপগী থাক্তগী হৌনা অঙাংশিংদা নাৎ, লোন, ইপানাৎ-ইপুনাৎকা শম্ননরগদি এজুকেসন অসি মশা মথন্তনা অদুম্মক নিংথিনা ইনোৎ পীবা ঙম্বা ওইগনি, লাইগনি অমদি অঙাংগী পুক্নিংগা মশা মথন্তা শম্নহনবা ঙমগনি। নেস্নেল এজুকেসন পোলিসীসিদা ঐখোয়না চুম্না নম্ফু-নম্ফু-শাফু য়াওদনা, অৱাৎপা লৈতনা অমদি নম্ফু-শাফু লৈতনা তম্নবগী দেমোক্রেতিক ওইবা ভেল্যুশিং অসি ঐখোয়গী এজুকেসন সিস্তেমগী শরুক ওইহনখ্রে। অঙাংশিংদা নম্ফু-শাফু পীরম্বা স্ত্রীমশিং অদু লৌথোকখ্রে।

হৌজিক ঐখোয়গী নহা ওইরিবশিংদা মখোয়না পামজবা, মখোয়গী এপ্তিচুদ অসিগী মতুং ইন্না তম্বা ঙম্লগনি। অদু নত্রগদি হান্না নম্ফু-শাফু লৈরম্বা অদুনা মহৈরোইশিংনা মশাগী হৈজ-খঙজবশিং অদুগী ৱাংমদা লৈবা স্ত্রীম অমা হেক্তা খন্নরমখি অমদি মখোয়না খঙবা জ্ঞান তারকপা মতমদা মতম য়াম্না থেংখিরম্মি। মসিগী মহৈনা মহৈরোইশিংনা চোকথদুনা মায়থিরবকান্দা দ্রোপ তৌনরমখি নত্রগা পাংন-শানবা দিগ্রী মপুং ফানবা তৌখি। মসিনা ঐকোয়গী খুন্নাই অসিদা য়াম্না খুদোংচাদবশিং থোকহন্নবগী মরম ওইরি, ঐঙোন্দগী অদোম্না হেন্না খঙঙই হায়বা ঐহাক্না খঙই। নেস্নেল এজুকেসন পোলিসীদা অসিগুম্বা খুদোংচাদবশিং অসিগী পাম্বৈদি অদুম্মক লৈজরে, ক্রেদিৎকী একাদমিক বেঙ্কতগীসু মহৈরোয়শিংনা য়াম্না কান্নবা ফংগনি।

ইকাইখুম্নরবা,

আত্মনির্ভর ভারত ওইহন্নবগীদমক্তা নহা ওইরিবশিং অসি হৈথোই-শিংথোইহনগী য়াম্না মতৌ তাই। চহি য়ামদ্রিঙৈদগী হৌনা ভোকেস্নেল এক্সপোজর অসি ফংলগদি ঐখোয়গী নহাশিং অসি তুংগী পুন্সিগী ওইনা অফবা মওংদা শেমগনি। থবক তৌদুনা তম্বনা ঐখোয়গী নহা মরূপশিংনা থবক ফংনবগী মায়কৈরোমদা চংশিনগনি, গ্লোবেল জোব মার্কেত্তসু ঐখোয়গী শরুক য়াবা অসি হেন্না য়ামগনি। ঐখোয়গীসিদা হায়নৈ- আ নো ভদ্রাঃ ক্রতৱো য়ন্তু ৱিশ্বতঃ। হায়বদি অফবা লৈবাক অমদগী হেক্তা ফংলকপা ৱাখল্লোন অদু লৌশিনগদবনি। ভারত অসি মমাংঙৈগী মতমদগী হৌনা জ্ঞানগী অচৌবা গ্লোবেল সেন্তর অমা ওইদুনা লাক্লি। ২১শুবা চহি চাদসু ভারত অসি লৌশিং-জ্ঞানগী শেন্মিৎলোন ওইহন্নবা হোৎনরি। অনৌবা এজুকেসন পোলিসীসিনা ব্রেন দ্রেন অসি তেক্কল তৌনবগীদমক্তা অমদি চম্লবদগী চম্লবা ইমুং-মনুংশিগী নহা ওইরিবশিংগী ওইনসু খ্বাইদগী ফবা ইন্তরনেস্নেল ইন্সতিত্যুতশিংগী কেম্পস অসি ভারত্তা লিংখৎনবগী লম্বি য়াৎখ্রে। লৈবাক অসিদা ইন্তর্নেস্নেলগী থাক্কী তোপ কেম্পস লৈবা তারগদি মহৈ তম্নবগীদমক্তা মপান্দা চৎপগী মওং অসি হন্থরগনি অদুগা ঐকোয়গী য়ুনিবর্সিতী, কোলেজ অসিসু হেন্না হিদান্নবা হেল্লগনি। মসিগী অতোপ্পা এঙ্গল অমদি ওনলাইন এজুকেসনসুনি, মসিদা পাবা-ইবগীদমক্তা মপমদুগী ওইরো নত্রগা ইন্তর্নেস্নেল ওইরো, মখল খুদিংগী পনখৈ অসি লৈহন্দে।

ইকাইখুম্নরবা,

করিগুম্বা সিস্তেম অসিদা অসুক পাক-চাউনা অহোংবা পুরক্লম্বা তারবদি চিংনবা-চিংনদবশিং লৈবা অসি মশানা তাবনি। অঙাংশিংসি অসুক য়াম্না মনিং তম্বা ফংলগদি, স্ত্রীম লাইন অসি লৈত্রগদি করম্না কোলেজদা মিং চনবা ফংগদগে, কেরিয়রনা করম তৌবা হায়না মমা-মপাশিংনা খল্লমগনি। প্রোফেসরশিং, ওজাশিংনা অহোংবসিদা করম্না মশানা শেমগৎচবা ঙমগদগে, করিকুলম অসি মতৌ করম্না তৌগদগে, সেলেবস অসি মতৌ করম্না মপুং ফাহনবা ঙমগদগে, হায়না খল্লমগনি। অদোম খুদিংমক্কী ৱাহং কয়া লৈরমগনি, মসিদা অদোম্না খন্নবসু খন্নবীরি মসিগী ৱাহং অসি চৎনহনবগা হেন্না মরি লৈনৈ। মসিদা মতৌ করম্না করিকুলম শেম্বা অসি করম্না পাংথোকপা ঙমগনি? লমদুগী লোনশিংদা সেলেবস অমসুং কন্তেন্ত অসি মতৌ করম্না শেমগনি? লাইব্রেরীশিংগী মতাংদা, দিজিতেল অমসুং ওনলাইন কন্তেন্তা অমদি মহৈ তম্নবগী মতাংদা থমখিবা ৱাফমশিং অসিদা করম্না থবক পাংথোকপা ঙমগদগে হায়বসিনি। করিগুম্বা মফমদনা পাম্বৈ-ফংফম অসি লৈতবনা ঐখোয়গী পান্দমশিং মপা চুমদবদি তৌরোইদরা? থবক শিনবা-লাংবগী মতাংদসু অদোমগী পুক্নিংদা মশা মথন্তা ৱাহং কয়া লৈবিরমগনি। মসিগী ৱাহংশিং অসি মরুওইবসুনি।

ৱাহং খুদিংমক্কী সোলুসন অসি পুরক্নবা ময়াম পুন্না থবক তৌমিন্নরি। এজুকেসন মন্ত্রালয়গী মায়কৈদগীসু লেপ্তনা ৱারী শানরি। রাজ্যশিংগী স্তেকহোল্দরশিংগী ৱাফম পুম্বা, ৱাখল্লোন পুম্বা থম্মোইদা চিংনবা লৈতনা তারি। ঐখোয় খুদিংমক্না পুন্না চিংনবশিং অমদি চিংনদবশিং অসিগী সোলুসন পুথোকমিন্নগদবনি। পুরক্লিবা ফ্লেক্সিবিলিতীগী মিৎয়েং অসি মসিগী পোলিসী অসিদা থোরক্লিবা অসিগুম্না খ্বাইদগী য়াম্বা ফ্লেক্সিবিলিতী অসি ঐখোয় পুম্নমক্নসু চৎনহন্নবা মতাংদসু উহনবা তাবনি।
মসিগী এজুকেসন পোলিসী অসি সরকারগী এজুকেসন পোলিসী নত্তে। মসি লৈবাক অসিগী এজুকেসন পোলিসীনি। ফোরেন পোলিসী অসি লৈবাক্কী পোলিসী ওইবগুম দিফেন্স পোলিসী লৈবাক্কী পোলিসী ওইবগুম মতৌ অসিগুম্না এজুকেসন পোলিসীসু করম্বা সরকারগীনো, কনাগী সরকারনো, কনা ফম্লিবগে, কনা ফমদবগে হায়বদা য়ুম্ফম ওইরগা চত্তে, এজুকেসন পোলিসী অসি লৈবাক্কী পোলিসীনি। অদুগা মরম অসিনা চহি ৩০গী মতুংদা সরকার কয়া লাকখি মরমদি মসি সরকারশিংগী লিপুনশিংগা পুনশিন্নবা নত্তে, মসি লৈবাক অসিগী অনিংবা-অপাম্বশিংগা মরি লৈনৈ।

ইকাই খুম্নরবা,.

নেস্নেল এজুকেসন পোলিসীদা থুনা-য়াংনা হোংলক্লিবা মতম অসি য়েংদুনা তুংগী ওইনা য়েংদুনা পাক-চাউবা থৌরাংশিং পায়খৎখ্রে। তেক্নোলোজী অসি খুঙ্গং-খুঙ্গংফাওবা পাকথোক-চাউথোকহল্লি, লৈবাক অসিগী লাইরবশিং, দলিতশিং, শোত্থরবা কাংলুপশিং, ত্রাইবেলশিংফাওবা অনৌবা তেক্নোলোজীশইং য়ৌহন্নবা তৌরিবা অদুগুম্না ই-পাও অমসুং লৌশিং-জ্ঞানফাওবা মঙোন্দা ফংহনবসু হেনগৎলি।

ঙসি ঐহাক্না ভিদিওগী ব্লোগশিংগী থোংদগী ভিদিও স্ত্রীমিংগী সাইতশিংদা নহা ওইরিবা মরূপশিং ময়াম অমনা অসিগুম্বা চেনেলশিং মথৌ তৌহল্লি, হিরম খুদিংমক্তা অসিগুম্বা অফবা কোচিংশিং ফংহল্লি, মসিগী মতাংদা হান্ননা ঐখোয়গী লাইরবা ইমুংশিংগী অঙাংশিংনা খনবফাওবা ঙম্লমখিদবনি। তেক্নোলোজীফাওবা ফংহল্লিবা লমশিং অমসুং খুন্নাইগী ওইবগী খল মান্নদবগী অচৌবা খুদোংচাদবশিং অসি থুনা য়াংনা হন্থরক্লি। ঐখোয়গী থৌদাং অসি ঐখোয় খুদিংমক্না য়ুনিবর্সিতী খুদিং, কোলেজ খুদিংদা তেক্নোলোজীগী ওইবা সোলুসনশিংশিং হেন্না শৌগৎনগদবনি।

ইকাই খুম্নরবা,

গবর্নেন্স মোদেল ফরবদি সিস্তেম অসি য়াম্না ইফেক্তিব অমদি ইনক্লুসিব ওইহনবা য়াই। মসিগী ৱাখল্লোন অসি এজুকেসনগা মরি লৈনবা গবর্নেন্স অসি পোলিসীদা উবা ফংই। একাদমিক, তেক্নিকেল, ভোকেস্নেল পুম্বগী ওইবা হায়র এজুকেসনগী এঙ্গল খুদিংমক অসি এজুকেসনগী মখল খুদিংমকসি সিলোসতগী পুথোরক্নবা হোৎনরি। থবক শিনবগী লৈরোন খুদিংমক খ্বাইদগী তাহন্নবা, মদুদা চাশিন্ননবা অসিসু পোলিসী অসিগী থোংদগী তৌখ্রে। হায়র এজুকেসনগী চাং নাইনা থবক পাংথোকহনবা অসিসু মসিগী পোলিসীদগী হেন্না লাইথোকহন্দুনা হেন্না স্ত্রীমলাইন্দা লৈহল্লগনি।

গ্রেদেদ ইকোনোমীগী ৱাখল্লোনসিগী মরুমদা হোৎনরিবা অসিসু কোলেজ, য়ুনিভর্সিতীগী মরক্তা মশা ফবগী হিদান্নবা অসি পুক্নিং থৌগৎনপা অমদি নিংথিনা থবক পাংথোকপা ইন্সতিত্যুতশিং মনা পীগদবনি।

হৌজিক ঐখোয় খুদিংমক্কী অপুনবা থৌদাং অসি এন.ই.পি.-২০২০ অসি চে অমসুং থৱায়দা চৎনহনবা ঙম্নবনি ঐহাক্না অদোম খুদিংমক্তা মরুওইনা হায়জগদবা অসি সেপ্তেম্বর ২৫গী মমাংদা মসাগী রাজ্যশিংদা, য়ুনিয়ন তেরিতোরীশিংগী য়ুনিবর্সিতীশিংদা য়াম্লবদগী য়াম্লবা ভর্চুএল কনফরেন্স পাংথোক্কদবনি। নেস্নেল এজুকেসন পোলিসী অসিগী মতাংদা খঙনবা অসি লেপ্তনা খঙনদুনা চৎলি, ঐখোয়না খঙবা অসি হেনগৎহন্নবা হোৎনসি। অদোম পুম্নমকপু অমুক্কা হন্না মতম কাইথোকপীবগীদমক্তা তৌবীমল খঙবা উৎচরি।

ঐহাক্না ইকাই খুম্নজরবা রাস্ত্রপতিজীবু অমুক্কা হন্না তৌবীমল খঙবা উৎচরি। ময়াম্বু য়াইফ-পাউজেল পীজরি।

থাগৎচরি !!!

***