ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা নেসনেল হেল্থ মিসন(এন ঐচ এম)গী খুমাংচাউশিনবা অমসুং অনৌবা থবকশিং অমসুং এন ঐচ এমগী ইম্পাৱর প্রোগ্রাম কম্মিতী এন্দ মিসন স্তরিং গ্রুপকী ৱারেপশিং য়ারে ।

মরুওইবা শক্তমশিং :

হৌখিবা চহি মঙা অমসুং ২০১৭–১৮গী মনুংদা এন ঐচ এমগী মখাদা লৈখিবা মাইপাকপশিং অদুদি :

1. মেতরনেল মোর্তালিতি রেসিও(এম এম আর) চাদা ২.৭ হন্থদুনা ২০১০–১২দা ১৭৮ ওইরম্বদগী ২০১৪–১৬দা ১৩০ লৈখি ;
2. ইনফেন্ত মোর্তালিতি রেসিও ( আই এম আর) হন্থদুনা ২০১১দা ৪৪ ওইরম্বদগী ২০১৬দা ৩৪ ওইখি । ২০১৫ অমসুং ২০১৮গী মরক্ত চহিগী ওইনা আই এম আর হন্থবগী চাং চাদা ৮.১ ওইখি ;
3. অন্দর ফাইব মোর্তালিতি রেত(য়ু ৫ এম আর) হন্থদুনা ২০১১দা ৫৫ লৈখিবদা ২০১৬দা ৩৯ লৈখি । ২০১৫ অমসুং ২০১৬গী মরক্ত চহিগী ওইনা য়ু ৫ এম আর হন্থবগী চাং চাদা ৯.৩ ওইখি ;
4. ২০১১দা তোতেল ফর্তিলিতি রেত(তি এফ আর) ২.৩দা হন্থখি ।২০১১–১৬গী মরক্ত চহিগী ওইনা তি এফ আর হন্থবগী চাং চাদা ১.৭ ওইখি ;

মখা তানা লায়নাগা মরি লৈনবা হকশেলগী ইন্দিগেতরশিংসু ফগৎলকপা উখি :

1. মেলেরিয়াগী ওইনা, এন্নুয়েল পেরাসাইত ইন্সিদেন্স(এ পি আই) তারকপা অসি ২০১১দা ১.১০ ওইরম্বদগী ২০১৬দা ০.৮৪ ওইখি । ২০১৭দা মেলেরিয়াগী থৌদোক চাদা ৩০ হন্থরকখি অমসুং মেলেরিয়ানা মরম ওইদুনা শিবগী চাং চাদা ৭০ হন্থখি;
2. অপুনবা মীশিং লাখ ১গী মনুংদা তি বিনা নাবা মীশিং ২০১৩দা ২৩৪ ওইরম্বদগী ২০১৭দা ২০৪দা হন্থরকখি ।অপুনবা মীশিং লাখ ১গী মনুংদা তি বিনা নাবা মীশিং ২০১৬দা ২১১ ওইরম্বদগী ২০১৭দা ২০৪দা হন্থরকখি;

• iii. অপুনবা মীশিং লাখ ১গী মনুংদা লেপ্রোসিনা নাবা মীশিং ১গী মখাদা লৈরে । লেপ্রোসি মপুং ফানা মুথৎপা ঙম্লবা জিলা মশিং ২০১৭দা ৫৫৪ ওইরম্বদগী ২০১৮গী মার্চ ফাওবদা ৫৭১দা হেনগৎলে;
• iv. ব্লোক খুদিংমক্ত মীওই ১০০০০গী মনুংদা কেস অমগী মখাদা কালা অজারনা নাবগী চাংদা হন্থরে । অপুনবা মীশিং লিশিং ১০গী কেস অমগী হেন্না ফংবা ইন্দেমিক ব্লোক মশিং ২০১৬দা ৯৪ ওইরম্বদগী ২০১৭দা ৭২দা হন্থরে; অমসুং

5. হিদাকমনাগা মরি লৈনবা লৌনগন্দবা মরুওইবা লায়না মরি হায়বদি কেন্সর, দাইবেতিস, স্ত্রোক, কার্দিওভাস্কুলার দিসিজ অমসুং ক্রোনিক লংস দিসিজশিং নাবগী চাং ২০০৯–১০দা চাদা ৩৪.৬ ওইরম্বদগী ২০১৬–১৭দা চাদা ২৮.৬দা হন্থরে ।