ভারতকী প্রধানমন্ত্রী

এশিয়ন গেম্স ২০১৮দা থোইদোক-হেন্দোকপা পর্ফোর্মেন্স উৎখিবগীদমক্তা প্রধান মন্ত্রী শ্রী নরেন্দ্র মোদীনা ভারতকী কন্তিংজেন্তা নুংঙাইবা ফোংদোকখ্রে।

প্রধান মন্ত্রীনা মহাক্কী ত্বীতরদা ইখি, “এশিয়ন গেম্স ২০১৮ লোইশিনখিবদা ঐনা ভারতকী কন্তিংজেন্তা থোইদোক-হেন্দোকপা পর্ফোর্মেন্স উৎখিবগীদমক মখোয়গী মফমদা অমুক্কা হন্না নুংঙাইবা ফোংদোকচরি। এশিয়ন গেম্সকী পুৱারীদা ২০১৮গী গেম্স অসি ভারতকী খ্বাইদগী হেন্না অফবা ওইখি। গেম্স অসিদা শরুক য়াখিবা এথলেৎ পুম্নমক ভারতকী চাউথোকচনীংঙাইনি।
এসিয়ন গেম্স ২০১৮ অসিদা, ঐখোয়না মমাংঙৈদগী হৌনা ফিদা কন্দুনা লাক্লবা ইভেন্তশিংদা মাই পাকপা ঙমখি অমসুং মমাংদা অমুক্তা মাই পাকপা ঙমখিদ্রিবা মশান্না কয়াদসু সনাগী তকমান লৌখি। মসি য়াম্না ফবা খুদম অমনি অমসুং ভারতকী শান্ন-খোৎনবগীদমক অফবনি।

ঐনা কোচশিং, মতেং পাংখিবা স্তাফশিং, এথেলেৎশিংগী মমা-মপা, ইমুং-মনুং অমসুং মরূপ-মফাংশিংগী মফমদা সেলুৎ পীজরি। ঐখোয়গী চেম্পিয়নশিংবু লেপ্তনা মতেং পাংবীবগীদমক অদোম্বু থাগৎচরি। ঐখোয়গী এথলেৎশিংদা মখোয়গী তুংগীদমক ঐনা য়াইফ-মঙ্গল পীজরি।

অসিগুম্বা কাওঙম্লরোইদবা এশিয়ন গেম্স ২০১৮ অসিবু য়ুম্বু ওইবীবগীদমক রাস্ত্রপতি জোকো ৱিদোদো অমসুং ইন্দোনেশিয়াগী মীয়ামদা নুংঙাইবা ফোংদোকচরি। গেম্স অসিদা এথলেৎশিংগী নীংথিজরবা পর্ফোর্মেন্স কয়া উবা ফংখি অমসুং অককপা মওংদা স্পোর্তমেনশিপকী ৱাখল্লোন অদু উৎখি।”

***