ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা নাকল অনিগী ওইবা মীফম অমা নিদরলেন্দগী প্রধান মন্ত্রী ঐচ.ই. শ্রী দীক স্কুফকা লিশিং অনিগা কুন তরুক্কী ফেব্রুৱারি তরামাপলদা পাংথোকখ্রে। প্রধান মন্ত্রী স্কুফ অসি  এ.আই. ইম্পেক্ত সমীৎ অসিদা নিদরলেন্দগী দেলিগেৎশিংগী লুচিংবা ওইনা লাকপনি।

প্রধান মন্ত্রী মোদীনা সমীৎ অসিদা শরুক য়াবিবগীদমক প্রধান মন্ত্রী স্কুফপু থাগৎপা ফোঙদোকখি অমসুং ইকোনোমীক গ্রোথ অমসুং খুন্নাই অসি য়াইফনবগীদমক্তা এ.আই.গী ৱার্কিং গ্রুপকি কো-চেয়রমেন ওইনা নিদরলেন্দনা লৌরিবা থৌদাং অদুদা থাগৎপা ফোঙদোকখি। প্রধান মন্ত্রী স্কুফনা সমীৎ অসিগী মরুওইবা অদু ফোঙদোকখি অমসুং সমীৎ দীক্লেরেসন অসিনা তুংগী পোলিশিগী খন্ন-নৈনবশিংবু লমজিংবিগনি হায়না থাজবা ফোঙদোকখি। খুন্নাই অসিগী তেক্নোলোজিকেল ইভোলুসনগী মরুওইবা মীকুপ অদুবু হক্লদুনা অমসুং মরুওইবা খুদোংচাবা অসিবু পাংথোক্লদুনা এ.আই. গী মতিক-ময়াই অসিবু খংলদুনা লুচিংবা অনিনা খুন্নাই অসিদা অওনবা অমা পুরক্নবগীদমক্তা মপুং ওইবা মঙম অসি খংনা ভারত অমসুং নিদরলেন্দ অনিমক্না পুন্না থবক তৌমিন্ননবগী মতাদসু খন্নখি।  মসিগী মতাংদা লুচিংবশিংনা এ.আই., ক্বান্তম অমসুং সেমিকন্দক্তরশিং য়াওনা ইমর্জিং তেক্নোলোজিশিংদা লৈবাক অনিগী মরক্তা তেংবাং পিনবা মপাঙ্গল কনখৎহনবগী মতাংদসু খন্নখি।

নাকল অনিগী মরি অসি য়েংশিন্দুনা লুচিংবা অনিমক্না ভারত-নিদরলেন্দগী পার্তনর্শিপতা লেপ্পাা লৈতনা চত্থরিবা প্রোগ্রেস অদু তরাম্না ওকখি অমসুং ৱা.এ.ঐচ.(ৱাতর, এগ্রীকলচর, হেল্থ), ক্লিন ইনর্জি, গ্রীন হায়দ্রোজেন, দিফেন্স অমসুং সেক্যুরিতি, এজুকেসন অমসুং মীশিংগা মীগা মরি লৈনবা তোঙান তোঙানবা সেক্তরশিংদা পার্তনর্শিপ অসি মখা তানা হেন্না চেৎশিলহন্নবা মখোয়গী ৱাশক অদু অমুক হন্না ফোঙদোকখি। মখোয়না য়ানখি মদুদী মায়লশ্তোন ইন্দিয়া-ই. ইয়ু ফ্রী ত্রেদ এগ্রীমেন্তকি ৱারি শানবা লোইশিনবনা লৈবাক অনিগী মরক্তা ত্রেদ অমসুং ইকোনোমিক পার্তনর্শিপকি মপুং ফাবা পোতেন্সিএয়েল অদু খঙদোক্নবা পুৱারি ওইরবা খুদোংচাবা অমা পিরে।

লুচিংবশিংনা মরুওইবা রিজনেল অমসুং ইন্তর্নেস্নেল দিবেলপমেন্তশিংগী মতাংদসু ৱাখল্লোনশিং পিথোক-পিশিন তৌনখি, অমসুং মালেমগী শিংনবশিং থেংননবা মল্তিলেতরেল প্লেৎফোরমশিংদা পুন্না থবক তৌমীন্ননবা মখোয়গী ৱাশক অদু অমুক হন্না ফোঙদোকখি। প্রধান মন্ত্রী মোদীনা য়ুক্রেনগী লানফম অসিগী মতাংদা ভারতকি ৱাফম অদু অমুক হন্না ফোঙদোকখি, মসি য়াম্না থুনা লোইশিনবগী মথৌ তাবা অদুদা অকনবা ৱাফম থমখি। লুচিংবা অনিমকনা তেরোরিজমগী মায়োক্তা মালেমগী ওইনা লান্থেংনরিবা অসি মপাঙ্গল কনখৎহন্নবা ৱাশকখি।

ভারত-নিদরলেন্দগী পার্তনর্শিপ অসি ত্রেদিস্নেল সেক্তরশিংদা ত্রেদ অমসুং ইনভেস্তমেন্ত, ৱা.এ.ঐচ.(ৱাতার, এগ্রীকলচর, হেল্থ) সেক্তরশিং, মীগা মীগা মরি লৈনবা সেক্তরশিংদা য়াম্না কুপ্না য়েংশিনখ্রে অমসুং হন্দক্তাা তেক্নোলোজি, ইনোবেসন, দিফেন্স অমসুং সেক্য়ুরিতি, রিন্যুএবল ইনর্জি, এজুকেসন অমসুং মেরিতাইম দোমেনগী স্ত্রেতেজিক ওইবা লমশিংদা পাকথোক চাউথোক্লে।

***