ভারতকী প্রধানমন্ত্রী

ওক্তোবর ৭ অমসুং ৮, ২০১৭তা প্রধানমন্ত্রী শ্রী নরেন্দ্র মোদী গুজরাত্তা ভিজিত তৌরগনি ।
ওক্তোবর ৭কী অয়ুক্তা, প্রধানমন্ত্রীনা দ্বারকাধীস লাইশংদা চৎকনি । দ্বারকাদা, মহাক্না ওখা অমসুং বৈত দ্বারকাগী মরক্তা থোং অমগী; অমসুং অতোপ্পা রোদ দিবলপমেন্ত প্রোজেক্তশিংগী উরেপ উয়ুং তমগনি । মহাক্না মীয়ামগী মীফমদা ৱা ঙাংগনি ।

দ্বারকাদগী প্রধানমন্ত্রীনা সুরেন্দ্রনগর জিলাদা লৈবা চোতিলাদা থুংলুগনি । মহাক্না রাজকোত্তা গ্রিনফিল্দ এয়ারপোর্ত অমগী; লেন তরুক্কী অহমেদাবাদ-রাজকোত নেস্নেল হাইৱে; লেন মরিগী রাজকোত-মোর্বি স্তেত হাইৱেগীদমক উরেপ উয়ুং তমগনি । ফুল ওতোমেতিক মিল্ক প্রোসেসিং অমসুং পেক্কেজিং প্লান্ত অমা; অমসুং সুরেন্দ্রনগরগী জোরাবরনগর অমসুং রতনপুর লমদমগীদমক দ্রিঙ্কিং ৱাতর দিস্ত্রিব্যুসন পাইপলাইন অমসু মহাক্না কৎথোক্কনি । মহাক্না মীয়ামগী মীফমদা ৱা ঙাংগনি ।

তুংদা প্রধানমন্ত্রীনা গান্ধিনগরদা চৎকনি । মহাক্না নৌনা শাবা আইআইতি গান্ধিনগরগী বিলদিং কৎথোক্লগনি অমসুং প্রধানমন্ত্রী গ্রামিন দিজিতেল সকসরতা অভিয়ান (পিএমজিদিশা) হৌদোক্কনি । পিএমজিদিশা অসিনা খুঙ্গংগী লমদমদা লৈরিবা নাগরিকশিংদা দিজিতেল লিতরেসি ফংহন্নবা পান্দম থম্লি । মসিনা ইনফোর্মেশন, নোলেজ, ইদুকেসন, অমসুং হেল্থকেয়ার শিজন্নবা ঙমহল্লগনি । মসিনা লাইবলিহুদ জেনরেশন, অমসুং দিজিতেল পেমেন্তশিংগী খুথাংদা ফাইনান্সিয়েল ইনক্লুজনগীদমক লম্বীশিং শেমলগনি । মহাক্না মীয়ামগী মীফমদা ৱা ঙাংগনি ।

ওক্তোবর ৮গী অয়ুক্তা, প্রধানমন্ত্রী বাদনগরদা থুংলুগনি । মসিনা শহর অসিদা মহাক্না ওফিস পারক্লবামতুং প্রধানমন্ত্রীগী অহানবা খোয়চৎ ওইরগনি । মহাক্না হতকেশ্বর লাইশং চৎকনি । মীয়ামগী মীফম অমদা প্রধানমন্ত্রীনা ফুল ইম্মুনাইজেসন কোবর তৌনবগী পাম্দম অদুগী মায়কৈরোমদা খোংজং য়াংশিন্নবা ইন্তেনসিফাইদ মিসন ইনদ্রধনুস হৌদোক্কনি । প্রধানমন্ত্রীনা আইএমতিইসিঐচও হৌদোকপগী খুদম ওইনবা হেল্থ ৱার্করশিংদা ই-তেব্লেতশিং য়েনথোক্কনি । আইএমতিইসিঐচও হায়বদি “ইনোভেতিব মোবাইল-ফোন তেক্নোলোজী ফোর কমুনিতী হেল্থ ওপরেসন্স” হাইবনি । প্রধানমন্ত্রীনা মীয়ামগী মীফমদা ৱা ঙাংগনি ।

নুমীৎ অদুগী নুংথিলদা, প্রধানমন্ত্রীনা ভারুচতা থুংলুগনি । মহাক্না নর্মদা তুরেল মথক্তা শাগদবা ভদভুত বেরেজকীদমক উরেপ উয়ুং তমগনি । মহাক্না উধনা (সুরত, গুজরাত), অমসুং জৈনগর (বিহার)গী মরক্তা অনত্যোদয়া এক্সপ্রেস লমথাগনি । মহাক্না গুজরাত নর্মদা ফর্তিলাইজর কোওপরেসনগী মখল মখা য়াম্লবা প্লান্তশিংগী উরেপ উয়ুং তম্বা অমসুং শঙ্গাবগী খুদম ওইনবা প্লেকশিংগী মায়খুম হাংদোক্কনি । মহাক্না মীয়ামগী মীফমদা ৱা ঙাংগনি ।

ওক্তোবর ৮গী নুমিদাংৱাইরম প্রধানমন্ত্রী দিল্লিদা হলক্কনি ।