ভারতকী প্রধানমন্ত্রী
ঙসি প্রধান মন্ত্রী শ্রী নরেন্দ্র মোদী ওরিশাগী বারিপরীদা চৎখ্রে।
মহাক্না রসিকা রে তেম্পল অমসুং হরিপুরগরগী লীরবা লানবনগী এক্সকাভেতেদ স্ত্রকচরগী কঞ্জার্বেসন অমসুং দিবেলপমেন্তগীদমক থবক হৌদোকপগী খুদম ওইনবা দিজিতেল প্লেক মায়খুম হাংদোকখি।
নেস্নেল হাইৱে প্রোজেক্ত অহুমগীদমক মহাক্না উরেপ উয়ুং তমখি।
মহাক্না আই.ও.সি.এল.গী পরাদিপ–হল্দিয়া–দুর্গাপুর এল.পি.জি. পাইপলাইনগী বালেসোর–হল্দিয়া–দুর্গাপুর সেক্সন জাতিদা খুৎশিন্নখি। মহাক্না বালেসোরদা মল্তি মোদেল লোজিস্তিক পার্ক অমসুং পাসপোর্ত সেবা কেন্দ্র তরুকশু শঙ্গাখি।
মহাক্না তাতানগরদগী বদামপহার ফাওবগী অনিশুবা পেসেঞ্জর ত্রেনশু লমথাখি।
মীয়াম তিনখিবা অদুদা ৱা ঙাংলদুনা মহাক্না হায়খি মদুদি ঙসি শঙ্গাখিবা নত্রগা উরেপ উয়ুং তমখিবা প্রোজেক্তশিংগী অপুনবা শেনফম অসি লুপা কোতি ৪০০০গী মথক্তনি।
কেন্দ্র সকারনা ইনফ্রাস্ত্রকচর দিবেলপমেন্তদা মীৎয়েং থম্লি, মদুনা মীচম প্রজাগী পুন্সিদা ফন্দামেন্তেল ওইবা অহোংবা অমা পুরক্লগনি।
বালেসোর–হল্দিয়া–দুর্গাপুর এল.পি.জি. পাইপলাইন্না ত্রান্সপোর্তেসনগী মমল অমসুং মতম হন্থহন্দুনা ওরিশা অমসুং ৱেস্ত বেঙ্গোলগী শরুকশিংদা লায়না এল.পি.জি. ফংহনবা ঙম্লগনি।
২১শুবা চহীচা অসিদা কনেক্তিবিতীগী মরুওইবা অদুদা মহাক্না অকনবা ৱাফম থমখি। রেল কনেক্তিবিতী হেঙ্গৎহনবনা প্রজাশিংগী চৎথোক চৎশিন্দা লাইথোকহল্লগনি অমদি ইন্দস্ত্রীদা মিনরেল রিসোর্সশিং হেন্না ফংবা ঙমহল্লগনি হায়না মহাক্না হায়খি।
ইনফ্রাস্ত্রকচর হেঙ্গৎহনবনা মিদল ক্লাস অমদি লৈবাক অসিগী ময়াই ওইরপ্পা ইন্তরপ্রইজশিংদা খ্বাইদগী হেন্না কান্নবা ফংহল্লগনি হায়না প্রধান মন্ত্রীনা ফোংদোকখি। মোদর্ন রোদশিং, লু নানবা ত্রেনশিং অমদি ইকোনোমিকেল এয়ার ত্রাভেলনা মিদল ক্লাসকী পুন্সি মহিং ফগৎহনবদা থৌদাং লৌরি হায়না মহাক্না ফোংদোকখি।
পাসপোর্ত লৌবদা প্রজাশিংনা মায়োক্নরিবা অদু হন্থহন্নবা হৌখিবা চহী মরি মখায় অসিদা কেন্দ্র সরকারনা হোৎনরি হায়না প্রধান মন্ত্রীনা ফোংদোকখি। ঙসি শঙ্গাখিবা পাসপোর্ত সেবা কেন্দ্র তরুক অদু মায়কৈ অসিদা চংশিল্লিবা খোংথাং অমনি হায়না মহাক্না ফোংদোকখি। মসিবু মহাক্না ইজ ওফ লিভিংগী মায়কৈদা চংশিল্লিবা অতোপ্পা খোংথাং অমগুম পাওদমখি।
প্রধান মন্ত্রীনা হায়খি মদুদি সরকার অসিনা লৈবাক অসিগী ইনাক খুল্লবা কলচরেল হেরিতেজ য়োকখৎনবশু হোৎনরি। যোগ অমদি অয়ুরবেদকী ৱাখল্লোনগা লোয়ননা থাজবা, স্পিরিচুয়েলিতী অমদি পুৱারিগা মরী লৈনবা সাইতশিং এক্তিব ওইনা পব্লিসাইজ অমসুং প্রমোৎ তৌরি হায়না মহাক্না ফোংদোকখি। মসিগা মরী লৈননা মহাক্না রসিকা রে তেম্পল অমসুং হরিপুরগরগী লীরবা লানবনগী এক্সকাভেতেদ স্ত্রকচরগী কঞ্জার্বেসন অমসুং দিবেলপমেন্তগীদমক থবক হৌদোকপগী ৱাফম পনখি। সরকারনা লৌখৎলিবা অসিগুম্লবা খোংথাংনা তুরিজমবু ইনোৎ পীবদা মতেং ওইরি হায়না মহাক্না ফোংদোকখি।
