ভারতকী প্রধানমন্ত্রী

কর্নাতকাগী মুখ্য মন্ত্রী শ্রীমান য়েদিয়ুরপ্পাজী, দি.আর.দি.ও.গী চেয়রমেন দা.জী. সতিশ রেদ্দীজী, দি.আর.দি.ও.গী অতোপ্পা শক্নাইরবা ওফিসারশিং, এপেক্স কমিতীগী মীহুৎশিং! য়ং সাইন্তিস্তশিংগী লেব দাইরেক্তরশিং,

মরূপশিং,

ময়াম পুম্নমকপু অহানবা মক্তদা অনৌবা চহীগী য়াইফ পাউজেল পীজরি। হেপ্পী ন্যু ইয়ার… মসি মতাং চানরুবা হায়বদুনি মদুদি ঙাইহাক্কী মমাংদা ঐহাক লৌমীশিংগী থৌরম অমা তুমকুরদা য়াওজরুই অদুগা হৌজিক্না মফম অসিদা লৈবাক অসিগী নহা ওইরিবা অমসুং রিসর্সকী চিন্তা তৌরিবা অদোম মরূপ ময়ামগী মরক্তা শরুক য়াজরি। অদুগা হয়েং ঐহাক সাইন্স কংগ্রেসতা চৎকদৌরি। অমরোমদা কর্নাতকাদা ঐহাক্কী খোংচৎ অমদি ২০২০গী ঐহাক্কী অহানবা খোংচৎ অসি জয় জৱান, জয় কিসান, জয় বিজ্ঞান অমসুং জয় রিসর্সকী অনৌবা ভারতকী স্পিরিৎ অদু অমরোমদা কত্থোক্লি। অদুগা মসিমসু ঐখোয় পুম্নমক্কীদমক য়াম্না চাউথোকচনিঙাই হিরম অমনি মদুদি থৌরম অসি এরোনোতিকেল দিবেলপমেন্ত ইস্তাব্লিসমেন্তদা পাংথোক্লি, মফম অসিদা ঐখোয় পুম্নমক্কী নুংশিজরবা দা. এ.পি.জে. অব্দুল কলাম দি.আর.দি.ও.গা শম্নখি।

মরূপশিং,

চহী তরাগী খুজিং অসি অনৌবা ইন্দিয়াগী মওং মতৌদা য়াম্না মরুদি ওইরি। মরমদি ২০২০ হায়বসি অনৌবা চহী অমা নত্তে চহী তরাগী খুজিং অমা ঐখোয়গী মাংদা লাক্লি। অমদি লাক্কদৌরিবা চহীশিংদা ভারতকী পাঙ্গল করি ওইগনি, মালেমদা ঐখোয়গী মফম কদায়দা লৈগনি। চহী তরাগী খুজিং অসিনা মসিসু লেপথোক্লগনি। চহী তরাগী খুজিং অসি মহাশিংগী মাংলানগীনি, ঐখোয়গী নহা ওইরিবা ইনোভেতরশিংগীনি। মরুওইনা ২১শুবা চহী চাদা পোকখিবা নত্রগা ২১শুবা চহী চাদা মপুং ফানা নহা ওইরক্লিবা অদুগুম্লবা ইনোভেতরশিংগীনি। ২১শুবা চহী চাগী শিংনরকপশিং অদু থেংননবগীদমক অনৌবা ইনর্জীগা লোয়ননা থবক তৌগদবনি। নহাশিংদা রেস্ত্রিক্তিং কেপাসিতী য়াম্না য়াওরি। অসিগুম্বা থৌদাং অসি পুরদুনা লেবোরেতরী মঙা অসি হৌদোক্লিবনি। অদুগা ঐহাক্না পাম্লিবদি মখোয়না অরানবা তৌবা অমদি করিগুম্বা মসিগী লেবোরেতরী মঙা অসিনা বজেৎ পুম্বা লোইগে লোইশিনজসনু অমুক্তং ওইরবসু। সাইন্তিস্ত অমনা মহাক্কী মপুন্সী পুম্বা মাংহল্লবা মতমদতা লৈবাক অদুনা করিগুম্বা খরা ফংবা ঙমই। অদু ওইরগদি লন-থুম অসি করি ওইরিবগে, অদোম্না অদোমগী পুন্সী অদু কত্থোক্লগদি সরকারনা লন-থুম থাদবদা করি মাংজবগে।

অদুগা ঐহাক্না অপেনবা ফাওই মদুদি এদভান্স তেক্নোলোজীশিংগী লমদা লেবোরেতরী ৫ লিংখৎনবা ৱাফমদা চেকশিন্না থবক তৌরি অমদি ঙসি বেঙ্গলুরু, কোলকতা, চেনাই, হাইদ্রবাদ অমসুং মুম্বাইদা অসিগুম্বা সংস্থানশিং থবক হৌরে। অদুগা ঙসি ঐহাক্না মসি থাজবা থম্লি মদুদি মসিগী য়ং সাইন্তিস্ত লেবোরেতরীশিং অসিনা নহাশিং অমসুং সাইন্তিস্তশিংগী ৱাখল্লোন অমসুং লমচৎ-শাজৎতা অনৌবা অৱাংবা থাক অমা পীরগনি। অমদি ঐখোয় পুম্নমক্না অমত্তা ওইনা পুন্দুনা মসিবু থৌনা পীগদবনি। লেবোরেতরী অসিদগী ফংলকপা রিজল্তশিংনা এদভান্স তেক্নোলোজীশিংগীদমক ঐখোয়গী লৈবাক্না হোৎনরিবা অদুগী মওং মতৌ তাক্কনি। লেবোরেতরীশিং অসিনা লৈবাক অসিদা শাফোংলক্লিবা তেক্নোলোজীশিংগী লমদা, রিসর্স অমসু্ দিবেলপমেন্তকী মওং মতৌ অদু থৌরাং তৌবদা মতেং পাংগনি।

অদুগা ঐখোয়গী নহা ওইরিবা সাইন্তিস্তশিং অমসুং মরূপশিং অসিগী মফমদা ঐহাক্না হায়জনিবদি লেবোরেতরীশিং অসিনা তেক্নোলৌজী খক্তগী তেস্ত তৌরোই। মসিনা ঐহাক্কী নহা ওইরিবা সাইন্তিস্তশিংগী তেম্পরামেন্ত অমসুং পেসেন্সপুসু তেস্ত তৌরগনি অমদি মসিমক মখোয়গী খ্বাইদগী চাউবা পেরামীতরনি।

অদোম্না মতম পুম্নমক্তা খংগদবদি অদোম্না হোৎনবা অমসুং লেপ্পা লৈতনা প্রেক্তিস তৌবা খক্তনা ভারতপু মায় পাকপগী লম্বীদা মাংলোমদা পুখৎকনি। পোজিতিভিতী নত্রগা পর্পোজ মসিমক অদোমগী ইন্সপিরেসনগী সোর্স ওইগদবনি। অদোম্না মতম পুম্নমক্তা মসি পুক্নিংদা থমগদবনি মদুদি মীওই কোতি ১৩০গী পুন্সী শোই ঙামদবা অমসুং লাইথোকহনবগী থৌদাং অদু অদোমগী লেংবান্দা থোঙ্গৎতুনা লৈরিবনি।

মরূপশিং,

ঙসিগী থৌরম অসিদি হৌরকপদা ঙাইরিবনি। অদোমগী মাংদা লৈরিবা অসি শুপ্নতগী মথংগী চহী অমা খক্তা নত্তে, মথংগী চহী তরাগী খুজিং অমনি। মসিগী চহী তরাগী খুজিং অসিদা দি.আর.দি.ও.গী মীদিয়ম অমসুং লোং তর্ম রোদমেপ করি ওইগনি, মসিদা য়াম্না চেকশিন্না খন্থগদবনি। অদুগা ঐহাক ৱাফম অমগা থমজগে, মসিগী লেবোরেতরী মহা অসি ৩৫ অমসুং মসিগী মখাগী তিমনি অদুগা তিম অসিদা ৩৬ য়ৌরকপা মতমদা করি ওইগনি অদুনা ঐহাক্না মখোয় ময়ামগী মফমদা ইন্সুরেন্স পীজরি মদুদি হৌজিক্তি মসিগী লেবোরেতরী ৫ অসি ৪৫ ওইরকপগীসু কোমথোক্লগনি অমদি ৫৫ ওইরকপগীসু কোমথোক্লগনি।

মরূপশিং,

ঙসি লৈবাক অসিগী খ্বাইদগী ফবা সাইন্তিফিক মাইন্দ দি.আর.দি.ও.দা লৈরি। দি.আর.দি.ও.গী এচিবমেন্তশিং অসি মপাল নায়দে। হৌজিক ঐহাক্না য়েংখিবা একজিবিসন অদুদা হৌজিক লৈরিবা এচিবমেন্তশিংগা লোয়ননা তুংলমচৎকী ওইবা অদোমগী প্লান অমসুং প্রোজেক্তশিংসু খংবা ঙমই। অদুগা অদোমগী নহাশিংনা অরাইবা লোন্দাদা ইফমদা খংহনবিরিবা অদুনা ঐহাকসু খংবা ঙম্লে মদুদি হোয় মসিদি ঐহাকসু তৌবা ঙমগনি। মদু নত্রবদি স্কুলদদি করিসু খংবা ঙমখিদে। ঙসিদি অদোম্না তাকপীরে। অদোম্না ভারতকী মিসাইল প্রোগ্রামশিংবু মালেমগী খ্বাইদগী ফবা প্রোগ্রামশিংগী মনুং চলহল্লে। অমদি হৌখিবা চহীদি স্পেস অমসুং এয়র দিফেন্সকী লমদা ভারতকী পাঙ্গলবু অনৌবা মায়কৈ পীবা ওইখি। এ সেৎ… এ সেৎকী মওংদা খ্বাইদগী নৌবা স্পেস তেক্নোলোজীগী ওইবা মায় পাক্না চেংয়েং তৌখিবনা ২১শুবা চহী চাগী ভারতকী তৌবা ঙম্বা অদু দিফাইন তৌরগনি।

ময়াম পুম্নমক্না হোৎনখিবশিং অদুনা ঙসিদি ভারত এয়ারক্রাফতগী হৌরগা এয়ারক্রাফ কেরিয়র ফাওবা পুম্নমক শাবা ঙম্বা লৈবাক খরগী মনুং চল্লে। অদুবু মসি খক্তমক পাংথোকপনা য়ারগদ্রা। নত্তে… মরূপশিং মদুদগী হেন্না… অফবা থবক তৌবা অঙাংশিং অদু মমা মপানা য়াম্না ৱাই চিলহনবা অদু য়ুমদসু উবা ফংবিরমগনি, মখোয়না মঙা তৌবা মতমদা তরেৎ তৌনবা হায়রিবা অদুনি।

য়েংবিয়ু রামচরিত্র মানসতা য়াম্না ফবা ৱাফম অমা হায়রি। রামচরিত্র মানসতা হায়রিবদি

কৱন জো কাম কথিন জগ মাহী।

জো নহি হোই তাত তুমহ পাহী॥

হায়বদি মালেম অসিদা অদোম্না তৌবা ঙমদবা করি লৈবগে। অদুনা পুম্নমক পাংথোকপা ঙমই অদোমগীদমক থবক অমত্তা অরুবা ওইদে। রামচরিত্র মানস ইবা মতম অদুদা দি.আর.দি.ও. লৈরক্কনি হায়বা মহাক্না খংলম্বগুম্বনি। ঐহাক্না দি.আর.দি.ও.গীদমক্তসু মসি অমুক হন্না হায়বা পাজৈ। অদোমগী তৌবা ঙম্বা অদু মপাল নায়দে অদোম্না কয়া অমা পাংথোকপা ঙমগনি। ইশাগী স্কোপ অদু হেন্না পাকথোক চাউথোকহনবিয়ু, ইশাগী পর্ফোমেন্সকী পেরামীতর অদু হোংদোকপীয়ু, ইশাগী তৌবা ঙম্বা অদু মপুং ফানা উত্থোকপীয়ু। তঞ্জা লৈরে অমদি ঐহাক্না অদোমগীদমক লেপলি।

লৈবাক্কী প্রধান মন্ত্রী ওইনা ঐহাক্না অদোমগী মাংদা লেপতুনা হায়রিবা অসিনি মদুদি সরকারনা মপুং ফানা অদোমগীদমক লেপলি, লৈবাক্কী সাইন্তিস্তশিংগা লোয়ননা, ইনোভেতরশিংগা লোয়ননা অমত্তা ওইনা চৎমিন্ননবগীদমক ঙসি হিন্দুস্তান্না থৌরাং তৌদুনা লৈরি। ময়াম পুম্নমক ৱাফম অসি খংলিবা অদুনি মদুদি লাক্কদৌরিবা মতমশিংদা অতিয়া অমসুং সমুদ্রগা লোয়ননা সাইবর অমসুং স্পেসসু মালেমগী স্ত্রেতেজিক দাইনামিকশিংবু লেপথোক্লগনি। মসিগা লোয়ননা ইন্তেলিজেন্ত মেছিনশিংনা তুংগী দিফেন্স সেক্যুরিতীগী সিস্তেমদা মরুওইবা থৌদাং লৌরগনি। অসিগুম্বা মতম অসিদা ভারতনা কনাদগীসু তাথনা লৈবা য়ারোই। ইশাগী নাগরিকশিং, ইশাগী ঙমখৈশিং অমসুং ইশাগী ইন্তরেস্তকী দিফেন্সকীদমক তুংগী তেক্নোলোজীদা ইনভেস্তমেন্তসু দরকার ওই অমসুং ইনোভেসনসু তৌদবা য়াদবনি।

ঐহাক্না থাজবা থম্লি মদুদি অনৌবা ভারতকী দরকার ওইবশিং অমসুং এস্পিরেসনশিংবু মপুং ফাহনবদা অদোম করিগুম্বা অমত্তা থাদোক্লোই, অদুগা ঐহাক্না মসিমসু হায়নিংই মদুদি অদোমগী এক্সপান্সন অদু ভারতকী মনুং খক্তদা নৈশিন্দুনা লৈহল্লোইদবনি। দি.আর.দি.ও.গুম্বা সংস্থাননা মালেমদা মীওইবা জাতিদা কয়া অমা পীবা ঙমই। ৱার্ল্দ সেক্যুরিতীদা অদোম অচৌবা থৌদাং লৌবা য়াই। ঙসি ঙমখৈদগী লান্দারকপগী অকিবা লৈতবা মালেমগী লৈবাক কয়া অমা লৈরি। য়ুম্লোন কৈরোন্নবদা লৈরিবা পুম্নমক মরূপ লৈবাক ঙাক্তনি। অদুবু লৈবাক অসিসু নোংমৈ পায়রক্কনি হায়বা কৈদৌনুংদা খল্লুদে মরমদি য়ুম্লোন কৈরোন্নবদা কৈদৌনুংদা লানগী অকিবা লৈখিদে। ঙমখৈশিং খুদোংথিনিঙাই ওইখিদে হাংদোক্লম্মি, ইংনা তপনা লৈরম্মি, নুশিবনা থল্লবা এতমোসফিয়ার লৈরম্মি অদুবু অদুগুম্লবা লৈবাক অদুসু তেরোরিজম্না চৈথেং পীররে। মখোয়সু নোংমৈ পায়বা তারক্লে।

দি.আর.দি.ও.না অসিগুম্বা লৈবাকশিংদসু ইন্তরনেল সেক্যুরিতী হেঙ্গৎহনবদা থৌদাং লৌবা য়াই। ঐহাক্না থেংনরুবা লৈবাক মচা-মচাশিংগী দরকার ওইবসু হেঙ্গৎলক্লি। অকক্নবা রিসোর্সশিং লৈরবা ফাওবা মসিগী থ্রেৎশিং অসিগীদমক মখোয়না অনৌবা খরা খনবা তাই। ঐখোয়না অসিগুম্লবা অপিক-অপিকপা মীওইশিং অসিগী মখুৎ পায়দুনা মখোয়বু সেক্যুরিতীগী গরেন্তী পীবা য়াই। মসি হ্যুমেনিতীগী থবক ওইগনি। অমদি অদোম্না তৌখিবা অসিগুম্লবা থবক থুদিংমক হ্যুমেনিতীগী য়াম্না চাওবা সেবা ওইগনি অমসুং মালেমগী ফম্বাকথক্তা ভারতকী থৌদাংসু হেন্না চেৎশিনগনি।

মরূপশিং,

দিফেন্স মেনুফেকচরিংগী লমদা, ভারতপু মরোমদোম লেপচবা ঙমজনবগীদমক দি.আর.দি.ও.না অনৌবা ইনোভেসনগা লোয়ননা মাংদা লাকপা তাই। লৈবাক অসিদা ভাইব্রেন্ত দিফেন্স সেক্তর অমা পুক্নিং থৌগৎপদা, মেক ইন ইন্দিয়াবু মপাঙ্গল কনখৎহনবদা দি.আর.দি.ও.গী ইনোভেসনশিংগী য়াম্না চাউবা থৌদাং লৈরি। মরম অদুনা ঐখোয়না লেপতনা হোৎনগদবদি দিজাইনদগী হৌরগা দিবেলপমেন্ত ফাওবা ঐখোয় মপুং ফানা ইরোমদোম লেপচবা ঙম্বা তাই। ঐখোয়না ইন্তেগ্রেসন অমসুং ইনোভেসন্দা মপুং ফানা পুক্নিং চংবা ইকোসিস্তেম অমা শেমগৎপা তাই।

মরূপশিং,

ঙসিদি ভারত দিফেন্সকী লমদা অনৌ-অনৌবা রিফোর্মসকী মায়কৈদা খোংজেল য়াংনা মাংলোমদা চংশিল্লি। মালেমদা খোংজেল য়াংনা অহোংবা লাক্লিবা মখৈ তেক্নোলোজীনা লেপ্পা লৈতনা খুদুম চনশিল্লক্লি। ভারতনা শুপ্নতগী লীরবা সিস্তেমশিংদা থাজবা থমদুনা লৈথোকপা য়াদে। ১৯শুবা চহী চাগী সিস্তেমসিংনা ২১শুবা চহী চাবু লান্থোকপা ঐহাক ঙম্লোই, হৌজিক হপ্তা অসিদা সরকারনা চিফ ওফ দিফেন্স স্তাফসু হাপখ্রে। চিফ ওফ দিফেন্স স্তাফ অসিনসু মশা মথন্তা চাউনা অহোংবা পুরক্লগনি। মদু দাইরেক্ত কনেক্সন দি.আর.দি.ও.দগী চৎলগনি। চহী কয়াগী মমাংদা ৱাফম অসিগী দরকার ওইবা অদু ফাওখ্রবনি মদুদি ভারত্তা আর্মী অহুমগী মরক্তা হেন্না ফবা সিনর্জীগীদমক অসিগুম্বা মখলগী ফম লৈফম থোকই, সিস্তেম লৈফম থোকই। ফম অসি, ঐখোয়গী সরকারনা লৈবাক্কী মফমদা শকখিবা ৱাশক্নি, মদু ঐখোয়না মপুং ফানা পাংথোক্লে।

মরূপশিং,

ঐখোয়না মতমগী মতুং ইন্না অহোংবা লাকপসিগা লোয়ননা ঐখোয় ইশামকপু লেপ্পা লৈতনা মপাঙ্গল কনখৎহনবা লৈবা তাই। মসিমক লৈবাক অসিনা ঐখোয়দা থম্লিবা থাজবনি অমদি য়ং সাইন্তিস্ত লেবোরেতরীশিং লিংখৎপগী পান্দমসু মসিনি। ঙসিদি, তুংদা লাক্কদবা তেক্নোলোজিকেল চেলেঞ্জশিংসু থেংনরগনি, দি.আর.দি.ও.গী ৱার্কিং কলচরদসু অনৌবা ইনর্জী হাপচিল্লগনি, অপাম্বা অসিগা লোয়ননা ময়াম পুম্নমকপু অমুক হন্না ঐহাক্কী মায়কৈদগী হন্না-হন্না থাগৎচরি।

অদোম অমসুং অদোমগী ইমুং মনুংবু অমুক হন্না অনৌবা চহীগী য়াইফ পাউজেল পীজরি।

হন্না-হন্না থাগৎচরি।