ভারতকী প্রধানমন্ত্রী

(মখাগী অসি প্রধানমন্ত্রীনা গুজরাত্তা ঙাংখিবা ৱারোলগী হিন্দীগী ৱাহন্থোক্নি)

মশিং য়াম্না তিল্লিবা ইচিল-ইনাও অমসুং ইচল-ইচেশিং

কেং ছো, বধা?

ঙসিদি লম্পাক অসি পীকশিল্লবোই খল্লে ঐ। মপান্দসু মফম অমত্তা লৈত্রে। অদোম নীংশিংবীরিবরা মফম অসিদা ইকোন কোনবা ওইনা করম্বা প্রধানমন্ত্রীনা উনখি হায়বা? নত্তে…নত্তে…, কনাগুম্বা প্রধানমন্ত্রী অমদি লাক্লমগনিদনা? ফরে, করিসু কাইদে। মসি পুম্নমক্ অসি ঐগী লাইবক্নি!

ইহান হানবদা ঐহাক সহকারী তাইবংপু থাগৎপা ফোংদোকচরি। লোইননা হৌজিক অনৌবা মীরোলসু য়াওশিনবা হৌরক্লে। মতম অমা লৈরম্মি। সহকারী তাইবংদা রতুভাই অমসুং অখঙ-অহৈ কয়া শরুক য়ারম্মি। সহকারী অমসুং রাজকীয় – লম অনিমক অখঙ-অহৈশিংগী মিয়েং মখাদা লৈরম্মি। অদুবু হৌখিবা মতম খরদগী অনৌবা তীমনা অমরেলী জিলাবু চাওখৎপগী অনৌবা মতোল অদুদা পুখৎলি। ঐনা অমরেলীগী এপিএমসি মার্কেৎ অসি মসিগী মমাংদসু উন্নখ্রে। অদুবু ঙসি ঐখোয়গী পীপীনা তৌরিবা অঙকপা অমসুং লিংখৎলিবা মোদেল অসি তশেংনমক থাগৎনীংঙাইনি। পীপী অমসুং মহাক্কী তীমবু হন্না হন্না থাগৎচরি।

দিলীপভাই থৌবাংবা অমনি। থবক্না মহাক্কী পুন্সিনি। মহাক্ থবক য়াওদনা হিংবা ঙমদে। অনৌবা করিগুম্বা খরা তৌবা, করম্না তৌবা মসি খন্দুনতা লৈ। ঐনা নীংশিংলি মদুদি গুজরাত্তা ঐখোয়গী হান্নগী সরকারশিংনা সৌরাষ্ট্রদা দায়রী ইন্দস্ত্রী কৈদৌঙৈদসু চাওখৎতনবা অসিগুম্বা ৱারেপ অমা লৌরম্মি। কৈদৌঙৈদসু লাক্লমদে। করি দশানো! ঐখোয়না কাংলোন নাইনা অহোংবা পুরকখি। খ্বাইদগী হান্না দিলীপভাইনা লেপখি মদুদি ফিভম অসি হোংদোক্কে। অমসুং ঙসিদি অপেনবা পোকচরে মদুদি মহাক্না থবক অদু তৌরে। ঙসি অমরেলী পন্থক অপুনবা কান্নবা ফংলে। অমরেলী পন্থক অপুনবগী শা-শণ য়োকপশিং, লৌমীশিং, শঙ্গোমগী পোৎথোক্কা লোইননা হকথেংননা-নাকোইননা শম্নরিবা মীয়াম্না শঙ্গোমগীদমক্তা মতিক চাবা কৈথেল ফংলে। মসিদসু নত্তে, মখোয়বু শঙ্গোমগী মহুত্তা মরাং কাইনা অমদি মতিক চাবা মমল ফংলে। ঙসি ঐহাক ৱাফম অসিগীদমক অপেনবা পোকচরি মদুদি মাই পাকপা অসিখক্তদা থবক অসি লেপথোকখিদে, অদুম ওইনমক এপিএমসিনা অনৌবা তেক্নোলোজী শিজিন্নখি, সোইল তেস্তিং লেব শেমগৎলে, কৈথেলদা বাজারদা লাক্লিবা পোৎশিংগী গ্রেদেশন তৌনবগীদমক লেব শেম্লে, অমসুং ভারত সরকারনা শেমখিবা ই-নাম স্কিম অসিদা লৌমীশিংনা হিন্দুস্তানগী কৈথেল অমা হেক্তদা মমল হেন্না ফংবা মফমদুদা মখোয় মশাগী পোৎ য়োঞ্জবা ঙম্নবগীদমক ভারত সরকারনা দিজিতেল প্লেৎফোর্ম অমা শেমই, হায়রিবা দিজিতেল প্লেৎফোর্ম অসিগীদমক্তা গ্রেদেশনগী তঙাইফদে, অমসুং থবক অদু ভাই পীপীনা তৌদুনা উৎলে। ঐহাক শরুক চাম্মা থাজৈ মদুদি গুজরাৎকী অতৈ এপিএমসিগীদমক্তসু অমরেলীনা অনৌবা লম্বী তাক্লি। ঐনা মহাকপু নোল্লুকপা উৎচরি অমসুং গুজরাত্তা এপিএমসিদা অমরেলী খ্বাইদগী অহানবা ওইরম্মি, অমসুং ঙসি চহি ১০গী খুজিং ৬কী মতুংদা অমুক হন্না … অমরেলী অনৌবা তোক্নোলোজীগী তাইবংদা অনৌবা লম্বী পীরিবা অহানবা ওইরে, মসিগীদমক নোল্লুকচবদা মতিক চাই।

ঙসি পোৎলম অনিখক্কী মাইকৈদা অদোম্বু পুক্নীং চিনশিনগদৌরিবনি।

অহানবদা ঙসি মফম অসিদা স্বীৎ রিবোলুশন খোইহিগী ইহৌ, খোইহিগী ইহৌ হৌদোক্কদৌরি অমসুং অতোপ্পনা গুজরাৎকী কিলোমিতর ১৬০০কী সমুদ্র খোংবান, মদু ব্লু রিবোলুশনগীদমক লীদ তৌবা ঙমগনি। ঐখোয়গী ঙামী ইচিল-ইনাও, ঐখোয়গী সমুদ্রগী লন-থুম্বু অনৌবা য়াওলগী খুদম পুদুনা মাংদা চখৎপা ঙমগনি অমসুং পোৎলম অনি অসি গুজরাৎকী খুঙ্গং অমসুং সমুদ্র খোংবান্দা অনৌবা মফম অমা পীনবা খোংথাং স্কিমশিং অসিদগী হৌদোক্লি। হ্বাইৎ রিবোলুশন পাংথোকপা, গ্রীন রিবোলুশন পাংথোকপা অসি ভারত সরকারগী মঙলান্নি স্বীৎ রিবোলুশন হায়বদি খোইহিগী ইহৌসু ঐখোয় খোংজেল য়াংনা চাওখৎহনগদবনি অমসুং অমরেলী জিলানা … ঐনা অদোমদা চাওরাক্না চহি অম-অনিগী মমাংদা দিলীপ ভাই অমসুং পুম্নমক্কা লোইননা ৱারি শাখি মদুদি ঐখোয়না শঙ্গোম লৌননবা চৎপা মতমদা লৌমীশিংগী মফমদগী শঙ্গোম পুরকপা অদুগুম্না খোইহিসু খোমলকপা য়াই। অমসুং কনাগুম্বা মখোয়গী হয়িংখোই ৫০ লোইরবদি চহি অমদা য়ামদ্রবদা লুপা লাখ ২গী খোইহি মখোয়না য়োনবা ঙমগনি। মসি অহেনবা চাগানি অমসুং হয়িংখোইনা মরম ওইদুনা লৌবুক্কী পোৎথোক্তসু হেনগৎহল্লি, মরমদি খোইহি অসি অমরোমদা হয়িংখোইনা থৌরাং তৌই।

ঙসি ঐহাক মসিগী উরেপ-উয়ুং তম্বগী তাঞ্জা ফংজরে অমসুং অতোপ্পা হিন্দুস্তানগী কাচিন অমদবু চৎলবসু অফবা থবক্কী মতমদা অথুম্বা পীজৈ, গুজরাৎ মথন্তনি অফবা থবক্তা আইসক্রীম পীজবা অমসুং ঙসি অমরেলী দায়রী আইক্রীমগী প্লান্তসু তৌরি। অনৌবা স্কিম অনিমক্কীদমক্তা ঐগী মাইকৈদগী হন্না হন্না য়াইফ-পাউজেল পীজরি অমসুং থবক অসি মখা চৎথবা ঙম্ননবা চাওরাক্না লুপা কোতি ৪০০ স্কিম অনি অসিগীদমক্তা ভারত সরকারগী মাইকৈদগী ফংলগনি।

ঐনা লৌমী ইচিল-ইনাওশিংদা হায়জরি মদুদি খোইহিগী ইহৌ, খোইহি, হয়িংখোই য়োকপা লৌবুক্তা অহেনবা থবক য়াওদনা মহৌশাগী ওইবা মওংদা পাংথোকপা য়াই অমসুং মহৌশাগী ওইবা মওংদা ঐখোয়না মসিগী থৌরাং তৌরবদি মার্কেতিং তৌরবদি য়াম্না চাওনা শেন্দোক ফংবা ঙমগনি। অমসুং মসিদা নত্তনা করিগুম্বা মার্কেতিং তৌবা ঙমদ্রবসু য়ুমদা অঙাংশিংনা চারগসু খোইহি অসি হকশেলগীদমক্তা অফবা অমনি। অমসুং মরম অসিনা খোইহিগী ইহৌগীদমক্তা গুজরাৎ অপুম্বদা দায়রীগী নেৎৱর্ক লৈবা মফমদা মদুগা লোইননা খোইহিগী ইহৌ য়াওহন্দুনা অনৌবা য়াৱোলগী মাইকৈদা চৎকদবনি।

ঐখোয়গী রুপালাজীনা হায়বী মদুদি য়ুবরাজ মেহতানা চৎখ্রবা মতুংদা মফম অসিদা কোলেজ অমত্তদা অনৌবা অমত্তা লাকখিদ্রে। মসিদা শুপ্নগী ঐখোয় ময়াম্না লাক্লবদি মসি য়ুবরাজ ভাই মেহতাগী মতুংদা মফম অসিদা মহৈ-মশিংগী লমদা য়াৱোলগী থবক তৌরে। ব্রোদ গোজ রেলৱে, নেস্নেল হাইৱে অমরেলীগী মীয়াম্না ৱাখল থাদোক্লুরবনি মদুদি কৈদৌঙৈদসু তাঞ্জা অদু লাক্লরোই হাইনা। দিল্লীদা অদোম্না ঐবু সেবা তৌনবগী তাঞ্জা পীবীরে অদোমগী অপাম্বা অনিমক ঙসি খোংজেল য়াংনা খুমাং চাওশিল্লি।

ইচিল-ইনাওসা, ২০২২ ঐখোয়গী নীংখা তম্বগী চহি ৭৫ মপুং ফাগদৌরি। অমরেলী জিলা নীংতম্বগী ইহৌদা মাং থাখিবা জিলাশিংগী মনুংদা অমরেলী জিলাসু য়াওরি অমসুং ২০২২, নীং-খা তম্বগী ৭৫শুবা চহি করম্না পাংথোকসিগে, নীং-খাতম্বগীদমক্তা লান্থেংনখিবশিংবু করম্বা ভারত পীসিগে, মখোয়গী মঙলানগী ভারত করম্না পীসিগে, ঐনা খল্লি হৌজিক মতম অদুনি, ঐখোয়গী অমরেলী জিলা, অমরেলীগী ম্যুনিসিপালীতিশিং, অমরেলী জিলাগী তহসীল পঞ্চায়ৎ, অমরেলী জিলাগী পঞ্চায়ৎ, গ্রাম পঞ্চায়ৎ, কোওপরেতিব লুপশিং, মহৈ-মশিংগী লুপশিং, খুন্নাইগী লুপশিংনা ৱারেপ লৌরসি মদুদি ২০২২, চহি মঙাগী মনুংদা ঐখোয়না মসি তৌদুনা, লৈবাক অসিদা ঐখোয়না মসি শোইদনা পীগনি, ৱারেপ অসি লৌসি অমসুং চহি মঙাদা নুংতিগী করি থবক তৌগনি, মদু তৌদুনা মপুং ফাহনসি, ৱারেপতগী থবক্তা ওন্থোকপগী খোংচৎ অদি ঐখোয় মপুং ফাহনসি। ঐখোয়গী মঙলান্নি ২০২২দা ঐখোয়গী লৈবাক্কী লৌমীশিংগী চাগা শরুক অনি হেনগৎহনগনি।

ইচিল-ইনাওসা, করিগুম্বা থৌরাং অমগী মখাদা ঐখোয়না মখা চৎথরবদি, হিন্দুস্তানগী লৌমীশিংদা সরকার, খুন্নাই, লৌমী পুন্না হোৎনমিন্নদুনা পন্থুং অদু ফংবা ঙম্বগী থৌনা লৈ। অদুবু মদুগীদমক্তা হান্নদগী চৎনরক্লবা লিচৎ অদুদগী হোংদোক্তুনা অনৌবা মওংদা চৎপগী মথৌ তাই। অনৌবা পোৎশকশিংবু লৌশিনবা তাই। ঙসি লর্মদা য়োজনা মপুং ফারে, মদু গুজরাৎকী পুন্সিদা চাওথোকচনীংঙাই ওইবা মিকুপ্নি। য়াম্নমক চাওথোকচনীংঙাই ওইরবা নুমিৎনি, অদুবু নর্মদাগী ঈশিংনা করিগুম্বা দ্রোপ ইরিগেসন শিজিন্ননবগী হৈনবী থম্লবদি ঐখোয়গী লৌউবগী থৌওং অদু দ্রোপ ইরিগেসন লোইনদুনা তৌবীরবদি ঐখোয় খক্তগী নত্তনা লাক্কদৌরিবা চহি ১০০ ফাওবা ঐখোয়গী মীরোলশিংগী ঐখোয়না অফবা তৌবা ঙমগনি অমসুং মরম অসিনা নর্মদাগী ঈশিংবু মতৌ অসুম্না শিজিন্ননবগী ঐখোয়না ৱারেপ লৌরে। গুজরাৎনা অচৌবা খোংথাং অমা পাইখৎলে। লৈবাক অসিদা চৎথরিবা দ্রোপ ইরিগেসনগী থবক অসিদা শুপ্নগী চাদা ২৫ খক গুজরাৎনা তৌদুনা উৎলি মদু গুজরাৎকী লৌমীশিংবু নোল্লুকচনীংঙাইগী মচাক্নি। অদুবু ৱাফম অসি মসিদা লোইদ্রি। হৌজিকসু ফনা য়াম্না তৌনীংঙাইগী তাঞ্জা লৈরি অমসুং ঐখোয় মাইকৈ অসোমদা হোৎনসি। লৌউ-শিংউবগা লোইননা অতোপ্পা পোৎশক অনি। লৌমী কয়ানা সোলর পম্পকী মাইকৈদা চংশিল্লি। মৈগী বীল লুপা অমফাওবা লাক্কদবা লৈতে। ইশাগী লোবুক্তা সোলর পেনেল হাপ্পা, মদুনা পম্প চলাইবা, মদুদগী ঈশিং লৌথোকপা, লৌমীগী মৈগী বীল কঞ্জবা অমসুং লৌমীনা লুপা লিশিং কয়াগী চাদিং কঞ্জগনি। লৌমী কয়ানা হৌজিক সোলর পৱারনা চলাইবা পম্প লোমদা খোং থাংজিন্নরি। দ্রোপ ইরিগেসনবু ওইরো, সোলর পম্পপু ওইরো, সোলর পৱারদগী চৎনবা ঙম্বা মৈগী থৌরাংবু ওইরো, অদোম ঐঙোন্দা হায়বীয়ু মদুদি চাদিং হন্থগদরা হন্থরোইদ্রা? চাগা হেনগৎকদ্রা হেনগৎলোইদ্রা? অদুগা ঐখোয়গী লৌবুক মওং চুম্না শিজিন্ননবগীদমক ঐগী লৌমীশিংদা হায়জরি মদুদি মাইকৈ অসোমদসু মখোয় থোকপীরকউ। অদুগা কোওপরেতিবকী খোংজং চংসিল্লিবা মরূপশিংসু মসিদসু থোকপীরকউ। লৌমী পুম্নমক অমত্তা ওইনা পুন্দুনা লৌবুক্কী ময়াদা সোলর পেনেল থমদুনা, পুন্না হোৎনমিন্নদুনা মৈ পুথোকপীয়ু অমসুং মসিনা মরম ওইদুনা লৌমীশিংগী মরু ওইবা চাদিং ওইরিবা ঈশিং অমসুং মৈ, মদুদগী লৌমীশিং থোরকপা ঙমগনি। অদোম খনবীয়ু মদুদি কয়াদা অহোংবা পুরক্কদা লোইননা ৱাফম অমা ঐ তশেংনা হায়জগে মদুদি ঐখোনায় মপাল্লোমদা তরা তিংদুনা ঐখোয়না লম মিতর অনি-অহুম মাংহল্লি। মফম অদুদা ঐখোয় তিম্বরগী লৌউ পাইখৎলবদি, উগী লৌউ পাইখৎলবদি লোইননা য়ুম শানবা উগী পোৎথোক পুথোক্লবদি ভারত সরকারনা অনৌবা কাংলোন শেম্নবগী মাইকৈদা খন্নরি মদুদি কনাগুম্বা লৌমীনা মখোয়গী লৌবুক্কী মতাইদা অসিগুম্বা মখলগী উ থারবদি মদু চাওরগা য়োঞ্জনবগী হক মহাক্না ফংগনি, সরকারগী উমংগী কাংলোন্না করিগুম্বা মখল অমত্তগী অপনবা মঙোন্দা পীরোই অমসুং লৌমীগী থৌনা হেনগৎহন্নবা অদুগুম্বা কাংলোন পুরক্নবগী মাইকৈদা সরকারনা থবক পাইখৎলি। লৌবুকশিং অরেম্বদা মাংগদৌরে অমসুং ঙসিদি য়ুম শানবা উশিং মীরমদগী পুসিল্লক্লি। ঐখোয়গী লৈবাক্কী লৌমীনা পাম্লবদি য়ুম শানবা উশিং থাদুনা মালেম শিনবদগী পুশিল্লকপা লেপখ্রগদি লৌমীশিংগী চাগা হেনগৎলক্কদ্রা হেনগৎলক্লোইদ্রা? মসিগা লোইননা শা-শন লোইবা।

ঐখোয়গী অসিদা মালেম অসিদা শা অমনা পুথোকনরিবা শঙ্গোমগী পোৎথোক অসি ঐখোয়গী অসিদা য়াম্না হন্থৈ। মখোয়গী য়োকপী-থাকপীবা মতৌ অসুম্না তৌগদবনি, মখোয়গী লাইনা-তিন্নাগী থৌরাং অসুম্না তৌগদবনি। মতৌ অসুম্না মখোয়বু শজীক পীজগদবনি, মখোয় ঐখোয়গী থাইনগী চৎনবীগী মতুং ইন্না চাবা য়াবা অদুতমক পীজৈ, মদুনা মরম ওইদুনা ঐখোয়গী শা-শনশিংনা মখোয়গী মপাঙ্গলগা য়েংনরুবদা য়াম্না লিক্না শঙ্গোম থোক্লিবনি। ঙসি লৌমীশিংনা করি তৌরি শঙ্গোমগী পোৎথোক হেনগৎনবা শা অনিগী মহুত্তা মরি লোইরি, শা মরিগী মহুত্তা নিপাল লোইনরি অদুনা মরম ওইদুনা চাদিং অসুম অসুম হেনগৎলি। মদুগী মহুত্তা শা অনিনা করম্না শঙ্গোম হেন্না থোকহনগনি হায়বরোমদা পুক্নীং চংলগদি লৌমীশিংগী চাগা হেনগৎকনি অমসুং লৌমীশিংগী কোকথক্তগী পোৎলুম হন্থগনি অমসুং মদুনা মরম ওইদুনা মরু ওইনা শা-শন লোইবগী থবক ঐখোয়গী ইচল-ইচেশিংনা তৌনৈ মখোয়বু মতিক চানা ত্রেনীং পীননবা ঐখোয়না হোৎনরি।

অচিল-ইনাওসা, গুজরাৎকী খুঙ্গং ৱাৎত-পাদবা ওইনবা, গুরাৎকী লৌমী ৱাৎত-পাদবা ওইনবা, লৈবাক অসিগী লৌমীশিংনা স্কিম অসিগী কান্নবা ফংনবা, লৈবাক অসিগী লৌমীশিং ৱাৎত-পাদবা ওইনবা অমসুং লৈবাক অসিগী খুঙ্গংগী পন্সিদা শেনমিৎলেনগী ইহৌগী শাফু পীননবগী মাইকৈদা থবক ময়াম অমা পুদুনা ঙসি ভারত সরকারনা মাংদা চখৎলিবা অসিদা অমরেলী জিলানা কোওপরেতিবকী লমদা অঙৌবা ইহৌ, খোইহিগী ইহৌ, ব্লু রিবোলুশন, এপিএমসি, দায়রি ইঞ্জিনীয়ারিং থৌরম কয়া পাইখৎলকপা অসিদা ভারত সরকারনা মতম পুম্নমক্তা অদোমগা লোইনগনি, অদোম মাংদা চংশিল্লবদি ভারত সরকারবু অদোম্না মতম পুম্নমক্তা অদোমগী নাক্তা লৈবা উগনি অসিগুম্বা ভারত সরকারগী কাংলোন্নি অমসুং মসিগী কান্নবা হিন্দুস্তানগী জিলা অমা হেক্তনা লৌবা য়াগনি। কোওপরেতিব জিলা অমা হেক্তনা পাইখৎপা য়াই। অমরেলীনা মসিগী কান্নবা নীংথিজনা লৌবীয়ু, গুজরাৎকী জিলাশিংনা নীংথিজনা লৌবীয়ু, ঐনা অদোম পুম্নমক্তা হন্না হন্না য়াইফ-মঙ্গল পীজরি।
হন্না হন্না থাগৎচরি মরূপসা