ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা মীয়াম্না শিজিন্নবা পোৎলম কয়ামরুমগী জিএসতি রেৎশিংদা চাউনা হনথহনখ্রবা হেক মতুংদা, জিএসতিগী মখাদা নেস্নেল এন্তি-প্রেফিতীয়রিং ওথোরিতী (এনএএ)গী চিয়রমেন অমসুং তেক্নিকেল মেম্বরশিংগী ফম হাপ্পদা মখোয়গী অয়াবা পীখ্রে। অয়াবা পীবা অসিনা এপেক্স বোদী অসি খুদক্তা লিংখৎপগী লম্বী অসি পীরগনি, মসিগী পান্দম গুদ্স নত্রগা সর্বিসশিংদা জিএসতিগী রেৎশিংগী কান্নবা, অরোইবা পোৎ লৈবা অদু ফাওবা মমল হন্থনা ফংহনবনি।

ভারত সরকারগী সেক্রেতরীগী থাক্তা লৈবা সেনিয়র ওফিসর অমসুং কেন্দ্র অমসুং/নত্রগা রাজ্যশিংদগী তেক্নিকেল মেম্বর মরি লৈগদবা নেস্নেল এন্তি-প্রেফিতীয়রিং ওথোরিতী লিংখৎপা অসিনা সরকারনা গুদ্স অমসুং সর্বিসকী হন্থবা মমলগী মতাংদা জিএসতি চৎনহনবগী কান্নবা, পোৎ লৈবশিংদা ফংহন্নবগী ওইথোকপা য়াবা পুম্নমক পাইখৎলি হায়বদু পোৎ লৈবশিংদা ফাওহল্লগনি।

মসি নীংশিংবা য়াই মদুদি নবেম্বর ১৪, ২০১৭কী অহিং নোংয়াইদগী চৎনবা হৌখিবা জিএসতিগী রেৎশিংদা পোৎলম ১৭৮দা জিএসতিগী রেৎ অদু চাদা ২৮দগী হন্থহন্দুনা চাদা ১৮ ওইহনখি। হৌজিক অসিগুম্বা জিএসতি চাদা ২৮ ওইবা পোৎলম শুপ্নগী ৫০ রোমদা ঙাইহৌরে। মতৌ অসুম্না পোৎলম কয়া মরুমদসু জিএসতিগী রেৎশিংদা চাদা ১৮দগী ১২ ওইহনখ্রে অমসুং মতৌ অসুম্না পোৎলম খরদি জিএসতিদগী মপুং ফানা লৌথোকখ্রে।

জিএসতিগী কাংলোন্দা পল্লিবা “এন্তি-প্রেফিতীয়রিং”গী পাম্বৈ অসি মখাগী অসি লেপথোক্নবগীদমক ইন্সতিত্যুস্নেল মেকানিজম অমা ফংহল্লি মদুদি গুদ্স অমসুং সর্বিসশিং ফংহনবদা ইনপুৎ তেক্স ক্রেদিৎ অমসুং জিএসতিগী হন্থরবা রেৎশিং মপুং ফানা কান্নবা, পোৎ লৈবশিংনা ফংলি। মসিগী ইন্সতিত্যুস্নেল ফ্রেমৱার্ক্তা এনএএ, স্তেন্দিং কমিতী অমা, রাজ্য খুদিংমক্কী স্ক্রিনিং কমিতী অমমম অমসুং সেন্ত্রেল বোর্দ ওফ এক্সাইজ অমসুং কস্তম্স (সিবিইসি)দা সেফ গার্দ্স দাইরেক্তোরেৎ য়াউরি।
গুদ্স অমসুং সর্বিসশিং লৈবা মতমদা মখোয়না জিএসতিগী মমল তাবগী খুদোং চাবা ফংদে হায়না পোৎ লৈবশিংনা খল্লবদি মখোয়গী মরি লৈনবা রাজ্যগী স্ক্রিনীং কমিতীদা মতেংগীদমক হায়জবা য়াগনি। অদুম ওইনমক, প্রোফিতীয়রিংগা মরি লৈনবা ৱাফমদদি ‘ভারত পুম্বগী’ থাক্তা পাক চাউনা পোৎ লৈবশিংগী পোৎলমগা মরি লৈননা স্তেন্দিং কমিতীদা হকথেংননা ৱাকৎ চে থাঙগৎপা য়াগনি। অহানবগী খন্না নৈনরবা মতুংদা মসিদা প্রোফিতীয়রিংনা মচাক অমা ওইরবদি স্তেন্দিং কমিতীনা মদুগী মতাংদা পাক চাউনা থিজিন্নবা সেফ গার্দ দাইরেক্তোরেৎ (সিবিইসি)দা থাবা য়াই, মখোয়না অমুক রিপোর্ত অদু এনএএদা থাগনি।

করিগুম্বা এনএএনা মসিদা এন্তি-প্রোফিতীয়রিংগী পাম্বৈ অমা শিজিন্নবা মথৌ তাই হায়না খল্লবদি মদু সপ্লাই তৌরিবা/ব্যুজিনেসকা মরি লৈনবশিংদা মদুগী মমল হন্থহন্নবা নত্রগা গুদ্স নত্রগা সর্বিসশিংদা লৌখিবা শেনদোংশিং অদু শেন্দোইগা কোন্ননা অরৈবা অদুদা হলহন্নবা য়াথং পীবগী হক লৈ। করিগুম্বা শেনদোং অদু অরৈবা অদুদা য়ৌহনবা ঙমদ্রগদি মদু কঞ্জ্যুমর ৱেলফিয়র ফন্দা থমজিন্নবা খঙহনবা য়াই।

এনএএ লিংখৎপা অসিনা পোৎ লৈবশিংগী থাজবা হেনগৎহল্লগনি মরমদি অখন্নবা মওংদা জিএসতিগী রেৎশিংদা হন্দক্তা হন্থহনখিবা অমসুং জিএসতিগী কান্নবা অসি মহৌশা ওইনা মখোয়দা য়ৌহনগনি।

*****