ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকী ইলেক্সন কমিসন অমসুং মালদীবকী ইলেক্সন কমিসনগী মরক্তা ইলেক্তোরেল মেনেজমেন্ত অমসুং এদমিনিস্ত্রেসনগী লমদা তেংবাং পীননবা পুখৎলকপা য়ান-চেরোল (এম.ও.য়ু.)দা অয়াবা পীখ্রে। মসিদা ইলেক্তোরেল প্রোসেসকী ওর্গনাইজেসন অমসুং তেক্নিকেল দিবেলপমেন্তকী লমদা লৌশিং অমসুং খঙ-হৈবশিং পীথোক-পীশিন তৌনবা, ই-পাউশিং শরুক য়ামিন্নবদা মতেং পীনবা, ইন্সতিত্যুস্নেলগী ওইবা মপাঙ্গল কলহনবা অমসুং কেপাসিতী বিল্দিং, পার্সোনেলগী ত্রেনিং, চাং নাইনা খন্ন-নৈনবা অসিনচিংবা য়াওরি।
পুখৎলক্লিবা এম.ও.য়ু. অসিনা নাকল অনিগী ওইবা তেংবাং পীনবা অসি হেনগৎহল্লগনি। মসিগী পান্দম অসি মালদীবকী ইলেক্সন কমিসন্দা তেক্নিকেলগী ওইবা তেংবাং/কেপাসিতী শেমগৎপদা মতেং পীবা, ইলেক্তোরেল মেনেজমেন্ত অমসুং এদমিনিস্ত্রেসনগী লমদা তেংবাং পীনবগী লমদা মিৎয়েং চংবনি।
