ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পোৎ চৈগী মমল হেঙ্গৎলক্লিবা অসি থেংননবা কেন্দ্র সরকারগী কর্মচারীশিংদা দিয়ারনেস এলাৱেন্স (দি এ) অমসুং পেন্সনরশিংদা দিয়ারনেস রিলিফ (দি আর)কী অহেনবা ইন্সতোলমেন্ত অমা থাদোকপদা অয়াবা পীখ্রে। মসি ০১.০১.২০১৮দগী চৎনবা হৌগনি। বেসিক পে/পেন্সনগী হৌজিক ওইরিবা চাং চাদা ৫ অদুগী মথক্তা চাদা অনি হেঙ্গৎলগনি।
মসিনা কেন্দ্র সরকারগী কর্মচারী লাখ ৪৮.৪১ অমসুং পেন্সনর লাখ ৬১.১৭দা কান্নবা ফংহল্লগনি। দিয়ারনেস এলাৱেন্স অমসুং দিয়ারনেস রিলিফ অনিমক্কী এক্সচেকর একাউন্তা চহিগী ওইনা লুপা কোতী ৬০৭৭.৭২ অমসুং শেনবা চহি ২০১৮-১৯ (জনুৱারী, ২০১৮দগী ফেব্রুৱারী, ২০১৯ ফাওবা অপুনবা থা ১৪)গী ওইনা লুপা কোতী ৭০৯০.৬৮গী অহেনবা চাদিং তৌরগনি। মসি ৭শুবা পে কমিসনগী রিকোমেন্দেসন্দা য়ুমফম ওইরগা য়ানদুনা লৌশিল্লবা ফোর্মুলা অদুগী মতুং ইন্না হেঙ্গৎপনি।
***
