ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইমপ্লোয়িজ প্রোভিদেন্ত ফন্দ ওর্গনাইজেসন (ই.পি.এফ.ও.) গী মখাদা শেলগী শেনফম লুপা ১৫,০০০দগী লুপা ২৫,০০০দা হেনগৎহন্নবা লেবর এন্দ ইমপ্লোয়িজ মিনিস্ত্রীগী প্রপোজেলদা অয়াবা পীখ্রে। ৱারেপ অসিনা অহেনবা এমপ্লোয়ী লাখ ৫১ হেন্না ই.পি.এফ.ও.গী মখাদা পুরক্লগনি হায়না থাজরি। মসিনা শিন্মীশিংগীদমক্তা সোসিএল সেক্যুরিতীগী প্রোতেক্সন পাকথোক চাউথোকহল্লগনি।

ই.পি.এফ.ও.গী শেন-থুমগী অৱাংবা থাক অসি সেপ্তেম্বর, ২০১৪দা লুপা ১৫,০০০দা হেনগৎহন্দ্রিঙৈগী মমাংদা, ২০০৪দগী ২০১৪ ফাওবা চহী তরাগী মনুংদা হোংহন্দনা লৈখি। হৌজিক লৌরিবা ৱারেপ অসিনা মখা তানা লুপা ২৫,০০০দা হেনগৎহন্দুনা মসিগী থৌওং অসিবু মখা তানা চৎথহল্লগনি। মসিনা লেপ্তনা হেনগৎলক্লিবা শেন-থুমগী চাং, ইনকম হেনগৎলকপা অমসুং মতমগী মতুং ইন্না ফোর্মেল এমপ্লোইমেন্ত পাকথোক চাউথোকপা অসিবু উৎলি।

হৌজিক্কী ওইনা, থা অমদা লুপা 15,000গী মথক্তা থবক শুবা অনৌবা এমপ্লোয়ি অমা ই.পি.এফ. ফ্রেমৱার্ককী মখাদা ওতোমেটিক ওইনা কোনশিল্লোই অমসুং মহাক্না তঙাইফদবা প্রোভিদেন্ত ফন্দ, পেন্সন অমসুং মসিগা মরী লৈনবা ইন্সুরেন্স প্রোতেক্সনগী মপান্দা লৈগনি। লুপা ২৫,০০০ ফাওবা হেনগৎলকপনা স্তেচুএতরী সোসিএল সেক্যুরিতী ফ্রেমৱার্ককী মনুংদা লুপা ১৫,০০০-২৫,০০০গী শেন-থুমগী বেন্দদা থবক শুবা মীওই কয়া অমা পুরক্কনি।

অয়াবা অসিনা প্রোভিদেন্ত ফন্দ সেভিংস, ইমপ্লোয়িজ পেন্সন স্কিম (ই.পি.এস.) গী মখাদা পেন্সন প্রোতেক্সন অমসুং ইমপ্লোয়িজ দিপোজিৎ লিংক ইন্সুরেন্স স্কিম (ই.দি.এল.আই.) গী মখাদা ইন্সুরেন্স প্রোতেক্সন ফংহনবদা চৎনবা য়াবা স্কিমগী প্রোভিজনশিংগী মতুং ইন্না পাকথোক চাউথোকহল্লগনি। মসিনা স্তেচ্যুতেতিব কন্ত্রিব্যুসন অমসুং পেন্সন য়াউবা শেনফমগী ফ্রেমৱার্ক অসি হৌজিক লৈরিবা শেনফমগী থাকশিংবু হেন্না ফজনা উৎহন্নবা ঙমহল্লগনি।

সেপ্তেম্বর ২০১৪দা অরোইবা ওইনা শেল-থুমগী থাক অসি শেমদোকখিবা মতমদগী, ভারত্তা লেপ্পা লৈতনা শেল-থুমগী চাং হেনগৎলকপা, ইনকম হেনগৎলকপা অমসুং ফোর্মেল এমপ্লোইমেন্তকী চাং লেপ্তনা হেনগৎলকপা উবা ফংলে। রাজ্য অমসুং থবক কয়া অমদা, মিনিমম ওইবা শেনফম অসি হৌজিক লৈরিবা থ্রেশহোল্দ অদুগা নকশিন্নরক্লি। মরম অদুনা লুপা ২৫,০০০দা হেনগৎহনবনা ই.পি.এফ.ও.গী ফ্রেমৱার্ক অসি হেনগৎলক্লিবা শেনফমগী থাক্কা চুনহন্দুনা অপদেত তৌরি অমসুং ফোর্মেল সোসিএল সেক্যুরিতীগী কান্নবশিং থবক শুবা মীওইশিংগী পাক চাউবা সেগমেন্ত অমদা য়ৌহল্লি।

খোঙথাং অসিনা এমপ্লোইমেন্ত ফোর্মেলাইজেসন, ৱার্কর রেতিন্মেন্ত অমসুং অশাংবা মতমগী রিতায়রমেন্ত সেক্যুরিতীদা অহেনবা ইথিল পীগনি হায়না পানরি। লেবেল তৌরবা শিন্মী মশিং য়াম্না স্তেচ্যুএতিব সোসিএল সেক্যুরিতী ফ্রেমৱার্ককী মখাদা ওতোমেতিব ওইনা পুশিল্লকপগা লোয়ননা, ৱারেপ অসিনা ফোর্মেল এম্প্লোয়মেন্তকা লোইননা পোর্তেবল ওইবা অমসুং অচেৎপা সোসিএল সেক্যুরিতী প্রোতেক্সন অমা লৈগদবনি হায়বা কাংলোন অসিবু মপাঙ্গল কনখৎহল্লি। এমপ্লোয়রশিংগী ওইনসু, হেন্না পাক চাউবা সোসিএল সেক্যুরিতী কোভরেজনা এমপ্লোয়ী থম্বা, থবক শুরিবা মীশিংগী স্তেবিলিতী, থৌনা অমসুং হেন্না সেক্যুর অমসুং তুংলমচৎকীদমক শেম-শারিবা থবক শুবা মীশিংগী চাউখৎলকপদা মতেং পাংবা য়াই।

প্রোপোজেল অসি মিনিস্ত্রিশিংগী মরক্তা কুপ্না খন্ন-নৈনবগী থবক পায়খৎলে অমসুং মসি জুন ১৬, ২০২৬দা পাংথোকখিবা মীফমদা এক্সপেন্দিচর ফাইনান্স কমিতীনা রিকমেন্দ তৌখি। চহিগী ওইবা সরকারগী শেনফম অসি চাউরাক্না লুপা করোর ১১,৩৩৯ ওইগনি হায়না পানরি। হৌজিক লৈরিবা চহিগী ওইবা বজেৎকী মতেং অসি চাউরাক্না লুপা করোর ১০,২৫০ ওইগনি। চহি মঙা অসিদা চাউরাক্না লুপা করোর ৫৬,৬৯৬ চাদিং তৌগনি হায়না পানরি।

ঙসিদি ই.পি.এফ.ও.না ইম্প্লোয়িজ প্রোভিদেন্ত ফন্দ (ই.পি.এফ.), ইম্প্লোয়িজ পেন্সন স্কিম (ই.পি.এস.) অমসুং ইম্প্লোয়িজ দিপোজিৎ লিঙ্ক ইন্সুরেন্স স্কিম (ই.দি.এল.আই.) গী এদমিনিস্ত্রেসন তৌদুনা মালেমগী খ্বাইদগী চাউবা সোসিএল সেক্যুরিতী সিস্তেম অমা চলাইরি। ই.পি.এফ.ও.গী খ্বাইদগী নৌবা দেতাদা চাউরাক্না কন্ত্রিব্যুৎ পীবা ইষ্টাব্লিসমেন্ত লাখ ৭.৬৮গী মনুংদা কন্ত্রিব্যুৎ পীবা মেম্বর কোতি ৭.৯৮ লৈ হায়না উৎলি, অদুগা ই.পি.এস.না চাউরাক্না পেন্সনর লাখ ৮২দা পেন্সনগী কান্নবা পীরি। ই.দি.এল.আই.না ই.পি.এফ. মেম্বরশিপকা মরি লৈনবা ইন্সুরেন্স প্রোটেক্সন পীরি।

ভারতকী ৱার্কফোর্স অসি মসিগী গ্রোথকী ৱারীগী ময়াইদা লৈ। শেন-থুমগী চাং হেনগৎলকপা, ইনকম ফগৎলকপা অমসুং ফোর্মেল এমপ্লোয়মেন্ত পাকথোক চাউথোক্লকপগা লোয়ননা সরকারনা এমপ্লোয়মেন্ত জেনরেসন অমসুং ফোর্মেলাইজেসনদা মখা তানা মীৎয়েং থম্লিবা অসিনা শিন্মীশিংগীদমক অনৌবা খুদোংচাবশিং শেমগৎলি। ই.পি.এফ.ও.গী শেন-থুমগী অৱাংবা থাক হেনগৎহনবনা সোসিএল সেক্যুরিতী ফ্রেমৱার্কসু খুমাং চাওশিল্লকপগী খোঙজেল অসিগা লোয়ননা চৎমিন্নবা অমসুং ফোর্মেল এমপ্লোয়মেন্ততা লৈরিবা শিন্মী মশিং য়াম্বনা স্তেচ্যুতেতিব সোসিএল সেক্যুরিতী প্রোতেক্সন ফংহনবদা থাজবা পীরি।

মসিগী অয়াবা অসিনা ইনক্লুসিব, রেসিলিয়েন্ত অমসুং তুংলমচৎকীদমক শেম-শারবা সোসিএল সেক্যুরিতী আর্কিতেকচর অমা শেমগৎপদা অতোপ্পা মরুওইবা খোংথাং অমা ওইরি। মসিনা ভারতনা বিক্সিত ভারত@2047গী মায়কৈদা চংশিল্লকপগা লোয়ননা সোসিএল প্রোতেক্সন অসি ইকোনোমিক গ্রোথ, অহেনবা শেনফম অমসুং ফোর্মেল এমপ্লোইমেন্ত পাকথোক চাউথোকহনবগা লোয়ননা খুমাং চাউশিনহনগনি।

লেবর অমসুং ইমপ্লোয়মেন্ত মন্ত্রালয় অমসুং ই.পি.এফ.ও.না ৱারেপ অসি ইমপ্লিমেন্ত তৌনবা তঙাইফদবা স্তেচ্যুতোরি অমসুং এদমিনিস্ত্রেতিব ওইবা খোংথাংশিং লৌখৎকনি।

***