ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী কেবিনেতনা তরাতরুকশুবা ফাইনান্স কম্মিসনগী রিফরেন্সকী তর্মশিংগী অয়াবা পীখ্রে।

তরাতরুকশুবা ফাইনান্স কম্মিসনগী রিফরেন্সকী তর্মশিং অসি মতমগী মতুং ইন্না নোতিফাই তৌরক্লগনি। 16শুবা ফাইনান্স কম্মিসনগী রিকম্মেন্দেসন, করিগুম্বা সরকারনা য়াবগী মখা পোন্না, অসিনা এপ্রিল 1, 2026তগী হৌদুনা চহি মঙা (5)গী মতম কোনগনি।

সংবিধানগী আর্তিকল 280(1) অসিনা কেন্দ্র অমসুং রাজ্যগী মরক্তা তেক্সকী অপুনবা প্রোসীদশিং য়েন্নবা, মসিগুম্বা প্রোসীদশিংগা মরী লৈনবা শেয়রশিংবু রাজ্যশিংগী মরক্তা য়েন্নবা, হায়রিবা মতমগী মনুংদা পঞ্চায়তকী রিসোর্সশিং মেনখৎপদা তঙাই ফদবা গ্রান্ত-ইন-এদ, রাজ্যগী রেভেন্যু অমসুং মরী লৈনবা থবকশিংগী মতাংদা পাউতাক পীনবা ফাইনান্দ কম্মিসন শেম্বগী কাঙলোনশিং তাক্লি।

তরামঙাশুবা ফাইনান্স কম্মিসন অসি নবেম্বর 27, 2017দা শেমখিবনি। মসিনা এপ্রিল 1, 2020দগী হৌবা চহি তরুক্কী মনুং চনবা মতমশিংগী রিকম্মেন্দেসন কয়া মখোয়গী ইন্তেরিম অমসুং ফাইনেল রিপোর্তকী মতুং ইন্না পীখি। তরামঙাশুবা ফাইনান্স কম্মিসনগী রিকম্মেন্দেসন অসি শেনবা চহি 2025-26 ফাওবা চৎনগনি।

তরাতরুকশুবা ফাইনান্স কম্মিসনগী রিফরেন্সকী তর্মশিং:

ফাইনান্স কম্মিসন অসিনা মখাগী হীরমশিংগী মতাংদা রিকম্মেন্দেসন পীবা য়াই, মখোয়শিং অদুদিঃ

1. সংবিধানগী চেপ্তর 1, পার্ত XIIকী মখাদা কেন্দ্র অমসুং রাজ্যগী মরক্তা তেক্সকী অপুনবা প্রোসীদশিং য়েন্নবা অসি অমসুং মসিগুম্বা প্রোসীদকী মতুং ইন্না ফংখিবা শেয়রশিংবু রাজ্যশিংগী মরক্তা য়েন্নবগী হীরম।
2. ভারতকী কন্সোলিদেতেদ ফন্দদগী রাজ্যশিংগী রেভেন্যু ওইনা গ্রান্ত ইন এদ লেপকদবা প্রিন্সিপাল অমসুং সংবিধানগী আর্তিকল 275কী মখাদা লৈবা ক্লোজ (1)দা পল্লিবা হীরমগী মখাদা রাজ্যশিংদা মখোয়গী রেভেন্যুগী গ্রান্ত-ইন-এদ ওইনা পীগদবা শেনফম।
3. রাজ্যগী ফাইনান্স কম্মিসন্না পীবা রিকম্মেন্দেসন্দা য়ুম্ফম ওইদুনা রাজ্যগী পঞ্চায়ত অমসুং ম্যুনিসিপালিতীগী রিসোর্সশিংদা তেংবাংনবা রাজ্যগী কন্সোলিদেতেদ ফন্দ হেনগৎহনবদা তঙাই ফদবা খোঙথাংশিং।

দিজাজতর মেনেজমেন্ত এক্ত, 2005গী মখাদা শেমখিবা ফন্দগা মরী লৈননা দিজাজতর মেনেজমেন্তকী খোঙথাংশিংদা শেল থাদবগী হৌজিক লৈরিবা কাঙলোনশিং কম্মিসন অসিনা য়েংশিনবা য়াঈ অমসুং মদুগী মখা পোনবা রিকম্মন্দেসন পীবা য়াই।

কম্মিসন অসিনা এপ্রিল 1, 2026তগী হৌগদবা চহি মঙাগী মতম অসিগী রিপোর্তপু ওক্তোবর 2025কী অহানবা নুমিত্তা পীবা তাবনি।

বেকগ্রাউন্দ

তরামঙাশুবা ফাইনান্স কম্মিসন (15^th FC) অসি ইং 2020-21দগী 2024-25 ফাওবগী চহি মঙাগী মতমগী পাউতাক পীনবা 27.11.2027দা শেমখিবনি। কম্মিসন অসিনা রিপোর্ত অনি পীশিনগদবনি, মিং ওইনা পল্লবদা, শেনবা চহি 2020-21গী অহানবা রিপোর্ত অমা অমসুং ইং 2021-22দগী 2025-26 ফাওবগী শাংদোকপা মতমগী ফাইনেল রিপোর্ত অমা পীগদবনি হায়না তঙাইফদবা কাঙলোন অমা 15শুবা FCগী ToRনা 29.11.2019দা এমেন্দ তৌখি। মসিনা মরম ওইদুনা, 15শুবা FCনা ইং 2020-21দগী 2025-26 ফাওবগী চহি তরুক্কী রিকম্মন্দেসন অমা পীখি।

ফাইনান্স কম্মিসন্না মখোয়গী রিকম্মন্দেসন অমা পীবদা অয়াম্বা মতমদা চহি অনি চঙই। সংবিধানগী আর্তিকল 280গী ক্লোজ (1)গী মতুং ইন্না, ফাইনান্স কম্মিসন অসি চহি মঙা খুদিংগী নত্ত্রগা অঙনবদা শেমগদবনি হায়রি। অদুবু, 15শুবা FCগী রিকম্মন্দেসন্না মার্চ 31, 2026 ফাওবগী চহি তরুক্কী মতম কোনবনিনা 16শুবা FC অসি হৌজিক শেম্লো হায়না ৱাহৌদোক থমখিবনি। মসিনা ফাইনান্স কম্মিসন অসিনা কেন্দ্র অমসুং রাজ্যদা মতম অসিগী ফাইনান্সকী মতাংদা খুদক্তা খঙহনবা ঙমহল্লগনি, অমসুং মখোয়গী রিকম্মেন্দেসন তৌবগী মতমদগীসু হানগৎহনগনি। হীরম অসিগী মতাংদা, তরামাথোইশুবা ফাইনান্স কম্মিসনবু তরাশুবা ফাইনান্স কম্মিসনগী চহি তরুক্কী মতুংদা শেমখিবা মতমদা, প্রিসিদেন্ত খরা লৈখি হায়বা মতাং অসিদা পনবা য়াই। মান্নবা মতৌ ওইনা, তরামরিশুবা ফাইনান্স কম্মিসন অসিসু তরাহুমদোইশুবা ফাইনান্স কম্মিসনগী চহি মঙাগা থা অনিগী মতুংদা শেমখিবনি।

16শুবা FCগী এদভান্স সেল অসি কম্মিসন অসিবু ফোর্মেল ওইনা শেমদ্রিঙৈদা অহানবা থাক্কী থবকশিং লোইশিন্নবগীদমক্তা শেল-থুম মন্ত্রালয়দা 21.11.2022দা শেমখিবনি।

অদুনা, ফাইনান্স সেক্রেতরী অমসুং সেক্রেতরী (এক্সপেন্দিচর)না লুচিংবা অমসুং সেক্রেতরী (ইকোনোমিক এফিয়র্স), সেক্রেতরী (রেভেন্যু), সেক্রেতরী (ফাইনেন্সিএল সর্ভিস), চীফ ইকোনোমিক এদভাইজর, এদভাইজর, NITI আয়োগ অমসুং এদিস্নেল সেক্তেরত্রী (বজেৎ) য়াওবা ৱর্কিং গ্রুপ অমা তর্ম ওফ রিফরেন্স (ToR) শেম্বদা তেংবাংনবা শেমখিবনি। খন্ন-নৈনবগী থৌরাংগী শরুক অমা ওইনা, ToRগী মতাংদা রাজ্য অমসুং য়ুনিয়ন তেরিতোরীশিংগী মফমদগী পাউতাক অমসুং মিৎয়েং কয়া হংখি অমসুং গ্রুপ অসিদা খন্ন-নৈনখি।

***