ভারতকী প্রধানমন্ত্রী

২০২০গী মার্চ ফাওবদা অনৌবা স্কিম এনইএসআইদিএস চৎনহবদশু অয়াবা পিখ্রে

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ৯০:১০ গী ফন্দিং পেতর্নগা লোয়ননা হৌজিক লৈরিবা নন লাপ্সএবল সেন্ত্রেল পুল ওফ রিসোর্সেস (এনএলসিপিআর) স্কিমগী মখাদা লুপা কোতি ৫৩০০ অমগা কায়থোকপগা লোয়ননা ২০২০ গী মার্চ ফাওবা শাংদোকপদা অয়াবা পিখ্রে । মসিনা হৌজিক পায়খৎলিবা প্রোজেক্তশিং অসি লোইশিনবা ঙমহল্লগনি ।

ইং ২০২০ গী মার্চ ফাওবদা অখন্নবা সেক্তর খরদা ইনফ্রাস্ত্রকচর শেমগৎপদা অহোবা লৈরিবা মেনশিন্নবা কেন্দ্র সরকারনা চাদা ১০০ শেল পুথোকপগা লোয়ননা ইং ২০১৭-১৮ দগী পায়খৎকদবা অনৌবা সেন্ত্রেল সেক্তর স্কিম নোর্থ ইস্ত স্পিসিএল ইনফ্রাস্ত্রকচর দিবেলপমেন্ত স্কিম (এনইএসআইদিএস) চৎনহনবদশু মন্ত্রীমন্দলনা অয়াবা পিখ্রে ।

এনইএসআইদিএসগী শক্তমশিং:

অনৌবা স্কিম অসিনা মখাগী সেক্তরশিং অসিদা ইনফ্রাস্ত্রকচর শেমগৎপদা চাওনা কোনশিনগনি:-

a) ৱাতর সপ্লাই, পৱার, কনেক্তিবিতি অমসুং তুরিজম চাওখৎনবা অখন্নবা প্রোজেক্তশিংগা মরি লৈনবা ফিজিকেল ইনফ্রাস্ত্রকচর ;

1. b) এদুকেসন অমসুং হকশেলগী সোসিএল সেক্তরশিংগী ইনফ্রাস্ত্রকচর ।

এনইএসআইদিএসগী কান্নবশিং:

এনইএসআইদিএসগী অনৌবা স্কিম অসিগী মখাদা শেমগৎপা ইনফ্রাস্ত্রকচরশিংনা লমদম অসিগী হকশেল অমসুং মহৈ মশিং তম্বদা খুদোংচাবা পিবগী মথক্তা লমকোইবশিং হেন্না লাকহন্দুনা মফমশিং অদুগী নহারোলশিংগী থবক পীজনবগী খোদোংচাবা কয়াসু ফংহল্লগনি । লাক্কদৌরিবা চহিশিংদা স্কিম অসিদা রিজন অসিগী ওভরওল দিবেলপমেন্ততা অহোংবা পুরকপা ঙম্লগনি ।