ভারতকী প্রধানমন্ত্রী

কেরলাগী রাজ্যপাল রাজেন্দ্র অর্লেকর, কেন্দ্রগী মন্ত্রীমন্দলদা লৈবিরিবা ঐহাক্কী মরুপশিং, সুরেশ গোপীজী, জোর্জ কুরিয়নজী, সাংসদকী মীহুৎশিং অমসুং এম.এল.এ.শিং, অমসুং হান্নগী কেন্দ্রগী মন্ত্রী রাজিব চন্দ্রসেখরজী, ইচিল – ইনাও অমসুং ইচল – ইচেশিং!

কোচিদা লাকপা অসি মতম পুম্নমক্তা অঙকপা এক্সপরিয়েন্স অমনি। ঙসিদি থৱাই য়াওবা কোস্তেল সিতি অসিদগী কেরলাগী চাওখৎ-থৌরাং অসি হেন্না খোঙজেল য়াংশিনবগী খুদোংচাবা অমা ফংলে। অতেনবা মতমগী মমাঙদা কেরলাগী চাওখৎ-থৌরাংগা মরি লৈনবা চাওরাক্না লুপা কোতি ১১,০০০গী প্রোজেক্তশিংগীদমক য়ুম্ফম থোনবা অমসুং কত্থোকখি। প্রোজেক্তশিং অসিগীদমক কেরলাগী মীয়ামদা থম্মোয় শেঙনা নুংঙাইবা ফোঙদোকচরি।

এন্দে সুহুর্তগরে,

ইশানা ইরোমদোম লেপচবা ঙম্বা ভারত অমা শেমগৎনবা পেত্রোলিয়ম সেক্তর পাকথোক চাওথোকহনবা অসি মেক ইন ইনদিয়াগীদমক তঙাইফদবা অমনি। মসি ঙসি কোচি রিফাইনরিদা পোলি-প্রোপাইলিন য়ুনিৎকী উরেপ-উয়ুং তম্বগী পান্দমসুনি। মসিগী য়ুনিৎ অসিনা চহি খুদিংগী চাওরাক্না পোলিপ্রোপাইলিন তন ৪০০,০০০ পুথোক্কনি। তুংদা প্লান্ত অসিনা পেকেজিং, তেক্সতাইল, ওতোমোবাইল অমসুং মেদিকেল দিভাইসশিং য়াওনা ইনদস্ত্রী কয়াদা মতেং পাংগনি।

এন্দে সুহুর্তগরে,

ঙসিদি ভারত অসি মেনুফেকচরিংগী অচৌবা হব অমা ওইরক্লি। লৈবাক অসিনা এ.আই. অমসুং সেমিকন্দক্তর সেক্তরদসু খোঙজেল য়াংনা মাংলোমদা চঙশিল্লি। থবক পুম্নমক অসি ইনর্জি হেন্না মথৌ তাই, হেন্না শংবা অমসুং ক্লিন ওইবা ইনর্জিগী মথৌ তাই। অদুগা ভারত অসি মালেমগী মকোক থোঙবা সোলর পাৱর পুথোকপা লৈবাক অমা ওইরে। ঐখোয়না হোৎনরিবা অসি কেরলাদসু সোলর পাৱর জেনেরেসন্দা মখা তানা মাংলোমদা চঙশিনবনি। মসিগীদমক্তা ঙসি নোংচুপ কল্লাদাদা মেগাৱাৎ ৫০গী ফ্লোতিং সোলর প্রোজেক্তকি উরেপ-উয়ুং থোনখ্রে। কেরলাদা ৱাতার বোদি মশিং য়াম্না লৈরি, মরম অদুনা মফম অসিদা ফ্লোতিং সোলর পাৱর সেক্তরদা অচৌবা পোতেন্সিয়েল লৈরি।

এন্দে সুহুর্তগরে,

ঙসি মালেম অসিনা ভারতনা মোদর্ন ইনফ্রাস্ত্রকচরদা শেল থাদবগীদমক থাগৎলি। চহি অসিগী কেন্দ্র সরকারগী বজেত্তা ইনফ্রাস্ত্রকচরগীদমক রেকোর্দ ওইবা ফন্দশিংসু য়াওরি। মসিগী ইনফ্রাস্ত্রকচর ইনভেস্তমেন্ত অসিদগী কেরলানা য়াম্না কান্নবা ফংলি। অমৃত ভারত স্তেসন স্কীমগী মখাদা সোরানুর জঙ্কসন, কুত্তিপুরম অমসুং চঙ্গনাসেরি রেলৱে স্তেসনশিং মোদর্নাইজ তৌখ্রে। সোরনুর-নিলম্বুর রেলৱে লাইনগী অচৌবা শরুক অমগী ইলেক্ত্রিফিকেসনসু লোয়শিনখ্রে। ঙসি পালক্কর-পোল্লাচি ত্রেন সর্ভিসসু হৌদোকখ্রে, মসিনা কেরলা অমসুং তমিল নাদু অনিমক্কী মীয়ামদা হেন্না খুদোংচাবা ফংহল্লগনি।

এন্দে সুহুর্তগরে,

কেরলাগী মরুওইবা লম্বিগী প্রোজেক্ত কয়া অমসু ঙসি শঙ্গাখ্রে। লেন ৬ লৈবা লম্বি অসিনা অলিক্কল হীথাংফমগা শম্নহনবা হেনগৎহল্লগনি। লেন ৬ লৈবা কোজিকোদ বাইপাস অসিনা ত্রাফিক্কী মী চিনবা হন্থহল্লগনি অমসুং চত্থোক-চৎশিনগী মতম য়াম্না কনবা ঙম্লগনি। হায়রিবা প্রোজেক্ত পুম্নমক অসিনা কেরলাগী লৌমীশিংদা কান্নবা পিগনি অমসুং তুরিজম অমসুং অতোপ্পা ইনদস্ত্রীশিং হেঙ্গৎহল্লগনি।

এন্দে সুহুর্তগরে,

ইনফ্রাস্ত্রকচরদা থাদরিবা লুপা খুদিংমক্না অনৌবা থবক ফংহল্লি। প্রোজেক্তশিং অসিনা কেরলাগী নহা লিশিং কয়াদা অনৌবা থবক ফংহনবগী খুদোংচাবা ফংহল্লগনি। ঐহাক্না থাজবা থম্লি মদুদি প্রোজেক্ত পুম্নমক অসিনা চাওখৎলবা কেরলা অমগীদমক ঐখোয়গী ৱারেপ অদু মপুঙ ফাহনবদা মরু ওইবা থৌদাং লৌগনি।

অমুক হন্না ময়াম পুম্নমকপু ঐহাক্না য়াইফ-পাওজেল পিজরি।

থাগৎচরি!

***