ভারতকী প্রধানমন্ত্রী

কেরলাগী রাজ্যপাল শ্রী রাজেন্দ্র অরলেকার জি, কেরলা চীফ মিনিষ্টর শ্রী পিনারায়ি বিজয়ান জি, কেন্দ্রগী মন্ত্রীমন্দলগী ঐগী মরুপশিং, তিরুবনন্থপুরমগী চাউথোকচনিংঙাই ওইরবা অমসুং নৌনা মেয়র খল্লবা, ঐগী অরিবা মরুপ শ্রী ভি.ভি রাজেস, অতোপ্পা শক্নাইরবশিং, ইবেম্মাশিং অমসুং ইবুংঙোশিং! খুরুমজরি!

ঙসি, কেরলা চাউখৎনবা কেন্দ্র সরকারগী থবকশিং অনৌবা খোঙজেলদা চেল্লে। কেরলাদা রেলগী চৎথোক-চৎশিন ফগৎহল্লে অমসুং তিরুবনন্থপুরম ষ্টার্দঅপশিংগী মরুওইবা মফম অমা ওইহন্নবা থবকশিং পায়খৎলে। ঙসি কেরলাদগী, লায়রবগী য়াইফনবা লৈবাক শীনবা থুংবগী অচৌবা থবক অমা হৌদোক্লে। ঙসি পি.এম শ্বানিধি ক্রেদিৎ কার্দ হৌদোক্লে, লোয়নন মসিনা মসিনা লৈবাক শীনবা থুংনা লম্বী নাকলদা পোৎ-চৈ য়োল্লিবশিং অমসুং খোঙলম্বীশিংদা থবক তৌরিবশিংদা কান্নবা পীরগনি। চাউখৎ-থৌরাংগী থবকশিং অমসুং থবক ফংহন্নবা থবকশিং অসিগীদমক কেরলাগী মীয়াম অমসুং লৈবাক শীনবা থুংবগী মীয়ামদা ঐনা হরাওবা ফোঙদোকচরি।

ঐগী মরুপশিং,

বিকসিত ভারত অমা ওইহন্নবা লৈবাক অসিগী থবকশিংনা মরম ওইদুনা ঙসিদি লৈবাক শীনবা থুংনা অমতা ওইরে। মিসন অসিদা সহরশিংনা মরুওইবা থৌদাং অমা লৌরি অমসুং হৌখিবা চহি ১১ দা, কেন্দ্র সরকারনা সহরগী ইনফ্রাষ্ট্রকচর শেমগৎনবা শিংথাবা য়ানা শেন থাদরে।

ঐগী মরুপশিং,

সহরশিংদা লৈরিবা লায়রবা ইমুংশিংগীসু কেন্দ্র সরকারনা অকনবা থবকশিং পায়খৎলে। প্রধান মন্ত্রী অৱাস য়োজনাগী মখাদা, য়ুম করোর ৪ হেন্না শাখ্রে অমসুং সহরগী লায়রবশিংগী য়ুম করোর ১ য়াওনা লৈবাক শীনবা থুংবগী লায়রবশিংদা ফংহনখ্রে। কেরলা খক্তদা সহরগী লায়রবা ইমুং লাখ ১.২৫ রোম মখোয়গী য়ুমশিং ফংলে।

ঐগী মরুপশিং,

লায়রবা ইমুংশিংনা মৈগী চাদিং হন্থহন্নবা, প্রধান মন্ত্রী সুর্য়া ঘর মুফ বিজলী য়োজনা হৌদোক্লে। অয়ুস্মান ভারতকী মখাদা, লায়রবা মীওইশিংনা লুপা লাখ ৫ গী লেম্না লায়য়েংবা ফংলে অমসুং নুপীশিংগী হকশেলগী ফিবম ফগৎনবা মাত্রু বন্দনা য়োজনাগুম্বা স্কিমশিং হৌদোক্লে। কেন্দ্র সরকারনা লুপা লাখ ১২ ফাওবা ইনকম তেক্স লৌদবদগী মসিনা কেরালগী মিদল ক্লাস অমসুং তোলোব চাবা মীওইশিং য়াম্না কান্নরে।

 ঐগী মরুপশিং,

হৌখিবা চহি ১১ দা, মীওই করোর কয়া বেঙ্কগা শম্ননবা অকনবা থবকশিং পায়খৎখ্রে। হৌজিক লায়রবা, এস.সি, এস.তি, ও.বি.সি, নুপীশিং অমসুং ঙামীশিং লাইনা বেঙ্কগী লোনশিং লৌবা য়ারে, গরেন্তি লৈতবা মীওইশিংগী ওইনা কেন্দ্র সরকারনা মখোয়গী গরেন্তর ওইনা থবক তৌরি।

 ঐগী মরুপশিং,

মতম অমদা শেন্দোয় য়াম্না চাউনা লুপা চা খর ফাওবা পুনবা হোৎনবদা অৱাবা কয়া মায়োক্নখিবা লম্বী নাকলদা পোৎ-চে য়োনবা মীওইশিং, পি.এম শ্বানিধি স্কিমগী মখাদা অওনবা পুরক্লে। অহানবা ওইনা লৈবাক শীনবা থুংবগী লম্বী নাকলদা পোৎ-চে য়োনবা মীওই লাখ কয়া বেঙ্কশিংদগী লোনশিং ফংলে, মখোয়গী হিংনবগী খুদোংচাবশিং ফংবা হেনগৎলে।

 ঐগী মরুপশিং,

লম্বী নাকলদা পোৎ-চে য়োনবা মীওইশিংদা ক্রেদিৎ কার্দশিং পীনবা ভারত সরকারনা থবক অমা পায়খৎলে। মফম অসিদা পি.এম শ্বানিধি ক্রেদিৎ কার্দশিং য়েন্থোক্লে, বেনিফিসরিশিংগী মনুংদা কেরালগী ১০,০০০ অমসুং তিরুবনন্থপুরমগী ৬০০ হেন্না য়াওরি। মমাংঙৈদা ইনাকখুনবা মীওইশিং খক্তনা ক্রেদিৎ কার্দশিং ফংলমখি। অদুবু হৌজিক্তি লম্বী নাকলদা পোৎ-চে য়োনবা মীওইশিংসু পি.এম শ্বানিধি ক্রেদিৎ কার্দ ফংলে।

ঐগী মরুপশিং,

লম্বী-থোঙ, সাইন্স অমসুং ইন্নোবেসনগী কেন্দ্র সরকারনা শিংথাবা য়ানা শেন থাদরে। কেরলাদা সি.এস.আই.আর ইন্নোবেসন হব হাংদোকপা অমসুং মেদিকেল কোলেজদা রেদিও সর্জরি সেন্তর অমা হাংদোকপা অসিনা কেরলা সাইন্স, ইন্নোবেসন অমসুং অনা-লায়য়েংগী মফম অমা ওইহনবদা মতেং পাংলগনি।

ঐগী মরুপশিং,

ঙসিদগী, লৈবাক অসিগী অতৈ মফমশিংগা কেরলাগা রেলগী শম্নবা হেন্না ফগৎলে। ঙাইহাক্কী মমাঙদা, অমৃত ভারত এক্সপ্রেস ত্রেনশিং লমথাখিবদগী কেরলাগী রেলগী চৎথোক-চৎশিন ফগৎহল্লে, মসিনা চৎথোক-চৎশিন লাইহল্লগনি অমসুং তুরিজম চাউখৎহল্লগনি। গুরুবায়ুর অমসুং তিসুরগী মরক্ত অনৌবা পেসেঞ্জর ত্রেন চেনবা অসিনা লাই খুরুম্বা লাকপা মীওইশিংদা চৎথোক-চৎশিন লাইহল্লগনি। প্রোজেকশিং অসিনা কেরলাগী চাউখৎ-থৌরাং য়াংখৎহল্লগনি।

ঐগী মরুপশিং,

বিকসি ভারত অমগী মঙলান মঙফাওন্নবা বিকসিত কেরলা অমা তঙাইফদে। কেরলাগী মীয়ামগী কেন্দ্র সরকারনা খোঙফম চেৎনা লেপ্লি। ঐনা অমুক হন্না মীয়ামদা য়াইফ পাউজেল পীজরি। থৌরম অসিগী মতুংদা, কেরলাগী মীওই লিশিং কয়া, থৱায় য়াওবা মীওইশিং, থাজবনা থল্লবা মীওইশিংনা ঐগী ৱারোলগী ঙাইরি অমসুং মফম অদুদা ঐনা মকা লাম্না ৱা ঙাংনবা খুদোংচাবা অমা ফংগনি। মপুংফানা ৱা ঙাংনবগী খুদোংচাবা অমা ঐনা ফংগনি অমসুং থৌরম অসিদা মেদিয়াসু থৱায় য়াওদে, থৌরম অদুদনা হেন্না থৱায় য়াওগনি। ঙসিগী থৌরম অসি মফম অসিদা লোইশিঞ্জরে, মিনিত ৫ গী মতুংদা, অতোপ্পা থৌরম অমা পাংথোক্লগনি, মফম অদুদা কেরলাগী তুংগীদমক ঐনা ৱাফম কয়া ফোদোক্কনি। 

কয়ারক হন্না থাগৎপা ফোঙদোকচরি।

***