ভারতকী প্রধানমন্ত্রী

শক্নাইরবশিং,

নখোয়গী মতম অমসুং নখোয়গী ৱাখল্লোনশিংগীদমক অদোম অমুক হন্না থাগৎচরি । ঙসি ঐখোয় য়াম্না কান্নবা মওংদা ৱা খন্নরে ।

অসিগুম্বা শিংনবশিং অসি থেংন্নবা য়ানরবা লাল্লোং অমা শেম্বা হায়না ঐখোয়না য়ানরে ।

অপুনবা ওইনা মতেং পীনগদবা পাম্বৈশিং ঐখোয়না য়ানরে– ঐখোয়না লৌশিং, খ্বাইদগী ফবা থবকশিং, ত্রেনিং অমসুং মচাক–মথুমশিং মতেং পীনগনি ।

হিদাক–লাংথক অমসুং খুৎলায়শিং য়াওনা লৈবাক খরনা অখন্নবা মতেং পীনবা হায়জরি । হায়রিবা ৱাফমশিং অসি ঐগী কাংবুনা চেকশিন্না লৌরে । ঐখোয়গী য়ুম্লোনবা লৈবাকশিংগী ঐখোয়না খ্বাইদগী ফজনা থবক পাংথোক্কনি হায়না ঐনা থাজবা পীরি ।

মতেং পীনবা অমসুং পুন্না থবক তৌমিন্নবগী ৱাখল্লোনদা নক্না থবক তৌমিন্নবা অমসুং য়ানরবা লাল্লোং অমা শেমগৎনবা ঐখোয়গী ওফিসিয়েলশিংদা ঐখোয় হায়রসি ।

ঐখোয়গী লৈবাকশিংগী নোদোল এক্সপার্তশিং ঐখোয় মশক খঙদোকলসি অমসুং মখোয়না ঙসি ঐখোয়না খন্নরিবা অসিগী মখা চৎথরকপা ওইনা চপ মান্নবা ভিদিও কনফরেন্স ঙসিগী চয়োল অমগী মনুংদা পাংথোক্কনি ।

শক্নাইরবশিং,

মসিগী লানফম অসি ঐখোয় পুন্না থেংনমিন্নসি অমসুং মসি ঐখোয় পুন্না মাইপাক্কদবনি ।

ঐখোয়গী য়ুম্লোনবশিং মতেং পীনবা অসি মালেমগী নামুনা অমা  ওইগদবনি ।

হকচা ফনা লৈনবা ঐখোয়গী মীয়ামদা য়াইফ–পাউজেল পীদুনা অমসুং ঐখোয়গী লমদম অসিদা লাইচৎ অসি থেংন্নবা ঐখোয়গী অপুনবা থবকশিং মাইপাক্নবা পাউজেল পীরদুনা ঐগী ৱারোল লোইশিঞ্জরে ।