ভারতকী প্রধানমন্ত্রী

নোইদাদা পাংথোকপা পেত্রোতেক ২০১৯দা প্রধান মন্ত্রী নরেন্দ্র মোদীনা মখাগী হৌদোকপগী ৱারোল অসি পীখি। 

খুরুমজরি,

অহৌবদা, চৎথোক-চৎশিন্না মরম ওইদুনা থেংবগীদমক ঙাকপীনবা ঐনা হায়জরি।

ভারতকী মাংজিল থারিবা হায়দ্রোকার্বোন কনফরেন্স পেত্রোতেক-২০১৯গী ১৩শুবা ইদিসনদা ময়াম তরাম্না ওকপদা ঐ অপেনবা পোকই।

ইনর্জী সেক্তরদা মতেং পাংবগীদমক ঐনা দোক্তর সুলতান অল জবরবু থাগৎচরি।

হৌখিবা চহি কয়া পেত্রোতেক অসি ঐখোয়না ইনর্জী সেক্তরদা থেংনরিবা খুদোংচাদবশিং খন্ননবা মফম অমা ওইদুনা লাক্লি।

ঐখোয়গী মীয়ামদা অহোংবা, অফবা অমসুং মৈখু চেন্দবা ইনর্জী ফংহন্নবা ঐখোয়না লৈবাকশিংদা থিরি। মফম অসিদা লৈবাক ৬০ হেনবগী দেলিগেত লিশিং ৭ হেন্না শরুক য়ারিবা অসি ঐখোয়গী অপাম্বা অদু ফংনবনি।

চহি কয়া মীয়ামগী থবক তৌরকপদগী ঐনা খঙলে মদুদি খুন্নাই অমা চাউখৎহনবদা ইনর্জী অসি য়াম্না মরুওই। শেন-থুম চাউখৎপদা চুনবা মমলদা ইনর্জী তুংকোইনা লেংদনা ফংবা অমা দরকার ওই। মসিনা ইকোনোমীদা কান্নবা ফংহনবতা নত্তনা খুন্নাইগী শোৎথরবা কাংলুপশিং অমসুং লায়রবশিং মতেং পাংই।

মরূপশিং,

মালেমগী ইনর্জীগী হৌজিক অমসুং তুংগী ফিবম খন্ননবা ঐখোয় মফম অসিদা পুল্লি, মালেমগী ওইনা ইনর্জীগী লমদা অহোংবা কয়া লাক্লে। ইনর্জী পীবা, ইনর্জী ফংফম অমসুং ইনর্জী শীজিন্নবগী মওং হোংলে। মসি পুৱারী ওইবা মওংদা হোংলক্লি।

ইনর্জী শীজিন্নবা অসি নোংচুপলোমদগী নোংপোক্ত হোংলে। সেল রিভোলুনস মতুংদা য়ু এসনা মালেমদা থাও অমসুং গ্যাস খ্বাইদগী য়াম্না পুথোকপা লৈবাক অমা ওইরকখি। সোলর ইনর্জী অমসুং অতোপ্পা রেন্যুএবল ইনর্জী অসি শীজিন্নবগী চাং হেনগৎলক্লে। মখোয়না হৌজিক চৎনরিবা ইনর্জীশিং অসিগী মহুৎ শীনবা হৌরকলে।

নেচরেল গ্যাস অসি মালেমগী ওইনা পাক-শন্নবা শীজিন্নবা ইনর্জী অমা ওইরকলি। অহোংবা রেন্যুএবল ইনর্জী, তেক্নোলোজীশিং অমসুং দিজিতেল এপ্লিকেসনশিং পুনশিনবগী খুদমশিং উরে। মসিনা স্তেনেবল দিবলপমেন্ত গোলশিং ফংহনবদা মতেং পাংগনি।

ক্লাইমেত চেঞ্জ থেংননবা লৈবাকশিং পুনশিল্লি। মসি ভারত অমসুং ফ্রান্সনা হৌদোকপা ইন্তর্নেস্নেল সোলর এলাইন্সতা উবা ফংলে।

ঐখোয় হৌজিক ইনর্জী মরাংকাইনা ফংবা মতম অমদা চংশিল্লি। অবুদু মালেম অসিদা মৈ ফংদবা মীওই বিলিয়ন কয়া লৈরি। মীওই কয়া চাক থোংনবা মৈখু চেন্দবা শিং ফংদ্রি।

ইনর্জী ফংদবগী থেংনরিবা খুদোংচাদবশিং কোকহন্নবা ভারতনা মাংজিল থাদুনা হোৎনরি। মালেমগী ওইনা থেংনরিবা ইনর্জী ফংদবগী খুদোংচাদবশিং কোকহনগনি হায়না ঐনা থাজৈ। মী খুদিংমক মৈখু চেন্দবা, অহোংবা অমসুং তুংকোইনা ইনর্জী ফংগদবনি। মরম চানা ইনর্জী ফংহন্নবা ভারতনা পায়খৎলিবা থবকশিং অসি শিংথানীংঙাই ওই।

হৌজিক মালেমদা ভারত অসি য়াংনা চাউখৎলক্লিবা ইকোনোমী অমা ওইরকলি। আই এম এফ অমসুং ৱার্ল্দ বেঙ্কনচিংবা এজেন্সীশিংনা লাক্কদৌরিবা চহিশিংদা ভারতকী খোংজেল অসি মখা চৎথখিগনি হায়না থাজবা পীরি। মালেমগী ওইনা তম্বা ঙমদবা শেন-থুমগী ফিবম অসিদা ভারতনা মালেমগী ইকোনোমীগী ঙাক্লৌ ওইরি।

হন্দক ভারত মালেমদা খ্বাইগী চাউবা তরুকশুবা ইকোনোমী ওইরে। খ্বাইগী নৌবা পাউদম অমগী মতুংইন্না, ২০৩০দা ভারত মালেমগী অনিশুবা খ্বাইগী চাউবা ইকোনোমী ওইগনি হায়রি। চহিদা চাদা ৫ হেন্না দিমান্দ হেনগৎতুনা ঐখোয়না মালেমদা ইনর্জী শীজিন্নবা অহুমশুবা লৈবাক অমা ওইরি।

২০৪০দা ইনর্জী শীজিন্নবা অসি শরুক অনি হেনগৎকনি হায়না পাদুনা ভারত অসি ইনর্জী কম্পেনীশিংনা মীৎয়েং চংলিবা লৈবাক অমা ওইরি। ইনর্জী প্লান্নিংগী মতাংদা ঐখোয়না অপুনবগী ওইবা থৌরাং অমা পায়খৎলে। ২০১৬গী দিসেম্বরদা পাংথোকখিবা পেত্রোতেক কনফরেন্সতা, ঐনা ভারতকী তুংগী ইনর্জীগী য়ুম্বী মখোঙ মরি পনখি। মখোয় অদুদি ইনর্জী ফংবা, ইনর্জী লিক্না শীজিন্নবা, তুংকোইনা ইনর্জী ফংবা অমসুং ইনর্জী সেকুরিতীনি।

মরূপশিং,

ইনর্জীগী অচুম্বা পুরকপা হায়বসি ঐগী মরুওইবা পান্দম অমনি অমসুং ভারতকী মরুওইবা অমনি। মসিগী পান্দম অসি ফংবা ঙম্নবা, ঐখোয়না থৌশিল-থৌরাং কয়া পায়খৎলে। হায়রিবা থবকশিং অদুগী মহৈ হৌজিক উবা ফংলে। ঐখোয়গী খুঙ্গংশিংদা হৌজিক মৈ ফংলে। পান্দম অমগী মখাদা পায়খৎলিবা সৌভাগ্য স্কিমগী মখাদা চহি অসিদা ভারতকী খুঙ্গং চাদা ১০০ মৈ ফংহনবা ঙম্লে। ঐখোয়না মৈ পুথোকপা হেনগৎলকপগা লোয়ননা, মৈ পুবা অমসুং য়েন্থোকপগী থবক্ত মৈ মাংবা হন্থহন্নবা ঐখোয়না পান্দম থম্লি। মসিগী পান্দম অসি ফংনবা ঐখোয়না উদয় স্কিমগী মখাদা থবক তৌরি।

লাইনা মৈ ফংবগী ৱার্ল্দ বেঙ্কগী রেঙ্কিংদা ভারতনা ২০১৪দা ১১১দা লৈরম্বা অদু ২০১৮দা ২৯দা হাইগৎলে। উজ্জ্বলা স্কিমগী মখাদা লৈবাক শীনবা থুংনা এল ই দি ব্লবশিং য়েন্থোকপদগী চহি অমদা লুপা ক্রোর লিশিং ১৭ কনবা ঙম্লে।

চাক থোংনবা গ্যাস শীজিন্নবদগী নুপীশিং অমসুং অঙাংশিং মৈখু খুবগী খুদোংথিবা মায়োক্নবদগী কোকহনবা ঙম্লে। উজ্জ্বলা য়োজনাগী মখাদা শুপ্নগী চহি অহুমগী মনুংদা য়ুম ক্রোর ৬.৪দা এল পি জি কনেক্সন পীরে। হিঙ্গোক মচুগী মৈরিগী অওনবা অমা হৌজিক চৎথরি। চহি মঙাগী মমাংদা এল পি জি শীজিন্নবা চাদা ৫০ ওইরম্বা অদু হৌজিক চাদা ৯০ হেল্লে।

মৈখু চেন্দবা গারী চেনবগী চাং হেনগৎলে। ২০২০গী এপ্রিল ফাওবগী মনুংদা ঐখোয় বি এস ফোরদগী বি এস সিক্সতা হকথেংননা চোংলগনি। মসি য়ুরো সিক্সকী থাক্কা মান্নরগনি।

মীয়াম্না শরুক য়াবদগী চাদা ১০০ মৈ ফংহনবা অমসুং এল পি জি শীজিন্নবা হেনগৎহনবা অসি পাংথোকপা ঙম্বনি। মীয়াম্না মখোয়গী অপুনবগী পাঙ্গল অদুদা থাজবা লৈরবা মতমদা ইনর্জীগী অচুম্বা পুরকপা ঙমগনি। থাজবা অদু থবক ওইনা ওন্থোকপা অসি সরকারনা তৌগদবনি।

হৌখিবা চহি মঙা অসিদা ভারতকী থাও অমসুং গ্যাসকী সেক্তরদা অচৌবা অওনবশিং লাক্লে। ঐখোয়না ঐখোয়গী থৌশিলশিং অমসুং নীয়মশিং ফগৎহল্লে। সেক্তর অসিদা অরোন-অথুপ লৈতনবা অমসুং চাংদম্নবা হেনগৎহন্নবা ঐখোয়না হায়দ্রোকার্বোন এক্সপ্লোরেসন এন্দ লাইসেন্সিং পোলিসী হৌদোক্লে।

রেভেন্যু য়েন্ননবা বিদ্দিংগী থবকশিংদা অহোংবা পুরকলে। ভারতকী ফিল্দশিংদা থাও থিবা থৱায় য়াওনবা ওপন এগ্রিয়েজ লাইসেন্সিং পোলিসী অমসুং নেস্নেল দেতা রিপোজিতোরীনা মতেং পাংলি।

গ্যাসকী মমল লেপ্পগী অহোংবশিং লৈরে। মালেমগী ওইনা শুংদোক্ত্রিবা থাওগী মমল য়েংলগা পেত্রোল অমসুং দিজলগী মমল লেপ্লি। মালেমদা ভারত অসি রিফাইনিংদা মরিশুবা খ্বাইদগী চাউবা লৈবাক অমা ওইরে। মসিনা ২০৩০ ফাওবদা মিলিয়ন মেত্রিক তন ২০০ রিফাইন তৌবা ঙমগনি।  

মমাং চহিদগী নেস্নেল বাইওফুয়েল পোলিসী চৎনবা হৌরে। সেকেন্দ অমসুং থার্দ জেনেরেসন বাইওফুয়েলশিং রিসর্স তৌবগী থবক হেনগৎলে। রাজ্য ১১দা সেকেন্দ জেনেরেসনগী বাইও-রিফাইনরী ১২ লিংখৎলে। ইথানোল য়ানশিনবা অমসুং বাইওদিজল প্রোগ্রাম্না কার্বোন থাদোকপা হন্থহল্লে অমসুং লৌমীশিংগী ইনকম হেনগৎহল্লে। ঐখোয়গী সিবিল এভিয়েসন সেক্তরদা বাইও এভিয়েসন তর্বাইন ফুয়েল চাংয়েং তৌবা হৌখ্রে।

ভারত অসি এফ দি আইগী মফম অমা ওইরে। সাউদী অরামকো, এদনোক, তোতেল, এক্সোন-মোবিল, বি পি অমসুং সেলনচিংবা কম্পেনীশিংনা মখা তানা শেন হেন্না থাদনবা হোৎনরি।

গ্যাসদা য়ুম্ফম ওইবা ইকোনোমীদা ভারত য়াংনা চংশিল্লি। গ্যাস পাইপলাইন কিলোমীতর লিশিং ১৬ শেমগৎলে অমসুং অহেনবা কিলোমীতর লিশিং ১১ শেমগৎলি। নোংপোক ভারত্তা গ্যাস পাইপলাইন কিলোমীতর ৩২০০ থবক হৌরে অমসুং মসিনা অৱাং-নোংপোক ভারত অসি নেস্নেল গ্যাস গ্রিদকা শম্নগনি।

থা অমগী মনুংদা সিতী গ্যাস দিস্ত্রিব্যুসনগী ১০শুবা বিদ রাউন্দ লোইশিল্লগনি। মসিনা জিলা ৪০০ কোনশিনগনি। মসিনা ঐখোয়গী অপুনবা মীশিংগী চাদা ৭০ কোনশিনগনি।

হৌজিক ঐখোয় ইন্দস্ত্রী  ৪.০গী শেম শারি। মসিনা ঐখোয়গী কম্পেনীশিংনা খ্বাইদগী নৌবা তেক্নোলোজীশিং শীজিন্নবা ঙমগনি। মসিনা থাও অমসুং গ্যাস পুথোকপা অমসুং এসেত য়েংশিনবা অমসুং মোনিতরিং তৌবদা কান্নবা ফংহনগনি।

চহি খর অসিদা ঐখোয়না ইন্তর্নেস্নেল ইনর্জী এজেন্সী অমসুং ওপেক্কা লৈনবা মরি ফগৎলে। ঐখোয়না ২০১৬দগী ২০১৮ ফাওবা ইন্তর্নেস্নেল ইনর্জী ফোরমগী চেয়র লৌখি। ইনর্জীগী মতাংদা ঐখোয়না নেপাল, বঙ্গলাদেশ, শ্রী লঙ্কা, ভুতান অমসুং ম্যান্মারগা লৈনবা মরি ফগৎহন্দুনা ঐখোয়গী য়ুম্নোনবা অহানবা হায়বা থৌশিল অদু য়োকখৎলি।

থাও অমসুং গ্যাস সেক্তরগী মালেমগী সি ই ওশিংগা ঐগা চাং নাইনা উনরি। মখোয়গা উনবা মতমদা থাও অমসুং গ্যাস অসি ললোনবগী পোৎলম অমা ওইবতা নত্তনা মসি চংদ্রবা য়াদ্রবা পোৎলম অমা ওইরি। মসি মীচম অমগী চাকশঙদা নৎত্রগা এয়রক্রাফ অমদা তঙাইফদনা চংদ্রবা য়াদ্রবনি।

মালেম অসিনা মরুওইনা থেংনরিবা খুদোংচাদবা অমনা ক্লাইমেত চেঞ্জ অসিনি। পেরিসগী কোপ-২১দা ঐখোয় পুন্না থবক তৌমিন্নদুনা ঐখোয়গী পান্দমশিং ফংবা ঙমগনি। লৈবাক অসিনা হায়খিবা ৱাফমশিং ঙাক্নবা ভারতনা হোৎনরি। পান্দম অদু ফংনবা ঐখোয় চংশিল্লি।

ইনর্জী সেক্তরগী তুংগী ফিবম শেম্নবা পেত্রোতেক্না খুদোংচাবা পীরি। মসি মালেমগী ওইনা থৌশিলশিং অমসুং অনৌবা তেক্নোলোজীশিং খন্ননবগী চপ চারবা মফম অমনি।

মাইপাকপা অমসুং মহৈ য়ানবা কনফরেন্স অমা ওইগনি হায়না থাজৈ।

ময়াম পুম্নমকপু থাগৎচরি।