ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা খুন্নাই অমসুং শিন্মীগী লমদা ব্রাজিল, রুসিয়ান ফেদেরেসন,  ইন্দিয়া, চাইনা অমসুং সাউথ অফ্রিকাগী মরক্তা মেমোরেন্দম ওফ অন্দর্সতেন্দিং  (এম ও য়ু) অমা খুৎয়েক পীনখ্রবা মতুংদা অয়াবা পীরে। ব্রিক্স লেবর এন্দ ইমপ্লোইমেন্ত মিনিস্তর মীতিং মনুংদা ২০১৮গী অগস্ত ৩দা এম ও য়ু অদু খুৎয়েক পীনখিবনি।

অকুপ্পা ৱারোলশিং :

এম ও য়ু অদুদা, ভারতনা লৈবাকশিংনা লেবরগী আইন অমসুং চৎনহনবা, শিন্মীশিংগী হক ঙাকপা, থবক ফংহনবা, শিন্মীশিংগী থৌশিল, শিনফম অমগী ইজুকেসন , স্কিলশিং অমসুং ত্রেনিং অমসুং সোসিয়েল প্রোতেক্সনগী লমদা মতেং পীনবা আমসুং থৌরমশিং পাংথোকমিন্নবা হায়না য়ানখি । সোসিয়েল সেকুরিতি অমসুং শিন্মীশিংগী ৱাথোকশিংদা মতেং পীননবা মেম্বর লৈবাকশিংনা ব্রিক্স নেতৱার্ক ওফ লেবর রিছাস ইন্সতিতুৎ অমসুং ব্রিক্স সোসিয়েল সেকুরিতি কোওপরেসন ফ্রেমৱার্ক শীজিন্নবা য়াগনি । মেমোরেন্দম  অসি মালেমগী ত্রিতি অমা নত্তে অমসুং লৈবাকশিংনা মসি শেম্নবগী অমসুং ইন্নবগী তঙাইফদবা মালেমগী আইনগী মতুংইন্না লৈতে ।

অচৌবা কান্নবা :

অনৌবা উদোক্কী অওনবা অসিগী কান্নবা ফংমিন্ননবা অমসুং পুন্না চাউখৎমিন্ননবা ব্রিক্স লৈবাকশিংগী মরক্তা মতেং পীন্নবগী থৌরাং অমা এম ও য়ু অসিনা পীরি । মসিনা মেম্বর লৈবাকশিংগী মরক্তা লেবর, ইমপ্লোইমেন্ত, সোসিয়েল সেকুরিতি অমসুং সোসিয়েল দাইলোগকী মতাংদা পুন্না থৌরমশিং পাংথোকপা অমসুং লৌশিং পীথোক–পীশিন তৌনবগী খুদোংচাবা ফংহনগনি । এম ও য়ু অসিনা ভি ভি গিরি নেসনেল লেবর ইন্সতিতুৎ ওফ ইন্দিয়াগা ইন্তরনেসনেল লেবর ওর্গনাইজেসন(আই এল ও)গী ইন্তরনেসনেল ত্রেনিং সেন্তর অমসুং ব্রিক্স নেতৱার্ক ওফ লেবর ইন্সতিতুৎশিংগা মরি শেমগৎকনি । মসিগী নেতৱার্ক অসিনা মরুওইনা নহারোলশিং থবক ফংহনবা অমসুং নৌবা থবক পুথোক্নবা রিছাস তৌবদা মীৎয়েং চংগনি ।

মসিগী নেতৱার্ক অসিনা ভরচুয়েল নেতৱার্কতা মতেং পীনবা হেনগৎহনবা, ই–পাউ পীথোক পীশিন তৌনবা অমসুং কেপাসিতি বিল্ডিংগী লমদা অনৌবা তেক্নোলোজিশিং পুথোকপদা মতেং পাংনগনি । ব্রিক্স সোসিয়েল সেকুরিতি কোওপরেসন ফ্রেমৱার্ক অসিনা ব্রিক্স লৈবাকশিংগী মরক্তা সোসিয়েল সেকুরিতিগী মতেং পীনবা হেনগৎহনগনি অমসুং মেম্বর লৈবাকশিংগী মরক্তা সোসিয়েল সেকুরিতি সিস্তেমশিং অমসুংঢ সোসিয়েল সেকুরিতি এগ্রিমেন্তশিংগী লমদা মতেং পীনবা হেনগৎহনগনি ।

নুংগীৱারোল :

২০১৮গী জুলাই ৩০দগী অগস্ত ১ ফাওবা ব্রিক্স ইমপ্লোইমেন্ত ৱার্কিং গ্রুপগী অনিসুবা মীফম পাংথোকখি অমসুং খা–অফ্রিকানা প্রসিদেন্দ ওইদুনা দরবানদা ২০১৮গী অগস্ত ২দগী ৩ ফাওবা ব্রিক্স লেবর এন্দ ইমপ্লোইমেন্ত মিনিস্তরিয়েল মীতিং পাংথোকখি ।

২০১৮গী জুলাই ৩০দগী অগস্ত ১ ফাওবদা পাংথোকখিবা ব্রিক্স ইমপ্লোইমেন্ত ৱার্কিং গ্রুপগী মীফমদা ব্রিক্স লৈবাকশিংগী মরক্তা সোসিয়েল অমসুং লেবরগী লমদা মতেং পীননবা দ্রাফ এম ও য়ু অদু কুপ্না খন্নখি অমসুং অরোইবা ৱারেপ লৌখি অমসুং ২০১৮গী অগস্ত ৩দা ব্রিক্স মেম্বর লৈবাকশিংগী মরি লৈনবা লেবর মিনিস্তরশিংনা খুৎয়েক পীনখি । এম ও য়ু অসিগী পান্দমদি সোসিয়েল অমসুং লেবরগী লমদা থৌশিলশিং শরুক য়ামিন্নবা, থৌরমশিং পাংথোকমিন্নবা, ৱা খন্নবা, অখঙ–অহৈশিংগী মীফম পাংথোকপা অমসুং কনফরেন্সশিং পাংথোকপনি ।