ভারতকী প্রধানমন্ত্রী

মফং অসি লেংশিনবীরিবা মশিং য়াম্না লাকপীরিবা ঐগী নুংশিজরবা ইচিল–ইনাওশিং,

অদোম পুম্নমকপু দীপাবলী অমসুং অনৌবা চহিগী য়াইফা পাউজেল পীজবগা লোইননা, হৌজিক ঐখোয়না ভাই দুজগী কুম্মৈ পাংথোক্লে নাগ পঞ্চমীগী কুম্মৈ ঙাইরি অমসুং অনৌবা ৱাশক্কা লোইননা, অনৌবা ভারত, অনৌবা গুজরাত শেমগৎনবগী মাইকৈদা ঙসি মমল নাইদ্রবা খুদোল ঘোঘাগী লৈমাইদগী হিন্দুস্তান অপুম্বনা ফংজরে। ঙসি ঘোঘা দহেজগী মরক্তা আরও–আরও ফেরী সার্বিসকী অহানবা তাঙ্কক হৌদোক্লি। মসি ভারত্তা অহানবা মখলগী প্রোজেক্তনি। মসি খা নোংপোক এশিয়াগীসু অসুক চাওখ্রবা অহানবা প্রোজেক্তনি। গুজরাতকী মীয়ামদা, মফম অসিগী সরকারদা, লুপা কোতি ৬৫০গী প্রোজেক্ত অসি, অনৌবা তেক্নিক কয়ামরুমগা লোইননা মপুং ফাহনবগীদমক হন্না হন্না নুংঙাইবা ফোংদোকচরি। প্রোজেক্ত অসি হৌদোকপগা লোইননা গুজরাতী কোতি তরুক মখাইগী য়াম্না চাওরবা মংলান অমা মংফাওনরে।

ইচিল-ইনাওশা

হৌজিক ফম্বাক অসিদগী ঐহাক্না খ্বাইদগী ফরবা দাইরী কেতল ফীদ প্লান্ত শঙ্গাবগী খুদোংচাবসু ফংজরে।

ঐগী নুংশিরবা ইচিল-ইনাওশা, চয়েৎনবা হিরম অমা লৈরে। মীওইবা খুন্নাইনা ইহান হানবদা ইরোইবা হান্না হৈবরা নত্রগা কাংখোং শেম্বা হান্না হৈবরা? কনানসু লেপ্পা ঙমদে মদুদি মীওইবনা হান্না কাংখোং শাখিবরা নত্রগা হান্না ইরোইবা তমখিবরা। অদুবু মসি অচুম্বনি মদুদি মীওইবা খুন্নাইনা হিদগীদি ইরোইদুনা তুরেল লান্থোকপনা হেন্না লাইনা লৌনৈ। গুজরাতকী চহি লিশিং কয়াগী সমুদ্রগী খোংচৎকী পুৱারী লৈজৈ। হি মসিদা শাখি। হি পুদুনা মালেমদা কোইবা মীয়ামগী চৎনবী ওইখি। লোথল লৈবা ৮৪গী ফিরাল মফম অসিদা পাইহল্লম্মি। ফলফী য়ুনিবর্সিতী চহি ১৭০০গী মমাংদা লৈবাক কয়া মরুমগী অঙাংশিং ঐখোয়গী অসিদা ফলফী য়ুনিবর্সিতীদা তম্লম্মি। অদুবু খঙদে করি ওইখিবনো পুম্নমক পুৱারিগুম্না লৈখাদা লুপখ্রে। মদুসু মতম অমনি।

ইচিল-ইনাওশা, সৌরাষ্ট্র অমসুং খা গুজরাতকী মরক্তা নুংতিগী চাওরাক্না মীওই লিশিং ১২ চৎথোক-চৎশিন তৌই। গাড়ী লিশিং মঙাদগী হেন্না লমদম অনি অসিবু কনেক্ত তৌননবগীদমক্তা লম্বীদা চেল্লি। কনেক্তিবিতী অসি লম্বীগী মহুত্তা সমুদ্রদা চৎলগদি কিলোমিতর ৩০৭কী অশাংবা অদু কিলোমিতর ৩১দা হনথখিগনি। ফেরী অমনা মীওই ৫০০দগী হেন্না, কার ১০০দগী হেন্না, ত্রক চাম্মদগী হেন্না পুদুনা চৎপা ঙম্মি। মরূপশা, ত্রাফিক্কী চাওরবা শরুক অমা ফেরী সর্বিস অসিগী মখা পোনখ্রগনি। নত্রগা ইশা ইশাগী গাড়ীশিং পুথোক-পুশিন তৌবদা । অদুনা মসিগী ইথিল অসি দিল্লী অমসুং মুম্বৈবু কনেক্ত তৌরিবা লম্বীশিংদসু পীরগনি। গুজরাতকী খ্বাইদগী ইন্দস্ত্রী লৈবা লমদম দহেজ, বদোদরা অমসুং মসিগী অকোইবদা লৈবা লম্বীশিংদা গাড়ীশিংগী মশিং হন্থরগনি। গাড়ীশিংগী খোংজেল য়াংখৎলগনি অমসুং খোংজেল য়াংনা মফম অসিগী ইকোনোমী সিস্তেমবু তোপ গ্যারদা পুরগনি।

মরূপশা, ঐখোয় অরিবা এপ্রোচকা লোইননা অনৌবা ফল ফংবা ঙম্লোই। অরিবা ৱাখল্লোনগা লোইননা অনৌবা থৌওং পাইখৎপা য়ারোই। ঘোঘা-দহেজ আরও-আরও ফেরী সর্বিস অসি মসিগী খ্বাইদগী চাওবা খুদমসুনি।

২০১২দা ঐ লাকখি। মসিগী উরেপ-উয়ুং ঐনা তমখিবনি। অদুবু মতম অদুদা সমুদ্রদা করিগুম্বা থবক খরা তৌগনি। অদুনা ঐখোয় ভারত সরকারগী মখা খরদি পোল্লম্মি। অমসুং মতম অদুদা ভারত সরকারদা অসিগুম্বা মীওই খরা ফম্লম্মি, ঐনা গুজরাতকী মুখ্য মন্ত্রী ওইরিঙৈদা। ৱাপীদগী কচ্ছকী মান্দ্বী ফাওবা গুজরাতকী সমুদ্র খোংবান্দা চাওখৎ তৌরাংদা মপুং ফানা থিংজিনখি। ঐখোয়গী ইন্দস্ত্রী পুম্নমকপু অকোইবগী ফিভমগী মিংদা শো লোনশিন্নবগীদমক কিহনখি। ঐনা খঙই মদুদি অদুক্কী মতিক অরুবা মওংদা ঐখোয়না গুজরাতপু মাংদা পুখৎনবা হোৎনবদা মাই পাকখিবা। অদুবু দিল্লী অদোম পুম্নমক্না ঐবু সেবা তৌনবগীদমক তাঞ্জা পীবীখিবগা মথং মথং তৌদুনা সমস্যাশিং লোইশিনখি। অমসুং ঙসি আরও-আরও ফেরী সর্বিস মীয়াম্না কৎতোক্নবা অহানবা তাঙ্কক্কী অমসুং প্রোজেক্ত অসি অরুবা ওইখি। বরুন দেবজীনা ঐখোয়বু চাংয়েং তৌদুনতা লাকখি। অদুবু পুৱারীনা খঙই মদুদি সেতু শেমগৎপগী মতমদা অপনবা কয়া মরুম থোকচরবসু সমুদ্র নৈবদগীনি অমৃত থোরকখিবদুসু।

মরূপশা ঙসি ঐখোয় বরুন দেবগী থৌজালদগী অমৃত অসি ফংজরে। জলসেতু ফংজরে। ঐনা কোক নোঞ্জদুনা মসি নীজরি মদুদি বারুন দেবগী থৌজাল মতম পুম্নমক্তা গুজরাতকী মীয়ামদা থম্বীবা ওইরসনু। অমসুং ঙসি ঐখোয়না আরও-আরও ফেরী সর্বিস হৌদোকপা মতমদা ঐনা অথৌবা মোখরাজী দাদাবসু কোক নোঞ্জরি। অমসুং ঐখোয়গী ঙা ফাবা ইচিল-ইনাওনা অথৌবা মোখরাজীবু য়ুবী কৎতুনা থবক হৌই। ঐসু মখোয়গী চৎনবী অদু পাংথোক্কনি। অমসুং অথৌবা মোখরাজীগী থৌজালদগী ঐখোয়গী লম্বী চৎপশিং শোইদ-ঙামদবা ওইরসনু। ভাবনাগর অমসুং সৌরাষ্ট্রা, খা গুজরাতকী শরুক্কুম্না মাংদা চখৎনবা, অদুক্কী মতিক চাওখৎপা ওইসনু অমসুং অথৌবা মোখরাজীগী থৌজাল ঐখোয় পুম্নমক্তা লৈগনি মসি ঐনা মপুং পানা থাজৈ।

প্রোজেক্ত অসি ইঞ্জীনিয়রশিং অমসুং গুজরাত সরকার অনিমক্কীদমক্তদি য়াম্না চাওবা শিংনবা অমা ওইখি। মরম অসিনা প্রোজেক্ত অসিগা হেক মরি লৈনবা মীওই খুদিংমক থাগৎনীংঙাই ওই।

ইচিল-ইনাওশা, গুজরাত্তা লৈবাক্কী খ্বাইদগী চাওবা সী ফ্রন্ত ফংই। কিলোমিতর ১৬০০তগীসু হেন্না শাংবা ঐখোয়গী সমুদ্র খোংবান লৈ। চহি কয়াগী মমাংদগী গুজরাতনা মশাগী পাঙ্গল অমসুং ওইথোকপা অদুনা মালেম পুম্নমক্কী ৱাখল মাগী মাইকৈদা চিংশিন্দুনা লাক্লি। লোথল পোর্ত্তগী থোরকপা ই-পাউশিংনা ঙসিসু অচৌ-অচৌবা মেরীন এক্সপর্তশিংবু অঙকপা পোকহল্লি। ঐখোয় পুম্নমক্না লৈরিবা মফম অসিদা চহি কয়াগী মমাংদগী মালেমগী তোঙান-তোঙানবা মফমদগী জহাজ লাক্লি। সমুদ্রা অসিবু নাৎকী লন্নি খন্দুনা ঐনা মতম অদুদগী গুজরত্তা পোর্ত লেদ দিব্লপ্মেন্তকী ৱা হায়দুনা লাক্লি। মদুদা ৱাখল থম্লদুনা ঐখোয়না গুজরাতকী কোস্তেল মফমশিংদা ইনফ্রাস্ত্কচর অমসুং দিব্লপ্মেন্তগী অতোপ্পা প্রোজেক্তশিংদা অখন্ননা মিয়েং চংলি। ঐখোয়না শিপ-বিল্দিংগী অনৌবা পোলিসী শেম্মি, শিপ বিল্দিং পার্ক শেম্মি। স্পিসিএল ইকোনোমিক জোনশিংদা অপীকপা পোর্তশিং পুক্নীং থৌগৎলি। শিপ-ব্রেকিংগী কাংলোনশিংদসু অহোংবা পুরক্লে। সরকারনা স্পেসিএলাইজ তর্মিনেলশিংগীদমক্তা, মুন্দ্রাদা কোল তর্মিনেলগুম্বা স্পিসিএলাইজ তর্মিনেলশিংদগী গুজরাতগী পোর্ত-সেক্তরবু অনৌবা মাইকৈ অমা, অনৌবা থৌনা অমা ফংলি।

মসিমক্কা লোইননা সরকারনা বেসেল ত্রাফ্রিক মেনেজমেন্ত সিস্তেম অমসুং গ্রাউন্দ ব্রেকিং কনেক্তিবিতী প্রোজেক্তপুসু অখন্নবা মওংদা য়োকখৎলি। সরকারনা লাক্কদৌরিবা মতম খরগী মনুংদা মেরিতাইম য়ুনিবর্সিতী শানবা অমসুং লোথলদা মেরিতাইম ম্যুজিয়ম শাননবগীসু য়াম্না পাক-চাওনা হৌজিক থবক পাইখৎলি। থবক ময়াম অসিগা লোইননা মফম অসিদা লৈরিবা ঐগী ঙামী মরূপ-মপাং অমসুং মীয়ামগী চাওখৎ-থৌরাংগীদমক সাগর-খেড়ু বিকাস প্রোগ্রামগুম্বা স্কিমশিংসু ঐখোয়না লেপ্তনা পাইখৎলি। ৱাফম অসিদসু শাফু পীরি মদুদি শিপিং ইন্দস্ত্রীদা মফম অসিগী নহারোলশিংবু ত্রেনীং পীদুনা থবক পীগনি।

মখোয়গী মহৈ-মশিং, হকশেল, থক্নবা ঈশিং, মৈগা লোইননা ঐখোয়না কোস্তেল সোসিয়েল সেক্যুরিতীগীসু মপুং ফাবা ইনফ্রাস্ত্রকচর শেম শারে।

ইচিল-ইনাওশা, হন্দক্তা জাপানগী প্রধানমন্ত্রী লাকখি। মতম অদুদা ঐখোয়না জাপানগা লোইননা শিপিং সেক্তরগী মতাংদা মরু ওইবা য়ান্নবা অমা পুরকখি। য়ান্নবা অসিগী মখাদা জাপান সরকার অমসুং মফম অদুগী ফাইনান্সিয়েল ইন্সতিত্যুৎ অমা ওইরিবা জাইকা, এলাং শিপয়ার্দতা অপ-গ্রেদেসনগীদমক্তা মদুগী মোদর্নাইজেসন তৌনবগীদমক ঐখোয়দা শেলগী তেংবাং পীগনি, ঐখোয়দা শেল পীগনি। মসিগীদমক্তা মখোয় শেম শারে।

মরূপশা, সরকারনা ভাবনাগরদগী এলাং-সোসিয়া শিপ রিসাইক্লিং য়ার্দ ফাওবগীদমক্তা অতোপ্পা লম্বীদসু থবক তৌগনি, এশিয়াগী খ্বাইদগী চাওবা শিপ রিসাইক্লিং য়ার্দতা থৌমি লিশিং ১৫দগী ২৫ ফাওবা থবক তৌই। এলাং-সোসিয়া শিপ রিসাইক্লিং য়ার্দ ভাবনাগরদগী চাওরাক্না কিলোমিতর ৫০ রোম লাপ্পি। হৌজিক মসিগী লম্বীদা জামগী অৱাবা য়াম্না থোক্লি। ঐনা খল্লি মদুদি ঐনা হায়রুবগী মথৌ তাদে। সরকারনা মসি লেপখি মদুদি এলাং-সোসিয়া শিপ রিসাইক্লিং য়ার্দ অমসুং মউৱা, পীপাৱাও অমসুং জাফরাবাদ, ৱৈরাৱলবু শম্নহনগদবা অতোপ্পা লম্বী অমা লৈরিবা অসি অপগ্রেদ তৌরগনি। তুংলমচৎতা এলাং য়ার্দকী মপাঙ্গলসু হেনগৎহনগদৌরি অমসুং মদু য়েংলুরগা লম্বী মরক অসি নৌথোকহনবা অসি তঙাইফদবা ওইরে। লম্বী অসিদগী ঘোঘা-দহেজ ফেরী সর্বিসকীদমক্তা লাক্লিবা গাড়ীশিংদসু কান্নবা ফংলগনি।

মরূপশা, সরকারগী লেপ্তনা হোৎনবা অদুনা মরম ওইদুনা ঙসি গুজরাতকী কোস্তেল অসুক্কী মতিক খোংজেল য়াংনা চাওখৎলক্লি। ঙসি গুজরাত অসি লৈবাক অপুম্বদা পোর্ত মচাগী থোংদা কার্গোগী চৎথোক চৎশিনগী অপুনবা চাদা ৩২দি গুজরাত মথন্তনা হেন্দল তৌরি। হায়বদি শরুক অহুম থোকপগী অমা গুজরাত্তা তৌরি। মসিদসু নত্তনা থবক অসিদা হৌখিবা চহি ১৫ রোম অসিদা ফনা য়াম্না হেনগৎলক্লি। ঐনা থাজৈ মদুদি মতৌ অসুম্না চহি ১৫ রোম অসিদা গুজরাতনা মাগী পোর্তশিংগী মপাঙ্গলসু শরুক মরি কনশিলহনখিবা অসুম্না কার্গো হেন্দল তৌবগী খোংজেলসু হেন্না য়াংশিল্লগনি।

ইচিল-ইনাওশা, গুজরাত অসি লম্বীগী মিৎয়েংদা য়ুংলুবদা স্ত্রাতেজিক লোকেসন্দা ফজনা লৈ। মফম অসিদগী মালেমগী মফম অমা হেক্তা সমুদ্রগী লম্বীদা য়ৌরুনবা য়াম্না লাইবা, অহোংবা অমসুং অচম্বা লম্বী লৈ। ঐখোয়না গুজরাতকী পাঙ্গলবু মপুং ফানা শিজিন্নগদবনি। গুজরাতকী মেরিন দিবিলপমেন্তসু লৈবাক অপুম্বগী মোদেলনি। ঐনা থাজৈ মদুদি আরও-আরও ফেরী সর্বিসকী প্রোজেক্ত অপুম্বসু অতোপ্পা রাজ্যশিংগীদমক্তসু মোদেল প্রোজেক্ত অমগুম্না থবক তৌগনি।

মরূপশা, তুংলমচৎতা ঐখোয় ফেরী সর্বিস অসিবু শুপ্ননগী ঘোঘা-দহেজ ফাওবদংদা লেপকদবা নত্তে। তুংলমচৎতা ঐখোয় ফেরী সর্বিস অসি হজীরা, পীপাৱাও, জাফরাবাদ, দমন-দ্বীপ মফমশিং অসিদা শম্নহনবগী মাইকৈদা থবক তৌগদৌরি । ঐঙোন্দা তম্মি মদুদি সরকারগী শেম-শাবা অসি লাক্কদৌরিবা চহি খরদা ফেরী সর্বিস অসিবু সুরত্তগী হজীরা অমসুং মথংদা মুম্বৈ ফাওবা চৎনবগীদমক্তসু পাইখৎলি। কচ্ছগী লমবেলদসু অসিগুম্বা মখলগী প্রোজেক্ত হৌদোক্নবগীদমক খন্ন-নৈনবা হৌজিক মরু ওইবা থাক্তা চৎথরি। ঐঙোন্দা তম্মি মদুদি কচ্ছগী ৱায়ু অমসুং জামনগরগী রোজী বন্দরগী মরক্তা অসিগুম্বা সর্বিস হৌদোক্নবগীদমক প্রি-ফীজিবিলিতী রিপোর্ত হান্ননা শেম শাবা লোইখ্রে। মসিদসু নত্তনা ফেরী সর্বিস অসিগী শিজিন্নবা হেনগৎলকপগা ইন্দস্ত্রী পুম্নমকপু নর্মদা তুরেলগী পাম্বৈনসু শম্নহনগনি।

মরূপশা, ভারতকী পাক চাওরবা সমুদ্রগী ঙমখৈ কিলোমিতর ৭৫০০ শাংই। ইনবেস্তকী ওইথোকপা ময়াম অমনা পীক থন্না লৈ। ঐনা লৌই মদুদি ঐখোয়গী সমুদ্রা খোংবান লৈবাক্কী চাওখৎ-থৌরাংগী গেৎ-ৱেনি। ভারতকী মপুং ফাবগী চংফম থোং ঐখোয়গী হিথাংফম্নি। লৈবাক্কী শিপিং অমসুং পোর্ত সেক্তরসু মতম কোইনা থৌওইরুদ্রে। সেক্তর অসিবু ফগৎহন্নবগীদমক মসিবু অনৌবা ওইহন্নবগীদমক সরকারনা সগরমালা থৌরমসু হৌদোক্লে।

সাগরমালা প্রোজেক্তকী মখাদা লৈবাক অসিদা লৈরিবা পোর্তশিং অসিগী মোদর্নাইজেসন অমসুং অনৌবা পোর্ত শেমগৎপগী থবক পাইখৎলি। লম্বী রেল লম্বী ইন্তর্স্তেৎ-ৱাতরৱেজ অমসুং কোস্তেল ত্রান্সপোর্তপু ইন্তিগ্রেতেদ তৌরি। প্রোজেক্ত অসি কোস্তেল ত্রান্সপোর্তকী খুৎথাংদা পোৎ পুথোক-পুশিন তৌবা হেনগৎহনবদা য়াম্না মরু ওইবা থৌদাং য়ারি।

মরূপশা, সরকারনা হোৎনবগী মরম্ননি হৌখিবা চহি অহুম অসিদা পোর্ত সেক্তরদা য়াম্না চাওনা অহোংবা পুরক্লিবসি। অমসুং হৌজিক ফাওবগী খ্বাইদগী চাওবা কেপাসিতী এদিসন হৌখিবা চহি অনি নত্রগা অহুম অসিদা তৌখ্রে। শেন মাংদুনা লাক্লিবা পোর্ত নত্রগা সরকারগী কম্পেনীশিংদসু অহোংবা পুরক্লি। সরকারগী ৱাখল কোস্তেল সার্বিসকা মরি লৈনবা স্কিল দিব্লপমেন্তদসু থম্লি। থাজবা অমগী মতুং ইন্না সাগরমালা প্রোজেক্ত মথন্তদগী লাক্লিবা মতম খরগী মনুংদা অনৌবা থবক কোতি অমরোম পীবগী হিন্দুস্তান্দা তাঞ্জা অদু লাকপা য়াই। ঐখোয়না এপ্রোচ অসিগা লোইননা থবক তৌরি মদুদি ত্রান্সরোর্তেসনগী ফ্রেমৱার্ক পুম্নমক অনৌবা অমসুং ইন্তিগ্রেতেদ ওইগনি।

ঐখোয়গী লৈবাক্তা ত্রান্সপোর্তকী কাংলোনশিংদা চাং মান্নরমদবশিং অদুসু কোকহন্নবা হোৎনরি। চাং মান্নদবা অসি অদুক্কী মতিক য়াম্লম্মি মদু অদোম্না মসিদগী খঙবা ঙমগনি মদুদি নীং খা তম্লবা চহি অসুক কুইরবা মতুংদসু মফম অসিদা শুপ্নগী নেস্নেল ৱাতর্ৱেজ মঙাখক্তমক লৈরম্মি। ৱাতর ত্রান্সপোর্ত্তা অসুক হোংবা অমসুং লৈবাক্কী তুরেলশিংগী ঈশিং লৈজদুনসু মসিবু থৌওইবীরমদে। হৌজিক সরকার অসিনা নেস্নেল ৱাতর্ৱেজ ১০৬ শেমগৎখ্রে। অমসুং মসিদা খোংজেল য়াংনা থবক পাইখৎলি। নেস্নেল ৱাতর্ৱেজ অসিগী অশাংবা পুন্না কিলোমিতর ১৭০০০দগী হেল্লি। ৱাতর্ৱেজ অসি লৈবাক্কী ত্রান্সপোর্ত সেক্তর লৈবাক্কী চাং মান্নদবা অসিবু কোকহনবদা য়াম্না কান্নবা ফংখি।

ঐখোয়গী সমুদ্রগী লন ঐখোয়গী খুঙ্গংগী অমসুং সমুদ্রগী তোর্বান্দবু অনৌবা মশক অমা পীবা ঙমগনি। ঙামী ইচিল-ইনাওশিংনা লন অসিবু মপুং ফানা শিজিন্নবা ঙম্ননবা সরকারনা ব্লু রিবোলুসন স্কিম হৌদোক্লি। মখোয়বু অনৌবা তেক্নিক শিন্নদুনা ঙা ফাবা অমসুং ঙা য়োকপদা ভেল্যু-এদিসনগী মতাংদা তম্বীরি। ব্লু রিবোলুসন স্কিমগী মখাদা ঙসি ঙামীশিংবু লোংলাইনর ত্রোলরর্সগীদমক্তা শেলগী তেংবাং পীননবা থৌরাংসু শেম্লে। ভেসেল অমদা কেন্দ্র সরকারগী মাইকৈদগী লুপা লাখ নিফুগী সবসিদী পীগনি। লোংলাইনর ত্রোল্লর্সনা শুপ্নগী ঙামীশিংগী পুন্সি লাইথোকহনবতা নত্তনা মখোয়গী ললোন-ইতিক তৌবদসু অনৌবা অচেৎপা শেনমিৎলোন অমা পীরগনি। হৌজিক মতৌ অসুম্না ত্রোলর্স শিজিন্নরিবা অসিগুম্না মখোয়না ঈশিং খজিক্তংদা ঙা ফাবদা কান্নবা ফংলি। তেক্নিক্কী মতাংদসু মসি য়াম্না লিরে রিস্কী ওই। মরম অসিনা অসিগুম্বা অরিবা ত্রোলর্স পুদুনা সমুদ্রদা চৎলবদি লম্বী তোইনা মাংই। ভারতকী সমুদ্রগী ঙমখৈ থাদোক্তুনা অতোপ্পা লৈবাক্কী সমুদ্রগী ঙমখৈ য়ৌরে হাযবা মখোয়না খঙবা ফাওবা ঙমজদে। মদুগী মতুংদা ঙামীশিংনা মখল কয়াগী অৱাবা কয়া মায়োক্নবা তারম্মি। অদুক্কী মতিক তেক্নিক য়াম্না শিজিন্নদুনা ঐখোয়না অদুগুম্বা অৱাবশিং অদুবু হন্থহনবা য়াই অমসুং মরম অসিনা ঐখোয়না লোংলাইনর ত্রোলর্সগী মতেংদগী ঙামী ইচিল-ইনাওশিংনা সমুদ্রদা মাইকৈ চুম্না য়াম্না লাপ্না অরুবা ঈশিংদা ঙা ফানবগীদমক্তা ঙা ফাবা চৎপা ঙম্নবগীদমক সরকারনা মতেং পাংনবা থৌরাং তৌরি। অনৌবা লোংলাইনর ত্রোলর্স থাওগী মতাংদসু য়াম্না কান্নৈ। হায়বদি ঙা ফাবশিংগী শোইদ-ঙামদবা হেনগৎহনবগা লোইননা মখোয়গী ললোন-ইতিক অমসুং শেন্দোং অনিমক হেনগৎহনগনি।

ইচিল-ইনাওশা, আঙাং ওইরিঙৈ মতমদগী থবক অদুগীদমক মংজরকপা মংলান অদু মংফাওনরবা মতুংদা ঐনা খঙলকপা অদুগী ৱাখল অদু কনানসু খনবা ঙম্লোই। অঙাং ওইরিঙৈ মতমদা তাখিবা ৱফম, ওইদি ওইথোকখিদ্রবা, ঙসি ঐগী মিৎমাংদা উবা ফংজরি অমসুং ইশামক থবক অসি তৌজনবগী তাঞ্জা ফংজরি, ঐনা খঞ্জৈ মদুদি ঐগী পুন্সিগী খ্বাইদগী য়াইফরবা মিকুপ্নি। ঐহাক মসি ঐগী লাইবক ফবনি হায়না লৌজৈ। দহেজদা ঐ চৎকনি ঐনা খঙবশিং মফমদুদা য়েল্লুগনি। অদুবু ঐহাক অদোমদা হায়জরি মদুদি মসিগী মরু ওইখ্রবা থবক অসিদা অদোম ঐগা লোইনবীয়ু অমসুং মসি য়াবীয়ু মদুদি ফেরী সাবিস অসিদি অহৌবগীনি, মসি অহানবা তাঙ্কক্নি। মতুংদা প্রাইবেৎ কম্পেনীশিং লাক্কনি ফেরী ময়াম অমা চৎলগনি। রুৎ চৎকনি, তুরিজম দিব্লপমেন্ত তৌরগনি। অমসুং সুরতকী ঐখোয়গী শেল পাইবা মীয়াম্না মসিবু ৱাইদুনা মপোক নুমিৎ পাংথোক্নবা সমুদ্রদা চৎকনি। য়াম্না চাওবা চাওখৎ-থৌরাংগী ওইথোকপা লৈ। অমসুং মরম অসিনা ঐনা হায়খি মদুদি ঘোঘাগী মরাইবক অমুক্কা হন্না হোংদোক্কদৌরি। ঘোঘাগী মরাইবক অমুক্কা হন্না হোংলি। অমসুং অমুক্কা হন্না অদোম পুম্নমকপু ঘোঘা-দহেজ আরও-আরও ফেরী সাবিস অমসুং খ্বাইদগী ফবা দাইরীগী কেতল ফীদ প্লান্তগীদমক্তা ঐনা হন্না হন্না নুংঙাইবা ফোংদোকচরি। অদোম পুম্নমকপু হন্না হন্না থাগৎচরি।

ভারত মাতাগী জয়,

ভারত মাতাগী জয়,

অথৌবা মোখরাজী দাদাগী জয়

অথৌবা মোখরাজী দাদাগী জয়

অথৌবা মোখরাজী দাদাগী জয়