ভারতকী প্রধানমন্ত্রী

নুমিৎ ২-৩গী মনুংদা ঐখোয়না শেংলবা রক্ষাবনধনগী কুম্মৈ পাংথোক্লগনি। ঐগী ইচলশিংনা ঐগীদমক অচৌবা রাখী অমা পুদুনা মফম অসিদা লাক্লগনি। ঐঙোন্দা বর পীবীরিবা ঐগী লৈবাক অসিগী ইমাশিং অমসুং ইচলশিংদা ঐনা থম্মোয় শেংনা থাগৎপা ফোঙদোকচরি।

রক্ষাবনধনগী কুম্মৈ অসি মফম খুদিংদা পাংথোক্লি অমসুং গুজরাতকী ইমুং লাখ ১ হেনবনা মখোয়গী য়ুমগী রেজিস্তার ইচলশিংগী মিংদা পাল্লে। মসি রক্ষাবনধনগী কুম্মৈ অসিগী খ্বাইদগী চাউবা খুদোল অমনি হায়না লৌই।
য়ুম লৈতবগী অৱাবা অদু ঐ খঙই। পুন্সিগী অয়াম্বা শরুক স্লমদা হৌরকখি। তুংগী ফিবম য়েংবদা অমম্বনা পীক থনখি। অয়ুক খুদিং অনৌবা অশা অমগা লোয়ননা য়াহৌখি।

অদুবু, কনাগুম্বা অমনা মশাগী মিংদা য়ুম অমা লৈরবা মতুংদা, মীওই অদু মঙ মঙবা হৌরকখি। খ্বাইদগী নহা ওইবদগী হৌরগা অহল ফাওবা ইমুং অমগী মীওইশিং পুন্না মখোয়গী মঙলানশিং মঙফাওননবা থবক কন্না শুবা হৌরকখি অমসুং মখোয়গী পুন্সিদা অওনবা লাকপা হৌরকখি।

রক্ষাবনধনগী কুম্মৈ মমাং অসিদা মবুং অমা ওইনা ইমাশিং অমসুং ইচলশিংদা অমসুং ইমুং লাখ ১ হেনবদা য়ুমশিং পীবদা ঐ হরাওই।

শেংলবা রক্ষাবনধনগী কুম্মৈদা ইমাশিং অমসুং ইচলশিংদা লুপা ক্রোর ৬০০গী অতোপ্পা স্কিম অমা পীনবা থৌরাং তৌরি। ঈশিং ফংদবগী অৱাবা অসি ইমাশিং অমসুং ইচলশিংনা নংলি। হৌজিক ফাওবা ইমুং অমগী ঈশিং শোকপগী থবক ইমাশিং অমসুং ইচলশিংনা তৌরি। অফবা থক্নবা ঈশিং ফংদবদগী, য়ুম অয়াম্বা লায়নাশিংগী মফম ওইদুনা লৈরি। অফবা ঈশিংনা ইমুং অমা লায়না কয়াদগী ঙাকথোকপা ঙম্মি।

ঐনা ঐগী পুন্সিগী অয়াম্বা শরুক ত্রাইবেলগী খুলশিংদা লৈরকখি। ঐনা ধরমপুর সিদামবারীদা লৈরিঙৈদা ঐগী ৱাখলদা ৱাহং অমা হংলকখি। লমদম অসিদা নোং মরাং কাইনা চুরবসু দিৱালীগী থা অনিগী মতুংদা ঈশিং ফংদে। মতম অদু ঐনা নীংশিংখি, মদুদি ত্রাইবেলশিং মফম ধরমপুর, সিদামপুর, উমরগাউন অমসুং অমবাজীদা নোং মরাং কাইনা চুখি অমসুং ঈশিং অদু সমুদ্রদা চেনথখি, মফম অদু কংদুনা লৈখি।

ঐনা গুজরাতকী চীফ মিনিষ্টর ওইবা মতমদা গুজরাতকী নোংপোক থংবা ত্রাইবেলশিংগী লমদম উমর গাউন অমসুং অম্বাজীগী মরক্তা ঐনা লুপা ক্রোর লিশিং কয়া থাদদুনা খুঙ্গং খুদিং অমসুং য়ুমথোং খুদিং তোতীগী ঈশিং ফংহনখি।

নহাক্না য়েংখিবা ফিল্ম অদুদা স্কিম ১০ পনখি। ঙসিদি স্কিম ১০ অদু থবক হৌরগনি। ফিল্ম অদু য়েংখিবশিংনা অঙকপা পোক্কনি মরমদি, বিল্দিং অমগী মথোল ২০০ ফাওবা ৱাংবা ফাওবা ঈশিং য়ৌগনি। অৱাংবা মফম অদু ফাওবা তুরেলনা ঈশিং পুখৎকনি অমসুং অনেম্বা মফমশিংদা লৈবশিংদা ঈশিং ফংহনগনি। মসি অঙকপা তেক্নোলোজী অমনি।

ঐখোয়গী লৈবাক্তা, গিরগী উমংদা সুপ্নগী ভোত্তর অমা খক্তগী ঐখোয়না পোল্লিং বুত অমা থমখি। মসিগী ভারতকী মীখলগী অমসুং মালেমগী মীখলগী মমিং চৎপা থবক অমনি। মসি বোক্স আইতেমগী পাউ ওইরে।

মসিগী অনৌবা থবক অসি অঙকপা অমা ওইগনি হায়না ঐনা থাজৈ। য়ুম ২০০-৩০০ লৈবা খুঙ্গং অমা ঈশিং ফংহন্নবা মীয়ামগী খনবা সরকার অমনা ঈশিং অদু বিল্দিং মথোল ২০০ ৱাংবগা মান্নবা মফম অমদা পুখৎলি। মসি লৈবাক অসিগী নাগরিক খুদিংমক্কীদমক ঐখোয়না কৎথোকপগী খুদম্নি।

মমাংদা ত্রাইবেলনা চীফ মিনিস্তর ওইবা সরকার কয়া লৈখ্রে। ঐনা চীফ মিনিস্তর ওইদ্রিঙৈ মমাংদা ত্রাইবেলনা চীফ মিনিস্তর ওইরমখি। চীফ মিনিস্তর ওইরবা মতুংদা ঐনা মহাক্কী খুঙ্গং অদুদা চৎপা মতমদা ঈশিংগী তেঙ্কি ময়াম অমা উখি অদুবু ঈশিং মরিক অমত্তা উখিদে। হায়রিবা খুঙ্গং অদুদা ঈশিং ফংহনবগী খুদোংচাবা ঐনা লৌখি ।

কনাগুম্বা অমনা লম্বী চৎপশিংগীদমক ঈশিং চফু অমা নৎত্রগা অনি থম্লবদি, চহি চুপ্পা ইমুং অদু ইকায়খুম্নবা উৎকনি অমসুং চাউথোকচগনি।

গুজরাত অমসুং রাজাস্থানগী খুঙ্গংশিং ঈশিং ফংহন্নবা থবক কন্না সুখিবা লাখা বালধারাগী ৱারী ঙসি ফাওবা মীয়াম্না লিনরি। করিগী? মরমদি মখোয়না মীয়ামদা ঈশিং ফংহন্নবা থবক কন্না সুখি। মসি লাউথোকপদা ঐনা চাউথোকচবা পোক্লি মদুদি য়ুমথোং খুদিংদা তোতিগী ঈশিং ফংহন্নবা গুজরাত সরকারনা থবক পায়খৎলি।

অরুবা ৱাহং খরগী পাউখুম পীনবা ঐখোয়না হোৎনরি। গুজরাতকী তুংগী ফিবম করি ওইগনি? লায়রবশিংগী পুন্সি করি ওইগনি? ঐখোয়গী মঙলানশিং করিনো অমসুং মদু ফংনবা ঐখোয়না করি পায়খৎলিবগে?

নহাক্না খঙলমগনি মদুদি, গুজরাত অসি পুং ১.৩০দগী মিনিত ৪৫ চংনা গুজরাত শীনবা থুংনা চৎপগী খুদোংচাবা অমা ঐনা ফংখ্রে। ঐনা জিলা খুদিং চৎতুনা ইমাশিং অমসুং ইচলশিংগা ৱারী শানখি। মখোয়না হায়রিবশিং অদু ঐনা তারবসু ঐগী মীৎতি মখোয়গী য়ুমদা য়েংখি। ঐনা মখোয়গী য়ুমশিং য়েংশিনখি। প্রধান মন্ত্রী অৱাস য়োজনাগী মখাদা শাবা য়ুমশিং অসুক য়াম্না ফজরম্বদা ঐ অঙকপা পোকখি। মসি শেন কক্তবা অমসুং মিদলমেন লৈতবদগী ওইবনি।

পুম্নমক অসি দিল্লীগী কেন্দ্র সরকারনা কাইথোকখিবা লুপা ১গী মনুংদা অপুনবা পৈশা ১০০ লায়রবশিংগী য়ুমদা য়ৌবদগী থবক ওইনা পাংথোকপা ঙম্বনি। মীদিয়া, প্রেস অমসুং মীয়ামগী মমাংদা সরকার অসিনা ইমা অমদা মখোয় শেন পীজবরা নৎত্রগা পীজদবরা হায়না ৱাহং হংবা ঙমগনি। মখোয়না মরক্কী মীদা করিগুম্বা অমা পীবরা নৎত্রগা পীদবরা হায়না হংবা ঙমগনি।

ঐখোয়না ঐখোয়গী ওইবা অফবা শক্তম অমা শাগৎলি। য়াম্না থাজবা অমগা লোয়ননা ইমাশিং অমসুং ইচলশিংনা পীদে, ঐখোয়না কনাগুম্বা অমদা পৈশা অমা ফাওবা পীদে হায়না লাউথোকপা অসিদা ঐ হরাওই। স্কিম অসিগী মখাদা ঐখোয়গী ফংফম থোকপশিং ফংলে।

প্রধান মন্ত্রী অৱাস য়োজনাগী মখাদা শারিবা য়ুমশিং অসি নহাকনা উবা মতমদা সরকারনা শাবা য়ুম অসুক য়াম্না ফজবরা হায়না নহাক্না খনগনি। মসি অচুম্বনি মরমদি য়ুম শানবগী শেন সরকারনা পীবনি অমসুং ইমুংশিং অদুনা থবক কন্না সুদুনা য়ুমশিং অদু শাবনি। য়ুম শানবগী থৌরাং অমসুং করি পোৎলম্না য়ুম শাগনি হায়বদু মখোয় মশানা লাংজবনি।

ঐখোয়না সরকারগী থিকাদারশিংদা য়ুম শানবগী থবক শীন্নদে। মদুগী মহুৎতা থবক অসি ইমুং অদুদা পাংথোকহল্লি। ইমুং অমনা মশাগী য়ুম শাজবা মতমদা, হরাওবা অদু মপান নাইদে অমসুং মখা তারকপদা গুজরাতকী খুঙ্গং খুদিংমক্কী ইমুং খুদিংগী ফজরবা য়ুমশিং শারে।

লায়রবশিংদা শক্তি পীদুনা লায়রবা মুথৎনবগী স্কিম অমা ঐখোয়না হৌদোক্লে। বেঙ্ক ময়াম অমা লৈরবসু বেঙ্কশিংদা লায়রবশিং চংবা ফংদে। প্রধান মন্ত্রী জন ধন য়োজনাগী মখাদা ঐখোয়না বেঙ্কশিং লায়রবশিংগী থোংজিলদা পুরক্লে।

মতম অমদা ইনাকখুনবশিং খক্তনা মখোয়গী ময়ুমদা মৈ থাল্লম্মি। লায়রবশিংনা করম্বা মতমদা মখোয়গী য়ুমশিং মৈ থানবা ফংগদগে হায়না খল্লম্মি। ঙসিদি উজালা স্কিম অমসুং সৌভাগ্যা স্কিম ঐখোয়না পায়খৎতুনা য়ুমথোং খুদিংদা মৈ ফংহনবা হৌরে। লাক্কদৌরিবা চহি ১দগী ১.৫০গী মনুংদা ভারত্তা মৈ থানদবা য়ুম অমত্ত লৈররোই।

মসি লায়রবশিংগী য়ুমদা অমাংশঙ, মৈ, থক্নবা ঈশিং অমসুং গ্যাসকী স্তোপ ফংহন্দুনা মখোয়গী পুন্সিদা অহোংবা লাকহন্নবগী থবক অমনি।

মরুপশিং, গুজরাতকী মীয়ামনা ঐ য়োকলকখিবনি অমসুং শেম্লকখিবনি। গুজরাতনা ঐঙোনদা পারা কয়া তম্বীখি। মঙলানগী অকক্নবা মতম অমগী মনুংদা ফংহন্নবা ঐনা হোৎনরি। নীংতমবা চহি ৭৫ শুবা চহি ২০২২দা ভারতকী ইমুং অমমম মশাগী য়ুম অমমম লৈহন্নবা ঐখোয়না মঙ মঙলি।

মতম অমদা রাজনিতী তৌবশিংগী অচৌবা য়ুমশিংগী পাউ ফোংলম্মি অমসুং হৌজিক্তি মীদিয়ানা লায়রবশিংগী অচৌবা য়ুমশিংগী পাউ ফোংলে।

মসিনি বলসারদা প্রধান মন্ত্রী অমা লাক্তুনা মখোয়গী য়ুম শঙ্গাবা শরুক য়ারিবা অমসুং মখোয়গী হরাওবা অমসুং নুংঙাইবদা শরুক য়ারিবা।

মরুপশিং,

হৌখিবা চয়োল অসি ঐখোয় শাথিনা নুংঙাইখিদে। অতল বিহারী ভাজপেয়ী লৈখিদরে অদুবু মহাক্কী মমিং লৌদুনা থোনখিবা প্রধান মন্ত্রী গ্রাম সরক য়োজনা অসিনা খুঙ্গংগী লম্বীশিং কোয়লা থানবা পান্দম থম্লি। অপীবা মতমগী মনুংদা থবক লোইশিন্নবা থবক য়াংনা পায়খৎলি ।

শম্না হায়রবদা, অহোংবা পুরক্নবা থবক কন্না পায়খৎলি। স্কিল লৈহল্লবা মতুংদা মনুং হুনজিনবা মফমদা লৈবা ইচানুপীশিং থবক ফংলে। মসিগী খুদম পীনবগী খুদোংচাবা ঐঙোন্দা লৈরি ।

লৈবাক অসিগী খুদোংচাদবশিং ইরাই লাইনা কোকহনবা য়াগনি, মীচম মীয়ামগী মঙলান মঙফাওনহনবা য়াগনি অমসুং মসি ফংনবা ঐখোয়না লেপ্তনা হোৎনরি ।

মফম অসিদা নুমিৎ খরনিগী মমাংদা ঐ লাক্কদবনি অদুবু নোং তাবদগী তোকখি। মতম অসিদা নোং তারবসু, চয়োল কয়া নোং তাদনা লৈখি। গুজরাতকী মফম খরনা নোংগী ঈশিংনা ঈচাউ থোকখি অমসুং মফম খরদনা নোং মরিক অমফাওবা তাখিদে। লাক্কদৌরিবা চহিশিং অসি অঙকপা ওইগনি। মসি লৌউ-শিংউবদা য়াম্না কান্নগনি ।

বলসারগী মরুপশিং,

মতম শাংনা ফমদুনা কনফরেন্স অসি শরুক য়াবীগীদমক থাগৎচরি। মশিং য়াম্না থৌরম অসিদা শরুক য়াবগীদমক ঐনা থাগৎলিবা অসিনা মতিক চাবা নত্তে। রক্ষাবনধনগী কুম্মৈ অসিদা ঐনা ইমাশিং অমসুং ইচলশিংদা ঐগী য়াইফ-পাউজেল পীজরি।

থাগৎচরি।