ভারতকী প্রধানমন্ত্রী

ভারত ইমানা য়াইফরে

ভারত ইমানা য়াইফরে

ভারত ইমানা য়াইফরে

থৌরম অসিদা মুখ্য মন্ত্রী শ্রী ভুপেন্দ্র ভাই, গুজরাত এসেমব্লীগী স্পিকর শঙ্কর ভাই, দিপুতি মুখ্য মন্ত্রী ভাই হর্শ সংঘভি, গুজরাত সরকারগী মন্ত্রী পুম্নমক, ঐহাক্কী ইচিল-ইনাওশিং অমসুং বনাসকান্থা, ভাব, থরাদ অমসুং অৱাং গুজরাতকী ঐহাক্কী নুংশিরবা ইচিল-ইনাওশিং শরুক য়াখি।

ঙসি, ঐগী ইমাশিং অসি মফম অসিদা মশিং য়াম্না তিনখি, ইমাশিং অমসুং ইচে-ইচলশিং অসিনা মশিং য়াম্না লেংবীরক্লি। ঐহাক্কী ইমাশিং অমসুং ইচে-ইচলশিংদা ঐহাক্না অখন্নবা য়াইফ-পাউজেল পীজরি।

নুমিৎ খরনিগী মমাংদা, নবরাত্রিগী শেংলবা কুহ্মৈ লোইশিনখ্রে। ঙসি ঐহাক্না ইমা অম্বাজীগী থৌজালদগী মহাক্কী খুয়া খাদা চংজবা ফংজবা অসি লাইবক ফবনি। ঙসি ঐহাক্না মহাক্কী থৌজালদগী ঐহাক্কী ইমুং মনুংগী মীওইশিংগা উনবা ফংজখি। ঐহাক্না ইমা অম্বা জীগী খুয়া খাদা খুরুমজরি। ঐখোয়গী ৱরাহগী শক্লোন লৌরিবা ভগবান শ্রী ধর্নিধার্জী, “মুছারা কৃষ্ণ”, ঐহাক্না ঙসি মহাকপু ইকায় খুম্নবা উৎচরি। ঙসি ঐখোয়না ভগবান মহাভির জয়েন্তীসু পাংথোক্লিবা অসি য়াম্না নুংঙাইবা থৌদোক অমনি। ঐখোয়গী লমদম অসি জেনগী লাই খুরুমফম কয়াগী লমদমনি। ঐহাক্না ভগবান মহাভিরবু ইকায় খুম্নবা উৎচরি। অমসুং মহাভির জন্মা কল্যানক নুমিৎ, মহাভির জয়েন্তীগীদমক ময়াম পুম্নমকপু নুংঙাইবা ফোংদোকচরি।

মরুপশিং,

ঙসিদি ঐহাক্কী থম্মোয়না নুংঙাইবা পোকপগী অতোপ্পা মরম অমগা লৈ। ঐহাক মফম অসিদা লাকপা মতমদা, ঐহাক্কী প্লেন অসি অহানবা ওইনা দিসা এয়রবেজদা হকথেংননা লেন্দ তৌখি। দিসাগী এয়রবেজ অসি ইন্তর্নেস্নেল বোর্দরদগী কিলোমিতর ১৩০ খক্তা লাপনা লৈ। মসিনা লৈবাক অসিগী সেক্যুরিতীগীদমক কয়া য়াম্না মরু ওইবগে হায়বদু অদোম্না খঙবা ঙমগনি।

অদুবু মরুপশিং,

দিসা এয়রপোর্তকী প্রোজেক্ত অসিগী ৱাখল্লোন অসি ঙসি খক্তা হৌবা নত্তে। ঐহাক্না মফমসিগী মুখ্য মন্ত্রী ওইরিঙৈ মতমদগী ঐখোয়না লম লৌশিনখি, ঐহাক্কী লৌমী ইচিল-ইনাওশিংনা লম পীখি, অমসুং ঐখোয়গী নেস্নেল সেক্যুরিতী, ভারতকী নোংচুপ থংবা ঙমখৈগী সেক্যুরিতীগীদমক ঐখোয়না মসি পামখি। দিসা অসি য়াম্না মরু ওইবা মফম অমনি। মফমসিদা এয়রবেজ অমা লৈহনবা য়াম্না মথৌ তাই। অদুবু মতম অদুদা দিল্লীদা লৈঙাক পায়রম্বা মীওইশিংদি গুজরাতকী মায়কৈদা মখোয়না করি নুংঙাইতবা লৈবনো হায়বা খঙদে। নেস্নেল সেক্যুরিতীগী প্রোজেক্ত অসিসু চহি কয়া ফাইলদা থমদুনা লৈখি। অদোম্না ঐহাকপু দিল্লীদা থারকপা মতমদা, ঐহাক্না ফাইলশিং অদু লৌথোকখি, অমসুং ঙসিদি মসিগী মহৈ অসি ঐখোয়গী দিসাদা এয়র ফোর্সকী অচৌবা বেজ অমা য়াওরে। অমসুং মসি এয়রস্ত্রিপ খক্তমক নত্তে, মসিগী মরম্না, মফম অসিদা থবক থৌরম কয়া অমা পাংথোক্কনি, লান্মীশিং অসি মফম অসিদা মশিং লৈগনি। মসিনা লমদম অসিগী চাউখৎ থৌরাংদা অচৌবা মতেং পাংগনি। অদুবু মতমদুদা দিল্লীদা লৈরম্বা কংগ্রেস সরকারনা মরম ওইদুনা থিন্থখি অমসুং লৈবাক অসিনা নেস্নেল সেক্যুরিতীগী মায়কৈদা অসিগুম্বা মীৎয়েং চংদবা অসি কৈদৌঙৈদসু কাওরোই। মসি ঐখোয়গী সরকারনি, মহাক্না দিসা এয়রপোর্তকী থবকশিং অখন্নবা মওংদা লোইশিনখি অমসুং ঙসিদি মসিগী এয়রপোর্ত অসি লমদম অসিগী চাউখৎ-থৌরাংগী অচৌবা মাইলস্তোন অমা ওইরক্লি, অমসুং লৈবাক অসিগী অচৌবা স্ত্রেতেজিক পাঙ্গল অমসু ওইরি। ঐহাক্না অমুক্কা হন্না ময়াম পুম্নমকপু এয়রপোর্ত অসিগীদমক, লমদম অসিগীদমক থাগৎপা ফোংদোকচরি।

মরুপশিং,

ভাব-থরাদকী লমদম, বনাসকান্থা অসি, মফম অসিদগী ঐনা কয়া য়াম্না মরী লৈনবগে হায়বদু ময়াম পুম্নমক্না খঙনরবনি। ঐনা লাকলমদবা খুঙ্গং অমত্তা লৈরোই। ঙসি ঐহাক লাকপা মতমদা, ঐহাক্না চহি য়াম্লবা মীওই কয়াগী মীনুংশি উবগী খুদোংচাবা ফংখি। অমসুং রোদশো অসি য়াম্না চাউনা পাংথোকখি, মসিনা ঐঙোন্দা কান্নবা অমা পীখি। ঐহাক্না অরাপ্পা মফম অমদগী ওইরবসু অহল ওইরবা মীওই কয়াগা উন্নবগী খুদোংচাবা ফংখি। অমসুং ঐহাক্না ওর্গনাইজেসনগী থবক তৌরিঙৈদা, ঐহাক্না মফম অসিদা য়াম্না চৎখি। ঐহাক স্কুতরদা চৎলমখি। ঐহাক্না ময়াম পুম্নমকপু উনবগী খুদোংচাবা ফংখি, অমসুং ঐহাক্না ঐহাক্কী অৱাংথংবা গুজরাত্তা লাকপা মতমদা, ইমা অমসুং ইচে-ইচলশিংনা য়াম্না হাওবা রোতি শেম্বি অমসুং পীজৈ। বজরা রোতি, ঘী, জেগরি, চনমগী চৎনী, তাজা মাখন। অদোমগী নুংশিবা, অদোমগী থোইদোক হেন্দোকপা নুংশিবা অদু ঐহাক্না কৈদৌঙৈদা কাইথোকপা ঙম্লরোই। অমসুং ময়াম পুম্নমক্না ঐঙোন্দা পীরক্লিবা নুংশিজবা অদুগুম্না, অদোম্না ঐঙোন্দা ইমুং অদুগী মচানুপা অমা ওইনা য়োকপীখি, অমসুং মসিনা মরম ওইদুনা, ঐহাক মফম অমা হেক্তদা লৈজরবসু, অদোমগী নুংশিজবা অদু চাউখৎ থৌরাং পুরক্তুনা মীনুংশিনা শেন্দোই হাপতুনা হন্দোক্নবা হোৎনরি। মফম অসিদা ওর্গনাইজেসন অসিগী চহি য়াম্লবা ৱার্কর কয়া লৈরি, মখোয়গা লোইননা ঐহাক্না অয়ুক অমসুং নুমিদাং চুপ্পা থবক তৌমিন্নবগী খুদোংচাবা ফংখি। অহল ওইরবা মীওই কয়ানা হৌজিক লৈখিদ্রে, অদুবু ঐহাক্না মখোয়গা লোয়ননা য়াম্না তমখি। অসিগুম্বা মরুপ-মপাং পুম্নমক, ঙসি ঐহাক্কী মমাংদা বি.জে.পি.গী থবক তৌরিবশিংগী অনৌবা মীরোল অমা লৈরে। অমসুং করিগুম্বা অসিগুম্বা মায় পাকপা জেনরেসন অমা লৈরবদি, পুন্সিদা করিগুম্বা অমা তৌরকপগী অপেনবা অদু ফাওই। ঙসি ঐহাক্না উবা ফংলি মদুদি ঐখোয়গী নহা ওইরিবা শিন্মীশিংনা ওর্গনাইজেসনগী থবকশিং অসি চপ মান্ননা হৈ-শিংলগা মাংলোমদা চংশিল্লি। প্রোগ্রাম অসি, রেলী অসি, মসিগী এরেঞ্জমেন্ত অসি, মফম অসিদা অদোম মশিং য়াম্না লাকপা অসি মসিগী খুদম্নি। ঐহাক কোর্নর অনিমক্তা চৎখি, ঐহাক্না য়ামদ্রবদা ময়াম্না য়েংনবা ঐহাক্কী খুৎ অদু উৎচবা পাম্মি, অদুবু ঐহাক্না উবা ফংবা অদুদগী হেন্না লাপ্না, মীওই কয়া অমা লৈরি, অতোপ্পা মীওই কয়ানা মপানদা লেপ্লি। বনাসকান্থাগী মথক্তা, ঐহাক্না পাতন, মেহসানা য়াওনা জিলা কয়াগী মীওইশিংগা উনবগী খুদোংচাবা ফংখি। মসিগীদমক ঐহাক্না ময়াম পুম্নমকপু থাগৎচরি। অখন্ননা ঐহাক্না ঐহাক্কী ইমাশিং অমসুং ইচে-ইচলশিংদা অমুক্কা হন্না ইকায় খুম্নবা উৎচরি।

মরুপশিং,

চহি ২৫গী মমাংদা ঙসি নুমিৎ অসিদা অদোম্না বনাসকান্থা অমসুং লমদম অসিগী চাউখৎপগী থৌদাং ঐঙোন্দা থাজবা পীখি। ঐহাক্না গুজরাত্তা লৈরিঙৈদা, ঐহাক্না গুজরাতপু য়ারিবমখৈ খুমাং চাউশিলহন্নবা মিসন মোদতা থবক অসি পাংথোকখি। চহি কয়াদগী অদোমদা থোক্লিবা সমস্যাশিং, লমদম অসি থওইবীদবা, অৱাবা পুম্নমক অসি লোইশিল্লে। চাউখৎ-থৌরাংগী ওইবা অপাম্বশিং অসি মথং-মথং ওইনা মপুং ফাহনরকখি। ঐহাক্না চাউথোকচবা ফাওই, মফম অসিদা ঐহাক্না হৌদোকপা ঙম্বা চাউখৎ-থৌরাংগী পরিং অসি লেপ্পা লৈতনা চৎথরি। অমসুং ২০১৪দগী হৌনা, দবল ইঞ্জিন গবর্নমেন্তকী মপাঙ্গলসু মসিদা য়াওরি। ঙসিসু মফম অসিদা লুপা করোর লিশিং ২০গী ওইবা কেন্দ্র অমসুং রাজ্যগী প্রোজেক্তশিং হৌরে, লুপা করোর লিশিং ২০। প্রোজেক্তশিং অসিগা লোয়ননা লমদম অসিগী ফিভম অসি হোংলগনি। ইনর্জী, লম্বী-থোং, রেলৱে অমসুং হাউজিং সেক্তরগা মরী লৈনবা প্রোজেক্তশিং অসিনা মফম অসিদা পুন্সিদা অনৌবা থৌনা অমা পীরগনি। চাউখৎ-থৌরাংগী থবকশিং অসিগীদমক ঐনা ভাব-থরাদ, বনাসকান্থা অমসুং গুজরাত পুম্নমকপু থাগৎপা ফোংদোকচরি।

মরুপশিং,

ঙসি উরেপ উয়ুং তমখিবা লম্বীগী ইনফ্রাস্ত্রকচরগা মরী লৈনবা প্রোজেক্তশিং অসিনা অৱাং গুজরাত পুম্নমক্তা ইনোৎ পীগনি। মফম অসিদা অনৌবা খুদোংচাবা কয়া ফংলগনি। ইদরদগী ভদালি বাইপাস ফাওবগী লম্বীদা লম্বী মরি শেমগৎপা অমসুং ধোলভিরাদগী সান্তলপুর ফাওবগী লম্বী অসি শেমগৎপগী থবক অসিনা খুঙ্গংশিংবু কৈথেলগা, লৌমীশিংবু অনৌবা খুদোংচাবশিংগা অমসুং নহাশিংবু থবক ফংহনবদা শম্নহল্লগনি। অহমেদাবাদ-ধোলেরা এক্সপ্রেসৱে, মসিগী অপুনবা কোরিদোর অসি ঙসি লমদম অসিদা কত্থোকখ্রে। অসিগুম্বা অচৌবা কনেক্তিবিতী অমা শেমগৎলকপা মতমদা, মসিগা লোয়ননা ইন্দস্ত্রীশিংসু লাকই, অমসুং ইনবেস্তমেন্তসু লাকই। মসিগা লোয়ননা, লমদম অসিগী রেলগী কনেক্তিবিতীসু ফগৎলক্লি। হিমতনগরদগী খেদব্রহ্মা ফাওবগী গেজ অসি নেস্নেল ব্রোদ গেজ নেৎৱার্ক্কা শম্নহল্লগনি। ঙসিদগী, খেদব্রহ্মা, হিমাতনগর অমসুং অসারৱা শম্নহল্লিবা অনৌবা ত্রেন সর্বিসসু হৌখ্রে।

ইচিল-ইনাওশিং,

হেন্না ফবা লম্বীশিং অমসুং হাইৱেজশিং, রেলৱেজগী প্রোজেক্তশিং অসি পুম্নমক অসি গুজরাতকী চাউখৎ থৌরাংগী শরুক অমনি। মসিগী থৌরাং অসি মপুং ফাহন্নবগীদমক, ঐখোয়গী মীৎয়েং পুম্নমক অসি মফম অসিদা ইনর্জীগী মথৌ তাবদসু ওইরি। মরমদি, অনৌবা ইন্দস্ত্রীশিং, অনৌবা ইনবেস্তমেন্তশিং, অনৌবা খুদোংচাবশিং অসি ইলেক্ত্রিসিতী লৈরবা মতমদা খক্তদা লাক্কনি। মসিনা মরম ওইদুনা, ঙসি খ্বাদা রিন্যুএবল ইনর্জী পার্ককা মরী লৈনবা ত্রান্সমিসন প্রোজেক্তশিং অসি য়াম্না মরু ওইরি। মফম অসিদগী, গিলাগাৱাৎ মরি মখাইগী ইলেক্ত্রিসিতী পুথোক্কনি। হায়রিবা ইলেক্ত্রিসিতী অসি অনৌবা ফেক্টরীশিংদসু কান্নবা ওইগনি, অদোমগী য়ুমদা য়ৌরগনি, অমসুং লৌমীশিংগী লৌবুক্তা কান্নবা ফংহল্লগনি।

মরুপশিং,

ঙসি সোলর পাৱরদা গুজরাতকী ফিরাল অসি মপুং ফানা শৌগৎলি। ঙসি গুজরাত অসি রিন্যুএবল ইনর্জীদা য়াম্না মাংজিল থানা চংশিল্লি মরমদি ভারত্তা মসিগী মতাংদা মীৎয়েং চংদবা মতমদা গুজরাতনা মসি হৌদোকখি। চহি ২০১০দা, হায়বদি ঙসিদগী চহি ১৫-১৬গী মমাংদা, মুখ্য মন্ত্রী ওইরিঙৈদা ঐহাক্না লৈবাক অসিগী অহানবা সোলর পার্ককী থবক চারাঙ্কাগী রতনপুরগী মনাক্তা হৌদোকখি। চহি ১৫-১৬ শুরবা অঙাংশিং অসি পোকপা ফাওবা পোকলমখিরোই। মসিমক মল্তি-তেক্নোলোজী পার্ক অমনি, মসিনা সোলর ইনর্জীগী খোংজেল হৌরকখি। ঙসি গুজরাত্তা সোলর ইনর্জীগী থবক পায়খৎলিবা মওংদা, সোলর পৱারদগী ইলেক্ত্রিসিতী পুথোকপগী থবক পায়খৎলিবা মওংদা, ঙসি খাবদা রিন্যুএবল ইনর্জী পার্ককা মরী লৈনবা প্রোজেক্তশিং হৌদোকপগী মওংদা, গুজরাত অসি মালেমদা রিন্যুএবল ইনর্জীগী য়াম্না চাউবা সেন্তর অমা ওইরকপা নুমিৎ অদু কুইররোই।

মরুপশিং,

ঙসি মালেমদা ভারতকী চাউখৎ-থৌরাংগী মতাংদা ৱা ঙাংলিবা মতমদা, ঙসি ভারতকী চাউখৎপগী ৱারীগী মতাংদা ৱা ঙাংলিবা মতমদা, ‘গুজরাত মোদেল’বু থাগৎলি। অমসুং, চাউখৎ-থৌরাংগীদমক ইনফ্রাস্ত্রকচর প্রোজেক্তশিং অসি মথৌ তাবা অদুগুম্না মীয়ামগী য়াইফনবা স্কিমশিংসু মথৌ তাবা অদু গুজরাতনা উৎলি। হায়বদি, লম্বী, হাইৱে, রেলৱেজ শেমগৎপা তাই। খুঙ্গং, লাইরব অমসুং মীচম মীয়ামগী পুন্সি মহিংসু ফগৎহনগদবনি। প্রধান মন্ত্রী অৱাস য়োজনাগী খুত্থাংদা ঐখোয়না মসি ঙসি ঐখোয়গী নাক্তা উবা ফংলি। ঙসি মফম অসিদা অদোম্না য়েংবিয়ু, গুজরাতকী ইমুং ৪০,০০০দা প্রধান মন্ত্রী অৱাস য়োজনাগী মখাদা লেপ্পা য়ুম ফংলে। ইমুং লিশিং কয়াদা মতম চুপ্পগী ওইবা য়ুমগী খুদোংচাবা পীবা অসি মখোয়গীদমক সেক্যুরিতী অমনি, মসি পুন্সিগী মশক অমনি, অমসুং অনৌবা মংলানশিং ফোংদোক্নবগী থৌনা অদু শেমগৎলি। অমসুং মসিদগী পুন্সিদা অচৌবা অহোংবা কয়া লাক্কনি। পি.এম.আৱাসকী খুত্থাংদা ময়ুম অমা ফংবা, ঙসি ফাওবদা ময়ুম অমা লৈতবা, পুন্সি চুপ্পা ফুতপাথশিংদা লেলকখিবা, শঙশিংদা লৈরকপা, লৈবাক্কী য়ুমদা লৈরকপা মীওইশিং অসি ময়ুম অমা ফংলবা মতমদা, কনাগুম্বা অমনা ময়ামগী য়াইফ-পাউজেল লৌগদ্রা নৎত্রগা লৌরোইদ্রা? থৌজালশিং ফংগদ্রা নত্ত্রগা ফংলোইদ্রা? থৌজালশিং ফংগদ্রা নত্ত্রগা ফংলোইদ্রা? পুন্য ফংগদ্রা নত্ত্রগা ফংলোইদ্রা? মসিগী থৌজাল অসি কনানা ফংগনি? মসিগী থৌজাল অসি কনানা ফংগনি? মসিগী থৌজাল অসি কনানা ফংগনি?  ঙসি মীওই লিশিং ৪০না য়ুম ফংলে। ময়াম পুম্নমক অসি মখোয়গী য়াইফ-মঙ্গোলগী, মখোয়গী থৌনাগী, লৈবাক অসিগী নাগরিক ওইবগী হক ফংলবা মীওইশিংনি। মরমদি অদোমগী ভোৎ অমগী মপাঙ্গলনা ঐঙোন্দা থবক তৌবগী খুদোংচাবা পীখি। ময়াম পুম্নমক্না মসিগী কনাবগী ফংফম থোকপা ক্লেমেন্তশিংনি, ঐদি মেদিয়ম অমা খক্তনি। মসিগীদমক্তা ঙসি পি.এম. আৱাসগী কান্নবা ফংলবা ইচিল-ইনাও পুম্নমকপু ঐনা থাগৎপা ফোংদোকচরি।

মরুপশিং,

ঙসি ঐহাক ময়ামগী মরক্তা লাক্লি, মরম অদুনা মফম অসিদা চহি কয়াগী মমাংগী ফীভম অদুসু খল্লক্লি। অৱাং থংবা গুজরাতকী মমিং লাকপগা লোয়ননা মীশিংগী ৱাখলদা তোঙানবা মওং অমা শেম্লকখিবা মতম অদু কনাগুম্বা অমত্তনা কাওবা ঙমলোই। চাকতাংবা – ঈকং, ঈশিং লৈতবা, চহি ১০গী মনুংদা চাকতাংবা অসি ৭রক থোক্লকখি। কনাগুম্বা ঈশিং পুন পুদুনা কিলোমিতর ৩-৪ চৎপা তাখি। লান্থেংনা থনবা পুন্সি অমসুং কংগ্রেস সরকারনা লেপ্পা লৈতনা য়েংবীদবা, কিলোমীতর কয়া লাপ্না চৎতুনা ঈশিং শোকপা মতম অদু ঐখোয় মরক্তগী কনানা কাওগনি। য়ুমগী নুপীশিং, ইচে-ইচল অমসুং ইচানুপীশিংগী মতম অয়াম্বা ঈশিং শোকপা চৎপদা কাইথোকখি। ঈশিংগী অৱাৎপা লৈবনা মরম ওইদুনা লৌমীশিংনা মখোয়গী কন্না হোৎনবগী মতিক চাবা মমল ফংখিদে। শা-ষন য়োক্লিবশিংনা মখোয়গী শা-ষনগী ঈশিং অমসুং শজিক্কী মতাংদা ৱাখল ৱারম্মি। হায়রিবা প্রোব্লেম অসি মতম শাংনা লৈরকখি। মমাংদদি, মফম অসিদা শা-ষন য়োকফমশিং লৈরম্মি। কালেনগী মতম লাকপদা, শা-ষনগী য়ুমশিং হাংদোক্লম্মি। অমসুং সরকারনা শজিক পীরমখি। মমাংদা থক্নবা ঈশিং ফংবদা অৱাবা লৈরম্মি। চহি তরাগী খুজিং অনি হৌখ্রে, মদু পুম্নমক লেপখি। মসি মফম অমত্তদা উবা ফংদে, মসিগী মথৌ তাবা লৈতে। মসি গুজরাতকী মীয়ামগী ৱাখল্লোননি মদুদি ঐখোয়না পুন্না হোৎনমিন্নদুনা লাইবক শেমদোক্নবা ৱারেপ লৌখি। ঐখোয়না ‘সুজলম সুফালম য়োজনা’গী খুত্থাংদা ঈশিংগী সমস্যা অসি কোকহল্লে। নর্মদাগী ঈশিং অসি অরাপ্পা মফমশিংদা য়ৌশিনবা হৌরকখি। অনৌবা ইরিগেসন সিস্তেম অমা শেমখি।

মরুপশিং,

ঙসিদি মফমসিগী লৌমীশিং অসি মহৈ-মরোং অমা খক্তদা মখা পোন্দ্রে। মহাক্না মশাগী মতুং ইন্না লৌউ-শিংউবগী থৌরাং তৌরি। বনাসকান্থাগী মমিং ঙসি অলু পুথোকপদা থোরক্লিবা মওং অসি মসিগী খুদম অমনি।

মতৌ অসুম্না ইচিল-ইনাওশিং,

ঙসি ঐখোয়না পায়খৎলিবা চাউখৎ-থৌরাংগী থবকশিং অসিনা অৱাং গুজরাত পুম্নমক্তা কান্নবা ফংহল্লগনি। জিলা খুদিংমক্তা অনৌবা খুদোংচাবশিং শেম্লগনি- ভাব-থরাদ, বনাসকান্থা, পতান অমসুং মেহসানা- হেন্না ফবা পুন্সি অমগী লম্বী হাংদোক্লগনি।

মরুপশিং,

গুজরাতকী খ্বাইদগী চাউবা মপাঙ্গলদি চাউখৎ-থৌরাংগী অচৌবা কেম্পেন অসি চহি ২৫ চুপ্না লেপ্তনা চত্থহনবা অসিনি। গুজরাতনা অনৌবা রেকোর্দশিং শেমখি। মশাগী রেকোর্দশিং থুগাইখি। মদুদগী অনৌবা রেকোর্দশিং শেমখি, মদুদগী রেকোর্দশিং থুগাইখি, মদুদগী অনৌবা রেকোর্দশিং শেমখি। হৌজিত্তি গুজরাতকী ইনফ্রাস্ত্রকচর প্রোজেক্তশিং অদু পনখ্রে। মসিগা মান্ননা, ঐখোয়না গুজরাত পুম্বদা খুঙ্গং খুঙ্গংশিংবু অফবা লম্বীশিংগা শম্নহল্লে। হাই-স্পিদ হায়ৱেশিং শঙ্গাখি। গুজরাতসু বন্দে ভারতগুম্বা হাই স্পীদ ত্রেনগী খুদোংচাবা ফংলি।

ইচিল-ইনাওশিং,

গুজরাতকী মফম খুদিংদা চাউখৎপা পুরক্নবা ঐনা ২০০৫দা ‘অর্বান দিবেলপমেন্ত ইয়র’ হৌদোকখি। মতম অদুদা মসিগী বজেৎ অসি লুপা করোর ৬৫০ রোম ওইরম্মি। অদুবু, চাউখৎপগী খোঙজেল অসি য়াম্না থুনা চংশিল্লি। ঙসিদি মসিগী বজেৎ অসি লুপা করোর লিশিং ৩৩ হেনখ্রে। মসিগী মাইকৈ অসিদা, অনৌবা ম্যুনিসিপাল কোর্পোরেসন ৯গীদমক লুপা করোর ২৩০০গী চাউরাকপা প্রপোজেল ৩০০রোম অয়াবা পীখ্রে। ম্যুনিসিপালিতী ৭২গী থাক অপগ্রেদ তৌখ্রে। গুজরাত সরকারনা চহি অসিদা পুথোক্কদৌরিবা বজেৎ অসিসু করোর লাখ ৪ হেনখ্রে। শেনফম অসি খুঙ্গংশিং, সহর মচাশিং অমসুং সহরশিং শেমগৎনবা শিজিন্নগনি। খুঙ্গং খুদিংমক্তা হেন্না ফবা খুদোংচাবশিং ফংহল্লি। য়ুমথোং খুদিংদা পাইপকী খুত্থাংদা ঈশিং য়ৌহল্লি।

ইচিল-ইনাওশিং,

As long as your trust remains from Panchayat to Parliament, the superfast express of development will keep running at this speed. পঞ্চায়ততগী পার্লিয়ামেন্ত ফাওবদা অদোমগী থাজবা লৈরি, চাউখৎ-থৌরাংগী সুপরফাস্ত এক্সপ্রেস অসি খোঙজেল অসুম্না লেপ্তনা চৎকনি।

মরুপশিং,

ভারতকী অচৌবা মপাঙ্গল অসি মতম পুম্নমক্তা – অরুবা মতম লাক্লবসু, অৱাবা মতম লাক্লবসু, ঐখোয়গী লৈবাক অসি অরুবা মতমদা অমত্তা ওইনা লেপ্পনা ওইদুনা লাক্লি। অদোম্না মতম খরগী মমাংদগী মালেমগী লৈবাক কয়ানা লান, অৱা-অনা, অমসুং তংদু লৈতাবনা কোইদুনা লৈরিবসি উরক্লি। নোংচুপ এসিয়াদা ওইরক্লিবা ফীভম অসিনা মালেম পুম্বদা শাফু পীরি। ইনর্জীগী মথৌ তাবশিং, দিজল, পেট্রোল অমসুং গ্যাসকী অৱাবা অসি মালেম পুম্বদা হেনগৎলক্লি। অসিগুম্বা অৱাবা মতমদা ফাওবা, ভারতনা ফিভম অসি লাকশিনবা ঙমখি। মসিগী মথক্তা লৈবাক অসিগী মায় পাকপা ফোরেন পোলিসী অমসুং লৈবাক মীয়ামগী অপুনবগী পাঙ্গল লৈরি।

অদুবু ইচিল-ইনাওশিং,

ঐখোয়গী লৈবাক অসিদা পোলিতিকেল পার্তী খরনা মালেমগী অৱাবা তারবসু পোলিতিকেল রোতিশিং শাবা লেপ্তবা হায়বসি নুংঙাইতবা অমনি। রাজনিতীগী ওইবা লৌতুনবগী থৌওং অসিদা কনাগুম্বা অমনা মাংজিল থানা চংশিল্লবদি মদুদি কংগ্রেস পার্তীনি! ঙসি লৈবাক অসিদা অপুনবা অমসুং অমত্তা ওইবগী মথৌ তারকপা মতমদা, কংগ্রেসকী লুচিংবশিংনা লৈবাক অসিবু খায়দোকপদা থৱায় য়াওরি। ঙসি লৈবাক অসিনা থাজবা মথৌ তাবা মতমদা, কংগ্রেসনা শিংনবা অমসুং অরানবা ৱাফম শন্দোকপদা থৱায় য়াওরি। ঙসি লৈবাক অসিদা চেকশিন থৌরাংগী তঙাইফদবা লৈরি, অদুগা কংগ্রেসনা মীয়ামদা ঈহৌ শাগৎপদা থৱায় য়াওরি। পোলিতিকেল ভলচরশিংগুম্না, লৈবাক অসি খুদোংচাদবা ফীভমদা লৈরকপা মতমদা কংগ্রেসনা ঙাইদুনা লৈরি, অমসুং মসিগী মতাংদা মখোয়না পোলিতিকেলগী কান্নবা ফংলি!

ইচিল-ইনাওশিং,

ঙসিদি মালেমগী অপীকপা লৈবাকশিংদগী হৌরগা অচৌবা লৈবাকশিং ফাওবদা দিজল অমসুং পেট্রোলগী মমল মফম খরদা চাদা ১০, মফম খরদা চাদা ২০, মফম খরদা চাদা ২৫ ফাওবা হেনগৎলে। অদুবু, ভারতনা মসিগী শাফু অসি লৈবাক অসিগী মীয়ামদা ফংহন্দে। মসি কংগ্রেসনা খাংদুনা লৈবা ঙমদে, মরম অসিনা, মখোয়না মতম পুম্নমক্তা তোকঙা শন্দোক্লি, মরম অদুনা লৈবাক অসিদা শিংনবগী ফিভম অমা শেমগৎলি, অমসুং পেট্রোল পম্পশিং অমসুং গ্যাস এজেন্সীশিংদা মীয়াম্না ক্যু লেপ্নরি, চরাংনবা থোকহল্লি! মসিগী মতাংদা মখোয়না প্রোপেগান্দা তৌগদবনি, মসি মখোয়গী পান্দমনি!

মরুপশিং,

শক্তিদগী লাপ্না লৈবনা কংগ্রেস পার্তীবু ৱাখল নুংঙাইতবা ওইহল্লি। অদোম্না ইকুই কুইদ্রিঙৈদা দিল্লীদা পাংথোকখিবা গ্লোবেল এ.আই. সম্মিৎ অদুদসু উখ্রে, মালেম পুম্বদগী লাকপা মীথুংলেনশিংসু মফম অসিদা লাকখি, দিল্লীগী এ.আই. সম্মিৎ অদু মালেম পুম্বনা থাগৎখি, অদুবু মদুগী মায়োক্তা কংগ্রেসকী মীওইশিংনা মখোয়গী ফিরোল ফাওবা শেগাইজখি, মখোয়না হোৎনখিবা অদুদি মালেম পুম্বগী মমাংদা ভারতকী মীংচৎ থীহনবনি। ঙসিগী ফিভম অসিদা ফাওবা, কংগ্রেসনা ভারতপু নুংশিদবা মপানগী শক্তিশিংগী লোল ঙাংলি। ঐখোয়না কংগ্রেসকী থৌওং অসিদগী চেকশিন্না লৈগদবনি।

মরুপশিং,

ভারতনা অরুবা ফিভম অমা হেক্তবু মপুং ফানা থেংনবা ঙম্মী। ঐখোয়না মসি কোরোনাগী মতমদসু উৎখ্রে। মসিগা মান্ননা, হৌজিক অসি পুন্না লৈমিন্নবগী মতমসু ওইরি। ঙসি মালেম পুম্বনা মশাগী ঙাকশেলগীদমক খনবা মতমদা, ভারতনা অচেৎপা থাক্তা লৈবতা নত্তনা, চাউখৎপগী লম্বীদা নোংম-নোংমগী খুমাং চাউশিল্লি হায়বসি ঐখোয়না চাউথোকচবা য়াবা অমনি। ঙসি গুজরাত্তা লুপা করোর লিশিং কয়াগী দিবেলপমেন্ত প্রোজেক্তশিং শঙ্গাবা অমসুং উরেপ উয়ুং তম্বগী থৌরম অসি মসিগী অশেংবা খুদম অমনি। ঐহাক্না অমুক্কা হন্না ময়াম পুম্নমকপু চাউখৎ থৌরাংগী থবকশিং অসিগীদমক হন্না হন্না থাগৎচরি। ঐহাক্না লৈবাক মীয়াম্বু মখোয়গী মশা-মরোমদোম লেপচবা, মতেং পাংনবা অমসুং দিসিপ্লিনগীদমক্তা য়াম্না থাগৎচরি।

ময়াম পুম্নমকপু উবদা য়াম্না নুংঙাইবা ফাওই। হৌজিক ঐহাক্না অদোমগী য়াইফ-মঙ্গোল লৌদুনা মাংলোমদা চংশিল্লি। হন্নদ-হন্না থাগৎচরি।

খঙহঞ্জবা: মসি প্রধান মন্ত্রীগী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***