ভারতকী প্রধানমন্ত্রী

ইকাই খুম্নরবা স্পিকর,

হাউস অসিগী লুচিংবশিং,

পার্লিয়ামেন্তকী ইকায় খুম্নরবা মেম্বরশিং,

কাউন্সিল ওফ স্তেৎকী মেম্বরশিং,

দিপ্লোমেতিক কোরগী মেম্বরশিং,

পোলিতিকেল পার্তীশিংগী মীহুৎশিং,

গা মান তাসে,

ইন্দিপেন্দেন্ত কন্সতিত্যুস্নেল বোদীশিং,

সিভিল সোসাইতি ওর্গনাইজেসনশিং,

ঘানাদা লৈরিবা ইন্দিয়ন কমুনিতী,

মাচহে !

নুংঙাইবা নুমিৎ!

ঙসি ইকাই খুম্নরবা হাউস অসিদা ৱা ঙাংবদা ঐহাক্না চাউথোকচরি।

ঘানাদা লৈবা অসি নুংঙাইবা তাঙ্কক অমনি – দিমোক্রেসিগী ৱাখল্লোন, ইকাই খুম্নবা, অমসুং মশা-মউ ফনা লৈবগী ৱাখল্লোন উবা লৈবা লমদম অমনি। মালেমগী খ্বাইদগী চাউবা দেমোক্রেসীগী মীহুৎ অমা ওইনা ঐহাক্না ভারত মচা বিল্লিয়ন ১.৪গী য়াইফ-পাউজেল অমসুং নুঙাইবা ফোংদোকচরি।

ঘানা অসি সনাগী লমনি হায়না খঙনৈ, অদোমগী লৈমায়গী মখাদা লৈরিবশিং অদুগীদমক্তা নত্তনা অদোমগী থম্মোয়গী নুংশিবা অমসুং পাঙ্গল অদুগীদমক্তসু। ঐখোয়না ঘানাবু য়েংবদা ঐখোয়না থৌনাগা লোয়ননা পুৱারীগী মথক্তা চাউখৎলকপা অমসুং শিংনবা খুদিংমক মোঙ হাদনা মাইয়োক্নবা লৈবাক অমা উরি। দেমোক্রেসিগী ৱাখল্লোনশিং অমসুং ইনক্লুসিব প্রোগ্রেসকীদমক অদোমগী অচেৎপা ফিরেপ অসিনা ঘানাবু অফ্রিকা মহাদেশ পুম্নমক্তা ইথিল পীবগী মঙাল অমা ওইহল্লি।

মরুপশিং,

ঙরাং নুংথিল অসি য়াম্না পুক্নিং থৌগৎনীংঙাই ওইবা থৌরম অমনি। ঐহাক্কী নুংশিরবা মরুপ, রাস্ত্রপতি মহামাগী মখুৎতগী নহাক্কী নেস্নেল এৱার্দ ফংজবা অসি ঐহাক্কীদমক্তা ইকায় খুম্নবা অমনি। ঐহাক্না মসি মতম পুম্নমক্তা থাগৎচরি।

মসিগী ইকাই খুম্নবা অসিগীদমক্তা ঐহাক্না ভারত মচা কোতি ১৪০গী মায়কৈদগী ঘানাগী মীয়ামদা থাগৎপা ফোংদোকচরি।

ভারতকী মীওই বিল্লিয়ন ১.৪গী মায়কৈদগী, ঐহাক্না মসিগী ইকাই খুম্নবা অসিগীদমক্তা ঘানাগী মীয়ামদা থাগৎপা ফোংদোকচরি। ভারত অমসুং ঘানাগী মরক্তা লৈনরিবা অচেৎপা মরুপ-মপাং ওইবগী মরী অমসুং মান্নবা মগুনশিংগীদমক ঐহাক্না মসি কৎথোকচরি।

ইকাই খুম্নরবা মেম্বরশিং,

ঙসি অঙনবা মতমদা, ঐহাক্না মিৎয়েং থম্বা লৈবাক অমগী মীওই অমসুং ঘানাগী নুংশিজরবা মচানুপা দাক্তর ক্বাম এনক্রুমাহগী মফমদা ইকায় খুম্নবা উৎপগী ইকায় খুম্নবা উৎপগী তাঞ্জা ফংজখি।

মহাক্না মতম অমদা হায়রম্মি,

“ঐখোয়বু অমত্তা ওইনা পুনশিন্নরিবা ফোর্সশিং অসিনা ঐখোয়বু তোঙান্না থম্লিবা সুপর-ইম্পোস তৌরবা ইথিলশিংদগী হেন্না চাউই।”

মহাক্কী ৱাহৈশিং অসিনা ঐখোয়গী পুন্না চৎমিন্নরিবা খোঙচৎ অসিদা লমজিং-লমতাক পীরি। মহাক্কী মঙলানদি মপাঙ্গল কনবা ইন্সতিত্যুসনশিংদা য়ুম্ফম ওইবা দেমোক্রেসি রিপব্লিক্নি। অশেংবা দেমোক্রেসীনা খন্ন-নৈনবা অমসুং ৱা খন্ন-নৈনবদা মতেং পাংই। মসিনা মীশিংবু পুনশিন্নহল্লি। মসিনা ইকাই খুম্নবা অমসুং মীওইবগী হকশিংবু শৌগৎলি। দেমোক্রেসিগী ভেল্যুশিং অসি চাউখৎনবা মতম লৌবা য়াই। অদুবু মখোয়বু ঙাক-শেন্দুনা থম্বা অমসুং চাউখৎহনবা অসি ঐখোয়গী থৌদাংনি।

মরুপশিং,

ভারত অসি দেমোক্রেসীগী মমানি।

ঐখোয়গীদমক্তা লোকতন্ত্র অসি সিস্তেম অমা নত্তে, মসি লাইনিং লাইশোন অমনি

চহী লিশিং কয়াগী মমাংদগী, ভারতকী খুন্নাই অসি তপ্না তপ্না চাউখৎলক্লি।

ঐখোয়গীদমক্তদি, দেমোক্রেসী অসি সিস্তেম অমখক্তমক নত্তে। মসি ঐখোয়গী মরুওইবা ভেল্যুশিংগী শরুক অমনি। চহি লিশিং কয়াগী মমাংদগী, বৈশালীগুম্বা সেন্তরশিংগী খুদমশিং ঐখোয়না থেংনৈ। মালেমগী খ্বাইদগী অরিবা লাইরিকশিংগী মনুংদা অমা ওইরিবা রিগ বেদনা হায়রি:

আনো ভদ্রঃ কৃত্যৱো য়ন্তু বিশ্বতঃ

মসিগী ৱাহন্থোক্তি, মফম পুম্নমক্তগী অফবা ৱাখল্লোনশিং লাকহল্লু হায়বনি।

ৱাখল্লোনশিংবু লৌশিনবা অসিদি দিমোক্রেসিগী মচাক্নি। ভারত্তা পোলিতিকেল পার্তী লিশিং অনীগা চামঙাগী মথক্তা লৈ। ঐহাক্না অমুক হন্না হায়জরি, পোলিতিকেল পার্তী ২,৫০০। তোঙান-তোঙানবা রাজ্যশিংদা লৈঙাক পায়রিবা তোঙান-তোঙানবা পার্টি ২০, ওফিসিয়েল ওইবা লোল ২২, লোন লিশিং কয়া লৈ।

মসিনা মরম ওইদুনা ভারত্তা লাকপা মীওইশিংবু মতম পুম্নমক্তা থম্মোয় শেংনা তরাম্না ওক্লি। চপ মান্নবা ৱাখল্লোন অসিনা ভারত মচাশিংবু মখোয় চৎপা মফম খুদিংমক্তা লায়না পুনশিনবদা মতেং পাংই। ঘানাদসু, মখোয় অসি চাদা চিনি য়াওবগুম্না খুন্নাইগী শরুক অমা ওইরক্লি।

ইকাই খুম্নরবা মেম্বরশিং,

ভারত অমসুং ঘানাগী পুৱারীদা কোলোনিএল রুলগী অৱাবা লৈ। অদুবু ঐখোয়গী ৱাখল্লোনদি মতম পুম্নমক্তা নীংতম্বা অমসুং থাজবা লৈখি। ঐখোয়না ঐখোয়গী মঙাল লৈরবা হেরিতেজ অসিদগী পাঙ্গল অমসুং ইথিল ফংলি। ঐখোয়গী সোসিএল, কলচরেল অমসুং লিঙ্গুইস্তিক দাইভর্সিতীদা ঐখোয়না চাউথোকচরি।

ঐখোয়না নীংতম্বা, অপুনবা অমসুং ইকাই খুম্নবদা য়ুম্ফম ওইবা লৈবাকশিং শেমগৎলি। ঐখোয়গী মরী অসিদা ঙমখৈ লৈতে। অমসুং অদোমগী অয়াবা য়াওনা ঐহাক্না হায়জনীংবদি, ঐখোয়গী মরুপ-মপাং ওইবগী মরী অসি অদোমগী মমিং চৎলবা “শুগরলোফ” কিহোমদগী হেন্না নুংঙাই। রাস্ত্রপতি মহামাগা লোইননা, ঐখোয়না ঐখোয়গী মরীশিং অসি মপুং ফাবা পার্তনরশিপ অমদা পুখৎনবা ৱারেপ লৌরে।

মরুপশিং,

অনিশুবা মালেমগী লাঞ্জাওগী মতুংদা শেমখিবা মালেমগী ওইবা কাংলোন অসি য়াম্না থুনা হোংলক্লি। তেক্নোলোজীদা অহোংবা লাকপা, গ্লোবেল সাউথকী চাউখৎপা, অমসুং দিমোগ্রাফীদা অহোংবা লাকপা অসিনা মসিগী খোঙজেল অমসুং পাক চাউবদা মতেং পাংলি। মমাংগী চহিচাশিংদা মীওইবা জাতিদা থেংনখিবা লোইলম লৈঙাক্কুম্বা শিংনবশিং অসি তোঙান তোঙানবা মওংশিংদা হৌজিক ফাওবা লেপ্তনা লৈরি।

মালেম অসিনা ক্লাইমেৎ চেঞ্জ, পেন্দেমিক, তেরোরিজম অমসুং সাইবর সেক্যুরিতীগুম্বা অনৌবা অমসুং অরুবা ক্রাইসিসশিংগা মায়োক্নরি। হৌখিবা চহি চাদা শেমখিবা ইন্সতিত্যুসনশিংনা পাউখুম পীনবা হোৎনরি। হোংলক্লিবা ফিভম অসিনা গ্লোবেল গবর্নান্সতা থাজবা য়াবা অমসুং ইফেক্তিব রিফোর্মশিং মথৌ তাই।

গ্লোবেল সাউথতা ৱা ঙাংহন্দনা খুমাং চাওশিল্লকপা ঙম্লোই। ঐখোয়না স্লোগান খক্তদগী হেন্না মথৌ তাই। ঐখোয়না থবক পায়খৎপা মথৌ তাই। মরম অসিনা, ভারতনা জি.২০গী প্রসিদেন্সী পায়রিঙৈ মতমদা, ঐখোয়না ৱান আর্থ, ৱান ফেমিলী, ৱান ফ্যুচরগী ভিজন অসিগা লোয়ননা থবক তৌখি।

মালেমগী অৱাংবা থাক্কী মীফমদা অফ্রিকাগী অচুম্বা মফম অদু ঐখোয়না মরুওইনা থম্লি। ঐখোয়গী প্রসিদেন্সীগী মতমদা অফ্রিকান য়ুনিয়ননা জি.২০গী পর্মানেন্ত মেম্বর অমা ওইরকপা অসিদা ঐখোয়না চাউথোকচরি।

মরুপশিং,

ভারতকী ওইনা, ঐখোয়গী ফিলোসোফীদি হ্যুমেনিতীনা হান্না হায়বসিনি।

ঐখোয়না থাজৈ মদুদি:

সর্ব ভবন্তু সুখনিঃ

সর্ব সন্তু নিরাময়াঃ।

সর্ব ভদ্রানি পশ্যন্তু,

মা কিসচৎ দুখভাগ্যভেত।।

মসিগী ৱাহন্থোক্তি,

“মখোয় পুম্নমক নুংঙাইবা ওইরসনু,

পুম্নমক অনাবা অমত্তা লৈরোইদবনি,

পুম্নমক্না অফবা ওইববু উবা ফংবা য়াই ,

কনাগুম্বা অমত্তনা করিগুম্বা মওংদা অৱা-অনা অমত্তা নংহল্লোইদবনি।

মসিগী ফিলোসোফী অসিনা মালেমদা ভারতনা লৌখৎলিবা থবকশিংবু ময়েক শেংনা উৎলি। মসিনা কোবিদ লাইচৎ মনুংদা ঐখোয়গী থবকশিং লমজিংখি। ঐখোয়না ঘানাগী ঐখোয়গী মরুপশিং য়াওনা লৈবাক ১৫০ হেনবদা ভেক্সিন অমসুং হিদাক-লাংথকশিং য়েন্থোকখি।

ক্লাইমেৎ চেঞ্জ থেংননবা অমসুং সস্তেনেবল লিভিং প্রমোৎ তৌনবা ঐখোয়না মিসন লাইফ-ই – লাইফস্তাইল ফোর এনভাইরনমেন্ত হৌদোক্লে। অসিগুম্বা ইনক্লুসিব স্পিরিৎ অসিনা ঐখোয়গী মালেমগী ইনিসিয়েতিবশিংবু পাঙ্গল পীরি:

মালেম অমা, নুমিৎ অমা, গ্রিদ অমা;

মালেম অমা, হকশেল অমখক; হকশেল হেন্না ফবা গ্রহ অমগীদমক;

ইন্তর্নেস্নেল সোলর এলাইন্স; সোলর ইনর্জী অমসুং সস্তেনেবিলিতী পুক্নিং থৌগৎপা;

ইন্তর্নেস্নেল বিগ কেৎস এলাইন্স; লম্লক্কী শা-ঙা ঙাক্নবা;

অমসুং গ্লোবেল বাইওফ্যুএলস এলাইন্স; ক্লিন বাইওফ্যুএলশিং খুমাং চাউশিলহন্নবা অমসুং কার্বন থাদোকপা হন্থহন্নবা।

হৌদোকপা মেম্বর অমা ওইনা ঘানানা ইন্তরনেস্নেল সোলর এলাইন্সকীদমক আফ্রিকান রিজনেল মীফম অসি সেপ্তেম্বর অসিদা পাংথোক্কনি হায়না ঐহাক্না নুংঙাইবা ফাওই। মসিনা মালেম অসি ইমুং অমখক্তনি হায়বা ঐখোয়গী অপুনবা থাজবা অদু উৎলি।

ইকাই খুম্নরবা মেম্বরশিং,

হৌখিবা চহী তরা অসিদা, ভারতনা অচৌবা অহোংবা অমা উবা ফংলে। ভারতকী মীয়াম্না শান্তি, সেক্যুরিতী অমসুং চাউখৎপদা মখোয়গী থাজবা থম্লি। মমাং চহিদা, মখোয়না মথং-মথং অহুমশুবা ওইনা চপ মান্নবা সরকারবু অমুক হন্না খনখি। চহী তরাগী খুজিং তরুক্কী মতুংদা থোকখিবা থৌদোক অমা মসিনা ওইখি।

ঙসিদি, ভারত অসি খোংজেল য়াংনা চাউখৎলক্লিবা শেন্মিৎলোন অমনি। স্তেবল পোলিসী অমসুং অফবা লৈঙাক্কী য়ুম্ফমদা, ভারত অসি অথুবা মতমদা খ্বাইদগী চাউবা অহুমশুবা শেন্মিৎলোন ওইগনি।

ঐখোয়না মালেমগী গ্রোথকী চাউরাক্না ১৬% শরুক য়াখ্রে। ঐখোয়গী দেমোগ্রাফীনা মসিগী দিভিদেন্ত পীরি। ভারতনা হৌজিক মালেমগী খ্বাইদগী চাউবা অহুমশুবা স্তার্ত-অপ ইকোসিস্তেম লৈরে। ভারত অসি ইনোবেসন অমসুং তেক্নোলোজী হব অমনি, মসিদা মালেমগী কম্পেনীশিংনা পুনবা পাম্মি।

ঐখোয়বু মালেমগী ফার্মাসি ওইনা শকখঙনরি। ঙসি ভারতকী নুপীশিংনা সাইন্স, স্পেস, এভিয়েসন অমসুং স্পোর্তসতা মকোক থোংলি। ভারতনা থাদা খোঙদাখি। অমসুং, ঙসি ভারত মচা অমনা ঐখোয়গী হ্যুমেন স্পেস ফ্লাইত মিসনদা শরুক য়াদুনা ওর্বিৎতা লৈরে।

স্পেসতা ভারতনা খ্বাইদগী চাউথোকচনীংঙাই ওইবা তাঙ্কক কয়াদা অফ্রিকাগা মরী লৈনখি। ভারতকী চন্দ্রয়ান থাগী খা থংবা পোলদা য়ৌরকপা মতমদা, ঐহাক অফ্রিকাদা লৈরম্মি। অমসুং ঙসি, ভারতকী এস্ত্রোনোত অমনা স্পেস স্তেসনদা মীওইবা খুন্নাইগী য়াইফনবগীদমক এক্সপরিমেন্তশিং পাংথোক্লি। ঐহাক অমুক্কা হন্না অফ্রিকাদা লৈরে।

মসি অখন্নবা তান চানবগী মতৌ অমনি। মসিদা ঐখোয়না শরুক য়ামিন্নরিবা অচেৎপা মরী, ঐখোয়গী মান্নবা অপাম্বশিং অমসুং ঐখোয়গী মান্নবা তুংলমচৎ অদু উৎলি। ঐখোয়গী চাউখৎ-থৌরাং অসি ইনক্লুসিব ওই। ঐখোয়গী চাউখৎপা অসিনা ভারত মচা খুদিংমক্কী পুন্সিদা শোকহল্লি।

ভারতকী মীয়াম্না ঐখোয়না নীংতম্বগী চহি ১০০ মপুং ফারকপা ২০৪৭ ফাওবদা ভারতপু চাউখৎলবা লৈবাক অমা ওইহন্নবা ৱারেপ লৌখ্রে। ঘানানা চাউখৎপা অমসুং চাউখৎপগী লম্বীদা চংশিল্লিবা অসিদা, ভারতনা অদোমগা লোইননা, নাকল অমদগী নাকল অমদা, লম্বী অসিদা চংশিনগনি।

মরুপশিং,

ঙসি মালেমগী ওইবা অৱাবা অসি মীপুম খুদিংমক্কী পুক্নিং চিংশিন্নিংঙাই ওই। অসিগুম্বা ফিবম অসিদা, ভারতকী মীয়াম্বু, আশাগী মঙাল অমা ওইদুনা লৈরি। ভারতকী চাউখৎ-থৌরাংগী খোঙচৎ অসিনা মালেমগী চাউখৎ-থৌরাংগী খোঙজেলসু য়াংখৎহনগনি। মালেমগী খ্বাইদগী চাউবা গনতন্ত্র অসি মপাঙ্গল কনখৎহনগদবা য়ুম্ফম অমনি। মালেমগী ওইবা স্তেবিলিতী হেনগৎহনবদা মতেং পাংগনি।

মালেমগী ওইনা খুদোংচাদবা মতম অসিদা, ভারতকী দেমোক্রেসি স্তেবিলিতী অসিনা আশাগী মঙাল অমা ওইনা মঙাল পীরি। ভারতকী খোঙজেল য়াংনা খুমাং চাউশিল্লকপা অসি মালেমগী চাউখৎপগী মরম অমা ওইরি। মালেমগী খ্বাইদগী চাউবা দেমোক্রেসী অমা ওইনা, ভারত অসি মালেমগী শক্তিগী য়ুম্বী অমনি। মপাঙ্গল কনবা ভারতনা হেন্না মপাঙ্গল কনবা অমসুং চাউখৎপা মালেম অমা ওইহনগনি। মসিগী মথক্তা ঐখোয়গী মন্ত্রদি:

সবকা সাথ, সবকা বিকাশ, সবকা বিশ্বাস, সবকা প্রয়াস

মসিগী ৱাহন্থোক্তি “মখোয় পুম্নমক্কী থাজবা অমসুং হোৎনবা পুম্নমক্কা লোয়ননা, পুম্নমক্কী চাউখৎপগীদমক পুন্না হোৎনমিন্নসি।”

ভারত অসি অফ্রিকাগী চাউখৎ-থৌরাংগী খোঙচৎ অসিদা অচেৎপা পার্তনর অমা ওইরি। ঐখোয়না অফ্রিকাগী চাউখৎ-থৌরাংগী ফ্রেমৱার্ক, এজেন্দা 2063বু মসিগী মীয়ামগীদমক মঙাল লৈবা অমসুং তুং কোইনা চৎকদবা তুংলমচৎ অমা লৈহন্নবগীদমক শৌগৎলি।

অফ্রিকাগী পান্দমশিং অসি ঐখোয়গী প্রাইওরিতিশিংনি। ঐখোয়গী এপ্রোচ অসি মান্নবা ওইনা পুন্না চাউখৎমিন্নবনি। অফ্রিকাগা লোইননা ঐখোয়গী দিবেলপমেন্ত পার্তনরশিপ অসি দিমান্দ দাইভর্ন তৌই। মসিনা লোকেল কেপাসিতী শেমগৎপা অমসুং লোকেলগী খুদোংচাবশিং শেমগৎপদা মীৎয়েং থম্লি। ঐখোয়গী পান্দমদি শেল থাদবা খক্তমক নত্তে, শক্তি পীবনি। মশা-মরোমদোম লেপচবা ইকো-সিস্তেমশিং শেমগৎপদা মতেং পাংবা।

মসিগী পার্তনরশিপ অসিবু মখা তানা খুমাং চাউশিনহনবা অসি ঐহাক্কী ইকাই খুম্নবা অমনি। ২০১৫দা ঐখোয়না ইন্দিয়া-অফ্রিকা সমিৎ পাংথোকখি। প্রসিদেন্ত মহামানা ঐখোয়গী ইকাই খুম্নরবা মীথুংলেনশিংগী মনুংদা অমনি। ২০১৭দা, ভারতনা আফ্রিকান দিবেলপমেন্ত বেঙ্ককী চহিগী মীফম পাংথোকখি। ঐখোয়না ঐখোয়গী দিপ্লোমেতিক প্রসিদেন্স অসি আফ্রিকাগী লৈবাক 46দা পাকথোক চাউথোকহনখ্রে।

মহাদেশ শীনবা থুংনা প্রোজেক্ত ২০০ হেনবনা কনেক্তিবিতী, ইনফ্রাস্ত্রকচর অমসুং ইন্দস্ত্রীএল কেপাসিতী হেঙ্গৎহল্লি। চহি খুদিংগী, ঐখোয়গী ইন্দিয়া-অফ্রিকা বিজিনেস কনক্লেবনা অনৌবা খুদোংচাবশিং পীরি।

ঘানাদা, ঐখোয়না মমাং চহিদা তেমা–এমপাকাদন রেল লাইন হৌদোকখি। মসি অফ্রিকাগী লমদম অসিগী শরুক অসিদা খ্বাইদগী চাউবা ইনফ্রাস্ত্রকচর প্রোজেক্ত অমনি। আফ্রিকান কন্তিনেন্তেল ফ্রী ত্রেদ জোনগী মখাদা ইকোনোমিক ইন্তিগ্রেসন য়াংখৎহন্নবা ঘানানা হোৎনরিবশিং ঐখোয়না তরাম্না ওক্লি।

ঘানানা লমদম অসিদা আই.তি. অমসুং ইন্নোবেসন হব অমা ওইনবগী অচৌবা পোতেন্সিএল অমসু লৈ। ঐখোয় পুন্না, ঐখোয়না তুংলমচৎ অমা শেমগনি, মদুদা অচেৎপা ৱাফম অমসুং খুমাং চাউশিল্লক্কনি।

ইকাই খুম্নরবা মেম্বরশিং,

ফ্রী অমসুং ফেয়র ইলেক্সনশিং অসি দেমোক্রেসী অমহেক্তগী থম্মোয়নি। ঐখোয়গী ইলেক্তোরেল কম্মিসনশিংনা নক্না থবক তৌমিন্নরিবা অসি উবদা নুংঙাইবা ফাওই। ভারতকী ইলেক্সন কম্মিসননা মালেমগী খ্বাইদগী চাউবা মীখল অসি মপুং ফানা থাজবা অমসুং ত্রান্সপরেন্সীগা লোইননা পাংথোকপদা মহাক্কী এক্সপিরিয়েন্সশিং শিন্নবদা ইকাই খুম্নগনি হায়না ঐহাক্না থাজবা থম্লি।

পার্লিয়ামেন্তরী একচেঞ্জশিং অসি ঐখোয়গী দেমোক্রেসী অনিগী মরক্তা লৈনরিবা মরীগী য়ুম্ফমসু ওইরি। ঐহাক্না ২০২৩দা এক্রাদা পাংথোকখিবা কমনৱেল্থ পার্লিয়ামেন্তরী এসোসিয়েসন মীফম অদু নীংশিংলি। মসিনা ভারতকী রাজ্যগী লেজিস্লেচরশিং য়াওনা ঘানাদা লাকখিবা খ্বাইদগী চাউবা ভারতকী পার্লিয়ামেন্তরী দেলিগেসনবু তরাম্না ওকখি। অসিগুম্বা থৌনা ফবা দাইলোগ অসি ঐখোয়না য়াম্না থাগৎচরি।

অদোমগী পার্লিয়ামেন্ততা ঘানা-ইন্দিয়া পার্লিয়ামেন্তরী ফ্রেন্দশিপ সোসাইতী লিংখৎলকপবু ঐনা তরাম্না ওকচরি। ঐহাক্না ঐখোয়গী পার্লিয়ামেন্তরী লিঙ্কশিং মখা তানা চেৎশিলহন্নবা ৱাফম থম্লি। ঐনা অদোমবু ভারতকী অনৌবা পার্লিয়ামেন্তদা চৎনবা কৌজরি। ভারতকী পার্লিয়ামেন্ত অমসুং রাজ্যগী এসেমব্লীশিংদা নুপীশিংগীদমক সিৎকী শরুক অহুম থোকপগী অমা রিজর্ব তৌনবা ঐখোয়না পায়খৎলিবা থৌনা ফবা খোংথাংশিং অদু অদোম্না উবা ফংলগনি।

ভারতকী দেমোক্রেসীগী মশক থোকপা দিবেৎ অমসুং খন্ন-নৈনবশিং অসি অদোম্না উবা ফংগনি। ঐহাক্না অদোমদা থাজবা পীজরি, মখোয় অসি অদোমগী নুংশিজরবা শান্নরোই-ব্লেক স্তারশিংগুম্না থৱায় য়াওবা অমসুং পুক্নিং থৌগৎপা ঙম্মি!

মরুপশিং,

ভারত অমসুং ঘানা অনীমক্না অপাম্বা অমগা লোয়ননা লৈরি। অঙাং খুদিংমক্না খুদোংচাবা ফংগদবা মংলান অমা। মীপুম খুদিংমক্না ৱা ঙাংলিবা মফমদা। লৈবাকশিং অসি তোঙান্না নত্তনা পুন্না চাউখৎলগনি।

দোক্তর এনক্রুমাহনা হায়রম্মি, “ঐহাক অফ্রিকাদা পোকখিবদগী অফ্রিকাগী ওইখিদে। মরমদি অফ্রিকা ঐগী মনুংদা পোক্লকপনি।

অসিগুম্বা মওংদা, ভারতনা অফ্রিকাবু মহাক্কী থম্মোয়দা থম্লি। ঙসিগীদমক্তা নত্তনা, লাক্কদৌরিবা চারোন-শুরোনগীদমক্তা ঐখোয়না পার্তনরশিপ অমা শেমগৎলসি।

অদোমবু থাগৎচরি।

মেদা – মুয়াসে !

***