ভারতকী প্রধানমন্ত্রী

মহাক্কী নীংতম নুমিৎকী ৱারোলদা, প্রধান মন্ত্রী শ্রী নরেন্দ্র মোদীনা হৌখিবা চহি ১২দা ভারত্তা লাকখিবা অওনবা অদু থমখি। মেন্যুফেকচরিং, দিজিতেল ইনফ্রাস্ত্রকচর, মরুওইবা খুদোংচাবশিং, ইনর্জী সিক্যুরিতী, নহাশিংগী শক্তি লৈহনবা, ইন্নোবেসন, সোসিএল সিক্যুরিতী অমসুং অতোপ্পা মরুওইবা সেক্তরশিংদা খুমাং চাউশিল্লকপগী মতাংদা মহাক্না পনখি।

প্রধান মন্ত্রীগী ৱারোলদগী মরু ওইবা ৱাফমশিংদা য়াওখিবা:

১. মেন্যুফেকচরিং: স্কেল অমসুং মশা মরোমদোম লেপচবা

হৌখিবা চহি ১২ অসিদা:

• দিফেন্স প্রদক্সন অসি চাউরাক্না শরুক ৪ হেনগৎলে।
• খাদি অমসুং ভিলেজ ইন্দস্ত্রীজগী পোত্থোক পুথোকপা অসি শরুক ৫ হেনগৎলে। •
• ইলেক্ত্রোনিক্স মেন্যুফেকচরিং অসি চাউরাক্না শরুক ৭ হেনগৎলে।
• মোদর্ন রেলৱে কোচ পুথোকপা অসি শরুক ২১ হেনগৎলে।
• মোবাইল ফোন পুথোকপা অসি শরুক ৩৫ হেনগৎলে।

২. দিজিতেল ইন্দিয়া অমসুং ইন্নোবেসন

প্রধান মন্ত্রীনা ভারতকী দিজিতেল অমসুং ইন্নোবেসন ইকোসিস্তেমগী খোঙজেল য়াংনা চাউখৎলক্লিবা অদু পনখি:

• ইন্তর্নেত কঞ্জ্যুমরশিং চাউরাক্না শরুক ৪গী ময়াদা হেনগৎখ্রে।
• পেতেন্ত পীবগী চাং অসি শরুক ৪ হেনগৎলে।
• দিজিতেল ত্রাঞ্জেক্সনশিং অসি চাউরাক্না শরুক ১০০ হেনগৎখ্রে।
• ভারতনা য়াম্না চাউবা দিজিতেল অমসুং ইন্নোবেসন ইকোসিস্তেম অমা শেমগৎলে।

৩. তঙাই ফদবা পোৎলমশিং অথুবা মতমদা ফংহনবা

প্রধান মন্ত্রীনা তঙাই ফদবা পোৎলমশিং মীপুম খুদিংমক্তা খোঙজেল য়াংনা ফংহল্লিবা অদু পনখি:

• তেপ-ৱাতর কনেক্সনশিং অসি চহিগী চাংচত্তা শরুক ১৫গী ময়াদা থুনা ফংহল্লে।
• এল.পি.জি. কনেক্সনশিং অসি চহিগী ওইনা চাউরাক্না শরুক ৬ হেন্না থুনা ফংহল্লে।
• লায়রবশিংগীদমক্তা তোইলেৎশিং অসি চহিগী ওইনা চাউরাক্না শরুক ৪ হেন্না থুনা শাখ্রে।
• লায়রবশিংগীদমক পক্কা য়ুমশিং অসি চহিগী ওইনা চাউরাক্না শরুক ৩ হেন্না থুনা ফংহল্লে।
• মতমগা চুন্দ্রবা আইন চাম্মরোম মুত্থৎখ্রে।
• মেত্রো সিস্তেম য়াওনা মোদর্ন পব্লিক ত্রান্সপোর্ত অসি শহর কয়া অমদা য়ৌহল্লে।

৪. সেমিকন্দক্তর ইকোসিস্তেম শেমগৎপা

প্রধান মন্ত্রীনা দোমেস্তিক সেমিকন্দক্তর কেপাসিতী শেমগৎপদা ভারতনা পায়খৎলিবা খোঙথাংশিং অদু পনখি:

• মমাংদা ভারত্তা সেমিকন্দক্তর মেন্যুফেকচরিং প্লান্ত অমত্তা লৈরমদে।
• হৌজিক ভারত্তা মপুং ফাবা সেমিকন্দক্তর ইকোসিস্তেম অমা শেমগৎলি।
• সেমিকন্দক্তর প্লান্ত অহুম হৌদোকখ্রে। •
• ভারতনা চিপশিং এক্সপোর্ত তৌবা হৌখ্রে।

৫. ক্রিতিকেল মিনরেলশিং সেক্যুর তৌরি

অনৌবা তেক্নোলোজীশিংগীদমক ক্রিতিকেল মিনরেলশিংগী মরুওইবা অদু পল্লদুনা, প্রধান মন্ত্রীনা সেক্তর অসিদা ভারতকী তৌবা ঙম্বশিং মপাঙ্গল কনখৎহন্নবা লৌখৎলিবা খোঙথাংশিং অদু পনখি:

• নেস্নেল ক্রিতিকেল মিনরেল মিসন হৌদোক্লে।
• বজেৎ অসিদা ক্রিতিকেল মিনরেল কোরিদোর অমা লাউথোকখ্রে।
• ক্রিতিকেল মিনরেল সপ্লাইগীদমক লৈবাক কয়াগা লোয়ননা এগ্রীমেন্তশিং খুৎয়েক পীনখ্রে।

৬. ইনর্জী সেক্যুরিতী মপাঙ্গল কনখৎহনবা

প্রধান মন্ত্রীনা হায়খি মদুদি ইনর্জী সেক্যুরিতী অসি চাউখৎলবা ভারত অমা শেমগৎপদা মরুওইবা ৱাফম অমনি, মরুওইনা চিপশিং, এ.আই. অমসুং দেতা সেন্তরশিংগুম্বা তেক্নোলোজীশিং অসি ইলেক্ত্রিসিতী য়াম্না চাউনা মথৌ তাই।

ন্যুক্লিয়র ইনর্জীগী থৌদাং অদু পল্লদুনা, প্রধান মন্ত্রীনা হায়খি:

• ন্যুক্লিয়র ইনর্জী সেক্তরদা অচৌবা রিফোর্ম অমা ওইনা শান্তি এক্ত অসি শেম্লে।
• ভারতনা ফাস্ত ব্রীদর ন্যুক্লিয়র তেক্নোলোজীদা মরুওইবা মাইলস্তোন অমা লান্থোক্লে।
• তেক্নোলোজীনা ভারতপু ন্যুক্লিয়র ফ্যুএলদা মশা-মরোমদোম লেপচবদা অচৌবা থৌদাং লৌবগী ওইথোকপা য়াবা লৈ।

৭. ওইল অমসুং গ্যাস এক্সপ্লোরেসন পাকথোক চাউথোকহনবা

প্রধান মন্ত্রীনা ওফশোর এক্সপ্লোরেসনগী মায়কৈদা ভারতকী এপ্রোচকী অহোংবা অদু পনখি:

• ভারতকী ওফশোর এরিয়াগী চাউরাক্না ৯৯% অসি মমাংদা নো-গো এরিয়া ওইনা খায়রম্মি।
• এপ্রোচ অসি হৌজিক নো-গো এরিয়াদগী গো এহেদ এরিয়াদা ওন্থোক্লে।
• মমাংদা অথিংবা থম্লবা মফমশিং অসি থিজিন হুমজিনবগীদমক হাংদোক্লে।
• মসিনা অনৌবা ওইল অমসুং গ্যাস রিজর্বশিং ফংনবগী ওইথোকপা কয়া লৈহল্লে।

৮. ইনর্জী দাইবর্সিফিকেসন

তোঙান তোঙানবা ইনর্জীগী সোর্সশিংদা য়াম্না থুনা পাকথোক চাউথোকপা অদু প্রধান মন্ত্রীনা ফোংদোকখি।

সিতী গ্যাস দিস্ত্রিব্যুসন

• ২০১৪: শহর ৭০দগী হন্থনা ফংলম্মি।
• ঙসিদি: শহর ৭০০রোমদা ফংলি।

চাকথোং গ্যাস পাইপতা পুবা

• ২০১৪: চাউরাক্না য়ুমথোং লাখ ২০.২২।
• ঙসিদি: য়ুমথোং করোর ১.৭৫ রোম ওইখ্রে।

সোলর ইনর্জী

• ২০১৪: চাউরাক্না জি.দবল্যু. ২
• ঙসিদি: জি.দবল্যু. ১৬০ রোম ওইখ্রে।

পি.এম. সুর্য় ঘর মুফত বিজলী য়োজনা

• স্কিম অসিনা ইমুং লাখ ৫০গী ময়া য়ৌশিনবা ঙমখ্রে।
• ইমুং লাখ কয়ানা ইলেক্ত্রিসিতী বিল হন্থহন্দুনা নত্ত্রগা জিরো ওইহন্দুনা কান্নবা ফংলি।
• ইমুংশিংনা অহেনবা ইলেক্ত্রিসিতীসু য়োন্দুনা শেন্দোং ফংবা ঙম্মী।
• য়ুমথোং খুদিংগী চাউরাক্না লুপা ৮০,০০০গী এসিস্তেন্স ফংলি।

৯. রেলৱেজ: ইলেক্ত্রিফিকেসন অমসুং তুংলমচৎকী ফ্যুএলশিং

প্রধান মন্ত্রীনা ভারতকী রেলৱেজদা অহোংবা পুরকপগী মতাংদা পনখি:

• ২০১৪দা, চহি ৯০ রোমগী মতুংদা, রেলৱেজ নেৎৱার্ক্কী চাদা ৩০ খক্তমক ইলেক্ত্রিফিকেসন তৌখি।
• ঙসিদি, ভারত রেলৱেজনা মপুং ফানা ইলেক্ত্রিফিকেসন তৌবগী মায়কৈদা চংশিল্লে।
• ভারতনা মাগী অহানবা মেদ-ইন-ইন্দিয়া হায়দ্রোজেন ত্রেনদা থবক হৌখ্রে।
• মসি মালেমগী খ্বাইদগী শাংবা অমসুং খ্বাইদগী শক্তি লৈবা হায়দ্রোজেন ত্রেন ওইনা শেমগৎলি।

১০. মালেমগী ওইবা অৱাবা মতমদা ভারতকী রেসিলিয়েন্স

প্রধান মন্ত্রীনা হায়খি হৌখিবা চহি ১০-১২ অসিদা শেমগৎখিবা কেপাবিলিতীশিং অসি মতম অসিগী মনুংদা চাংয়েং তৌখি:

• কোবিদ-১৯ লাইচৎ
• রসিয়া-য়ুক্রেনগী লান।
• নোংচুপ থংবা এসিয়াদা থোক্লিবা নুংঙাইনদবা।

১১. লৌমীশিংগীদমক মমল হোংবা ফর্তিলাইজর

মালেমগী মমল ৱাংবা ফর্তিলাইজরদগী লৌমীশিংবু ঙাকথোক্নবা সরকারনা হোৎনরিবশিং অদু পল্লদুনা প্রধান মন্ত্রীনা হায়খি:

• য়ুরিয়া: মালেমগী ওইনা বেগ অমদা চাউরাক্না লুপা ৩০০০; ভারতকী লৌমীশিংনা লুপা ৩০০দগী হন্থনা ফংলি।
• দি.এ.পি.: ইন্তর্নেস্নেল ওইনা লুপা ৫০০০দগী হেনবা; ভারতকী লৌমীশিংনা লুপা ১৩৫০দা ফংলি।

১২. ত্রেদ অমসুং এক্সপোর্তকী খুদোংচাবশিং

প্রধান মন্ত্রীনা ভারতকী পোত্থোক পুথোক্লিবশিং অমসুং এক্সপোর্তরশিংগীদমক শেম্লিবা অনৌবা খুদোংচাবশিং অদু পনখি:

• ২০১৪দগী হৌদুনা ভারতনা লৈবাক ৪০রোমগা লোয়ননা এফ.তি.এ. তৌনখি।
• লৌউ-শিংউ, ফিশরিজ, এম.এস.এম.ই.শিং, তেক্সতাইল অমসুং অতোপ্পা এক্সপোর্ত সেক্তরশিংদা অনৌবা খুদোংচাবশিং ফংলে।

১৩. ভিক্সিৎ ভারতকী ময়াইদা নহাশিংবু থম্বা

প্রধান মন্ত্রীনা হায়খি মদুদি ভারতকী নহারোলশিংনা ভিক্সিৎ ভারত শেমগৎপদা অচৌবা থৌদাং লৌরি অমসুং মখোয়গীদমক হাংলিবা অনৌবা লম্বীশিং অদু পনখি:

• স্তার্তঅপ ইন্দিয়া: ইন্নোবেসন অমসুং ‌ওন্ত্রপ্রেন্যুওরশিপকী অনৌবা লম্বীশিং
• লুপা করোর লাখ ১গী রিসর্স ফন্দ: নহারোল রিসর্চরশিংগীদমক অনৌবা খুদোংচাবশিং। 
• দিজিতেল ইন্দিয়া: মমল হোংবা দেতাগী খুত্থাংদা শক্তি পীবা।
• স্কিল ইন্দিয়া: নেস্নেল স্কিল ইকোসিস্তেম।
• স্পেস সেক্তর: প্রাইবেৎ পার্তিসিপেসনগীদমক হাংদোক্লে।
• নেস্নেল দ্রোন পোলিসী: নহা ওইরিবা ইন্ত্রপ্রিনরশিং অমসুং ইন্নোবেতরশিংগীদমক অনৌবা খুদোংচাবশিং।
• খেলো ইন্দিয়া: স্পোর্তস ইকোসিস্তেম মপাঙ্গল কনখৎহনবা।

১৪. এজুকেসন অমসুং ইন্নোবেসন

এজুকেসন অমসুং ইন্নোবেসনগী খুদোংচাবশিং পাকথোক চাউথোকহনবগী মতাংদা প্রধান মন্ত্রীনা ফোংদোকখি:

• নেস্নেল এজুকেসন পোলিসী ২০২০: চহি ৩৫গী মতুংদা হৌদোকখ্রে।
• য়ুনিভর্সিতীশিং: ২০০৪দগী ২০১৪ ফাওবদা ৩৫০দগী তাখি; মথংগী দিকেদতা অনৌবা য়ুনিভর্সিতী ৬৫০ রোম হাপচিনখি।
• মেদিকেল কোলেজশিং: ২০১৪গী মমাংদা ৪০০দগী হন্থরম্মি; ঙসিদি ৮৫০ রোম ওইরে।
• স্কুলশিংদা অতল তিঙ্করিং লেব ১০,০০০ হেন্না লিংখৎখ্রে।
• চহি নৌরিঙৈ মতমদগী তেক্নোলোজী অমসুং ইন্নোবেসনগী ৱাখল্লোন অমা শেমগৎপদা মীৎয়েং থম্লি।

১৫. স্তার্ত-অপশিং, স্পেস অমসুং এ.আই.

ভারতকী হেনগৎলক্লিবা স্তার্ত-অপ অমসুং ইন্নোবেসন ইকোসিস্তেমগী মতাংদা প্রধান মন্ত্রীনা পনখি:

• ভারতকী স্পেস স্তার্ত-অপ অমনা মেদ-ইন-ইন্দিয়া রোকেৎ অমা থাগৎখ্রে।
• হৌজিক ভারত্তা রেজিস্তর তৌরবা স্তার্ত-অপ লাখ ২.৫ রোম লৈরে।
• এ.আই.না নহা ওইরিবা ভারত মচাশিংগীদমক অনৌবা খুদোংচাবা কয়া অমা পীরি।
• চহি অসিদা ভারতনা এ.আই. ইম্পেক্ত সমিৎ পাঙথোকখ্রে।

১৬. অনৌবা সেক্তরশিং অমসুং অনৌবা খুদোংচাবশিং

বাইওইকোনোমী

• ২০১৪: চাউরাক্না লুপা করোর ৬০,০০০।
• ঙসি: লুপা করোর লাখ ২০ রোম।
• পাকথোক চাউথোকপা অসিনা অনৌবা থবকশিং অমসুং ওন্ত্রপ্রেন্যুওরশিপকী খুদোংচাবা কয়া শেমগৎলি।

ইলেক্ত্রিক ভেহিকল্স

• মমাং চহি তরাগী খুজিং অমা লোইশিল্লকপদা: চহি খুদিংগী ই.ভি. লাখ ১.৫রোম য়োনখি।
•  হৌখিবা চহিদা: ইভি চাউরাক্না লাখ ২৫ য়োনখি।

এভিয়েসন

• অনৌবা এয়রপোর্তশিং অমসুং রুতশিংনা থবক ফংহল্লি।
• এম.আর.ও.না অনৌবা খুদোংচাবা কয়া অমা পীরি।
• ভারতনা মেদ-ইন-ইন্দিয়া এয়রক্রাফত মেন্যুফেকচরিংগী মায়কৈদা চংশিল্লি।
• মেদ-ইন-ইন্দিয়া সি-২৯৫ দিফেন্স ত্রান্সপোর্ত এয়রক্রাফ্তনা মায় পাক্না মাগী ফ্লাইৎ মপুং ফাখ্রে।

১৭. স্বমিত্বাগী খুত্থাংদা খুঙ্গংদা শক্তি পীবা

প্রধান মন্ত্রীনা স্বমিত্বা খোঙথাংগী ইম্পেক্তকী মতাংদা পনখি:

• ইমুং করোর ৩.২৫ রোমদা প্রোপর্তী কার্দ ফংহনখ্রে।
• রুরেল এরিয়াশিংদা চাউরাক্না লুপা করোর লাখ ১৪০গী শেন্মিৎলোনগী পোতেন্সিএল ফংহনখ্রে।
• প্রোপর্তী রেকোর্দশিংনা খুঙ্গংগী মীওইশিংদা মখোয়গী প্রোপর্তীদা বেঙ্ক লোনগী খুদোংচাবা ফংহল্লি।
• খুঙ্গংদা থবক ফংহন্নবা, মশানা থবক পীজবা অমসুং ওন্ত্রপ্রেন্যুওরশিপকী অনৌবা লম্বীশিং হাংদোক্লে।

18. Growth in Defence Exports

১৮. দিফেন্স এক্সপোর্তকী গ্রোথ প্রধান মন্ত্রীনা ভারতকী দিফেন্স এক্সপোর্তকী এক্সপান্সনগী মতাংদা পনখি:

• দিফেন্স এক্সপোর্ত অসি শরুক ৫০ হেনখ্রে।
• ভারতকী দিফেন্স ইক্বিপমেন্ত অসি হৌজিক লৈবাক ১০০ রোমদা এক্সপোর্ত তৌরি।

১৯. নুপীনা লুচিংবা চাউখৎ-থৌরাং: লাখপতী দিদি

ভারতকী চাউখৎ-থৌরাংদা নুপীশিংনা লৌরিবা থৌদাং হেনগৎলক্লিবা অসিবু শন্দোক্না তাক্লি:

• লসখপতী দিদি করোর ৩গী পান্দম ফংলে।
• জেনরেল, দলিত, বেকৱার্দ অমসুং ত্রাইবেল ইমুংশিংগী নুপীশিংনা লাখপাতি দিদিশিং ওইরক্লি।

২০. সোসিএল সেক্যুরিতী পাকথোক চাউথোকহনবা

প্রধান মন্ত্রীনা সোসিএল সেক্যুরিতী কভরেজ পাকথোক চাউথোকহনবগী মতাংদা পনখি:

• ২০১৪গী মমাংদা, মীওই করোর ২৫ রোম সোসিএল সেক্যুরিতীগী কভরেজদা ফংলম্মি।
• ঙসিদি ভারত মচা করোর ১০০ রোমদি সোসিএল সেক্যুরিতী স্কিম অমা নত্ত্রগা অমগী কভরেজ ফংলে।

২১. আয়ুশ্মান ভারত

আয়ুশ্মান ভারতকী খুত্থাংদা ইমুংশিংদা পীরিবা শেলগী তেংবাং অদু প্রধান মন্ত্রীনা ফোংদোকখি:

• বেনিফিসরী ইমুংশিংনা মেদিকেলগী শেনফম ওইনা চাউরাক্না লুপা করোর লাখ ২ কনবা ঙম্লে।

***