ভারতকী প্রধানমন্ত্রী

য়োর এক্সেলেন্সিশিং,

ন্যু দিবলপমেন্ত বেঙ্ককী প্রসিদেন্ত

ব্রিক্স বিজিনেস কাউন্সিলগী মীহুৎশিং

ব্রিক্স বিজিনেস কাউন্সিলগী মীফমদা শরুক য়াবা ফংবসি ঐহাক্কী লাইবক ফবনি । বিজিনেস কাউন্সিলদা নখোয়না তৌরিবা থবক অদুনা ব্রিক্স পার্তনরশিপকী ভিজনদা প্রেক্তিকেল সেপ অমা পিবদা অচৌবা থৌদাং অমা লৌরি । নহাক্না কোন্সিনলিবা নেতৱার্ক অমসুং নহাক্না শেমগৎলিবা নেতৱার্ক অদুনা ব্রিক্স লৈবাক খুদিংমক্তা ইকোনোমিক গ্রোথকী ৱারি অমা শেমগৎলে । মমাং চহিদা গৱাদা পাংথোকখিবা মসিগী মীফমদা এনদিবি অমসুং ব্রিক্স বিজিনেস কাউন্সিলগী মরক্তা হেন্না নকপা কোওপরেসনগী সজেসন অমা লৈখি । নখোয়না এনদিবিগা লোইননা এমওয়ু অমা তৌনরকপদা ঐহাক্না নুঙাইবা ফাওই ।

এক্সেলেন্সিশিং অমসুং মরূপশিং,

ঙসিদি মালেমদা ভারত অসি মোস্ত ওপন ইকোনোমিদা থুনা অহোংবা লাক্লে । ফোরেন দাইরেক্ত ইনভেস্তমেন্ত ৱাংখৎলে, চাদা ৪০ হেঙ্গৎলে । ভারত অসি ইজ ওফ দুয়িং বিজিনেসকী ৱার্ল্দ বেঙ্ক ইন্দেক্সতা মথক্তা কাখৎলক্লে । মদুগা মান্ননা, ঐখোয়না গেলোবেল কমপিতেতিবনেস ইন্দেক্সতা হৌখিবা চহি অনিদা মফম ৩২ হাইগৎলে । জুলাইদা চৎনবা হৌখিবা অদুগুম্বা গুদস অমসুং সর্বিস তেক্সনা হৌজিক ফাওবগী ভারতকী ইকোনোমিক রিফোর্ম ওইরে । স্ত্রোক অমদা, মীওই বিলিয়ন ১.৩গী য়ুনিফাইদ মার্কেত শেমলে । দিজিতেল ইন্দিয়া. স্তার্ত অপ ইন্দিয়া অমসুং মেক ইন ইন্দিয়াগুম্বা প্রোগ্রামশিংনা লৈবাক্কী ইকোনোমিক লেন্দস্কেপতা অহোংবা পুরক্লে । ভারতপু লৌশিংদা য়ুমফম ওইবা, স্কিল সপোর্তেদ অমসুং তেক্নোলোজী দ্রাইবন শোসাইতি অমদা পুরকপদা মখোয়না মতেং পিরি ।

এক্সেলেন্সিশিং অমসুং মরূপশিং,

ঐহাক্না মসি নোত তৌবদা হরাওবা ফাওই মদুদি ব্রিক্স বিজিনেস কাউন্সিলনা ত্রেদ অমসুং ইনভেস্তমেন্ত লাইথোকহনবা, স্কিল দিবলপমেন্তশিং প্রমোত তৌবা, ইনফ্রাস্ত্রকচর দিবলপমেন্ত, এসএমই দিবলপমেন্ত, ই-কমর্স অমসুং দিজিতেল ইকোনোমীগীশু প্রায়োরিতীশিং মেতচ তৌরি । নখোয়গী পাওতাক লৌবগী মথক্তা প্রদক্তিব রিকমেন্দেসন কয়া অমা থোরক্লি । ব্রিক্স রেতিং এজেন্সি, ইনর্জি কোওপরেসন, গ্রিন ফাইনান্স, অমসুং দিজিতেল ইকোনোমী লিংখৎনবগী মায়কৈদা নখোয়না পায়খৎলিবা থবক অদু তশেংনা থাগৎনিঙাইনি । ৱাফম অসি হায়রগা ঐহাক লোইশিল্লগে মদুদি সরকারশিং ওইবনা নখোয়না হোৎনরকপদা ঐখোয়না শোয়দনা মতেং পাংগনি । অমসুং বিজিনেস অমসুং ইনভেস্তমেন্ত কোওপরেসন ফগৎহন্নবগী ঐখোয়গী কমন ওবজেক্তিব অদুদা ব্রিক্স বিজিনেস কাউন্সিলনা ঐখোয়গা নক্ননা চৎমিন্নবা অদুসু ঐখোয়না ঙাইরি ।

ময়াম্বু থাগৎচরি ।