ভারতকী প্রধানমন্ত্রী

থবক নাবা, স্বর হোনবা ৱাবা, কোক ঙাওবা, লোক খুবা অমসুং স্বর থবেৎ-থবেৎ হোনবা অসি চহি ১-২গী ফাওবা লৈরকপদগী ২০১৯গী ফেব্রুৱারী ১৪দা চহি ২১শুরবা সঞ্জয় ভারজেম মিংচনখি।

ফজনা থিজিনবদগী মহাক্কী থম্মোই অদু দবল ভাল্ব অমা শীনবা দরকার ওইরে হায়বা খঙখি।

মহাক য়াম্না লায়রবা ইমুং অমগী মীওই ওইবনা, দোক্তরনা হায়রিবা লায়েং অদু মহাক্না পাংথোকপা ঙমখিদে। মদুনা মরম ওইদুনা, মহাক অমসুং মহাক্কী ইমুং-মনুং নীংবা কাইনা মখোয়গী খুঙ্গংদা হল্লকখি। মখোয়না হল্লকপা মতুং ইকুই কুইদনা, মখোয়না পি.এম.-জে.এ.ৱাই.গী মতাংদা খঙখি অমসুং মসিনা সঞ্জয় অমসুং মহাক্কী ইমুংদা থৌজাল অমা ওইখি। মহাক্না লুপা লাখ ২ পুথোক্কদবা সর্জরী অদু পি.এম.-জে.এ.ৱাই.গী মখাদা ২০১৯গী ফেব্রুৱারী ১৮দা লেম্না পাংথোকখি।

হৌজিক মহাক অনাবা লৈত্রে অমসুং নুংঙাইবা অমসুং মশা-মউ ফবা পুন্সি অমদা হিংলে।

ঙসি মহাক মশা ফবা মীওই অমা ওইরে অমসুং মালেমদা খ্বাইদগী চাউবা হকশেলগী স্কিম অসিগী মতাংদা শন্দোক্না তাক্নবা প্রধান মন্ত্রী উনরবা কান্নবা ফংলবা মীওই ৩১গী মনুংদা অমা ওইরে।

চহি অমগী মমাংদা ২০১৮দা লিংখৎখিবা, মালেমদা খ্বাইদগী চাউবা হেল্থ ইন্সুরেন্স স্কিম অসিনা লৈবাক অসিগী লায়রবা মীওই ক্রোর ১০.৭৪ হেন্না ইরাই লাইনা মেদিকেলগী খুদোংচাবশিং ফংহন্নবা পান্দম থমলি।

হৌখিবা চহিদা সঞ্জয় ভারজেমগুম্বা অনাবা ৫০,০০০ হেন্না অয়ুশ্মান ভারত য়োজনাগী মখাদা অসিগুম্বা খুদোংচাবশিং ফংখ্রে।

অয়ুশ্মান ভারত প্রধান মন্ত্রী জন অরোগ্যা (পি.এম.-জে.এ.ৱাই.)গী মখাদা হোস্পিতাল ১৬,০৮ হেন্না ইমপেনেল্দ তৌরে, বেনিফিসরী লাখ ৪১ হেন্না লায়েংলে অমসুং ই-কার্দ ক্রোর ১০ হেন্না পীখ্রে।

অয়ুশ্মান ভারতকী মখাদা লৈবাক শীনবা থুংনা হেল্থ এন্দ ৱেলনেস সেন্তর ২০,৭০০ হেন্না থবক পাংথোক্লে।

 ***