ভারতকী প্রধানমন্ত্রী

খুরুমজরি ,

জপানগুম্বা লৈবাক অমদা , মসিগী অকিগী মতম অসিদা অমসুং নখোয়গা উনবা অসি তশেংনা নুংঙাইবা অমনি । করিগুম্বা নখোয়না ভারতকী নিংথৌকাবা নুমিৎকী অয়ুক পুং ৯:০০ ওইরম্লবদি , অয়ুক অসিদা নখোয় ময়াম অমা পুল্লে । অসিগুম্বা নুংশিনবা অমসুং থৌজাল অসিগীদমক ঐনা ঐগী থম্মোয়দগী শেংনা থাগৎলি ।

২০১৬গী মতুংদা ঐনা জপানদা লৈবা ঐগী ইরৈচাশিং উনবা মরম্না ঙসিগী উনবা অসি য়াম্না মরুওইবা অমনি ।

এল দি পিগী প্রসিদেন্দ ওইনা অমুক হন্না খনবদা , ভারতকী মাইকৈদগী , নখোয় পুম্নমক্কী মাইকৈদগী ঐনা ঐগী খ্বাইদগী নুংশিরবা মরুপ, প্রধান মন্ত্রী অবে থৌরম অসিদা থাগৎলি ।

প্রধান মন্ত্রী অবেনা মতম চুপ্পদা ভারতকী মীয়াম অমসুং ঐহাক নুংশিবা ফাওই । মসিগী নুংশিবা অমসুং লুনা তৌবা অসিগা লোয়ননা অখন্নবা মওংদা ঐহাক ওকপগীদমক অমুক হন্না ঐনা প্রধান মন্ত্রী অবে অমসুং জপানগী মীয়াম থাগৎলি ।

মসিগা লোয়ননা ঐনা নখোয় পুম্নমক্তা দিৱালিগী য়াইফ-পাউজেল পীজরি । দিৱালিগী থাউমৈ অমনা মফম অমা ঙালহলবগুম ,মসিগা মান্ননা নখোয়না জপানদা অমসুং মালেম শীনবা থুংনা নহাক্কী লৈবাক্কী মমিং ঙালহল্লি ।

মরুপশিং,

 ভারতকী প্রধান মন্ত্রী অমা ওইনা খোঙচৎ অসিগী ঐগী অহুমসুবা খোঙচৎনি । ঐনা জপানদা লাকপা খুদিংদা, ঐনা য়াম্না নুংঙাইবা কয়া মফম অসিদা থেংনৈ । মসি ভারত অমসুং জপানদা মমাংঙৈদগী হৌদুনা কলচরদগী হৌরগা চৎনবী ফাওবদা অচেৎপা মরি লৈনবদগীনি । মসি হিন্দুইজম নৎত্রগা বুধিজম ওইগেরা, ঐখোয়গী হেরিতে অসি শরুক য়ামিন্নরি ।

লাইরেম্বী শরশ্বাতি , লাইরেম্বী লাক্সমী, ভাগবান সিবা নতৎগা গনেসগা মান্নবা কয়া জপানগী খুন্নাইদা লৈরি । ‘সর্বিস’ হায়বা ৱাহৈ অসিগী ৱান্থোক অসি জপানিজ অমসুং হিন্দিদা চপ মান্নৈ । য়ুম অসি জপানদা গোমা হায় অমসুং ফেসতুন অসি জপানিজদা তোরি হায় । জপানগী লাই খুরম্বশিংনা মাউন্ত ওন্তাকে কাবা মতমদা শেৎপা অঙৌবা ফিজোল অদুদা সংস্কৃত-সিধামগী থাইনগী ময়েকশিং ইরি । মখোয়না অঙৌবা জপানগী তেঙ্গুই শেৎপা মতমদা মদুদা ঔম ইরি ।

মরুপশিং,

ভারত অমসুং জপানগী মরিদা মমাংঙৈগী কল্লবা লংলা কয়ানা চেৎনা পুল্লি । ভারত অমসুং জপানগী মরি অসি বুধা অমসুং বোসনা শম্নহবগুম, হৌজিক্কী অনৌবা ভারত অসিদা নখোয় ময়াম্না মরি অসি কনখৎহল্লি । সরকারগী এম্বেসেতরদি অমা খক্তনি অদুবু ঐখোয়গী লৈবাক্কী ইনভোই লিশিং কয়া মফম অসিদা লৈরি ।

ভারত অমসুং জপান, মসিগী কলচর অমসুং লৈবাক অনিগী অনিংবশিং শম্নহল্লিবা থোঙ অসি নখোয় ময়াম্নি । মসিগী থৌদাং অসি নখোয়না মাইপাক্না পাংথোকপগীদমক ঐ হরাওবা পোকই ।
 

মরুপশিং,

ঐনা প্রধান মন্ত্রী অবেগা ৱারি শানবা খুদিংদা মহাক্না ভারতমচাশিং থাগৎপা অদুনা ঐঙোন্দা হরাওবা অমা পোকহল্লি । নখোয়গী হৈশিংবা অমসুং কলচরেল ভেলুশিং অদুনা নখোয় ময়াম মফম অসিদা ইকায়খুম্নবা ফংলিবনি ।

য়োগা অসি জপানগী পুন্সিগী শরুক অমা ওইহনবদা নখোয়না মাইপাক্না হোৎনরে । মফম অসিগী মথেলশিংদা নখোয়না কাধি-চাৱল হাপচিল্লে অমসুং হৌজিক নখোয়না জপানগী মরুপশিংগা লোয়ননা দিৱালি পাংথোক্লে । শারিৎ-শারাৎ য়াম্না হৈবা লৈবাক অসিদা নখোয়না কবাদি তম্বীরে অমসুং মফম অসিদা ক্রিকেত শানবা হেনগৎহন্নবা নখোয়না থবক পায়খৎলি ।

মতেং পাংবা অমসুং পুন্না হিংমিন্নবা হায়বা লাইৱা অসিনা জপানিজশিংগী থম্মোয়দা নখোয়না মফম অমা কনবা ঙম্বা অসি থাগৎনিংঙাইনি । ঐখোয়গী কলচরগী মহুৎশিন্দুনা মফম অসিদা ভারতমচা লিশিং ৩০ হেন্না থবক তৌদুনা লৈবা অসিদা ঐহাক হরাওই ।

মরুপশিং,

নখোয় অয়াম্বা ভারত্তা লাক্লম্লগনি । মফম অদুদা মতম খরগী ওইনা লাক্তবশিংনা পাউ-চে অমসুং ইন্তরনেতকী খুৎথাংদগী ভারত্তা লাক্লিবা অহোংবশিং অসি খঙলম্লগনি । ঙসিদি, ভারত্তা য়াম্না চাওনা অহোংবা লাক্লে । মীওইবা খুন্নাইগী য়াইফনবা ভারতনা পায়খৎলিবা থবকশিংদা ঙসিদি মালেম্না থাগৎনরি । মীয়ামগী থবক তৌবগী লমদা অমসুং ভারত্তা শেম্লিবা থৌশিলশিং অসিগী মতাংদা লৈবাক অসি ইকায়খুম্নবা ফংলে ।

ইকুই কুইদনা , মালেমগী অচৌবা লুপ অনিনা ভারতকী থবকশিং অসি ইকায়খুম্নবা উৎলে অমসুং থাগৎলি । অশং-অমান্না থনবা তুংলমচৎ অমগীদমক পায়খৎলিবা থবকশিং শক খঙবা উৎপা ওইনা , য়ুনাইতেদ নেসন্সনা চেম্পিয়ন ওফ আর্থ এৱার্দ পীরে অমসুং সিওল পিছ ফাউন্দেসন্না ভারত্তা সিওল পিছ প্রাইজ পীরে ।

মরুপশিং,

হায়রিবা মনাশিং অসি ভারতমচা বিলিয়ন ১.২৫গী মীহুৎ অমা ওইনা ঐঙোন্দা পীবনি অদুবু  ঐনা পাংলিবা মতেং অসিদি লৈপরেং অমগী লংলা অমনা লৈ লেংদুনা অমত্তা ওইহনবগুম্বনি । ঐখোয়গী লৈবাক অসি নখোয়গুম্বা মুক্তা অমসুং দাইমন্দ ঙাক্তনি । হৌখিবা চহি ৪ অসিদা ঐখোয়না দরকার ওইবা থবকশিং অদুদা পাংথোকতুনা লাক্লি । ঙসিদি, মীয়ামগী অপুনবগী শক্তি অদুনা অমসুং মীয়াম্না শরুক য়াবদগী মালেম্না শক খঙলে ।

ঙসি, ভারতনা অকোয়বগী ফিবম ঙাক-শেনবা, মালেমগী শান্তি থম্বা, শেন—ুমগী অৱাবা কোকহনবগী থবকশিংদা মাংজিল থারি । মোদীনোমিক্স থাগৎপগীদমক ঐনা সিওল পিছ প্রাইজগী জুরি থাগৎলি । মখোয়গী ৱাখল্লোনশিং ইকায়খুম্নবা মতমদ , ঐনা হায়বা পাম্মি মদুদি মোদীনোমিক্সগী মহুৎতা ইন্দোনোমিক্স ইকায়খুম্নবা উৎকদবনি  ।

সরকারগী মকোক অমা ওইনা , ঐনা শুপ্নগী ভারতকী কলচর অমসুং ত্রেদিসন অদু খক পাংথোক্লি । ঐখোয়গী মমাংঙৈগী ভেলুশিং, ‘মালেম অসি ইমুং অমনি’ অমসুং ‘মী পুম্নমক নুংঙাইবা অমসুং নাদা-য়েক্তবা ওইসনু’ হায়বা অসিদা ঐখোয়না থাজবা থম্লি । মালেমগী ওইনা হোংলক্লিবশিং অসি ভারতকী মিংশেলদা তানবা ঐখোয়গী সরকার অসিনা হোৎনরি ।

ঐখোয়গী সরকারনা ভারতনা পুথোকপা পাম্বৈ অদুনা মালেমগী ওইনা শীজিন্নবা হায়বা ৱাখল্লোন অসিদা থবক তৌরি । অহানবদা ঐখোয়না ভারতকী খুদোংচাদবশিং কোকহল্লি অমসুং তুংদা মোদেল অদু মালেমগী লৈবাকশিংদা য়ৌহনখি ।

মরুপশিং,

জনধন, আধার অমসুং মোবাইল(জাম)না ভারত্তা অরোন-অথুপ লৈহন্দ্রিবা অসিনা মালেমগী লৈবাক কয়া ইথিল পীরিবা অসি খঙলবদি নখোয় চাওথোকপা পোক্কনি । ভারতনা পুথোক্লিবা সিস্তেমশিং অসি হৌজিক নৈনরে । মসিগী মথক্তা, দিজিতেল ত্রান্সসেক্সনগী ঐখোয়গী ভিম এপ্প অমসুং রুপে কার্দ অসি মালেমগী লৈবাক কয়ানা অঙকপা অমগা লোয়ননা য়েংলি ।

কেস য়ামদনা শীজিন্নবা ইকনোমি অমা ওইনবা জপানসু হোৎনরি হায়বা ঐনা খঙলে । মসিগী থবক অসিদা হৌজিক ভারত মাংলোমদা চংশিল্লি হায়বা খঙবদা নখোয় হরাওগনি । য়ু পি আই , ভিম অমসুং অতোপ্পা দিজিতেল প্লেতফোর্মশিংগী  মখাদা হৌখিবা চহি মরি অসিদা দিজিতেল ত্রান্সসেক্সন শরুক ৭ হেনগৎলে।

মসিগী লোইননা ভারতনা মী পুম্নমক শেন-থুমগী কান্নবা ফংহন্নবা থবক পায়খৎলে অমসুং পোস্ত ওফিসশিংগী খুৎথাংদা খুঙ্গংশিদা শেন-থুমগী থবকশিং ফংহল্লে । নখোয়না অঙাং ওইরিঙৈদা উখিবা পোস্তমেনশিং অদু হৌজিক বেঙ্কর অমা ওইরে ।

মরুপশিং,

ঙসি ভারত অসি মমাংদা অমুক্তা ওইখিদ্রিবা মওংদা দিজিতেল  ইনফ্রাস্ত্রকচর চাওখৎলে । খুঙ্গংশিংদা ব্রোদবেন্দ কন্নেকতিবিতি ফংলে অমসুং হৌজিক ভারত্তা মোবাইল ফোন বিলিয়ন অমা হেন্না শীজিন্নরি । করিগুম্বা মতমদা ভারতকী অপুনবা মীশিংদগী মোবাইল ফোন মশিংনা হেল্লি হায়নবা ফাওবা য়াওরে । ভারত্তা জি বি ১গী দেতা অসি ঈশিং অইংবা বোত্তল অমদগী হেন্না হোংলে । ঙসিগী অহোংবা দেতা অসি সর্বিস দেলিভরিগী কান্নরবা মেদিয়ম অমা ওইরে ।

অতোপ্পা অমদা, মেক ইন ইন্দিয়া অসি ঙসিদি মালেমগী ব্রান্দ অমা ওইরে । ঙসিদি ঐখোয়না  ভারত খক্তগী নত্তনা মালেমগী ওইনা অফবা পোৎ কয়া পুথোক্লি । ভারত অসি মালেমগী ওইনা ইলেকত্রোনিক্স অমসুং ওতোমোবাইল শাফম অমা ওইরে । মোবাইল ফোন শাবগী থবক্তা ঐখোয়না মকোক ওইনা মাংলোমদা চংশিল্লি ।

মরুপশিং,

হৌখিবা চহি মরি অসিদা ললোন-ইতিক্কী থবকশিংদা মাইপাকপদগী মেক ইন ইন্দিয়া অসি মাইপাক্লকপনি । ইজ ওফ দুইং বিউজিনেস রেঙ্কিংদা ঐখোয়না পোইন্ত ৪০ হেন্না হাইগৎলকখি। চহি অসিগী ওইনসু ঐখোয়না গ্লোবেল বিউজিনেস রেঙ্কিংদা পোইন্ত মঙা হাইগৎলকখি । ইন্নোবেসনগী থবকশিংদসু ভারত মালেমগী লৈবাকশিংগী কাংলুপ্তা য়াওবা ঙম্লে । মসিনা মরম ওইদুনা হৌজিক ভারত অসি মালেমগী ওইনা স্তার্দ-অপশিংগী খ্বাইদগী চাউবা অনিসুবা মফম অমা ওইরে ।

মরুপশিং,

ভারতনা পুথোকপা অনৌবশিং, পাম্বৈশিং অসি মমল হোংবা অমসুং মগুন লৈবা ঙাক্তনি । মসিগী খুদমদি ভারতকী স্পেসকী থবকশিং অসিনি । ঙসিদি ভারতনা খ্বাইদগী অহোংবা মমলদা মালেমগী লৈবাক কয়াগী অমসুং লনাই কম্পেনি কয়াগী সেতিলাইতশিং ভারতনা স্পেসতা থাগৎলি । মমাংগী চহিদা , ঐখোয়গী সাইন্তিসশিংনা মমাংদা অমুক্তা ওইখিদ্রিবা মওংদা অমুক্তদা সেতিলাইত ১০০ থাগৎখি ।

য়াম্না পীকপা শেনফমদা ঐখোয়না চন্দ্রয়ান অমসুং মঙ্গালায়ন থাগৎলে, ২০২২দা গঙ্গায়ান থাগৎনবা ঐখোয়না শেম-শারি । মসিগী গঙ্গায়ান অসি ভারতনা মপুংফানা শাবা ওইগনি অমসুং মসিগা লোয়ননা স্পেসতা চৎকদৌরিবা মীওই অদু ভারতমচা ওইগনি ।

মরুপশিং,

ঙসি ভারত্তা কংফালদগী হৌরগা স্পেস ফাওবদা অচৌবা অহোংবা কয়া লৈরে । হায়রিবা অহোংবা ময়াম অসিনা মরম ওইদুনা ঙসি ভারত অসি মালেমদা য়াংনা চাওখৎলক্লিবা অচৌবা ইকনোমি অমা ওইরে । অহোংবা ময়াম অসিনা  মরম ওইদুনা, মালেমগী লুপশিংনা লাক্কদৌরিবা দিকেত অসিদা মালেমগী চাউখৎপা অসিদা ভারতনা লমজিংগনি হায়রি । ভারতকী চাউখৎপগী ৱারি অসিদা জপান অমসুং নখোয় ময়ামসু অচৌবা মতেং পাংলি ।

বুল্লেত ত্রেনদগী হৌরগা স্মার্দ সিতিশিং য়াওনা অনৌবা ভারতনা পায়খৎলিবা অনৌবা শেমগৎ-শাগৎপগী থবকশিং অসিদা জপান অসি মরুপ অমা ওইরি । ভারতকী থবক শুনবা মী অমসুং ভারতকী নহারোলশিংগী তৌবা ঙম্বা অসি জপানগী হৈ-শিংবগী কান্নবা ফংলি ।

মরুপশিং ,

অনৌবা ভারত অমা শেমগৎপা শরুক য়ানবা ঐহাক্না নখোয় পুম্নমক চেবাউ পীরি । ঙসিদি ভারত অসি শেন থাদনবগী চুনরবা খুদোংচাবা কয়া অমসুং অনৌবা থবক কয়া লৈরে, মরম অদুনা নখোয়গী হৌরকফমশিংগা শম্নবা অসি য়াম্না মরুওইবা অমনি ।

জপানদা খুন্দারিবা ভারতমচাশিংগা লোয়ননা জপানগী মরুপশিংন মতম চুপ্পদা লৈবাক অসি চাউখৎনবা মতেং পাংলি । শ্বামি ভিবেকানন্দাজি, নেতাজি সুভাস চন্দ্র বোস অমসুং ভারতকী নিংতম ইহৌনা জপানদগী ফংখিবা মতেং অদু ভারতমচা কয়াগী থম্মোয়দা মতম চুপ্পদা লেংদনা লৈরগনি ।

ঐখোয়গী লৈনরিবা মরি অসি চেৎশিনহন্নবা অমসুং ঐখোয়গী মরুপ-মপাং ওইবা অসি কনখৎহন্নবা ঐখোয়না লেপ্তনা হোৎনরি ।

ঙসি, মসিগী থৌরম অসিদা ঐনা নখোয় ময়াম মথং চহিগী জনৱারিদা পাংথোক্কদৌরিববা প্রাভাসি ভারতিয়া দিবাস অমসুং অর্ধা-কুম্ভা শরুক য়ানবা চেবাউ পীজরি । চহি অসিগী প্রাভাসি ভারতিয়া দিবাস বনরসিদা পাংথোক্কনি,মফম অদুদা প্রধান মন্ত্রী  এবনা গঙ্গা আর্তি উবদা অঙকপা পোকখি । ঐহাক মফম অদুদগী কারকপা এম পি অমা ওইবনা নখোয় বনরসিদা লাক্নবা ঐনা চেবাউ পীরি অমসুং মফম অদুদা নখোয় ঐগী অতিথি ওইগনি ।

নুমিৎ নিনিগী মতুংদা , ভারত মালেমগী মেপ্তা অনৌবা পোৎশক অমনা মশক তাক্লগনি ।

ওক্তোবর ৩১ অসি সারদার ভাল্লবভাই পতেলগী মপোক নুমিৎনি , মসি ঐখোয়না চহি খুদিংগী পাংথোক্লি, অদুবু চহি অসিগী ওইনা মহাক্কী পোক্নফম লমদম গুজরাত্তা মালেমদা খ্বাইদগী ৱাংবা সারদার সাহেবগী মীতম হায়বদি, স্তেচু ওফ লিভর্তিদগী শরুক অনি হেন্না ৱাংবা স্তেচু ওফ য়ুনিতি অসিনা মালেমগী পুক্নিং চিংশিল্লগনি । সারদারজিগী মীতম অসি মহাক্কী হৈ-শিংবা অদুগুম ৱাংগনি । মালেমগী খ্বাইগী ৱাংবা মীতম ভারত্তা লৈ হায়না ভারতমচা খুদিংমক্না চাওথোকচবা পোক্কনি । মসি ওক্তোবর ৩১দা হাংদোক্কনি । নখোয়না ভারত্তা লাকপা মতমদা , নখোয়গী জপানগী মরুপশিংনা ভারত্তা লাকপা মতমদা সারদার ভাল্লবভাই পতেলগী মীতম অসি য়েংনবা ঐনা নখোয় ময়ামদা হায়জরি ।

অরোইবদা, দিৱালিগী ওইনা অমুক হন্না নখোয় ময়ামদা অমুক হন্না য়াইফ-পাউজেল পীজরি ।

অয়ুক অসিদা নখোয় ময়াম মশিং য়াম্না লাকপগীদমক ঐনা অমুক হন্না থাগৎচরি ।

থাগৎচরি ।