ভারতকী প্রধানমন্ত্রী

1. পি এম নরেন্দ্র মোদীনা চেবাউ পীবদগী মঙাশুবা ইন্তর-গভর্মেন্তেল কন্সলতেসন শরুক য়ানবা জরমনগী চান্সেল্লর দোক্তর এঞ্জেলা মরকেল ২০১৯গী ওক্তোবর ৩১দগী নবেম্বর ১ ফাওবা ভারত্ত লাকখি। চান্সেল্লর মরকেলগা লোইননা ফোরেন এফেয়র্স, সাইন্স অমসুং ইজুকেসন, ফুদ অমসুং এগ্রিকলচর মিনিস্তরশিং লোয়নরকখি। খোঙচৎ অদুদা জরমনগী কম্পেনীশিংগী লুচিংবশিংগী মীহুৎ কাংবু অমসু য়াওরকখি। খোঙচৎ অদুদা চান্সেল্লর মরকেলনা রাস্ত্রপতি রাম নাথ কোবিন্দ অমসুং প্রধান মন্ত্রী নরেন্দ্র মোদীগা উনখি।

2. চান্সেল্লর মরকেল অমসুং প্রধান মন্ত্রী মোদীনা দিজিতেল তেক্নোলোজীশিং, আর্তিফিসিয়েল ইন্তিলিজেন্স, শেন-থুম, ক্লাইমেত চেঞ্জ, স্কিল লেবর চৎথোক-চৎশিন তৌনবা অমসুং মালেমগী লুপশিং মপাঙ্গল কনখৎহনবগী মতাংদা ৱারী শানখি।

I. আর্তিফিসিয়েল ইন্তিলিজেন্স অমসুং দিজিতেল ত্রান্সফোর্মেসনগী লমদা মতেং পীনবা হেনগৎহনবা

3. এ আইগী মতিক ময়াই খঙদুনা এ আইগী তেক্নোলোজীশিংগী মতাংদা নাকল অনি মতেং পীনবা হেনগৎহনবা অমসুং ইন্নোবেসন অমসুং দিবেলপমেন্ত পুক্নিং থৌগৎপা।

4. খুন্নাইগী কান্নবা পুরক্নবা আই ও তি অমসুং এ আইগী হার্দৱেয়র অমসুং সোফৱেয়র হিরমদা ভারত অমসুং জরমনী মতেং পীনবা হেনগৎহনবা হায়না নাকল অনিনা য়ানখি।

5. হকশেল, মোবিলিতী, অকোয়বগী ফিবম অমসুং লৌউ-শিংউগী লমদা মতেং পীনবা হেনগৎহনবা হায়না নাকল অনিনা য়ানখি। ইন্দো-জরমন সাইন্স এন্দ তেক্নোলোজী সেন্তরগী খুৎথাংদা ২০২০দা বরলিনদা ৱার্কশোপ অমা পাংথোকপা হায়না জরমনগী ইজুকেসন এন্দ রিসর্স মিনিস্ত্রি অমসুং সাইন্স এন্দ তেক্নোলোজী দিপার্তমেন্তনা য়ানরে।

6. এ আই শেমগৎপা অমসুং শিজিন্নবগী মতাংদা অপুনবা রিসর্স পাংথোকপা হায়না ভারত অমসুং জরমনীনা য়ানরে। মসিদা জরমনী অমসুং ভারতকী কম্পেনীশিংগী মরক্তা হকশেলগী লমদা এ আই শিজিন্নবগী মতেং পাংনবা য়াওরি। ২০১৯গী সেপ্তেম্বরদা বরলিন্দা অহানবা ওইনা পাংথোকখিবা মরি লৈনবগী অহানবা মীফম মখোয়না তরাম্না ওকখি।

7. ২০১৯গী সেপ্তেম্বর ৩০দা নীতি আয়োগ অমসুং জরমন কম্পেনীশিং লৌউ-শিংউগী লমদা দিজিতেল তেক্নোলোজীশিং অমসুং এ আই শিজিন্নবগী মতাংদা মীফম পাংথোকখিবা অদু নাকল অনিনা তরাম্না ওকখি। থবক মফমদা এ আই শিজিন্নবদগী ওইরক্কদবা অরুবা ৱাফমশিং অমসুং মসিনা শেন-থুম অমসুং খুন্নাইদা পীরকপা ইথিলগী মতাংদা অপুনা ৱার্কশোপ অমা পাংথোকপা হায়না জরমনী অমসুং ভারতনা য়ানখি।

8. পোৎ য়োনফমশিং হেনগৎহন্নবা অমসুং লৈবাক অমনা অমদা শেন থাদনবা জরমন অমসুং ভারতকী দিজিতেল কম্পেনীশিং পুন্না থবক তৌমিন্নবা হায়না য়ানখি।

9. ২০১৭গী মে ২০দা ভারত অমসুং জরমনীনা খুৎয়েক পীনখিবা দিজিতেল্লাইজেসনগী অপুনবা ৱারোল অদু নিংশিংখি অমসুং মসিগী দিজিতেল দাইলোগ মখা চৎথবা হায়না য়ানখি। নাকল অনিমক্ত মতেং পীনবা হেনগৎহন্নবা “দিজিতেল এক্সপার্ত গ্রুপ” অমা শেম্বা হায়না লৈবাক অনিনা য়ানখি।

10. জরমন প্লেতফোর্ম ইন্দস্ত্রি ৪.০ অমসুং পায়খৎকদৌরিবা সি আই আই স্মার্ত মেনুফেকচরিং প্লেতফোর্ম মরি লৈহন্নবা হায়না নাকল অনিনা য়ানরে। লৈবাক অনিমক্কী স্তার্দঅপ ইকোসিস্তেমশিংগী ৱাখল্লোনশিং অমসুং প্রোজেকশিং শরুক য়ামিন্নবা হায়না লৈবাক অনিনা য়ানখি।

11. মালেমগী আইনগী মতুংইন্না আর্তিফিসিয়েল ইন্তিলিজেন্স শিজিন্ননবা মালেমগী লুপ অমা শেমগৎপা হায়না নাকল অনিনা য়ানখি। ভারত অমসুং জরমনীনা গ্লোবেল পার্তনরসিপ ওন এ আই (সি পি এ আই) শরুক য়ানবা খুদোংচাবা ফংবদা তরাম্না ওকখি।

12. সাইবর সেক্যুরিতীগী লমদা মতেং পীনবা হায়না ভারত অমসুং জরমনী য়ানখি।

II. অনৌবা পুথোকপা অমসুং লৌশিংগী খুৎথাংদা ললোন-ইতিক অমসুং শেন থাদবগী থবক পাকথোক-চাউথোকহনবা

13. ভারত অমসুং ই য়ুগী মরক্তা মরম চাবা ফ্রি ত্রেদ এগ্রিমেন্ত অমা লৈহনবগী মরুওইবা নাকল অনিনা খঙজিনখি অমসুং ই য়ু অমসুং ভারতকী মরক্তা নাকল অনিগী ললোল-ইতিক অমসুং ইনভেস্তমেন্ত এগ্রিমেন্ত অমুক হৌনবা ৱারী শানবা য়ানখি।

14. দব্লিউ তি ওগা লোইননা নিয়মদা য়ুমফম ওইবা মালেমগী ললোন-ইতিক্কী থবক শৌগৎপা হায়না নাকল অনিনা য়ানখি। কজখস্থানগী নরুসুলতানদা পাংথোক্কদবা মথংগী দবল্যু তি ও মিনিস্তরশিংগী মীফমদা নাকল অনিনা ৱাফম কয়া তকশিনগনি।

15. য়ুরো বিল্লিয়ন ১.২ হেন্না থাদরিবা জরমন মিত্তেলস্তেন্দ অমসুং ইমুংনা মপু ওইবা কম্পেনী ১৩৫ মতেং পাংলিবা ‘মেক ইন ইন্দিয়া মিত্তেলস্তেন্দ’ (এম আই আই এম) মাইপাকপদা লুচিংবশিংনা তরাম্না ওক্লি। ই য়ু, ই য়ু লৈবাকশিং অমসুং ভারতকী মরক্তা ইনভেস্তমেন্ত প্রোতেক্সন এগ্রিমেন্ত অমা লৈহনবা হায়না মখোয়না য়ানখি।

16. জরমন ইন্দিয়া স্তার্দঅপ একচেঞ্জ প্রোগ্রাম (জিনসেপ)গী মখাদা পায়খৎলিবা থবকশিং মাইপাকপা লুচিংশিংনা খঙখি। ভারত্ত জরমনা স্তার্দঅপশিংগী অনৌবা জরমন এসেলেতর (জি এ) প্রোগ্রাম পায়খৎপা অমসুং অনৌবা জিনসেপ প্রোগ্রাম পায়খৎপদা মখোয়না তরাম্না ওকখি।

17. হৈশিংবা শিন্মী দরকার ওইবা অমসুং পীবা ঙমদ্রিবা অসিগী অহোবা অসি মেনশিন্নবা থবক পায়খৎনবা অপাম্বশিং মখোয়না থমখি। মসিগী মতাংদা জোইন্ত ত্রেনিং ইন্সতিতুৎশিং লিংখৎপা অমসুং স্কিল দিবেলপমেন্তগী অনৌবা থবকশিং পায়খৎপদা অপেনবা ফোংদোকখি। রেন্যুএবল ইনর্জী, ই-মোবিলিতী অমসুং ইনর্জী-ইফিসিয়েন্সিগী মতাংদা অনৌবা স্কিল অমসুং তেক্নোলোজীশিং শেমগৎনবা পুন্না থবক তৌমিন্নবা হায়না য়ানখি।

18. মেনেজর ত্রেনিং প্রোগ্রাম ‘ফিদ ফোর পার্তনরশিপ ৱিদ জরমনী’ চহি ১০ হেন্না মাইপাক্না মতেং পীনবদা লুচিংবা অনিনা থাগৎখি। মসিগী থৌরম অসিদা ভারতকী মেনেজর ৮০০ হেন্না শরুক য়াখি।

19. জি-২০গী কাংলোনশিং মতুংইন্না অঙাংশিং থবক শুহন্দবা, নমদুনা থবক শুহনদবা, হুমেন ত্রাফিক্কিং অমসুং মোদর্ন স্লেবেরী মুৎথৎনবা থবক তৌমিন্নবা হায়না লৈবাক অনিনা য়ানখি।

20. ভারত অমসুং জরমনীগী নেস্নেল এক্সন প্লান লিংখৎনবা অমসুং থবক ওইনা পাংথোক্নবা মখা তানা অখঙ-অহৈশিং অমসুং থবকশিং পীথোক-পীশিন তৌনবা হায়না নাকল অনিনা য়ানখি। ললোন-ইতিক অমসুং মীওইবগী হকশিংগী মতাংদা য়ু এনগী প্রিন্সিপালশিং ঙাকপা হায়না থাজবা থমখি।

21. জরমন সোসিয়েল এক্সিদেন্ত ইন্সুরেন্স (দি জি য়ু ভি) অমসুং ভারতকী ইমপ্লোইয়িজ স্তেদ ইন্সুরেন্স কোরপোরেসন অমসুং দিরেক্তর জেনরেল (ইমপ্লোইমেন্ত)গী মরক্তা ওক্কুপেসন্নেল দিজিজ, রিহেবিলিতেসন অমসুং ভোকেসনেল ত্রেনিংগী মতাংদা এম ও য়ু খুৎয়েক পীনবা মখোয়না তরাম্না ওকখি।

22. তেক্স লৌবগী মতাংদা জি ২০না পায়খৎপা বেজ ইরোসন এন্দ প্রোফিদ সিফতিং(বি ই পি এস) লুচিংবা অনিনা তরাম্না ওকখি অমসুং রিপোর্ত অদু ২০২০দা অরোইবা ওইনা পুথোক্কনি। ললোন-ইতিক্কী থবক খুদিংমক্ত থোং মান্নবা পুরক্নবা মতম চানা য়ানবা পুরকপা ভারত অমসুং জরমনীনা পাম্লি।

23. শেন-থুমগী দরকার ওইবশিং অমসুং ই-পাউ পীথোক পীশিন তৌন্নবা ইন্দো-জরমন ফাইনান্স মিনিস্তর সেনিয়র ওফিসিয়েল মিতিং অমুক হন্না মখা চৎথবদা লুচিংবা অনিনা তরাম্না ওকখি। চহি অসিগী ওইনা ফাইনান্সিয়েল অমসুং ইন্সুরেন্স সেক্তর অমসুং দিজিতাইজেসন লাকপদগী তেক্সকী শিংনরকপশিংগী মতাংদা খন্নগনি।

24. সিবিল এভিয়েসনগী লমদা মতেং পীন্নবা জোইন্ত দিক্লারেসন খুৎয়েক পীনবা অদু লুচিংবা অনিনা খঙজিনখি অমসুং ভারত্ত কম্মর্সিয়েল এভিয়েসনগী কো-দিবেলপমেন্ত অমসুং কো-প্রদক্সনগী থবক পায়খৎনবা মরি লৈনবা কম্পেনীশিংদা মখোয়না পুক্নিং থৌগৎখি।

25. রেলৱেজ প্রোফেসনেলশিং ত্রেনিং পীনবা অমসুং রেলৱেজ সেফতি, হাই স্পিৎ অমসুং সেমি হাই স্পিৎ রেলৱেজগী মতাংদা চহি কয়া তেক্নিকেলগী পাউ পীনদুনা লাকপা অদু লুচিংবশিংনা থাগৎখি। ভারত্ত হাই স্পিৎ অমসুং সেমি হাই স্পিৎ রেল প্রোজেকশিং পায়খৎনবা নাকল অনিনা য়ানবা পুরকপদা লুচিংবশিংনা অপেনবা ফোংদোকখি।

26. আই জি সি ২০১৩দা খুৎয়েক পীনখিবা ক্বালিতি ইনফ্রাস্ত্রকচরগী লমদা মতেং পীন্নবা ইন্দো-জরমন ৱার্কিং গ্রুপকী জোইন্ত দিক্লারেসন অদু নাকল অনিনা থাগৎখি। গ্লোবেল প্রোজেক ক্বালিতি ইনফ্রাস্ত্রকচর (জি পি কিউ আই)গী মখাদা ২০২০ মতুং ফাওবদা ৱার্কিং গ্রুপ শৌগৎপা অমসুং নাকল অনি তেক্নিকেল অমসুং শেন-থুমগী মতেং পীন্নবা নাকল অনিনা থাজবা পীনখি।

27. স্পেসকী লমদা হৌজিক লৈবাক অনিগী মরক্তা মতেং পীনরিবা অসিদা লুচিংবশিংনা অপেনবা ফোংদোকখি। ইসরো অমসুং জরমন এরোস্পেস সেন্তর অনিগী মরক্তা পরসোনেল পীথোক-পীশিন তৌন্নবা য়ানচে খুৎয়েক পীনখিবদা মখোয়না তরাম্না ওকখি।

28. স্তেনেবল দিবেলপমেন্ত গোলস(এস দি জি), পেরিস ক্লাইমেত এরেঞ্জমেন্ত অমসুং সেন্দাই ফ্রেমৱার্ক ফোর দিজাস্তর রিক্স রিদক্সনগী পান্দমশিং ফংনবা কোলিয়েসন ফোর দিজাস্তর রিসিলিয়েন্ত ইনফ্রাস্ত্রকচর (সি দি আর আই) শেম্বদা তরাম্না ওক্লি। জরমনীনা সি দি আর আই শৌগৎপা ফোংদোক্লি অমসুং মসিদা শরুক য়ানিংবগী অপাম্বা ফোংদোক্লি।

III. অইং-অশা অমসুং তুংকোইনা চাউখৎনবা থবক পায়খৎপা

29. মালেম অসি কন্নবা অমসুং অইং-অশাগী খল কাইরকপা থেংন্নবা মখোয়গী অপুনবা থৌদাং অদু লুচিংবা অনিনা খঙজিনখি। মাইপাক্না ইনর্জী অমসুং ত্রান্সপোর্তকী লমদা অওনবশিং পুরক্নবা ভারত অমসুং জরমনীনা মতেং পীনবগী মরুওইবা অদু মখোয়না ফোংদোকখি।

30. হৌজিক মালেম্না থেংনরিবা অইং-অশাগী খল কাইরকপা অসি থেংন্নবা ভারত অমসুং জরমনীনা পুন্না থবক পায়খৎনবা লুচিংবা অনিনা য়ানখি। পেরিস এগ্রিমেন্তগী আর্তিকল ২ মাংদা থমদুনা থবক তৌনবা নাকল অনিনা থাজবা থমখি।

31. গ্রিন ক্লাইমেত ফন্দ মাইপাকহনবগী মরুওইবা অদু ভারত অমসুং জরমনীনা থমখি অমসুং অতোপ্পা লৈবাকশিংসু গ্রিন ক্লাইমেত ফন্দদা মতেং পাংবা হেনগৎহন্নবা পুক্নিং থৌগৎখি।

32. ভারত অমসুং জরমনী চহি ৬০ হেন্না মতেং পাংন্দুনা লাক্লি। হায়রিবা মতম অসিদা লৈবাক অনিনা ইনর্জী, সহর শেমগৎপা, অকোয়বগী ফিবম ঙাক্নবা মতেং পীনখিবা অদু লুচিংবা অনিনা থাগৎখি।

33. অকোয়বগী ফিবম কাইহন্দনা চৎথোক-চৎশিন তোনবা ই-মোবিলিতীগী থবক পায়খৎনবা গ্রিন অরবান মোবিলিতীগী মতাংদা ইন্দো-জরমন পার্তনরশিপ অমগী জোইন্ত দিক্লারেসন অমা খুৎয়েক পীনখিবা অদু লৈবাক অনিনা তরাম্না ওকখি।

34. ইন্তরনেস্নেল ক্লাইমেত ইনিসিয়েতিপকী মখাদা ইন্দো-জরমন ইনর্জী ফোরম অমসুং ইন্দো-জরমন দিবেলপমেন্ত কোওপরেসন্না রেন্যুএবল ইনর্জী অমসুং ইনর্জী ইফিসিয়েন্সিগী মতাংদা মতেং পীনবদা লুচিংবশিংনা অপেনবা ফোংদোকখি।

35. ফোসিল ফুয়েলশিং অমসুং কোয়লাগী মহুৎশীন্নবা সোলার তেক্নোলোজীশিং শিজিন্নবা অমসুং অকক্নবা স্তোরেজ সেল অমসুং মাইক্রো গ্রিদ শিজিন্নদুনা খুঙ্গংশিংদা মৈ ফংহন্নবা লম্বী কয়া পায়খৎলিবা অসি লৈবাক অনিনা খঙখি।

36. ২০১৫দা মাইপাক্না ইন্দো-জরমন সোলার পার্তনরশিপ লিংখৎখিবা অমসুং ২০১৩দা গ্রিন ইনর্জী কোরিদোর লিংখৎখিবা অদু শকখঙখি। ভারত অমসুং জরমনীগী পৱার মার্কেতশিংদা অকোয়বগী ফিবম কাইহন্দবা ইনর্জী পুথোকপা য়ায়না লুচিংবশিংনা য়ানখি।

37. জরমনীনা ইন্তরনেস্নেল সোলার এল্লাইন্সতা য়াওনিংবা অদু ভারতনা তরাম্না ওকখি।

38. ২০১৯গী ফেবুৱারীদা নিউ দিল্লিদা মসিগী অহানবা মীফম পাংথোকখিবা ইন্দো-জরমন ইনভাইরোনমেন্ত ফোরমগী মরুওইবা অদু লুচিংবা অনিনা অমুক হন্না থমখি।

39. সমুদ্রগী অমোৎপশিং লোইশিন্নবা থৌরাং অমা পায়খৎপদা লুচিংবা অনিনা তরাম্না ওকখি। মেরিন লিত্তরগী মতাংদা জোইন্ত দিক্লারেসন ওফ ইন্তেন্ত অমা খুৎয়েক পীনবদা লুচিংবা অনিনা তরাম্না ওকখি।

40. অকোয়গী ফিবম কাইথরকপা থিংনবা অমসুং তুংকোইনা চৎনগদবা চাউখৎ-থৌরাংগী থবকশিংদা মতেং পাংনবা উমং কনবগী মরুওইবা অদু লুচিংবা অনিনা ফোংদোকখি। ভারতকী চাদা ৩৩ উমং লৈহন্নবা পান্দম ফংবা ঙম্নবা মতেং পীনবা হায়না য়ানখি।

41. সমুদ্র মপানগী প্রোজেকশিং, সমুদ্রগী থৱায় পানবশিং ঙাকশেনবা, হিদাক কান্নবা পাম্বীশিং ঙাকশেনবা অমসুং পোল্লিনেতরশিং কনবগী মতাংদা মতেং পীনবা হায়না নাকল অনিনা য়ানখি।

42. ইন্তরনেস্নেল স্মার্ত সিতিস নেতৱার্কতা ভারত য়াওনা জোইন্ত দিক্লারেসন ওফ ইন্তেন্ত অমা খুৎয়েক পীবদা মখোয়না তরাম্না ওকখি। মমল হোংবা য়ুম শানবা অমসুং য়ুম শাবগী তেক্নোলোজী পীন্নবগী মতাংদা ভারতনা জরমনীগী কম্পেনীশিং লাক্নবা খঙহনখি।

43. কোচি, কোইম্বদোর অমসুং ভুবনেশ্বর সহরশিংদা নিউ অরবান এজেন্দাগী পান্দমশিং পায়খৎনবা মতেং পাংনবা অমসুং ভারতকী অতৈ সহরশিংদা মখা তানা মতেং পীন্নবা নাকল অনিনা থাজবা থমখি।

44.
ভারতকী রাজ্য ছতিসগরগা লোইননা পুন্না ক্লাইমেত এক্সনগী মতেং পীনবদা জরমনীনা তরাম্না ওক্লি অমসুং মসিদা ভারতকী অতৈ রাজ্যশিং অমসুং য়ুনিয়ন তেরিতোরিশিং শরুক য়ানবা পুক্নিং থৌগৎলি।

45. ফুদ সেফতি, লৌউ-শিংউগী ত্রেনিং অমসুং লৌউ-শিংউগী পোৎথোকশিং পুথোক-পুশিন তৌনবা হৌজিক লৈরবা এম ও য়ু অসিনা থবক পায়খৎপদা নাকল অনিনা অপেনবা ফোংদোকখি।

46. ২০১৯গী অরোইবদা নিউ দিল্লিদা পাংথোক্কদৌরিবা পোস্ত-হারবেস্ত মেনেজমেন্ত অমসুং লৌউ-শিংউগী পোৎথোকশিং পুথোক-পুশিন তৌনবগী ৱার্কশোপ অমা মখোয়না তরাম্না ওকখি।

47. লৌমীশিংনা অফবা মরু ফংনবা ২০১৯গী জুন থাদা খুৎয়েক পীনখিবা জোইন্ত দিক্লারেসন ওফ ইন্তেন্ত অদু নাকল অনিনা থাগৎখি অমসুং নাকল অনিমক কান্নবা ফংগদবা প্রোজেকশিংদা মতেং পীনবা হায়না য়ানখি।

48. লৈবাক-লৈহাও অমসুং ঈশিং ফজনা শিজিন্নবগী লমদা মখা তানা মতেং পাংনবদা লুচিংবশিংনা তরাম্না ওকখি।

IV. মীয়াম পুনশিনবা

49. কলচরেল হেরিতেচশিং অমসুং মিউজম শেমজিনবগী মতাংদা ভারত অমসুং জরমনীগী মিউজমশিংগী মরক্তা হৌজিক লৈরিবা জোইন্ত দিক্লারেসন অসি লুচিংশিংনা তরাম্না ওকখি।

50. ওল ইন্দিয়া ফুতবোল ফেদেরেসন অমসুং জরমন ফুতবোল এসোসিয়েসনগী মরক্তা ত্রেনিং পীনবা য়ানচে অমা লৈনবা অসিদা নাকল অনিনা তরাম্না ওকখি।

51. জরমনী এম্বেসি স্কুল থম্নবা নিউ দিল্লিগী ২ নয়া মার্গতা জরমন হাওস অমা থৌরাং তৌবদা নাকল অনিনা অপেনবা ফোংদোকখি। মসিনা এম্বেসিগী থৌরম কয়া পাংথোকপদা খুদোংচাবা পীগনি।

52. ইজুকেসনগী লমদা লৈবাক অনিগী মরক্তা মতেং পীনবা হেনগৎলকপদা নাকল অনিনা অপেনবা ফোংদোক্লি অমসুং “ইন্দো-জরমন পার্তনরশিপ ওন হায়র ইজুকেসন” তরাম্না ওক্লি।

53. ইন্দো-জরমন সাইন্স এন্দ তেক্নোলোজী সেন্তরগী মখাদা রিসর্সকী লমদা মতম শাংনা মতেং পীনবদা লুচিংবা অনিনা অপেনবা ফোংদোকখি।

54. মহৌশাগী লায়েং মখলশিংগী রিসর্স তৌবদা মতেং পীন্নবা ফ্রানফরতর ইন্নোবেসনজেনত্রম বাইওতেক্নোলোজী অমসুং ওল ইন্দিয়া ইন্সতিতুৎ ওফ অয়ুরবেদা অনিগী মরক্তা এম ও য়ু অমা খুৎয়েক পীনরে।

55. মহৌশাগী লায়েং, য়োগা অমসুং অয়ুরবেদনা মীওইবদা পীরিবা কান্নবশিং মখা তানা থিজিন্নবা নাকল অনিগী প্রোজেকশিংদা মতেং পাংনবা হায়না য়ানখি।

56. পন্দুনা লৈরিবা ৱাফমশিং লোইশিন্নবা অথুবদা অহানবা ইন্দিয়া-জরমনী কন্সুলর দাইলোগ পাংথোকপা হায়না নাকল অনিনা য়ানখি।

57. মাইগ্রেসন এন্দ মোবিলিতী পার্তনরসিপ এগ্রিমেন্তগী হৌজিক চৎথরিবা ৱারী শানবা অথুবগী ওইনা লোইশিনবা নাকল অনিনা য়ানখি।

58. ২০২০গী অগস্ত থাদগী মুম্বাইদা লৈবা জরমন কন্সুলেত জেনেরেলদা ভিসা সেন্তর অমা হাংদোক্নবা জরমন ফেদেরেল ফোরেন ওফিসকী অনিংবা অদু ভারতনা তরাম্না ওকখি।

V. মালেমগী থৌদাং শরুক য়ামিন্নবা

59. নাকল অনিগী মেদিয়াগী মীওইশিং চৎথোক-চৎশিন তৌনদুনা লৈবাক অনিগী মরক্তা ই-পাউ পীনবা হেনগৎহন্নবা ভারত অমসুং জরমনীনা থাজবা পীনখি । লৈবাক অনিগী মরক্তা পরলিয়ামেন্তরিয়ানশিং অমসুং অখঙ—অহৈশিং তোইনা উনবা লুচিংবশিংনা পুক্নিং থৌগৎখি।

60. লায়রবা লৈবাকশিংগী শেন্দোল কোক্নবা ইন্তরনেস্নেল মোনিতরি ফন্দ , ৱাল্দ বেঙ্ক গ্রুপ অমসুং পেরিস ক্লবনা পায়খৎলিবা থবকশিং ভারত অমসুং জরমনীনা মতেং পাংবা হায়না নাকল অনিনা য়ানখি।

61. ভারতকী মেক ইন ইন্দিয়াগী মখাদা তামিল নাদু অমসুং উত্তর প্রদেসতা লিংখৎকদৌরিবা দিফেন্স কোরিদোরশিংগী কান্না লৌবা হায়না য়ানখি। লৈবাক অনিগী অচৌবা ইন্দস্ত্রিশিংনা অতোপ্পা লৈবাকশিংগী এস এম ই/এম এস এম ইশিং মখোয়গী সপ্লাই চেনশিংদা পুনশিনবা হায়না য়ানখি।

62. চহি অনিগী মনুংদা অমুকতং ভারত অমসুং জরমনীগী দিফেন্স মিনিস্তরশিংগী মরক্তা ৱারী শান্নবা ৱারেপ অদু লুচিংবা অনিনা তরাম্না ওকখি । মসিনা হৌজিক লৈরিবা অমসুং অনৌবা দিফেন্সকী ফোরমেতশিংগী মতাংদা মতেং পীনবা হেনগৎহনগনি।

63. মালেমগী শান্তি অমসুং সেক্যুরিতীগী শিংনরকপশিং থেংননবা জি ২০, য়ু এন অমসুং মালেমগী লুপশিংদা ভারত অমসুং জরমনীনা মতেং পীবা হায়না নাকল অনিনা য়ানখি। জি ২০দা ভারতনা প্রসিদেন্ত ওইবা মতম অমসুং ২০২২দা জি ৭দা জরমনীনা প্রসিদেন্ত ওইবা মতমদা ভারত অমসুং জরমনী মতেং পীন্নবা থাজবা পীনখি।

64. য়ুনাইতেদ নেসন্স কনভেন্সন ওন লো ওফ সি(য়ুনসিলোস) ১৯৮২গী মখাদা সমুদ্রদা মনিং তম্না চৎথোক-চৎশিন তৌবগী মরুওইবা অদু নাকল অনিনা থমখি।

65. ইন্ত্রা-অফগান দাইলোগ পাংথোক্নবা জরমনীনা হোৎনখিবা থবকশিং ভারতনা থাগৎলি। অফগানিস্থান চাউখৎনবা অমসুং নৌনা শেমগৎনবা ভারতনা পায়খৎলিবা থবকশিং জরমনীনা থাগৎখি।

66. মালেমগী ওইনা তেরোরিজমগী শিংনবশিং হেনগৎলকপদা লুচিংবা অনি নুংনাঙবা ফোংদোকখি অমসুং মসি পুন্না থেংননবা ফিরেপ লৌখি। তেরোরিজম থেংননবা হেন্না কনবা মালেমগী মতেং পীনবগী তঙাইফদবা অদু মখোয়না তকশিনখি।

67. লৈবাকশিংনা মখোয়গী লমদগী অতোপ্পা লৈবাকশিংদা তেরোরিস্তশিংনা লান্দানবা মফম ওইনা মখোয়গী লৈবাক অদু শিজিন্নদনবা তকশিনবা হায়না লুচিংবশিংনা খন্নখি। মালেমগী ওইরিবা চৈথেং অসি থেংননবা ২০২০গী মার্চ থাদগী কমপ্রেহেন্সিপ কনভেন্সন ওন ইন্তরনেস্নেল তেরোরিজম(সি সি আই তি) চৎনবা হৌনবা লুচিংবা অনিনা ফোংদোকখি।

68. জোইন্ত ৱার্কিং গ্রুপ ওন কাউন্তর-তেরোরিজমগী ফ্রেমৱাক্কী মখাদা মখা তানা মতেং পীনবা হায়না ভারত অমসুং জরমনীনা য়ানখি। কাউন্তর-তেরোরিজমগী মতাংদা জোইন্ত ৱার্কিং গ্রুপকী মীফম অথুবদা পাংথোকপা হায়না য়ানখি।

69. ইরান অমসুং ই ৩+৩গী মরক্তা খুৎয়েক পীনখিবা জোইন্ত কমপ্রেহেন্সিপ প্লান ওফ এক্সন(জে সি পি ও এ) মখা মপুংফানা শৌগৎপা হায়না ভারত অমসুং জরমনীনা য়ানখি।মসিনা হৌজিক লৈরবা উংখৎনবশিং শান্তি ওইনা লোইশিনবদা মতেং পাংগনি।

70. ভারতনা মিসাইল তেক্নোলোজী কন্ত্রোল রেজিম, অস্ত্রেলিয়া গ্রুপ অমসুং ৱাসেনর এরেঞ্জমেন্ত য়াওবদা শৌগৎপগীদমক ভারতনা জরমনী থাগৎলি। ভারতনা নিউক্লিয়ার সপ্লাইয়র গ্রুপতা য়াওবদা জরমনীনা অমুক হন্না শৌগৎপা ফোংদোকখি।

71. য়ু এন সেক্যুরিতী কাউন্সিলদা লেংদবা সিত অমা ফংনবা লৈবাক অমনা অমা শৌগৎনবা অমসুং য়ু এন সেক্যুরিতী কাউন্সিল পাকথোক-চাউথোকহনবা থবকশিং শৌগৎনবা হায়না নাকল অনিনা য়ানখি।

72. শান্তি, তংদু-লৈতাবা অমসুং নুংঙাইবা পুরক্নবা মালেমগী লৈবাকশিং মতেং পাংনবা অসি য়াম্না মরুওই। ঐখোয়না হৌজিক থেংনরিবা অৱাবশিং অসি লৈবাকশিংনা তোখাইনা মায়োক্নবা ওইথোক্লোই অমসুং অপুনবা ওইনা থেংনগদবনি।

73. ৫শুবা আই জি সিদা খন্নরিবা ৱাফমশিং অমসুং লৌরবা ৱারেপশিং লুচিংবা অনিনা অপেনবা ফোংদোকখি। আই জি সি য়ুম্বু ওইবা অমসুং তরাম্না ওকপগীদমক জরমনগী চান্সেল্লর দোক্তর এঞ্জেলা মরকেলনা প্রধান মন্ত্রী মোদী থাগৎখি।