ভারতকী প্রধানমন্ত্রী

ঙসি নই দিল্লীদা জর্মনগী চাঞ্ছেল্লর দোক্তর এঞ্জেলা মারকেলগা লোয়ননা প্রধান মন্ত্রী শ্রী নরেন্দ্র মোদী গান্ধী স্মৃতিদা চৎখ্রে।

শক্নাইরবা কলাকার পদ্ম ভুষন শ্রী রাম সুতারনা শাবা মহাত্মা গান্ধীগী মীতম মমাংদা প্রধান মন্ত্রীনা জর্মনগী চাঞ্ছেল্লরবু ওকখি।
মফম অদুগী মরুওইবশিং শন্দোক্না তাক্লদুনা, প্রধান মন্ত্রীনা দোক্তর মারকেলদা হায়খি মদুদি স্মৃতি অসি মহাত্মা গান্ধীনা মহাক্কী পুন্সিগী অরোইবা থা খর লৈখিবা মফমনি অমসুং মহাক ১৯৪৮কী জনুৱারী ৩০দা হাৎখি।

মমাংদা মালেমগী লুচিংবা কয়া ম্যুজম অসি য়েংখ্রে অমসুং শক্নাইরবা কলাকার শ্রী উপেন্দ্র মহারথী অমসুং শান্তিনিকেতনগী নন্দলাল বোসকী মহৈরোই অমা ওইরিবা ইন্দো-হুঙ্গেরিয়ন পেন্তর ইলিজাবেথ ব্রুন্নরগী স্কেচশিং অমসুং লাইশিং য়েংখি। অহিংসা অমসুং সৈত্যগ্রহদা য়ুম্ফম ওইবা বিরাত রাজারাম য়জনিকনা শন্দোক্না তাকপা দিজিতেল গেল্লরী অমা মখোয়না য়েংখি।

অলবর্ত এন্সতাইন্না মহাত্মা গান্ধীদা হায়খিবা ৱারোলশিংগী ওদিও য়াওনা তোঙান-তোঙানবা দিজিতেলগী ইন্সতোলেসনশিং অমসুং লৈবাক ১০৭তা শকখিবা ঈশৈ ‘বৈস্নব জন তু’ মখোয়না য়েংখি।

মর্তিয়র্স কলমদা মহাত্মা গান্ধীগী মফমদা প্রধান মন্ত্রী শ্রী নরেন্দ্র মোদী অমসুং জর্মনগী চাঞ্ছেল্লর দোক্তর এঞ্জেলা মারকেলনা ইকায়খুম্নবা উৎখি অমসুং লৈ কৎখি।