ভারতকী প্রধানমন্ত্রী

মপান থৌরম পুবা মন্ত্রালয়

ভারত সরকার

প্রেস রিলিজ

জাপানগী প্রধান মন্ত্রী শিঞ্জো অবেনা প্রধান মন্ত্রী শ্রী নরেন্দ্র মোদীগী মফমদা নুংঙাইবা ফোংদোকখ্রে

২০১৯গী মে ২৩দা জাপানগী প্রধান মন্ত্রী হিজ এক্সিলেন্সী শ্রী শিঞ্জো অবেনা প্রধান মন্ত্রী শ্রী নরেন্দ্র মোদীগী মফমদা তেলিফোন তৌরক্তুনা ২০১৯গী মীখলদা মহাক্কী পার্তীনা চাউনা মায় পাক্লকপদা নুংঙাইবা ফোংদোকখ্রে।

প্রধান মন্ত্রী মোদীনা প্রধান মন্ত্রী অবেবু মহাক্কী য়াইফ–পাওজেল অদুগীদমক থাগৎপা ফোংদোকখি।

ৱারী শানখিবা অদুদা লুচিংবা অনিনা হৌখিবা চহী মঙাদা লৈবাক অনিগী মরক্তা খুমাং চাউশিন্না পায়খৎখিবশিং অদু খঙমিন্নখি অমদি শান্তি, মাংলোমদা চংশিনবা অমসুং চাউখৎপগী ওইবা মখোয়গী অপুনবা মিৎয়েং অদু ফংনবগীদমক ইন্দিয়া–জাপান স্পিসিয়েল স্ত্রাতেজিক অমসুং গ্লোবেল পার্তনরশিপ মখা তানা চেৎশিনহন্নবা মখোয়গী অচেৎপা ৱাফমশিং অদু অমুক হন্না ফোংদোক্নখি।

লুচিংবা অনিমক্না মথং থাদা ওসাকাদা পাংথোক্কদৌরিবা জি ২০ মীফম মনুংদা মখোয়গী ওইবা মীফম পাংথোকপদা য়ানখি।

প্রধান মন্ত্রী মোদীনসু প্রধান মন্ত্রী অবেগী মফমদা চহী অসিগী লোইশিল্লকপদা পাংথোক্কদৌরিবা মথংগী ভারত–জাপান চহীগী মীফমগীদমক ভারত্তা লেংবীরক্নবা বার্তন তৌখি

নই দিল্লী

২৩ মে ২০১৯