ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা জ্যুদিস্যরীগীদমক্তা ইনফ্রাস্ত্রকচরগী খুদোংচাবশিং চাওখৎ থৌরাং ১২শুবা চহি মঙাগী থৌরাং হায়বদি ০১.০৪.২০১৭ তগী ৩১.০৩.২০২০গী মরক্তা পাইখৎনবগীদমক্তা লুপা কোতি ৩,৩২০গী পাথোক্লবা শেনফমদগী নেস্নেল জস্তিস দেলিবরী অমসুং লিগেল রিফোর্ম্স মিসনগী থোংদা কেন্দ্রনা শেন্থং পীবা স্কিম (সিএসএস)গী থবক মিসন মোদতা মখা চৎথনবা মখোয়গী অয়াবা পীখ্রে।

মন্ত্রীমন্দলনা জস্তিস বিভাগনা জিও-তেগিংগা লোইননা ওন-লাইন মোনিতরিং সিস্তেম অমা লিংখৎপদসু অয়াবা পীখি, মসিনা থবক খোংজেল য়াংশিনবা, তুংলমচৎকী প্রোজেক্তশিংগা লোইননা তুংলমচৎতা লৈবাক অপুম্বদা থবক পাইখৎনবা স্কিমগী মখাদা শেমগৎকদবা কোর্ত হোলশিং, লৈননবা মফমশিংগী কাংলোন অমসুং অখন্নবশিং শেম্ননবা লোইননা হেন্না ফবা শিল্লাংবা অমসুং কোর্ত হোলশিংগী মখলশিং থিদোকপগী দেতা খোমজিনবা ঙমহল্লগনি।

স্কিম অসিগী কান্নবাঃ

স্কিম অসিদগী জিলা, উপ-জিলা, তালুকা, তহসীল অমসুং গ্রাম পঞ্চায়ৎ অমসুং খুঙ্গংগী থাক য়াওনা লৈবাক অপুম্ববগী জিলা অমসুং সবওর্দিনেৎ কোর্তশিংগী জজশিং/জ্যুদিসিয়েল ওফিসরশিংগীদমক্তা চুনবা মশিংদা কোর্ত হোলশিং অমসুং রেসিদেন্সিয়েল একোমোদেসনশিং ফংহনবা হেনগৎহল্লগনি। মসিদগী লৈবাক অসিগী মীপুম খুদিংমক্তা অচুম্বা ৱায়েল ফংহন্নবা লৈবাক অপুম্বদা জ্যুদিস্যরীগী থবক থৌরমশিং পাইখৎপদা মতেং ওইরগনি।

শেলগী তেংবাং:

জিলা অমসুং সব-ওর্দিনেৎ কোর্তশিংগী জ্যুদিসিয়েল ওফিসরশিং/দিস্ত্রিক্ত জজশিংগীদমক্তা কোর্ত হোলশিং অমসুং রেসিদেন্সিএল য়ুনিৎশিং শেমগৎনবগীদমক্ কেন্দ্রনা শেন্থং পীবা স্কিম (সিএসএস)গী মখাদা রাজ্য সরকারশিং/য়ুতি এদমিনিস্ত্রেসনশিংদা কেন্দ্রগী তেংবাং পীরি। অৱাং নোংপোক অমসুং হিমালয়গী রাজ্যশিং য়াওদনা রাজ্যশিংগী মতাংদা হৌজিক্কী ওইরিবা ফন্দ শিয়ারিং পেতর্ন অসি কেন্দ্র অমসুং রাজ্যগীদমক্তা মথং শিৎনা ৬০:৪০ ওইরি। অৱাং নোংপোক অমসুং হিমালয়গী রাজ্যশিংগী ফন্দ শিয়ারিং পেতর্ন অসি কেন্দ্র অমসুং রাজ্যগীদমক্তা মথং শিৎনা ৯০:১০ অমসুং য়ুতিশিংগীদমক্তা চাদা ১০০ ওইরি। মসিদগী জিলা অমসুং সবওর্দিনেৎ কোর্তশিংগী জ্যুদিসিয়েল ওফিসরশিংগীদমক্তা কোর্ত হোল ৩০০০ অমসুং রেসিদেন্সিয়েল য়ুনিৎ ১,৮০০ শেমগৎপগী পাইখৎলিবা প্রোজেক্তশিং অসি লোইশিনবদা মতেং ওইরগনি।

স্কিম অসিগী মোনিতরিং:

জস্তিস বিভাগনা ওন-লাইন মোনিতরিং সিস্তেম অমা হৌদোক্লগনি মসিনা থবক্কী খোংজেল, কোর্ত হোলশিং অমসুং রেসিদেন্সিয়েল য়ুনিৎশিং শাবগী খোংজেল অসিগী দেতা খোমজিনবগা লোইননা হেন্না ফবা শিল-লাংবগী থবকসু পাইখৎপা ঙম্লগনি।

খোংজেল য়াংনা অমসুং অফবা শেমগৎ-শাগৎপগী মাইকৈদা চংশিন্নবা তোঙান তোঙানবা রাজ্যশিংদা রাজ্যগী চিফ সেক্রেতরীশিং অমসুং পিদব্লিয়ুদিগী ওফিসরশিংগা লোইননা মোনিতরিং কমিতীগী চাং নাইবা মীফম পাংথোকপা য়াই। মসিনা কেন্দ্র সরকারনা থাদোরকপা ফন্দশিং রাজ্য সরকারশিংনা পিদব্লিয়ুদিদা অপনবা অমত্তা য়াওদনা থাখিনবা মোনিতরিং তৌবসু ঙম্লগনি।

য়ুম্ফমঃ

কেন্দ্র সরকারনা জ্যুদিস্যরীগীদমক্তা ইনফ্রাস্ত্রকচরগী খুদোংচাবশিংগীদমক্তা ১৯৯৩-৯৪দগী থবক পাইখৎলক্লিবা কেন্দ্রনা শেন্থং পীবা স্কিমগী থোংদা মসিগা মরি লৈননা রাজ্যশিংগী রিসোর্সশিংদা অহেনবা পুরক্লি। জিলা অমসুং সবওর্দিনেৎ কোর্তশিংগী জ্যুদিসিয়েল ওফিসরশিং/জজশিংগীদমক্তা কোর্ত হোলশিং অমসুং রেসিদেন্সিয়েল য়ুনিৎশিং শেমগৎনবগীদমক্তা কেন্দ্রনা শেন্থং পীবা স্কিম (সিএসএস)গী মখাদা রাজ্য সরকার/য়ুতি এদমিনিস্ত্রেসনশিংদা কেন্দ্রগী তেংবাং পীরি।