ভারতকী প্রধানমন্ত্রী

তুংকোইনা চৎনগবা শহর শেমগৎনবা ভারত অমসুং ফ্রান্সনা তেক্নিকেলগী মতেং পীনবগী য়ান-চে অমা ভারত অমসুং ফ্রান্সনা ২০১৮গী মার্চ থাদা খুৎয়েক পীনখিবদা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা থাগৎপা ফোংদোরকলি। য়ান-চে অসি চহি ৫ চৎনগনি।

অকুপ্পা ৱারোলশিং

য়ান-ৱারোল অসিগী পান্দমদি স্মার্ত সিতী শেমগৎপা, আর্বান মাস ত্রান্সপোর্ত সিস্তেম শেমগৎপা, শহরদা য়ুম তাননবা শেমগৎপা, ঈশিং পীবা, অমোৎপা শেংদোকপা, ঈশিং অমুক হন্না শীজিন্ননবা, তেক্নোলোজী পীথোক পীশিন তৌনবা, মহৌশাদা ফংবা ঈশিং লিদুনা থম্বা, সরকুলর ইকনোমী, মীয়ামগী য়ুম শাবা, শহরগী প্লান তৌবা, হেরিতেজ, হুমেন রিসোর্স দিবেলপমেন্ত, ত্রেনিং পীবা অমসুং নাকল অনিনা পাম্নবা থবকশিংদা তেক্নিকেলগী ওইবা মতেং পীনবা হায়বসিনি।
থবক্ত ওন্থোক্নবা লাল্লোং

য়ান-ৱারোল অসিগী মখাদা য়ানখিবশিংদা মতেং পীনদুনা থবক্ত ওন্থোক্নবা জোইন্ত ৱার্কিং গ্রূপ (জে দব্লিউ জি) অমা লিংখৎকনি। জোইন্ত ৱার্কিং গ্রূপকী মীফম চহি অমদা অমুক্তং পাংথোক্কনি। ভারত্ত পাংথোকখিবা চহিগী মতুংদা লাকপা চহিদা ফ্রান্সতা পাংথোক্কনি।

মরুওইনা কান্নগদবশিং

য়ান-ৱারোল অসিনা লৈবাক অনিগী মরক্ত তুংকোইনা চৎনগদবা শহর শেমগৎপগী থবক্তা নাকল অনিনা মতেং পীনগনি।
কান্নবা ফংগদবশিং

য়ান-ৱারোল অসিনা স্মার্ত সিতী শেমগৎনবা, আর্বান মাস ত্রান্সপোর্ত সিস্তেম শেমগৎনবা, শহরদা য়ুম তাননবা শেমগৎনবা, ঈশিং পীনবা, অমোৎপা শেংদোক্নবা, ঈশিং অমুক হন্না শীজিন্ননবা, তেক্নোলোজী পীথোক পীশিন তৌনবা, মহৌশাদা ফংবা ঈশিং লিদুনা থম্নবা, সরকুলর ইকনোমী, মীয়ামগী য়ুম শাবা, শহরগী প্লান তৌবা, হেরিতেজ, হুমেন রিসোর্স দিবেলপমেন্তগী লমদা থবক মরাং কাইনা ফংহনবা ঙমগনি।