ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল ফমদুনা পাংথোকখিবা কেন্দ্রগী মন্ত্রী-মন্দলগী মীফমনা ঙসি কেন্দ্রগী বজেৎ ২০২৬-২৭কী পেরা ২৮গী মতুং ইন্না ভারতকী স্মোল অমসুং মীদিয়ম এন্তর্প্রাইজশিং (এস.এম.ই.শিং) গীদমক গ্রোথ ওরিয়েন্তেদ কেপিতেল কেতালাইজ তৌনবা অমসুং মেন্যুফেকচরিং, সর্ভিসেস, তেক্নোলোজী, ইন্নোবেসন-দ্রিভন সেক্তরশিং অমসুং স্ত্রেতেজিক ভেল্যু চেনশিংদা চেম্পিয়ন ইন্দিয়ন এন্তর্প্রাইজশিং থোরক্নবা পান্দম থমদুনা এস.এম.ই. গ্রোথ ফন্দ (এস.জি.এফ.) লিংখৎনবা ভারত সরকারনা লুপা করোর ১০,০০০ থাদনবা অয়াবা পীখ্রে। মসি এম.এস.এম.ই. ইকোসিস্তেম পুম্নমক্তা ইক্বিতী, লিক্বিদিতী অমসুং প্রোফেস্নেল সপোর্ত পীবদা মীৎয়েং থমদুনা ২০২৬-২৭গী কেন্দ্রগী বজেৎতা লাউথোকশিংগী হোলিস্তিক সেৎকী শরুক অমনি।

ইক্বিতী সপোর্ত পীবা হৌজিক লৈরিবা ফন্দশিং লৈরি অদুবু মখোয়শিং অসি অয়াম্বনা অঙনবা তাঙ্কক্কী এন্তর্প্রাইজশিংদা মীৎয়েং থম্লি অমসুং মরুওইনা মাইক্রো এন্তর্প্রাইজশিং কোনশিল্লি। স্মোল অমসুং মীদিয়ম এন্তর্প্রাইজশিংগী ইক্বিতী গ্রোথ কেপিতেলগীদমক্তা স্ত্রকচরেল গেপ অমা লৈ।

মশক থোকপা খোঙথাং অসিনা ভারতকী ওন্ত্রপ্রিন্যুওরশিপ ইকোসিস্তেম মপাঙ্গল কনখৎহন্দুনা, গ্রোথ স্তেজ ওন্ত্রপ্রিন্যুওরশিপকীদমক্তা দোমেস্তিক কেপিতেল মার্কেৎ হেন্না চেৎশিলহন্দুনা, অমসুং মালেমগী থাক্তা চাংদম্নবা ঙম্বা অনৌবা জেনরেসনগী ভারতকী কম্পনীশিং শেমদুনা বিক্সিৎ ভারত ২০৪৭কী মঙলান অদু মংফাওনহন্নবা সরকারগী অচেৎপা ফিরেপ অদু উৎলি।

এম.এস.ই.শিংনা ভারতকী শেন্মিৎলোনগী মপাঙ্গল ওইরি, থবক ফংহনবদা, এক্সপোর্ত তৌবদা, মেন্যুফেকচরিং তৌবদা অমসুং ইন্নোবেসনদা চাউনা মতেং পাংলি। তোঙান তোঙানবা ইনিসিএতিবশিংনা এস.এম.ই.শিংগীদমক ক্রেদিৎকী খুদোংচাবা হেনগৎহনখ্রবসু, স্কেল তৌবা, ইন্নোবেৎ তৌবা, ইন্তর্নেস্নেল ওইনা পাকথোক চাউথোকপা, অৱাংবা থাক্কী তেক্নোলোজী শীজিন্নবা, এক্বিজিসন তৌবা, অমসুং ইন্দস্ত্রীগী লুচিংবা অমা ওইনবা হোৎনরিবা এন্তর্প্রাইজশিংনা মথৌ তাবা অশাংবা মতমগী রিস্ক কেপিতেল ফংহনবদা গেপ অমা লৈরি। এস.এম.ই. গ্রোথ ফন্দ অসি ললোন-ইতিক্কী মপাঙ্গল অমসুং স্কেল তৌবা ঙম্বগী মতিক উৎলবা মপাঙ্গল য়াম্না লৈবা এস.এম.ই.শিংদা পেসেন্ত গ্রোথ ইক্বিতী কেপিতেল পীরদুনা অসিগুম্বা মরুওইবা ফাইনান্সিং গেপ অসি কোকহন্নবা শেমগৎপনি।

ফন্দ অসি মখোয়গী গ্রোথকী খোঙচৎতা মরুওইবা ইনফ্লেক্সন পোইন্তশিংদা এন্তর্প্রাইজশিংদা মতেং পীনবা ত্রান্সফোর্মেস্নেল ইনস্ত্রুমেন্ত অমা ওইনা পান্দম থম্লি। এস.জি.এফ.তগী অয়াম্বা এলোকেসন অসি মেন্যুফেকচরিংদা মীৎয়েং থম্বা স্মোল অমসুং মীদিয়ম এন্তর্প্রাইজশিংদা পীগনি। ফন্দ অসিনা তায়র II অমসুং তায়র III সিতিশিংদা লৈবা ইন্দস্ত্রীএল ক্লস্তরশিংদা থবক তৌরিবা এস.এম.ই.শিংগীসু খন্নগনি।

মতম শাংনা কেপিতেল পীরদুনা, খোঙথাং অসিনা ভারতকী এস.এম.ই.শিংদা ওপরেসনশিং পাকথোক চাউথোকহন্নবা, তেক্নোলোজী অমসুং মেন্যুফেকচরিং কেপাসিতীদা ইনভেস্ত তৌনবা, ইন্তর্নেস্নেল মার্কেৎশিংদা পাকথোক চাউথোকহন্নবা, গ্লোবেল ভেল্যু চেনশিংদা পুনশিন্ননবা অমসুং স্ত্রেতেজিক ইনভেস্তমেন্তশিং পাংথোক্নবা খুদোংচাবা পীগনি। শেনফম অসিনা মশাগী সেক্তরশিংদা চেম্পিয়ন ওইনবগীদমক মথৌ তাবা স্কেল, ইন্নোবেসন কেপাসিতী, অমসুং কম্পিতিতিবনেস লৈবা ভারতকী কম্পনীশিংগী মপাঙ্গল কনবা পাইপলাইন অমা থোরকপদা মতেং পাংগনি হায়না সরকারনা থাজৈ।

এস.এম.ই. গ্রোথ ফন্দদা সরকারগী অচেৎপা ফিরেপ অসিনা রিফোর্মশিং, দিজিতেলাইজেসন ইনিসিএতিবশিং, ক্রেদিৎ সপোর্ত মেকানিজমশিং, ইজ ওফ দুইং বিজিনেসকী খোঙথাংশিং, পব্লিক প্রোক্যুরমেন্ত রিফোর্মশিং, স্তার্তঅপ প্রোমোসন ইনিসিএতিবশিং, অমসুং প্রদক্সনগা মরী লৈনবা ইন্সেন্তিব প্রোগ্রামশিংগী খুত্থাংদা এস.এম.ই. সেক্তরবু মপাঙ্গল কনখৎহন্নবা সরকারনা হোৎনরিবা অদুদা মতেং পাংলি।

খোঙথাং অসিগী মখাদা, ভারত সরকারনা এস.জি.এফ. ফ্রেমৱার্ককী মখাদা লিংখৎপা অল্তর্নেতিব ইনভেস্তমেন্ত ফন্দ (এ.আই.এফ.) দা লুপা করোর ১০,০০০গী অপুনবা কম্মিৎমেন্ত অমা পীরগনি। মেন্যুফেকচরিং এন্তর্প্রাইজশিংদা কেপাসিতী হেনগৎহনবা, অৱাংবা থাক্কী তেক্নোলোজীশিং শীজিন্নবা অমসুং হেন্না চাউবা স্কেল অমা ফংহনবা ঙমহন্দুনা, এস.জি.এফ.না স্কেল, প্রদক্তিবিতী হেনগৎহনবা অমসুং এক্সপোর্ত কম্পিতিতিবনেস মপাঙ্গল কনখৎহনগনি হায়না পানরি। তায়র-II অমসুং তায়র- IIIগী সহরশিং য়াওনা ইন্দস্ত্রিএল ক্লস্তরশিংদা ইনভেস্তমেন্ত তৌবনা রিজনেল ইন্দস্ত্রিএল দিবেলপমেন্ত বেলেন্স তৌবদা মতেং পাংগনি, লোকেল সপ্লাই চেনশিং মপাঙ্গল কনখৎহল্লগনি অমসুং অৱাংবা থাক্কী থবক পীবগী খুদোংচাবা ফংহল্লগনি।

মসিগী খোঙথাং অসিগা লোয়ননা সরকারনা ভারতকী ওন্ত্রপ্রিন্যুওরশিংবু শক্তি লৈহন্নবা অমসুং অনৌবা মীরোলগী কম্পিতিতিব ওন্ত্রপ্রিন্যুওরশিংবু পুক্নিং থৌগৎনবা মহাক্কী অচেৎপা ফিরেপ অদু অমুক হন্না ফোংদোক্লি। য়াম্না থুনা চাউখৎলক্লিবা এস.এম.ই.শিংদা ইনভেস্তমেন্ত কেতালাইজ তৌদুনা, ফন্দ অসিনা চেম্পিয়নশিং শেমগৎপদা, ইন্নোবেসন-লেদ ইন্দস্ত্রিএলাইজেসন পুরকপদা, অমসুং লৈবাক শিনবা থুংনা ক্বালিতি ইমপ্লোইমেন্ত খুদোংচাবশিং পুথোকপদা মতেং পাংগনি। ইনিসিএতিব অসিনা বিক্সিৎ ভারত @ ২০৪৭কী মঙলান অদু মাংলোমদা পুখৎপদা মরুওইবা য়ুম্বী অমা ওইগনি।

****