ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা তুরিজমগী লমদা তেংবাং পীনবা হেনগৎহন্নবা ভারত অমসুং বুলগেরিয়াগী মরক্তা তৌনবা য়ানা চেরোল (এম.ও.য়ু.)দা মন্ত্রীমন্দলনা অয়াবা পীখ্রে।
ৱারোলঃ
য়ানা ৱারোলগী পান্দমঃ-
অ) তুরিজমগী লমদা লৈবাক অনিগী তেংবাং পীনবা হেনগৎহনবা।
আ) তুরিজমগী মরি লৈনবা দেতা অমসুং ই-পাউ পীথোক-পীশিন তৌনবা।
ই) হোতেল অমসুং তুর ওপরেতরশিং য়াওনা তুরিজমগী স্তেকহোল্দরশিংগী মরক্তা তেংবাং পীনবা হেনগৎহনবা।
ঈ) হ্যুমেন রিসোর্স দিবেলপমেন্তকী লমদা তেংবাং পীননবগীদমক নাকল অনিমক্তা পীথোক-পীশিন তৌবগী থৌরম পাংথোকপা।
উ) নাকল অনিগী ওইবা তুরিজম চাউখৎহন্নবগীদমক্তা তুর ওপরেতরশিং, মীদিয়া অমসুং ৱাখল্লোন শেম্বশিং চৎথোক-চৎশিন তৌনবা হেনগৎহনবা।
ঊ) প্রমোসন, মার্কেতিং, দেস্তিনেসন দিবেলপমেন্ত অমসুং মেনেজমেন্তকী লমদা খঙ-হৈবশিং পীথোক-পীশিন তৌনবা।
ঋ) তুরিজমগদী মফমশিংদা শেমখিবা ফিল্মশিংগী থোংদা তুরিজমগী পুক্নীং চিংশিন্নীংঙাই ওইবা মফম অমা ওইনা লৈবাক অনিমকপু শন্দোকপা। অমসুং
এ) শোইদ-ঙামদবা, ইকাই খুম্ননীংঙাই ওইবা অমসুং তুং কোইগদবা তুরিজম য়োকখৎপা।
য়ুম্ফমঃ
তুরিজমগী লমদা তেংবাং পীননবগীদমক ভারত অমসুং বুলগেরিয়াগী মরক্তা মে ২৬, ১৯৯৪দা য়ানা চেরোল অমা খুয়েক পীনখি। ভারতকীদমক্তা বুলগেরিয়া অসি ওইথোকপা য়াবা কয়াতনা থল্লবা তুরিজম মার্কেৎ অমনি। ২০১৭তা বুলগেরিয়াদগী পুন্না মীরমগী তুরিস্ত ৫,২৮৮ ভারত্তা লাকখি। য়ানা চেরোল অসিদা খুয়েক পীনখিবা অসিনা বুলগেরিয়াদগী ভারত্তা লাকপা তুরিস্তশিংগী মশিং হেনগৎলবা য়াই।
