ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা তুরিজমগী লমদা ভারত অমসুং রোমানিয়াগী মরক্তা এমওয়ু অমা খুৎয়েক পীনবা অয়াবা পীরে। ২০১৮গী সেপ্তেম্বরদা রোমানিয়াগী উপ-রাস্ত্রপতিনা ভারত্তা লাক্লম্বা খোঙচৎ মনুংদা এম ও য়ু অদুদা খুৎয়েক পীনখিবনি।
এম ও য়ু অদুগী মরুওইবা পান্দমশিং অদুদি:
ক) তুরিজম সেক্তরদা নাকল অনিনা মতেং পীনবা হেনগৎহনবা।
খ) তুরিজমগা মরি লৈনবা ই-পাউ অমসুং দেতা পীথোক-পীশিন তৌনবা। হোতেলশিং অমসুং তুর ওপরেতরশিং য়াউনা তুরিজমগা মরি লৈনবশিংগী মরক্ত মতেং পীনবা পুক্নিং থৌগৎপা।
গ) তুরিজম অমসুং হোস্পিতেলিতী সেক্তরশিংদা শেল থাদবা।
ঘ) লম্বী অনি লৈবা তুরিজম য়োকখৎনবা তুর ওপরেতরশিং/মেদিয়া/ওপিনিয়ন মেকরশিংগী মরক্তা লৈবাক অমদগী অমদা চৎথোক-চৎশিন তৌনবা য়োকখৎপা।
ঙ) প্রোমোসন, লম কোয়ফম শেমগৎপা অমসুং শীন-লাংবগী হিরমশিংদা লৌশিং পীথোক-পীশিন তৌনবা।
চ) লৈবাক অনি অসি ফজবা তুরিজমগী মফমশিং ওইহন্নবা ফিল্ম তুরিজমগী খুৎথাংদা তুরিজম য়োকখৎনবা নাকল অনিনা মতেং পীনবা হেনগৎহনবা অমসুং
ছ) অশোয়-অঙাম থোক্তবা, চীংলেম্বা অমসুং তুংকোইনা চৎনগদবা তুরিজম য়োকখৎপা।
জ) লৈবাক অনিগী মরক্তা লৈনরিবা তুরিজমগী ইহৌ য়োকখৎপা।
রোমানিয়া অসি ভারতকী তুরিজমগী কৈথেল অমনি। ২০১৭তা চাউরাক্না রোমানিয়াদগী লমকোয়বা মী ১১৮৪৪ লাকখি। রোমানিয়াগা লোইননা এম ও য়ু অসিদা খুৎয়েক পীনবনা মসিগী কৈথেল অসি পাক-চাউবা হেনগৎলক্কনি।
নুংগী ৱারোল:
ভারত অমসুং রোমানিয়া অসি অকনবা দিপ্লোমেতিক্কী অমসুং শেন-থুমগী মরি লৈনদুনা লাক্লি। তুরিজমগী হিরমদা নাকল অসিনা লৈনরিবা মরি অসি কনখৎহন্নবা অমসুং মখা তানা চাউখৎহন্নবা ভারত সরকারগী তুরিজম মন্ত্রালয় অমসুং রোমানিয়া সরকারগী তুরিজম মন্ত্রালয়গী মরক্ত এম ও য়ু অসিদা খুৎয়েক পীনখিবনি।
