ভারতকী প্রধানমন্ত্রী

তুরিজমগী লমদা মতেং পাংনবা হেনগৎহন্নবা ভারত অমসুং পারাগুৱেগী মরক্তা এম.ও.য়ু. খুৎয়েক পীনখ্রবা মতুংদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। ২০১৯গী সেপ্তেম্বর ২৭দা এম.ও.য়ু. অদু নই দিল্লীদা খুৎয়েক পীনখিবনি।

এম.ও.য়ু.গী মরুওইবা শক্তমশিং অমসুং পান্দমশিং:

a. তুরিজমগী লমদা মতেং পীনবা পাকথোক-চাউথোকহনবা ;

b. তুরিজমগা মরি লৈনবা ই-পাউ অমসুং দেতা পীথোক-পীশিন তৌনবা;

c. হোতেলশিং, তুর ওপেরেতরশিং অমসুং এয়রলাইনশিংগী মরক্তা মতেং পীনবা হেনগৎহনবা;

d. হুমেন রিসোর্স চাউখৎহন্নবা থবক-থৌরমশিং পীথোক-পীশিন তৌনবা;

e. তুরিজম অমসুং হোস্পিতেলিতী সেক্তরদা শেন থাদবা;

f. নাকল অনিগী তুরিজম য়োকখৎনবা তুর ওপেরেতরশিং/মীদিয়া/ওপিনিয়ন-মেকরশিং চৎথোক-চৎশিন তৌনবা;
g. প্রোমোসন, লমকোয়ফম মশক তাকপা, চাউখৎহনবা অমসুং শেন্নবগী মতাংদা লৌশিং পীথোক-পীশিন তৌনবা;
h. লৈবাক অমনা অমগী ত্রাবেল ফিয়রশিং/একজিবিসনশিং শরুক য়াবা অমসুং

i. অশোই-অঙাম থোক্তবা, ইকায়খুম্নবা অমসুং তুংকোইনা চৎনগদবা তুরিজম য়োকখৎপা।

কান্নবশিং:

ভারত অমসুং পারাগুৱেগী মরক্তা লৈনরিবা এম.ও.য়ু. অসিনা লৈবাক অনিগী মরক্তা তুরিজমগী লমদা মতেং পীনবা হেনগৎহনগনি। মসিনা পারাগুৱেদগী মপানগী লমকোয়বা মীওইশিং ভারত্তা লাকপা হেনগৎহনবদা মতেং পাংগনি অমসুং শেন-থুমগী ফিবম অমসুং থবক ফংবা হেনগৎহনগনি। মসিনা লৈবাক অনিগী মরক্তা নাকল অনিমক কান্নগদবা মতম কুইনা চৎনগদবা তুরিজমগী মতেং পীনবা ঙমহনগনি। মসিগী এম.ও.য়ু. অসিগী পান্দমশিং থবক ওইনা পাংথোক্নবা খ্বাইদগী ফবা থবকশিং এম.ও.য়ু. অসিনা থিদোক্কগনি।