ভারতকী প্রধানমন্ত্রী

তেগোর কলচরেল হার্মোনী এৱার্দ ফংলবা পুম্নমকপু ঐহাক্না থম্মোই শেংনা নুংঙাইবা ফোংদোকচরি। শ্রী রাজকুমার সিংহজীৎ সিংহ, শ্রী রাম সুতারজী অমসুং ছায়ানতপু ইকায় খুম্নবা অসি কলাবু ইকায় খুম্নবনি, কলচরবু ইকায় খুম্নবনি অমসুং পুক্নীং লৌশিংবু ইকায় খুম্নবনি।

কলচর অসি কনাগুম্বা লৈবাক অমা হেক্তগী ওক্সিজেন্নি। মসিনা লৈবাক অদুগী শক্তম অমসুং মওং মতৌদা শক্তি ফংই। কনাগুম্বা লৈবাক অমগী ইকায় খুম্নবা অমসুং মহাক্কী চহী অদুশু কলচরগী মেচ্যুরিতী অমসুং কলচরেলগী অচেৎপা মরা অদুদগী লেপ্পি।

ভারতকী নাক্তদি চহী লিশিং কয়াগী ওইবা কলচরেলগী মচা নাইবা শক্তম অমা লৈরি, মদুনা মীনাই নাইথাং ওইবগী শাংলবা মতম মনুংদা, মপান লমগী এতেক্কী মতম মনুংদা চেৎনা ঙাক্তুনা থমখি। মসিবু ওইথোকপা ঙমখিবা অসিগী তুংদা স্বামী বিবেকানন্দজী অমসুং গুরুদেব রবিন্দ্রনাথ তেগোর গুম্বা লাইপোকশিংগী থৌদাং য়াওরি।

ভারতকী কলচরেলগী পাঙ্গল শক্তি অসি মচু কয়ানা থল্লবা লৈ পরেংগা পাংখক্নি, মদুবু মহাক্কী তোঙান তোঙানবা পুক্নীংশিংগী তোঙান তোঙানবা মচুনা শক্তি পীরি। কোস-কোস পর বদলে পানী চার কোস পর বানী, মসিমক ভারতপু মচু কয়ানা লৈতেংবা অমসুং মল্তি-দাইমেন্সিয়োনেল ওইহল্লি।

ভারতকী সক্তি অসিমকপু গুরুদেবনা খঙখি অমদি রবিন্দ্র সঙ্গীৎতা অসিগুম্লবা দাইবর্সিতীশিংবু পুন্সিল্লম্মি। রবিন্দ্র সঙ্গীৎতা ভারত পুম্বগী মচু য়াওরি অমদি লোনগী বোন্দেজ অদুদগী লাপথোকহল্লি।

গুরুদেবনা ফোল্ক আর্ত অমসুং ত্রেদিস্নেল দান্সপু লৈবাক অসিগী কলচরেল অমগী ইন্দিকেতিব ওইনা লৌরম্মি। মনিপুরী জগোইগী ওজা নবকুমার সিংহজী মঙোন্দগী কয়া য়াম্না ইন্সপায়র ওইবগে হায়বদু শান্তিনিকেতন্দা য়ৌরবা মতমদা খঙবা ঙমই।

ঙসি তেগোর সম্মান্না ইকায় খুম্নজরিবা শ্রী রাজকুমার সিংহজিৎ সিংহ থাক ৱাংলবা কলচর অসিবু রিপ্রজেন্ত তৌবীরি। রাজকুমারজী মনিপুরী জগোয়গী প্রোপাগন্দাদা কত্থোক্লি। মহাক্না মনিপুরী জগোইগী ত্রেদিসনগী থোংদা কলচরেল হার্মোনীবু মাংলোমদা পুখৎপদা লমজিং লমতাকপগী থৌদাং লৌবীখি। তুংদসু মহাক্না লম অসিদা থৌদাং য়াখিগনি হায়না আশা তৌরি। এৱার্দ অসিগীদমক ঐহাক্কী মায়কৈদগী হন্না হন্না নুংঙাইবা ফোংদোকচরি।

মরূপশিং, গুরুদেব লম খুদিংমক্তা থৌদাং য়ারম্মি। মহাক্না প্রকৃতি অমসুং হ্যুমেনিতীদা কত্থোক্লম্মি। গুরুদেবনা মালেম পুম্ববু মহাক্কী ময়ুম ওইনা খল্লম্মি। ঙসিসু অফগানিস্তান মীয়ামগী লৈতোন্দা কাবুলী ৱালাগী ৱারী লৈরি। ঙসিসু মালেম অসিগী শহর কয়াদা মহাক্কী মমিংগা মরী লৈনবা মেমোরীশিং লৈরি, মমিং চৎলবা য়ুনিবর্সিতীশিংদা মহাক্কী মিংদা চেয়র লৈরি। চহী অহুম মখায়গী মমাংদা ঐহাক্না তাজিকিস্তান্দা চৎচরুবা মতম অদুদা ঐহাক্না মফম অদুদা গুরুদেবগী মীতম মায়খুম হাংদোকপগী লয়বক ফবা তঞ্জা অদুসু ফংজখি।

মরূপশিং, য়ুনিবর্সিতী অমগী কনভোকেসন সেরেমোনীদা লৈবাক অনিগী প্রধান মন্ত্রীনা শরুক য়াখিবা অসিসু তাংনা থোকপা থৌদোক্নি। মসি গুরুদেবগী মফমদা ভক্তিনি, বিশ্বভারতীগী কনভোকেসন্দা ঐহাক্কা লোয়ননা বঙ্গলাদেশকী প্রধান মন্ত্রী শৈখ হসীনাজীসু শরুক য়াখি।

গুরুদেবগী রচনা ‘আমার সোনার বঙ্গলা’ অসি বঙ্গলাদেশকী শক্তম্নি, মফম অদুগী জাতিগী ইশৈনি। ভারত অমসুং বঙ্গলাদেশকী অসিগুম্লবা সেয়র্দ কলচরেল হেরিতেজপু ছায়ানৎনা হেন্না চেৎশিলহল্লে। ছায়ানৎকী হ্যুমেনিস্ত অমসুং কলচরেল ভেল্যুনা গুরুদেবগী ইমোসনশিংবু ফোংদোক্লি। ঐহাক্না মখোয়বু ঙসিগী ইকায় খুম্নবা অসিগীদমক হন্না-হন্না নুংঙাইবা ফোংদোকচরি।

মরূপশিং, গুরুদেবগী ৱারী শান-শানরদুনা ঐহাক্না য়াম্না তোয়না গুজরাত্তা মহাক্না লেনখিবা মতমশিং অদুগী মতাংদা ৱারী তৌজৈ। মহাক্কী মনাওনুপা অহমদবাদকী কমিশ্নর ওইরম্মি অমসুং মহাক্কী মনাওনুপাগা লৈমিন্নরিঙৈ মহাক্না শৈরেং কয়া অমা মফমদুদা ইখি। গুরুদেবগী রচনা জন-গন-মনগী ৱাখল্লোন অদু, মহাকপু এক ভারত, শ্রেস্থ ভারতকী কমপোজ অদু সরদার বল্লভ ভাই পতেলনা মপাঙ্গল কনখৎহনখি।

ঐহাক্না নুংঙাইবা ফাওই শ্রীরাম সুতারজীনা ঙসি গুরুদেব অমসুং সরদার সাহেবকী মরক্কী থোং অমা ওইরে। সুতারজীনা স্তেচু ওফ য়ুনিতীগী থোংদা লৈবাক অসিবু চাউথোকপা ফাওহল্লে। নেস্নেল য়ুনিতীগী ৱাখল্লোনবু হেঙ্গৎহনবদা ভারতমচাশিংদা চাউথোকচবগী ৱাখল্লোন পোকহল্লিবা সুতারজীবু ঐহাক্না তেগোর এৱার্দকীদমক্তা অমুক হন্না নুংঙাইবা ফোংদোকচরি।      

ঐহাক্না গুরুদেবগী লাইনশিংগা লোয়ননা ঐহাক্কী ৱাফম লোইশিনজগে- 

গুরুদেবজীনা ইবীরম্মি-

“ঐহাক তুমলম্মি অমসু পুন্সি অসি নুংঙাই হায়না মং মংলম্মি।

ঐহাক মীকপ থোক্লম্মি অমদি উরম্মি মদুদি পুন্সি অসি সেবানি।

ঐহাক্না সেবা তৌরম্মি অমদি খঙবা ঙমখি মদুদি সেবা অসিমক নুংঙাইবদুনি।”

ঐখোয় পুম্নমক্না সেবাগী ৱাখল্লোন অসি লেংদনা থমদুনা লৈবাক অসিগী কলচরবু হেন্না চাউখৎহন্নবগীদমক থবক তৌদুনা লৈগদবনি, থাজবা অসিগা লোয়ননা ময়াম পুম্নমকপু অমুক হন্না য়াইফ পাওজেল পীজরি।

রাস্ত্রপতিজীবু ঐহাক্না থাগৎচরি মদুদি মহাক্না মতম কায়থোকপীদুনা থৌরম অসিবু শরুক কয়া হেন্না মগুন হেঙ্গৎহনবীরে। ভাই মহেশ শর্মজীবুসু ঐহাক্না তৌবীমল খঙবা উৎচরি মদুদি মহাক্কী বিভাগনা য়াম্না ফজবা মওংদা এৱার্দ অসিগী থোংদা অদুগুম্লবা ৱাখল্লোনশিং অদুবু শমজিনহন্নবা য়াম্না কন্না হোৎনবীরি।

হন্না-হন্না থাগৎচরি !!!