ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা তেলিকোম সর্বিস সেক্তরনা থেংনরিবা শেন–থুমগী অৱাবশিং কোকহন্নবা থৌরাংদা অয়াবা পীরে। থৌরাংশিং অদুদি:-

তেলিকোম সর্বিস প্রোবাইদর (তি এস পি)শিংনা  ২০২০-২১ অমসুং ২০২১-২২গী ওইনা স্পেকত্রম ওক্সন ইন্সতোলমেন্তশিং পীথোকপা থেংথবা তেলিকম্যুনিকেসন দিপার্তমেন্তনা অয়াবা পীরে। মসিগী থেংথবা অসিনা তি এস পিশিংনা পীগদবা ৱাৎলিবা ইন্সতোলমেন্তশিংগী শেনফম চাং মান্ননা য়েন্থোকপা ঙমগনি।

স্পেকত্রম ওক্সন ইন্সতোলমেন্তশিং পীথোকপা থেংথবা অসিনা তি এস পিশিংগী শেন-থুমগী ফিবম ফগৎহনগনি অমসুং বেঙ্ক লোনশিং পীথোকপা ঙমহনগনি। মসিনা তি এস পিশিংগী শেন-থুমগী ফিবম ফগৎহন্দুনা কঞ্জুমরশিংদা অফবা মগুন লৈবা থবক ফংহনগনি।

স্পেকত্রম ওক্সন ইন্সতলমেন্তশিং পীথোকপা চহি অনি থেংথবা অসিগী ৱারেপ থাখায় অমগী মনুংদা ৱারেপ লৌগনি। কম্যুনিকেসন মিনিস্তরগী অয়াবা লৌরবা মতুংদা লাইন্স এমেন্দ তৌবগী থবক থুনা পায়খৎলগনি।