ভারতকী প্রধানমন্ত্রী

ঐগী নুংশিরবা ইচিল-ইনাওশিং,

মরূপশা, লৌমীশিংনা মখোয়গী লেংলি-লেংলি চৎপা ফৌনাশিংবু উরুরগা পোক্লকপা ৱাখলগুম, চফু শাবশিংনা মখোয়গী ফজরবা চফু উরুরগা পোক্লকপগুম, লৈবাক্কী পোৎলম, লৈবাক্কী থাউমৈ শারবা মতুংদা ফাওরকপা নুংঙাইবা অদুগুম, ফিশাবা অমনা ফজরবা ফিরাংজী শারুরগা মাগী পুক্নীংদা পোক্লকপা পেঞ্জবা অদুগুম মতম অসিদা ঐঙোন্দা ফাউররি। ঐহাক ঙৈহাক্কী মমাংদা লৈবাক মচা কোতি ১২৫গী অনীংবা-অপাম্বশিং, মখোয়গী ৱাখল্লোলশিং অদুবু শোক্লুরগা মফম অসিদা লাকপগুম্না ফাওজৈ।

ঘোঘাদগী দহেজ ফাওবগী লম্বীদা সমুদ্রদা লেনখিবা মিকুপ অমমমগী মনুংদা, ঐনা মসি খুন্দুনতা লৈখি মদুদি হৌখ্রিবা মিকুপ অসিনা অনৌবা পুৱারি অমা ইররি, অনৌবা তুংলমচৎ অমগী থোং হাংলরি। থোং অসিদগী ফাওদুনা ঐখোয় ‘ন্যু ইন্দিয়া’গী অচেৎপা য়ুম্ফম থোনগনি, ন্যু ইন্দিয়াগী মংলান মংফাওনহনগনি। লৈবাক্কী মীয়ামগী পাঙ্গল মক্না অমসুং মখোয়বু অচুম্বা মওংদা শিজিন্ননবগী মংলান, সরদার পতেলদগী হৌরগা দাক্তর বাবা সাহেব অম্বেদকর ফাওবা পু্নমক্না উনখ্রে। ঙসি ঐখোয়না মখোয়গী মংলানগা মরি লৈনবা খোংফম অমা লান্থোক্লে।

ফেরী সর্বিস অসিনা লমদম অপুম্বা অসিদা খুন্নাইগী-শেনমিৎলোনগী চাওখৎ থৌরাংগী খোংচৎ অমা হৌরগনি। নহারোলশিংনা থবক ফংবদা থৌরাং অসিগী খুদোংচাবা লৌরগনি, থবক ফংনবগী অনৌবা তাঞ্জা অমা পীরগনি। কোস্তেল শিপিং অমসুং কোস্তেল তুরিজমগীসু অনৌবা তাঙ্কক অমা মসিগা লোইনগদৌরি। তুংলমচৎতা ঐখোয় পুম্নমক ফেরী সর্বিস অসিদগী… অমসুং মফম অসিদা লাকপীরিবা পুম্নমক পুক্নীং চংনা তাবীয়ু, তুংলমচৎতা ফেরী সর্বিস অসিদগী হজীরা, পীপাৱাও, জাফরাবাদ, দামনদীব, মরু ওইবা মফম পুম্নমক অসিগা লোইননা ফেরী সর্বিস অসি শম্নবা য়াই।

ঐঙোন্দা তমখি মদুদি সরকারনা শেম-শাবা লাক্কদৌরিবা চহিশিংদা ফেরী সর্বিস অসি সুরত্তগী হজীরা অমসুং মতুংদা মুম্বৈ ফাওবা পুননবগী থৌরাং লৈ। কচ্ছকী লম্বীদা অসুম্না প্রোজেক্ত হৌদুনা পাংথোক্নবগীদমক খন্ন-নৈনরি। মখোয়না থবক ফনা য়াম্না খুমাং চাওশিল্লে। অমসুং ঐনা রাজ্য সরকারদা মখোয়গী অসিগুম্বা হোৎনবশিং অসিগীদমক্তা হন্না হন্না য়াইফ-পাউজেল পীজরি অমসুং ভারত সরকারগী মাইকৈদগী মতেং মপুং ফানা ফংগনি, মসিগী ঐ থাজবা পীজরি।

সরকারগী মসিগী হোৎনরিবা অসি দহেজ য়াওনা খা গুজরাত অপুনবদা চাওখৎ থৌরাংগীদমক্তা সরকারগী ফোংদোকখিবা ৱাফম অদুগী লেংদ্রবা খুদম্নি। ভড়ুচ য়াওনা খা গুজরাত্তা ইন্দস্ত্রীগী চাওখৎ-থৌরাংগী খোংজেল য়াংশিলহন্নবগীদমক্তা দহেজ অমসুং হজীরাগুম্বা মফমশিংদা ঐখোয়না অখন্ননা পুক্নীং চংলি। পেত্রোলিয়ম, কেমিকেলশিং অমসুং পেত্রোকেমিকেল্স ইনবেস্তমেন্ত রিজন্স লিংখৎপগা লোইননা রেল নেৎৱর্ক, রোদ লিংকেজেস, মসিদসু পাইখৎলিবা থবক অসি, মমাংদা কনাগুম্বনা হান্না খল্লমদবসু য়াই।

হজারীদসু ইনফ্রাস্ত্রকচরগী চাওখৎ-থৌরাংদা শাফু পীরি। লাক্কদৌরিবা চহিশিংদা দিল্লী-মুম্বৈ ইন্দস্ত্রীএল কোরিদোরগী কান্নবসু লমদম অসোমদা ফংলগনি। গুজরাৎকী মেরিতাইম দিব্লপমেন্ত লৈবাক অপুম্বগী দমক্তা মোদেল অমনি। ঐনা থাজৈ মদুদি আরওআরও ফেরী সর্বিসকী প্রোজেক্তসু অতৈ রাজ্যশিংগীদমক্তা মোদেল প্রোজেক্ত অমগুম্না থবক তৌগনি।

ঐখোয়না মতৌ অসুম্না চহি কয়া হোৎনরুরবা মতুংদা অসিগুম্বা মখলগী প্রোজেক্ততা মায়োক্নরিবা অপনবশিং খঙদোকখি, মদুবু ঙাকথোকখি, অদুগুম্বা অপনবশিং অদু অদুক্কী মতিক মশিং হন্থহন্নবা, মতুংদা অনৌবা প্রোজেক্ত শেম্ননবা, মাইকৈ অসোমদা য়াম্না চাওবা থবক পাংথোকখি।

মরূপশা, ঙসি খক্তগী নত্তে চহি কয়াগী মমাংদগী ঈশিংগী লম্বীগী মতাংদা ভারতনা অতৈ লৈবাকশিংদগী ফনা য়াম্না মাংজিল থাদুনা লাক্লি। ঐখোয়গী তেক্নিক অতোপ্পা লৈবাকশিংদগী কা হেন্না ফবা ওইরম্মি। অদুবু মসিসু চুম্মি মদুদি মীনাই ওইবগী শাংলবা মতম অদুগী মনুংদা ঐখোয়না ঐখোয়গী অথোইবশিং অদুবু ঐখোয়গী পুৱারিদগী তমজবা তপ্না তপ্না হনথখি, অসুম অসুম কাওথোকচখি। অনৌবা ইনোবেসন হনথখিবগা লোইননা লৈজরম্বা মতিকশিং অদুসু তপ্না তপ্না পুৱারিগী শরুক অমা ওইখি। নত্রবদি অসিগুম্বা লৈবাক অসিগী নেবিগেসনগী মতিক মালেম পুম্নমক্না য়ানদুনা লাক্লিবা অসি লৈবাক অদুমক্তা নীং খা তম্লবা মতুংদা ৱাতর ত্রান্সপোর্ত অসি মপুং ফানা মিয়েং চংবীখিদ্রে, কাওথোক্নখ্রে।

মরূপশা, ঙসি ভারত্তা রোদ ত্রান্সপোর্তকী শরুক চাগা ৫৫, রেলৱেগী পোৎ পুনবা শরুক ৩৫ শিজিন্নরি অমসুং ৱাতরৱেজ মরমদি খ্বাইদগী হোংই, মদু শুপ্নগী চাদা ৫ নত্রগা ৬ খক্তনি। অদুম ওইনমক অতোপ্পা লৈবাকশিংদা ৱাতরৱেজ অমসুং কোস্তেল ত্রান্সপোর্তকী শরুক চাওরাক্না চাদা ৩০দগী হেন্না শিজিন্নৈ। মসিনি ঐখোয়গী অচুম্বা, মসিনি ঐখোয়গী শিংনবা অমসুং ফিভম অসি হোংদোক্নবগী ৱাশক শক্তুনা ঐখোয় মাংদা চখৎকদবনি।

ঙসি মসি খঙবদা অঙকপা পোক্কনি মদুদি লৈবাক্কী শেনমিৎলোন্দা লোজিস্তিক্কী পোৎলুম অসি চাদা ১৮ খক্তমক ওই। হায়বদি পোৎ-চৈবু লৈবাক্কী মফম অমদগী অমদা পুবদা অতৈ লৈবাকশিংগা য়েংনরুবদা ঐখোয়গী লৈবাক্তা চাদিং তৌবা হেল্লি। অমসুং মসিনা মরম ওইদুনা পোৎলমশিমগী মথৌ তারিবা লাইরবা মীওইনা, মখোয় ত্রান্সপোর্তনা মরম ওইদুনসু মমল তাংবা ওইহল্লি। করিগুম্বা ৱাতর ত্রান্সপোর্তপু চাওখৎহন্দুনা ঐখোয়না কোস্ত ওফ লোজিস্তিকপু চাওরাক্না তঙখাই খক্তমক ওইহনবা ঙম্লবা অমসুং অসুম্না তৌনবগীদমক ঐখোগী পাম্বৈ, খুদোংচাবশিং অমসুং ওইথোকপশিং পুম্নমক লৈজৈ।

মরূপশা ঐখোয়গী লৈবাক্তা কিলোমিতর ৭,৫০০গী সমুদ্রগী লম্বী অমসুং কিলোমিতর ১৪,৫০০গী ইন্তর্নেল ৱাতরৱে, হায়বদি তুরেলশিংগী লম্বী ফংলি। অমরোমদা ইমা ভারতীনা ঐখোয়দা হান্ননা কিলোমিতর ২১,০০০গী ঈশিংগী লম্বীগী থৌজাল পীবীদুনা থমলম্মি। চহি কয়া ঐখোয়না অসিগুম্বা লনগৈ অসিবু শঙদুনা অসুম্মক লৈরি অমসুং মসি মতৌ করম্না শিজিন্নগনি হায়বসি খঙবা ঙমলুদে।

অদোম্না মসি খঙবদা অঙকপা পোক্কনি মদুদি ঐখোয়গী অসিদা পোর্ত পোলিসী, ১৯৯৫দা শেমখি। লৈবাক্না নীং খা তম্বা ফংখি ১৯৪৭তা অমসুং হিথাংফমগী থৌসিল, ১৯৯৫, কয়াদা থেংথহল্লবা। মদুগী মমাংদা পোর্তকী চওখৎ-থৌরাংগীদমক্তা অশাংবা ভিজন অমগা লোইননা থবক তৌরমদে। পোৎ চৈশিং অসুম্মক পুনরম্মি অমসুং মসি অচুম্বনি মদুদি মসিগী মরমদগী লৈবাক অসি লুপা কোতি কোতিগী শেনমিৎলোনসু মাংজবা তারম্মি।

মরূপশা, ঐখোয়না অনৌবা য়ুম লৈবা মতমদা য়েংই মদুদি য়ুম অদুগী অতোপ্পা মফমশিংগা কনেক্তিবিতী করম তৌই, রোদ লৈবরা লৈতবরা, রেল লৈবরা লৈতবরা, চৎকে হায়বগা ফংগদ্রা ফংলোইদ্রা। ঐখোয়না অনৌবা ব্যুজিনেস হৌদোকপদসু য়েংই মদুদি লমদম অসোমদা কনেক্তিবিতী করম তৌই। লমদম অদোমদা পোৎ পুথোক-পুসিন তৌবদা অৱাবদি লৈরোইদনা?

ঐখোয়গী অচম্বা এপ্রোচনা মসি ওইরবদি ৱাহং অমসু থোরকই মদুদি মমৈদা ঐখোয়গী ইন্দস্ত্রী সমুদ্র মপান্দা করিগী থম্লোইদৌরিবনো? করিগুম্বা ইন্দস্ত্রীগী রো মেতরিয়েল অমসুং শেম শারবা পোৎলমশিং, করিগুম্বা পোর্তশিংগী কনেক্তিবিতীগী মখা পোল্লবদি সমুদ্র খোংবানগী মনাক্তা ইন্দস্ত্রীয়েল কোস্তেলসু লিংখৎপা অসি চুমদবরা। মসিদগী শুপ্নগী লোজিস্তিক্কী মমল হন্থহনবতা নত্তনা ইজ ওফ বিইং ব্যুজিনেসতসু মতেং ফংগনি।

অসিগুম্বা তোঙান তোঙানবা ফিভমদা লুপা কোতি লাখ ৮দগী হেন্না ইনবেস্ত তৌনবা শেম শারি। সাগরমালা প্রোজেক্ত অসি থাঙ্গৈশেংনা নই দিল্লীগী য়াম্না চাওবা য়ুম্ফম ওইরগনি।

মরূপশা, সমুদ্রগী থোংদা অতোপ্পা লৈবাকশিংগা অচেৎপা মরি শাগৎনবা ঐখোয়না হেন্না অনৌবা মখলগী ওইবা পোর্তশিং মথৌ তাই। ঐখোয়গী ইকোনোমীগীদমক্তা পোর্তশিং অসি থবোম্বীগুম্বনি। করিগুম্বা পোর্তশিং অসি নাখ্রবদি, অঙম্বা মতুং ইন্না থবক তৌদ্রবদি ঐখোয় য়াম্না ললোন ইতিক তৌবসু ঙম্লরোই। হকচাংদা থবোম্বীনা চিংসিল্লিবা ওক্সিজেন্না থমোইনা পম্প তৌদুনা শিংলিশিংগী থোংদা তোঙান তোঙানবা মফমশিংদা য়ৌহল্লিবা অসিগুম্না ইকোনোমীদা থৌদাং অসি রেলৱেশিং, হাইৱেশিং, এয়রৱেশিংগী পাম্বৈনা পাংথোকই। করিগুম্বা শিংলিশিংদা ঈ থাদোক-থাজিন তৌবা ৱাৎলবদি ওক্সিজেন ৱাৎলবদি শোন্থরকই। অসিগুম্না কনেক্তিবিতী চুমদ্রবদি লৈবাক্কী শেনমিৎলোনগী চাওখৎ-থৌরাংসু শোন্থরকই। অমসুং মরম অসিনা ইনফ্রাস্ত্রকচর অমসুং কনেক্তিবিতী অসি মসিদা সরকারনা খ্বাইদগী হেন্না থৌনা হাপ্লিবা লম অনিনি।

মরূপশা, সরকারনা হোৎনখিবশিং অদুগী মরম্ননি হৌখিবা চহি অহুম অসিদা পোর্ত সেক্তরদা য়াম্না চাওবা অহোংবা পুরক্লিবা। হৌজিক ফাওবগী খ্বাইদগী চাওবা কেপাসিতী এদিসন হৌখিবা চহি অনি-অহুম অসি মক্তদা ওইখিবনি। পোর্ত অমসুং সরকারগী কম্পেনীশিং শেন্দোং মাংলম্বশিং অদুগীসু ফিভম হোংখ্রে। সরকারগী ৱাখল কোস্তেল সর্বিসকা মরি লৈনবা স্কিল দিব্লপমেন্ততসু থম্মি।

পাথোক্লুবদা সাগরমালা প্রোজেক্ত মথন্তদগী লাক্কদৌরিবা মতম অসিদা লৈবাক্কী তোঙান-তোঙানবা শরুক্তা অনৌবা থবক কোতি অমরোমগী ওইথোকপা লৈ। ঐখোয় ত্রান্সপোর্তেসনগী ফ্রেম ৱাক পুম্নমক অনৌবা অমসুং ইন্তিগ্রেতেদ ওইহনবা হায়বা এপ্রোচ অসিগা লোইননা থবক তৌরি।

হৌজিক অদোম্না মফম কয়াদা ত্রাফ্রিক জাম উরি। মতৌ অসুম্না ঐখোয়গী পোর্তশিংদসু জাম থোকই। পোর্তশিংদা থোকপা জামনা মরম ওইদুনা লোজিস্তিক কোস্ত হেনগৎহল্লি, ৱাইতিং তাইম হেনগৎহল্লি। ঐখোয়না ত্রাফিক্তা পল্লবা মতুংদা ঙাইদুনা লৈনৈ, করিগুম্বা প্রদক্তিব ওইবা থবক অমত্তা তৌবা ঙমদে, মতৌ অদুম্না সমুদ্রবা খাম্লিবা জহাজসু পোৎ লৌথবা অমসুং পোৎ হাপ্পগী ঙাইনবদা খামদুনা লৈনৈ। অমসুং শুপ্নগী ভেসেল খক্তা খামদুনা লৈবা নত্তে, শেনমিৎলোন অপুনবা লেপলিবনি। পোর্তশিং অনৌবা মওংদা শেমজিনবা অমসুং বোত্তলনেকশিং লৌথোকপা অসি য়াম্না মথৌ তাই।

সাগরমালা প্রোজেক্কী অতোপ্পা মরু ওইবা অমদি ব্লু ইকোনোমীনি। অহানবদা মীয়াম্না শুপ্নগী ওসীন ইকোনোমীগী মতাং খক্তদা ঙাংনরম্মি অদুবু ঐখোয়না ব্লু ইকোনোমীগী মতাংদা ঙাংনরি। ব্লু ইকোনোমী হায়বদি ইকোনোমী অমসুং ইকোলোজীগী অপুনবা। ব্লু ইকোনোমীনা শেনমিৎলোনগী থবক-থৌরমগা লোইননা সমুদ্রগা মরি লৈনবা ইকো-সিস্তেমবুসু য়োকখৎলি।

করিগুম্বা ১৮শুবা অমসুং ১৯শুবা চহি চাদা ইন্দস্ত্রীগী ইহৌ লৈমাই অসিদা হৌখ্রবদি ২১শুবা চহি চা অসিদা ইন্দস্ত্রীগী ইহৌ অসি সমুদ্রগী থোংদা হৌগনি, ব্লু রিবোলুসনগী থোংদা হৌগনি।

মরূপশা, ঐখোয়গী ঙসিগী তঙাইফদবশিং অমসুং শিংনবশিংবু য়েংলদুনা মসি য়াম্না তঙাই ফদে মদুদি ঐখোয়না লৈবাক অসিগী সমুদ্রগী পাঙ্গল অসি ঙম্লিবা মখৈ শিজিন্নগদবনি। ব্লু ইকোনোমীগী মতিক অসি ঙম্লিবা মখৈ শিজিন্নবা অসি ন্যু ইন্দিগী য়ুম্ফম ওইগনি।

ফুদ সেক্যুরিতীগীদমক্তা ব্লু ইকোনোমী শিজিন্নবা য়াই। ঐখোয়গী ঙামীশিংনা সী বীদগী লৌউ চৎথরবদি মদুদা ভেল্যু-এদিসন তৌরবদি মদুদগী মখোয়গী চাগাদসু অহেনবা লাক্কনি। অসুম্না ব্লু ইকোনোমী, ইনর্জীগী লমদা মাইনীংগী লমদা, তুরিজমগী লমদা ন্যু ইন্দিয়াগী য়াম্না চাওবা য়ুম্ফম অমা ওইবা য়াই।

স্কিমশিং মতম চানা লোইশিন্নবগীদমক্তা দ্রোন্দগী হৌরগা সেত্লাইৎ ফাওবা মোনিতরিং তৌনবগী থৌরাং তৌরি। অদোম্না পাসপোর্ত অসুক্কী মতিক থুনা ফংলিবা অসি করিগুম্বা মরম অমদি লৈরমগনি। অদোম্না হৌজিক গ্যাসকী সিলিন্দর অসুক লাইনা ফংলিবা অসি করিনো মরম অমদি শোইদনা লৈরমগনি। অদোম্না ইনকম তেক্স রিফন্দগীদমক্তা থা কয়া ঙাইনবগী মথৌ তাদ্রিবসি করিনো মরম অমদি লৈরমগনি। অহোংবা অসি অদোমগী পুন্সিদা লাক্লি অমসুং মসিগী মরুমদা অচৌবা মরম অমা লৈ, সরকারগী থবক তৌবগী মচৎতা ঐখোয়না অহোংবা পুরপা অসিনি। লাইরবশিংবু, ময়াই ওইবা থাক্কী মীওইশিংবু, তেক্নিক্কী মতেংনা মখোয়গী হক ফংহল্লিবা, অসিগুম্বা থবক্কী মচৎ অমনি।

গুজরাত্তা অদোম্না তমবীখিবা অদু দিল্লীদা ঐহাক য়াম্না কান্নরে। থি থিদুনা ফাইলশিং পুথোকহল্লি অমসুং মতম কুইনদগী পন্দুনা লৈরক্লবা প্রোজেক্তশিং অদু লোইশিলহল্লি। ঐখোয়না থৌরাং অমা হৌদোক্লি- ‘প্রগতি’। মসিগী থোংদা হৌজিক ফাওবদা লুপা কোতি লাখ ৯ হেনবগী প্রোজেক্তশিং য়েশিল্লে। প্রগতিদা য়েংশিল্লবা মতুংদা চহি তরাগী খুজিং মরি-মরিদগী পন্দুনা লৈরক্লবা প্রোজেক্ত হৌজিক খোংজেল য়াংনা লোইশিন্নবগী মাইকৈদা খোং থাজিল্লি।

সরকার অসিনা হোৎনরি। নোৎ থিংবগী মতমদা শেলবু শুপ্নগী শেনগৈদগী পুথোকহন্দুনা বেঙ্কতা থমহনবতা নত্তনা লৈবাক অসিদা কক্নীংঙাই ওইদ্রবা লু-নানবগী খোংজং হৌবা ঙম্বা খুদম কয়া পুথোক্লি।

মতৌ অসুম্না জিএসতিদগীসু লৈবাক অসিদা অনৌবা ব্যুজিনেস কলচর অমা ফংলে। ঐখোনা খঙই মদুদি অহানবদা মখোয় ত্রক পুদুনা চৎলম্বদু চেক পোস্ততা পুং কয়া পন্দুনা লৈবা তারম্মি। জিএসতি লাক্লবা মতুংদদি চেক-পোস্ত পুম্নমক চৎখ্রে। নুমিৎ মঙানিদা য়ৌরম্বা ত্রক অদু হৌজিক নুমিৎ হুম্নিদা য়ৌরে। পোৎ পুথোক-পুসিন তৌবগী চাদিং হন্থখ্রে অমসুং চেক-পোস্ততা লুপা কোতি লিশিং কয়া চৎলম্বদু, মদুদসু শেঞ্জা-থুমজা য়াওরম্মি। পুম্নমক অদু জিএসতি লাক্লবা মতুংদগী লেপখ্রে। হৌজিক ঐঙোন্দা হায়বীয়ু, হৌজিক ফাওবদা মখোয়না থিকা তৌদুনা মৎলম্বশিং অদুনা মোদীদা শাওগদরা শাওরোইদরা? অদুবু লৈবাক অসিগী মীয়াম্না অফবা পামবীবরা নত্রগা পাম্বীদবরা? লৈবাক্কী মীয়াম্না কান্নবা ফংবা পাম্বীবরা পাম্বীদবরা?

অদোম য়েংবীয়ু জিএসতিগা মরি লৈনবা ললোনবশিং লেপ্তনা মশিং হেনগৎলক্লি। জিএসতি চৎনরবা মতুংদা ইন্দাইরেক্ত তেক্সকী অকোইবদা মীওই লাখ ২৭ য়াওররে।

মরূপশা, ঐনা খঙই মদুদি মরু ওইবা ইচেলদা হল্লক্লিবা ললোনবা খরদি অকিবা পোক্লি মদুদি করিগুম্বা মখোয়গী অরিবা রেকোদ অদু হাংদোরক্কদ্রা হায়না। কনাগুম্বা কাংলুপ্না থমোইশেংনা লৈবাক্কী চাওখৎ-থরাংদা য়াওররবা, মরু ওইবা ইচেল অসিদা তিল্লরবা, মখোয়দা ঐনা মপুং ফানা থাজবা পীবা পাম্মি মদুদি মখোয়গী অরিবশিং অদু হাংদোক্তুনা ওফিসর অমত্তদা ৱাহল্লুনবগী হক পীরোই।

ইচিল-ইনাওশা, অহোংবা ময়াম অমসুং অকনবা ৱারেপ কয়া লৌরবা ফাওবদসু লৈবাক অসিগী শেনমিৎলোন অসি মাগী লম্বীদা লৈরি, অচুম্বা মাইকৈদা চৎলি। হন্দক্তা ফংবা দাতা য়েংলুরগদি কোয়লা, মৈ, স্তীল, নেচরেল গ্যাস, পুম্নমক অসিগী প্রদক্সন্দা খুমাং য়াম্না চাওশিল্লে। মীরমগী ইনবেস্তর ভারত্তা রেকোর্দ ইনবেস্ত তৌররি। ভারতকী ফোরেন এক্সচেঞ্জ রিজার্ব চাওরাক্না দোলর কোতি লিশিং ৩০দগী হেনগৎতুনা দোলর কোতি লিশিং ৪০ লান্থোকখ্রে।

ই-পাউ কয়ামরুম্না ৱাফম অসিদা অয়াবা পীরি মদুদি লৈবাক্কী শেনমিৎলোনগী ফন্দামেন্তেল ফনা ফজনা কল্লি। ঐখোয়না রিফোর্ম সেক্তরদা মরু ওইবা ৱারেপ লোই অমসুং থৌওং অসি লেপ্তনা চৎথখিগনি। লৈবাক্কী ফাইনেল সস্তেনেবিলিতীবুসু মেন্তেন তৌগনি। ইনবেস্ত হেনগৎহনবা অমসুং শেনমিৎলোন চাওখৎহনববু খোংজেল পীননবগীদমক ঐখোয় মথৌ তাবা খোংথাং থাংজিনখিগনি।

মরূপশা, মসি হোংলক্লিবা থৌওংশিংগী খোংথাংনি। ৱারেপ্তগী ফল অদুগী খোংথাংনি। ঐখোয় পুম্নমক্না ন্যু ইন্দিয়া শেমগৎনবগীদমক ৱারেপ লৌগদবনি, মদু মপুং ফাহনগদবনি। ঙসি মফম অসিদা ঘোঘা-দহেজ ফেরী সর্বিসগী থোংদগী ন্যু ইন্দিয়াগী অনৌবা পাম্বৈ অমা হৌরে।

অদোম পুম্নমকপু ঐনা অমুক্কা হন্না নুংঙাইবা ফোংদোকচবগা লোইননা মসিগী কান্নবা মপুং ফানা লৌননবা পাউজেল পীজরি।

ভারত মাতাগী জয়

ভারত মাতাগী জয় ভারত মাতাগী জয়        

হন্না হন্না থাগৎচরি।