ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ভারত সরকারগী তোঙান তোঙানবা মন্ত্রালয় অমসুং বিভাগশিংদা থবক তৌরিবা দাইরেক্ত অমসুং সেক্রেতরী ৩৮০ লোমগা কাংলুপ মরি থোক্না ৱারি শানখ্রে। ৱারি শানবা অদু ওক্তোবর ২০১৭কী তোঙান তোঙানবা তাংশিংদা পাংথোকখি। অকোনবা ৱারি শানবগী থৌরম ওক্তোবর ১৭, ২০১৭তা পাংথোকখি। মসিগী ৱারি শানবা অসি পুং অনিরোম চৎথখি।

ৱারি শানবা অদুদা গবর্নেন্স, শেঞ্জা-থুমজা, পাব্লিক ইন্তপ্রাইজেস, গবর্মেন্ত ই-মার্কেৎপ্লেস, হকশেল, মহৈ-মশিং, স্কিল দিব্লপমেন্ত, লৌউ-শিংউ, ত্রান্সপোর্তেসন, নেস্নেল ইন্তিগ্রেসন, ৱাতর রিসোর্সেস, কলচর, কম্যুনিকেসন অমসুং তুরিজমনচিংবগী মতাংদা নৈনখি।

প্রধানমন্ত্রীনা ওফিসরশিংদা ২০২২ ফাওবগী মনুংদা অনৌবা ভারত শেমগৎনবা মপুং ফানা কৎথোকপগা লোইননা থবক তৌননবা ফোংদোকখি। মহাক্না হায়খি মদুদি কেন্দ্র সরকারগী থবক-থৌরমশিংদা সাইলোশিংনা অপনবা পীরি। মহাক্না ওফিসরশিংদা ফোংদোকখি মদুদি সাইলোশিং অসি থুদেক্নবা অনৌবা থৌরাংশিং পাইখৎপীয়ু, মদুনা মরম ওইদুনা লৈঙাক্কী তোঙান তোঙানবা খোংজেলদা ইনোৎ পীগনি। মতৌ অসুম্না, মহাক্না ওফিসরশিংদা হায়খি মদুদি অফবা ফল ফংননবগীদমক দাইরেক্তর অমসুং দিপুতী সেক্রেতরীশিংগী থাক্তা তীমশিং শেমগদবনি।

ৱারি শানবা অদুদা পিএমওগী রাজ্য মন্ত্রী দা. জিতেন্দ্র সিংহ অমসুং পিএমও অমসুং কেবিনেৎ সেক্রেতরিয়েৎকী মশক নাইবা ওফিসরশিংনা শরুক য়াখি।