ভারতকী প্রধানমন্ত্রী

জয় শ্রী রাম! জয় শ্রী রাম!

জয় শ্রী রাম! জয় শ্রী রাম!

জয় শ্রী রাম! জয় শ্রী রাম!

ঙসি মফম অসি তিল্লিবা নাৎপু নুংশিজবা ঐগী নুংশিরবা ইনাওশিং অমসুং ইচলশিং। শেংলবা বিজয়াদসমি কুম্মৈ অসি ময়াম পুম্নমক য়াইফ-পাউজেল পীজরি।

ভারত অসি কুম্মৈশিংগী লৈবাক অমনি। নুমিৎ ৩৬৫গী মনুংদা ভারতকী মফম অমদা হেক্ত কুম্মৈ অমা পাংথোক্তবা নোংমা ফাওবা লৈতে।

চহি লিশিং কয়া শুরবা নাৎকী চৎনবীশিং অসিনা ঐখোয়গী পুন্সি অসি অথৌবা কয়াগী ৱারীগা লোয়ন্নরকখি অমসুং মসিনা ঐখোয়না ইনাকখুল্লবা নাৎকী পুৱারী অমা পীরি। নাৎ হিঙ্গৎহন্নবা, লাইরিক-লাইশু তম্বগী অমসুং খুন্নাইগী অপুনবা পুন্সিরোল অমগীদমক ঐখোয়গী লৈবাক অসিনা কুম্মৈ কয়া পাংথোক্লি।

কুম্মৈনা ঐখোয় পুনশিনহল্লি; কুম্মৈনা ঐখোয়দা থৌনা পীরি। কুম্মৈশিং অসিনা ঐখোয়দা অনৌবা মঙলান কয়া শাগৎনবগী থৌনা পীরি। ঐখোয়গী ঈদা কুম্মৈশিং অসি য়াওরে, মরম অদুনা কুম্মৈশিং অসি ভারতকী খুন্নাইগী থৱায়নি। মসিগী কুম্মৈগী মচাক অসিনা চহি লিশিং কয়া শুরবা অচৌবা চৎনবী অসি কৈদৌঙৈদা ক্লব অমগী চৎনবীদা হোংলক্ত্রিবনি। কনাগুম্বা অমগী পুক্নিংগী ইহুলশিং ফোংদোক্নবগী খ্বাইদগী ফরবা লম্বী কুম্মৈশিং অসিনা ওইরি অমসুং মসি কুম্মৈশিং অসিগী শক্তিনি।

কুম্মৈশিংগী মনুংদা হৈশিংবশিং য়োকখৎনবা অমসুং হৈশিংবা উৎনবা লেপ্তনা হোৎনরি। মসি আর্ত ওইগেরা, মসি ঈশৈগী জন্ত্রশিং ওইগেরা, ঈশৈ নৎত্রগা জগোয় ওইগেরা, মখল খুদিংমক্কী আর্তশিং ঐখোয়গী কুম্মৈশিংগা মরি লৈনৈ। মসিনা মরম ওইদুনা, চহি লিশিং কয়া শুরবা নাৎকী চৎনবীশিং কুম্মৈশিংগী খুৎথাংদা আর্তশিং ঐখোয়গী পুন্সিদা য়াওদুনা লৈরিবনি, ঐখোয় মীওইবনি অমসুং রোবোতশিং নত্তে হায়বা অচুম্বা ৱাখল্লোন অমা ঐখোয়গী খুন্নাইদা ফাওরি। কুম্মৈশিং অসিনা মীওইবগী খনবা, মীনুংশিং, অৱাবা খঙবা অমসুং থৌজাল হৈবা লেপ্তনা ফাওহল্লি। মরম অদুনা, নুমিৎ মপান্নিগী নবরাত্রীগী কুম্মৈ অসি পাংথোক্তবা ভারতকী মফম অমত্ত লৈতে। শক্তি সাধনাগী কুম্মৈ, শক্তি লাৎপগী কুম্মৈ অসিনা নুঙগী ওইবা অৱাৎশিং অমসুং অশোনবশিং হন্থহল্লি।

লৈবাক অসিদা ইমা লাৎলিবা, লৈবাক অসিদা শক্তি লাৎলিবা অসি মসিগী লৈবাক অসিগী ইমা খুদিংমক অমসুং মচানুপী খুদিংমক্কী ইকায়খুম্নবা, চাউথোকপা অমসুং চিংলেম্বা ঙাক্নবা মী খুদিংমক্কী থৌদাংনি।

হন্দক্কী মন কী বাত্ত ঐনা হায়খি মদুদি মতমগী মতুংইন্না ঐখোয়গী লৈবাক্ত কুম্মৈশিং হোংলক্লি। ঐখোয় মদুগী অহোংবশিং চাউথোকচনা য়াবা ঙম্বা খুন্নাই অমনি। ঐখোয় শিংনরকপশিং য়াবা ঙম্বা অমসুং শিংনবা মীওইশিংনি অমসুং ঐখোয় দরকারগী মতুংইন্না মখোয়মশামক হোংবা ঙম্বা মীওইশিংনি।

মতম লৈরৈঙৈদা অহোংবা পুরকহৌগদবনি। কনাগুম্বা অমনা কমদৌনা ঐখোয়না অহোংবা অসি মখা চৎথগনি হায়না হংলবদি; মদুগী মরম করিনো? মদুগী মরমদি ঐখোয়গী খুন্নাইদা ফত্তবা অমা লৈরকপদা, হায়রিবা ফত্তবশিং অদু থেংন্নবা ঐখোয়গী খুন্নাইদা অকনবা মীওই কয়া পোকই। খুন্নাই অমদা লৈরিবা ফত্তবশিং থেংন্নবা ঐখোয়গী খুন্নাইদা মীওই অদু থোক্লকপা মতমদা, অহানবদা মুক্না অমা থেংনৈ, অদুবু তুংদা মদুগী মীওই অদু লাইনিংবা ওজা অমা ওইরকই অমসুং খুন্নাইগী ফিদম্নফম অমা ওইরকই।

মরম অদুনা ঐখোয় হোংলক্লিবা অহোংবশিং অসি য়ারিবা মীওইশিংনি। হন্দক্কী মন কী বাত্ত ঐনা হায়খি দিৱালী কুম্মৈদা ঐখোয়না মহালক্ষ্মী লাৎলি। ঐখোয়না লক্ষ্মী তরাম্না ওক্লি। মথংগী দিৱালী নৎত্রগা মথং চহি ফাওবা লক্ষ্মী লাইরেম্বী ঐখোয়গা লৈমিন্নগনি হায়না ঐখোয়না থাজবা অমা লৈরি। ঐখোয়না লক্ষ্মী অসি ঐখোয়গা লৈমিন্নবা পাম্মি।

মন কী বাত ইপিসোৎতা ঐনা হায়খি মদুদি লক্ষ্মী লাৎপা লৈবাক অমদা লক্ষ্মী অসি ঐখোয়গী য়ুমশিং, খুঙ্গংশিং, ঐখোয়গী য়ুম্লোন্নবশিংদসু লৈ, লক্ষ্মীগী মওংদা ঐখোয়গী ইচানুপীশিং লৈ। ঐখোয়গী খুঙ্গংশিং, য়ুম্লোন্নবশিং, ঐখোয়গী লৈকাইশিং, শহরশিংদা লৈরিবা করিগুম্বা হিরম খরদা মাইপাক্লবা ইচানুপীশিং লাক্লিবা দিৱালী অসিদা মীয়ামগী ওইবা থৌরমশিংদা ইকায়খুম্নবা উৎকদবনি অমসুং ঐখোয়গী লক্মমিগী পুজা ওইগদবনি, মসি ঐখোয়গী লৈবাক্কী পান্দমনি। মরম অদুনা মতমগী মতুংইন্না, ঐখোয়গী কুম্মৈশিংদা লাক্লিবা অহোংবশিং ঐখোয়না লৌশিনগদবনি।

ঙসি ঐখোয়না শেংলবা বিজয়াদশমী কুম্মৈ পাংথোক্লি অমসুং নুমিৎ অসিদা ঐখোয়গী এয়র ফোর্সকী মপোক নুমিৎশু পাংথোক্লি। ঐখোয়গী লৈবাক্কী এয়র ফোর্স অসি অনৌবা থাকশিং য়ৌরে। শেংলবা বিজয়াদশমী কুম্মৈ অসিদা ঐখোয়না ভগবান হনুমান খুরুমজরি, ঐখোয়না মরুওইনা এয়র ফোর্সকী ৱাখল খলসি অমসুং ঐখোয়গী থৌনা ফরবা এয়র ফোর্সকী লান্মীশিংগী খনসি অমসুং মখোয়গী তুংগী য়াইফনবা ঐখোয় থৌনিজসি। ঙসি অসি ফত্তবশিং অফবনা মাইপাকপগী কুম্মৈনি। ঐখোয়গী ইরক্তা লৈরিবা ফত্তবশিং মতম চানা মাংহনবা অসি য়াম্না মরুওইবা অমনি অমসুং ঐখোয়না ভগবান রাম্না পামজরম্বশিং থবক ওইনা পাংথোক্কদবনি। ঐখোয়গী অহানবা থৌদাং অসি ঐখোয়গী মরক্ত লৈরিবা ফত্তবশিং মাংহনবনি।

চহি অসিদা লৈবাক অসি য়াইফনবা য়ামদ্রবদা ৱারেপ অমা ফাওবা ঐখোয়না লৌগদবনি। মসিনা লৈবাক অসি কনাগুম্বা অমনা নৎত্রগা অতোপ্পা অমনা থবক পাংথোকপা ঙমগনি। করিগুম্বা ঐনা ঈশিং লিক্না শীজিন্নরবসু মদু ৱারেপনি। ঐনা কৈদৌঙৈদা চীঞ্জাক মাংহল্লোই হায়বা অসি ৱারেপ অমনি। ঐনা মৈ লিক্না শীজিন্নগনি হায়বা অসিসু ৱারেপ অমনি। ঐনা কৈদৌঙৈদা লৈবাক্কী লন-থুম মাংহল্লোই হায়বা অসিসু ৱারেপ অমনি।

বিজয়া দসমী কুম্মৈ অসিগা মতম চান্না মহাত্মা গান্ধীগী ১৫০শুবা মপোক কুমওন অমসুং গুরু নানক দেবজীগী ৫৫০শুবা মপোক কুমও তারি। মসিগা লোয়ন্না ঐখোয়না শোইদনা মাইপাক্নবা ঐখোয়গী পুন্সিদা ৱারেপ অমা লৌগদবনি।

অপুনবা থবকশিংগী শক্তি অসি করিনো? করিগুম্বা ঐখোয়না ভগবান কৃষ্ণগী মরমদা খল্লবদি অপুনবা থবকশিংগী শক্তি খঙবা ঙমগনি। মহাক্না খুৎশা অমনা গোভরধান চীং থাংগৎখি, অদুবু চীং অসি থাগৎপদা শঞ্জেন্নহাশিংনা অপুনবগী ওইনা মতেং পাংখি।

পুন্সি অমুক য়েংসি। সমুদ্রা লান্নবা মহাক্না থোং অমা শাখি। মহাক্কা উমংদা উনখিবা মরুপশিংগা লোয়ননা পাংথোকখিবা থবকশিং অদুনা অপুনবগী শক্তি অদু উৎখি। অপুনবগী পাঙ্গলনা রাম্না থোং শাদুনা লংকা য়ৌখি। মসিগী থৌনা অসি অপুনবদা লৈ। হায়রিবা কুম্মৈশিং অসিনা অপুনবগী থৌনা পোকহল্লি। মদুগী থৌনা অদুগা লোয়ননা ঐখোয়না ঐখোয়গী ৱারেপশিং থবক ওইনা পাংথোক্লসি।

মসিগী কুম্মৈ অসিগী খুৎথাংদা হৌরক্লিবা নহারোলশিংদা ঐখোয়গী নাৎকী চৎনবীশিং খঙহন্নবা মখোয়না পাংথোক্লিবা থবকশিং অসিগীদমক ঐনা দ্বারকা রামলিলা কম্মিতীবু থাগৎচরি।

বিজয়াদশমী থৌরম অসিদা ময়াম পুম্নমক্তা ঐগী য়াইফ-পাউজেল পীজরি। হৌনা অমুক হন্না ঐগা লাউমিন্নসি –

জয় শ্রী রাম! জয় শ্রী রাম!

জয় শ্রী রাম! জয় শ্রী রাম!

জয় শ্রী রাম! জয় শ্রী রাম!

থাগৎচরি!