ভারতকী প্রধানমন্ত্রী
দিল্লীগী আইন্না য়াদবা লৈকায়শিংদা লৈরিবা মীওইশিংদা মপু ওইবদা শকখঙবা নৎত্রগা মোরগেজ/ত্রান্সফর রাইতশিং পীনবা কাংলোনশিং কেন্দ্রগী মন্ত্রীমন্দলনা য়ারে। হায়রিবা ৱাফম অসি থবক ওইনা পাংথোক্নবা লাক্লিবা সংসদকী মীফমদা বিল অমা পুথোকপা হায়না মন্ত্রীমন্দলনা মখা তানা অয়াবা পীখি।
দিল্লীগী আইন্না য়াদবা লৈকায়শিংদা লৈরিবা মীওইশিংনা ফংগদবা অচৌবা কান্নবা:
• ৱারেপ অসিনা স্ক্ব্যার কিলোমীতর ১৭৫ রোমদা লৈরিবা আইন্না য়াদবা লৈকায়শিংগী মীওই লাখ ৪০ হেন্না কান্নবা ফংলগনি লোইননা হায়রিবা লৈকায়শিং অসিদা নৌনা চাউখৎ থৌরাংগী থবকশিং পায়খৎতুনা লু-নানবা অমসুং হিংবদা নুংঙাইবা মফম অমা ওইরগনি।
• মসিগী শিংথানীংঙাই ওইরবা ৱারেপ অসিনা লৈকায়শিং অসিদা লৈরিবা মীওইশিংনা লমগী মপু ওইবা ফংদবা/পীথোক-পীশিন য়াদবা, শেমগৎ-শাগৎপা য়াদবগী খুদোংচাদবশিং মায়োক্নবা অদু কোক্লগনি।
• চে-চাং চপ চানা য়াওদুনা শকখঙবদগী, হায়রিবা লৈকায়শিং অসিগী লম মপুশিংনা আইন্না য়াবা মওংদা পীথোক-পীশিন য়ারগনি। আইনগী ওইনা লমগী মপু ওইবা য়াবা অসিগী মথক্তা, ৱারেপ অসিনা লম মপুশিংনা য়ুম শাবদা শেন থাদবা হেনগৎহল্লগনি অমসুং লৈকায়শিং অদুগী পুন্সি মহিং ফগৎহল্লগনি।
• লায়রবা মীওই কাংলুপশিংনা খুন্দাবা আইন্না য়াদবা লৈকায় ১,৭৯৭তা মসিগী ৱারেপ অসিনা কান্নবা পীগনি। ৱারেপ আসিনা দি.দি.এ.না মশক খঙলবা ইনাকখুনবশিংনা লৈবা লৈকায় হায়বদি সৈনিক ফার্মস, মেহেন্দ্রু ইনক্লেব অমসুং অনন্ত রাম দাইরী য়াওনা লৈকায় ৯৬ য়াওরোই।
• কল্লিবা লমগী পাক-চাউবা য়েংলগা মমিংগী ওইনা শেনফম খর পীরগা লমগী মপু ওইবা য়াগনি। সরকারগী লমদা লৈবা লৈকায় মরি চাদা ০.৫ (স্ক্ব্যার মীতর ১০০গী মখা), চাদা ১ (স্ক্ব্যার মীতর ১০০-২৫০) অমসুং চাদা ২.৫ (স্ক্ব্যার মীতর ২৫০গী মথক) লৌগনি।
• লনাই লমদা লৈবা লৈকায়শিংগীদমক লৌফম থোকপা শেনফম অদু সরকারগী লমগী শেনফমগী তঙ্খাই অমা লৌগনি।
অকুপ্পশিং:
• জেনরেল পাৱর ওফ এতোরনী (জি.পি.এ.), ৱিল, য়োন্নবা য়ানচে, লৈবগী চে-চাংশিং মশক খঙনবা বিল অমা লাক্লিবা সংসদকী মীফমদা কেন্দ্রনা সরকারনা পুথোকলগনি, মসিনা আইন্না য়াদবা লৈকায়শিংদা লৈরিবা মীওইশিংদা মতম অমগী ওইনা কোমথোকপগী খুদোংচাবা ফংলগনি।
• ইকোন কোনবা ত্রান্সসেক্সনগী রেজিস্তার তৌবগী মমল অমসুং স্তাম্প দ্যুতী বিল অসিনা খঙহনগনি অমসুং সার্কল রেত চার্জশিংগী মখাদা লৈবশিংগী ইনকম তেক্স থিনবগী মতাংদা লৈবা ৱাফমশিং খন্নগনি।
• দিদ পীনবা অমসুং লম রেজিস্ত্রেসন তৌনবগী লাইথোকহল্লবা থৌওংশিং দি.দি.এ.না পুথোক্কনি।
• আইন্না য়াদবা লৈকায়শিং অদুগী ঙমখৈশিং দি.দি.এ.না লেপথোক্কনি।
• আইন্না য়াদবা লৈকায়শিং অদুগী লোকেল এরিয়া প্লান দি.দি.এ.না শেমগনি।
• পেনালতী অমসুং এক্সতর্নেল দিবলপমেন্ত চার্জ (ই.দি.সি.) অমত্তা লৌরোই।
• প্লোতশিং/ফ্লেতশিং মশিং য়াম্না লৈবশিং অপুনবগী ওইনা তেক্স লৌগনি।
• মফম অদুদা লৈরিবা মীওইশিংনা চহি অমদা অহুমলক থোক্না মমল পীবা য়াগনি। মতম অমত্তদা পীফম থোকপা শেনফম পীথোকপা মীওই খুদক্তা মপু ওইবগী হকশিং পীথোক্কনি। অনিশুবা ইন্সতোলমেন্ত পীবা মতমদা প্রোবিসনেল রাইতশিং পীগনি অমসুং মসিগী তুংদা অরোইবা শেনফম পীরবা মতুংদা মপু ওইবগী হক পীগনি।
• থেংনা পীবগী অচম্বা শেন্দোয় চহি চাদা ৮ ওইগনি।
• লমগী দিদ অদু লৈনবা য়ুম শানবা হিরমদা খুৎয়েক পীনগনি।
নুংগী ৱারোল:
• হৌজিক চৎনরিবা ২০০৮কী কাংলোনশিং মতুংইন্না, থবক খুদিংমক মীয়ামদা পাউ ফজনা খঙহন্দুনা দিল্লীগী নেস্নেল কেপিতেল তেরিতোরী সরকারনা পাংথোক্কনি। কাংলোনশিংগী মতুংইন্না আইন্না য়াদবা লৈকায়শিংগী ঙমখৈ খঙদোকপা অসিনা অহানবা থবক ওইগনি। অদুবু সরকারনা মসিগী থবক অসি ২০২১ ফাওবা মতম লৌদুনা পাংথোক্কনি।
• হায়রিবা লৈকায়শিং অসি এপ্রুব লেআউত প্লান (এল.ও.পি.) য়াওদনা মফম অদুগী মীওশিংনা য়ুম-কৈ শাবগী থবক পাংথোক্তে নৎত্রগা সরকারনসু মীয়ামগী শেমগৎফম থোকপশিং শেমগৎতে। তঙাইফদনা লৈফম থোকপশিং লৈতবদগী হায়রিবা লৈকায়শিং অসি য়াম্না নাতৈ চাদবা ফিবমশিংদা লৈখি। মাস্তর প্লান দিল্লী-২০২১গী মতুংইন্না লৈকায়শিং অসি অহেনবা ফ্লোর এরিয়া রেসিও (এফ.এ.আর) চাদা ৫০ অমুক হন্না শেমগৎপগী অয়াবা পীরে, লম মপুশিংনা মপু ওইবগী হক ফংদবদগী হৌজিক ফাওবদা শেমগৎ শাগৎপা অমত্তা পাংথোক্ত্রি।
• আইন্না য়াদবা লৈকায়শিংগী মীওইশিংদা লমগী মপু ওইহন্নবা দিল্লীগী লেফতনেন্ত গোভর্নরনা লুচিংবা কম্মিতী অমা শেমলে, কেন্দ্রগী মন্ত্রীমন্দলগী অয়াবগা লোইননা মপু ওইবগী হকশিং পীদুনা হায়রিবা মফমশিং অসি থৌরাং অমগী মখাদা নৌনা শেমগৎনবগী খুদোংচাবা ফংলে।
• কম্মিতীগী ৱারেপশিংদা য়ুমফম ওইদুনা অমসুং মরি লৈনবশিংগা কুপ্না খন্নদুনা কাংলোনশিং নৌনা শেমদোক্নবা অমসুং সংসদতা বিল অমা পুথোক্নবা অরোইবা ৱারেপ লৌরে।
