ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কোরিদোর অহুম লৈবা দিল্লী মেত্রোগী ফেজ-৪ প্রোজেক্ত অয়াবা পীরে। হায়রিবা কোরিদোর অহুম অসিগী অপুনবা অশাংবনা কিলোমীতর ৬১.৬৭৯নি। কিলোমীতর ৬১.৬৭৯গী মনুংদা কিলোমীতর ২২.৩৫৯না লৈনুংদা শেমগনি অমসুং কিলোমীতর ৩৯.৩২০না মথক্ত ওইগনি। হায়রিবা কোরিদোরশিং অসিদা স্তেসন ৪৬ লৈগনি, মসিগী মনুংদা স্তেসন ১৭না লৈনুংদা অমসুং লেমহৌরিবা স্তেসন ২৯না মথক্ত লৈগনি।
মেত্রো কোরিদোর অহুম অসিগী অপুনবা শেনফম্না লুপা ক্রোর ২৪,৯৪৮.৬৫ ওইগনি। প্রোজেক্ত অসি দিল্লী মেত্রো রেল কোর্পোরেসন লিমিতেদনা পায়খৎকনি, ভারত সরকার অমসুং নেস্নেল কেপিতেল তেরিতোরী দিল্লী সরকারগী হৌজিক লৈরবা ৫০:৫০গী স্পিসিয়েল পরপজ ভেহিকল (এস পি ভি) চৎনগনি।
চৎথোক-চৎশিনগী চাউরাকপা শক্তমশিং:
হায়রিবা কোরিদোর অহুম অসিদা লৈনুং (কিলোমীতর ২২.৩৫৯) অমসুং মথক (কিলোমীতর ৩৯.৩২০) সেক্সনশিং য়াওরি।
কান্নবা:
ফেজ-৪ প্রোজেক্কী কোরিদোরশিং অসিনা লৈবাক্কী কোনুং অসিদা মেত্রো নেতৱর্ক পাকথোক চাউথোকহনগনি। হায়রিবা কোরিদোরশিং অসি লোইশিল্লকপা মতমদা হৌজিক লৈরিবা দিল্লী মেত্রোগী লাইনশিং অসিগা অনৌবা কোরিদোরশিং অসিগী স্তেসনশিংগা শম্নবা য়াবা স্তেসন কয়া লৈরগনি। মসিগী অহেনবা কিলোমীতর ৬১.৬৭৯গী মেত্রো লাইনশিং অসিনা লম্বী চিনবা হন্থহনগনি অমসুং গারীশিংনা থোকহনবা পোলুসন হন্থহনগনি। তুঘলকবাদ-এরোসিতী কোরিদোর অসিনা এয়রপোর্ত য়ৌবা লম্বী ফগৎহল্লগনি। হায়রিবা কোরিদোরশিং অসি লোইশিল্লকপা মতমদা দিল্লী মেত্রোগী অপুনবা নেতৱার্ক কিলোমীতর ৪০০ য়ৌরগনি।
