ভারতকী প্রধানমন্ত্রী
দেন্তেল কাউন্সিল ওফ ইন্দিয়াবু হেন্না মপাঙ্গল কনখৎহন্নবগীদমক, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা দেন্তিস্ত এক্ত, ১৯৪৮ (১৯৪৮গী ১৬) এমেন্দ তৌনবা বিল পুথোকপদা অয়াবা পীখ্রে। ৱারেপ অসিনা দেন্তেল কাউন্সিল ওফ ইন্দিয়াগী মেম্বরশিপ অমসুং রাজ্য অমদি জোইন্ত স্তেত দেন্তেল কাউন্সিলগী মেম্বরশিপকা মরী লৈননা দেন্তিস্ত এক্ত, ১৯৪৮গী প্রোবিজনশিং শেমদোক শাদোকপদসু অয়াবা পীরি।
শাফু:
এমেন্দমেন্ত অসিনা দেন্তেল কাউন্সিল নৌনা শেমদোক শাদোকপদা মতেং ওইরগনি অমদি কেন্দ্র সরকারগী মীহুৎশিং অমসুং খনগৎলবা মীহুৎশিংনা দেন্তেল কাউন্সিলদা মখা তানা ফম পায়শিন্দুনা থম্বা য়াররোই।
থৌওং অসিনা কান্নদবা অহেনবশিং হন্থহল্লগনি।
বিল অসি হন্দক পাংথোক্কদৌরিবা লোক সভাগী মীফমদা পুথোক্লগনি।
মচা নাইবা ৱাফম:
দেন্তিস্ত এক্ত, ১৯৪৮গী মখাগী ক্লোজশিং অসি এমেন্দ তৌবা:
(i) সেক্সন ৩গী ক্লোজ (এফ)কী মখাদা দেন্তেল কাউন্সিল ওফ ইন্দিয়াগী মেম্বরশিপ অমসুং
(ii) হায়রিবা এক্ত অসিগী সেক্সন ২১গী ক্লোজ (বি) অমসুং সেক্সন ২৩গী ক্লোজ (বি)গী মখাদা রাজ্য অমসুং জোইন্ত স্তেত দেন্তেল কাউন্সিলগী মেম্বরশিপ।
য়ুম্ফম:
দেন্তেল কাউন্সিল ওফ ইন্দিয়াদা কেন্দ্র সরকারগী নোমিনী ওইনা পার্ত বিদা রিজিস্তার তৌরিবা দেন্তিস্তশিংগী রিপ্রজেন্তেসন অমসুং এক্ত অসিদা য়াওরিবা মরী লৈনবা ক্লোজশিংগী মখাদা স্তেত/জোইন্ত স্তেত দেন্তেল কাউন্সিলশিংদা পার্ত বিদগী মীহুৎ মরি/অনিগী মীখলদা থাজবা লৈত্রে। মখোয়গী রিপ্রজেন্তেসনগী প্রোবিজনশিংগী অহেনবশিং অদু হন্থহন্নবা মীৎয়েং অমগা লোয়ননা কেন্দ্র সরকারনা প্রোবিজনশিং অসি মুত্থৎনবা ৱারেপ লৌরে মদুনা মরম ওইরগা মখোয়গী রিপ্রজেন্তেসন অসি মখা তানা মেন্দতরী ওইররোই।
