ভারতকী প্রধানমন্ত্রী

এষ্ট্রোফিজিক্সকী লমদা শক্নাইরবা অমা ওইরিবা দোক্তর জয়ান্ত নারলিকার লৈখিদবদা ঙসি প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে।

প্রধান মন্ত্রীনা এক্সতা হায়খি;

“দোক্তর জয়ান্ত নারলিকার লৈখিদবা অসি সাইন্সকী হিরমদা থবক তৌরিবা মীয়ামগী অচৌবা মাঙজবা অমনি। মহাক মরুওইনা এষ্ট্রোফিজিক্সকী লমদা শক্নাইরবা অমনি। মরুওইবা থিওরিতেল ফ্রেমৱার্কশিংগী লমদা মহাক্না পাংথোকখিবা থবকশিং অসি মীরোল কয়াগী থিজিল্লোয়শিংনা মমল লৈনা লৌগনি। মহৈলোয়শঙ শেমগৎপা অমা ওইনা, তম্ফমশিং ফগৎহনবা অমসুং নহারোলশিংদা অনৌবা ৱাখল পোকহন্নবা মহাক্না মশক থোকপা থবক কয়া পাংথোকখি। মহাক্কী খুৎইশিংনা মীচম মীয়াম্না সাইন্স লাইনা খঙবদা য়াম্না চাউনা মতেং পাংখি। অৱাবা তানফম অসিদা মহাক্কী ইমুং-মনুং অমসুং মরুপশিংগী অৱাবদা শরুক য়াজরি। ঔম শান্তি”।

The passing of Dr. Jayant Narlikar is a monumental loss to the scientific community. He was a luminary, especially in the field of astrophysics. His pioneering works, especially key theoretical frameworks will be valued by generations of researchers. He made a mark as an…

— Narendra Modi (@narendramodi) May 20, 2025

****