ভারতকী প্রধানমন্ত্রী

মশিং য়াম্না লেংবিরক্লিবা ঐহাক্কী নুংশিজরবা ইচিল ইনাও ইচল ইচেশিং
ঙসি ঐহাক্না দ্বারকাগী মুদ অসি তোপ তোপ্পা অমা উবা ফংলি, মায়কৈ মরিমক্তা খৌরাংবা, অনৌবা অশাগুম্বা অনৌবা শক্লোন অমা ঐহাক্না দ্বারকাদা উবা ফংলি । ঐহাক্না দ্বারকাদা লৈরিবা মীপুম খুদিংমকপু থমোয় শেংনা ইকায় খুম্নজরি । ময়াম পুম্নমকপু থাগৎপা ফোংদোকচরি । ঙসি দ্বারকা নগরদা হৌদোক্লিবা থবক অসি বৈত দ্বারকাদা য়ৌনবা থোং অদু কক্তা নত্তে । চেক, নুং, য়োৎ শিজিন্নদুনা শাবা স্ত্রকচর অদু খক্তা নত্তে । থোং অসিনা বৈত দ্বারকাগী সন্সকৃতিক বিসতকা লোয়ননা চহি লিশিং কয়া লিরবা মরি অদু শম্নহন্নবগী শক্লোনদা থবক অসি পায়খৎলিবনি ।

ঐহাক্না বৈত লাকপা খুদিং, মফম অদুগী থোং অদু উবা মতমদা শেংলবা ইশিং ওইনা উবা ফংখি । তুরিজমগী পাক চাওনা ওইথোকপা য়াবা অদু উবা ফংখি । অদুবু ভারত সরকারগী মায়কৈদগী, অদোম্না খংবিরিবা অদুনি মমাংগী সরকারনা গুজরাতপু কয়া য়াম্না নুংশিবিরমগে হায়বা । কয়া ৱানা ঐখোয়না মতম লেনখিবা । ঐহাক্না পুম্নমক নিংশিংলি । ঐহাক্না বৈতকী মীয়ামগী ফিভম অদু উবা মতমদা, নুমীৎ তাখিদ্রিঙৈ থবক পুম্নমক লোইশিনবা তাই । নুমীদাংগী মতমদা চৎথোক চৎশিন লেপ্পি । অমসুং মদুশু ইশিংগী লম্বীদা চৎথোক চৎশিন তৌবা তারম্মী ।

য়াম্না ৱানা পুন্সি হিংবা তারম্মী । করিগুম্বা মতমদা খংহৌদনা অনা অয়েক য়াওরকতুনা মহাকপু হোস্পিতালদা পুবা তারবা অদুশু নুমীদাংগী মতম ওইবা তারগদি কয়াদা খুদোং চাদবা মায়োক্নবগে হায়বদু ঐহাক্কী বৈতকী নুংশিজরবা ইচিল ইনাও ইচল ইচেশিংনা খংবিরিবা অদুনি মদুনা মরম ওইরগা অদুগুম্বা খুদোংচাবা অমা মদুনা লৈবাক্কী মফম খুদিংদগী লাকপা য়াত্রিশিংগীদমক য়াম্না চাওবা খুদোংচাবা অমা ওইরগনি ।

অদুগুম্বা খুদোংচাবা অমা মদুনা বৈতকী মীয়ামগী চংদবা য়াদবা অদু থুংহনগহবা । অদুগুম্বা খুদোংচাবা অমা মদুনা বৈতকা শম্নহল্লিবা সমুদ্র তোর্বানশিংবু য়াম্না চাওবা তুরিজমগী মফম ওইরক্নবা মরম ওইরক্কদবা । অমসুং করিগুম্বা অমুখক য়াত্রি লাকপা হৌরগদি ঠাকুরজীগী চরণদা কোক নোন্দুনা চেনখিরোইদবা । মদুনা দ্বারকাগী ইকোনোমীদা য়াম্না কান্নবা ওইরোয় । অদুবু করিগুম্বা মখোয়না নুমীদাং লেকপা তারগদি, নুমীৎ নিনি লৈথরগদি লিশিং অমা অনিদি চাদিং তৌগনি । অদু ওইবা তারগদি দ্বরকাগী শেল থুমগী ফিভমদা লাইরবদগী লাইরবশু থবক ফংলনি । মীয়াম্না দ্বারকাদা লাক্লিবা অসি ভগবান দ্বারকাধিসকী থৌজালদগীনি । অদুবু মীয়াম্না দ্বারকাদা লৈথগদ্রা করিগুম্বা ঐখোয়না মদুগী খুদোংচাবা অদু শিল্লগদি শোয়দনা লৈথগনি । মরম অদুনা ঐখোয়না দিবলপমেন্ততা হান্না খোং থাংজিল্লি । মফম অসিদা লমকোয়বশিং লাক্তুনা মখোয়বু নুমীৎ খরনি লৈথহনিংনবা হোৎনগদবনি । সমুদ্রগী ইপোম মমাংদা নুমীৎ তাবা ঙাইদুনা মতম লেন্নবা ৱাখল পোকহনগদবনি । তাখিবা নুমীৎ অদু য়েংনবা মপুক্নিং লাংতক্নহনগদবনি । মসিগীদমক্তা সরকারনা লেপ্পা লৈতনা হোৎনরি ।

ঙসিদগী চহি মাপল তরা মমাংগী দ্বারকাগা ঙসিগী দ্বারকাগা চাংদম্নদুনা য়েংবিয়ু । কয়া য়াম্না অহোংবা লাক্লে । অমদি তুরিজম অসি কাচিন অমদা চাওখৎপদুনা ওিবা য়াদে । মখোয়দা কনেক্তিবিতী মথৌ তাই । অমদগী অনি, অনিদগী অহুম, অহুমদগী মরি শম্নহনবা মথৌ তাই । মালেম পুম্বা গির নোংশা য়েংনবা লাক্লি । অদুবু গির নোংশা য়েংলবা মতুং পোরবন্দর অমসুং দ্বারকা চৎন্নবগীদমক করিগুম্বা লাইন তরুক্কী, লাইন মরিগী, লাইন অনিগী অচৌবা লম্বীশিং ফংলগদি লমকোয়বশিংদা খুদোংচাবা ফংহল্লি । লমকোয়বশিংগী পুক্নিং থুমহৎলি । অমসুং গির নোংশা য়েংবা লাক্লিবশিং অদু দ্বারকাধিসকী চরণদশু লাক্লনি । তঞ্জা অসি পোকহনবা মথৌ তাই । অমসুং দ্বারকাধিসকী চরণদা লাকপশিং অদুশু গির নোংশা য়েংনিংবা ফাওহনগদবনি । মরম অদুনা ভারত সরকারনা নেস্নেল হাইৱেগী নেতৱার্ক অদু মতৌ অদুম্না শেমনবা মোদিফিকেশনগী থৌরাং তৌরি ।

ঙসি নেস্নেল হাইৱে চাওথোকপগী থবক চৎথরি । ঘণু ফাওবা অমসুং ঐহাক্না ঘণুবু নিংশিংবা খুদিংগী ঐহাক্কী অঙাংশিং নিংশিংলকই । য়াম্না কুইরবা ঐখোয়গী থৌমীশিংনি । লৌমীনি অদুবু মখোয়দা ৱাফমশিং অসিগী অফ ফৎত অদু পুক্নিংদা লৈরম্মী মদুদি মতৌ অসুম্না তৌরগদি ফগনি, মতৌ অদুম্না তৌরগদি ফগনি ।

মখোয়না লেপতনা খল্লমী । ঙসিদি মদুগী ঘণু ফাওবা লম্বী অসি চাওথোকহন্নবগী মায়কৈদা নেস্নেল হাইৱেগীদমক ঐখোয়না য়াম্না চাওনা চাদিং তৌগদৌরি । ঙসি মসিগী থৌরম অসিদা অমসুং জিলাগী মরুওইবা: অমসুং জামনগর জুনাগর জিলাবু শম্নহন্দুনা পোরবন্দর জিলাবু শম্নহন্দুনা চাওরাক্না কোতী লিশিং তরুক্কী শেনফম চংগদবা প্রোজেক্ত অদু অদোম্না ৱাখলনা শাগৎপিরো । মাধব সিংহ সোলনকিয়ানা মুখ্য মন্ত্রী ওইরিঙৈ মতম অদু নিংশিংবিয়ু । মতমদুদা পাওচেগী অহানবা লমায়দা ফোতো অমা নমলম্মী । ফোতো অদু ঙসিশু ঐহাক্না নিংশিংলি মতম অদুদদি ঐহাক রাজনিতীদা খোংদাদ্রি । ঐহাক সমাজকী লমদা থবক তৌরম্মী । জামনগরদা, জামনগরদরা জামনগর জিলাদা ইশিংগী তেঙ্কি অমা শঙ্গানবা মতম অদুদা মাধব সিংহ লাকলম্মী । মতম অদুগী সরকারগী ৱাখল্লোন অমসুং ঙসিগী সরকার অসিগী ৱাখল্লোন অদু য়েংবিয়ু মদুদি মতৌ করম্না থোং শেম্বগে, করম্না লম্বী শেম্বগে । ইশিংগী তেঙ্কি অমা শঙ্গারদুনা লমায় অপুন্বগী এদবর্তিজমেন্তকী মনুংদা অহানবা লমায়দা ফোতোশিং নম্বা মখোয়গীদমক্তা চাওখৎপগী ৱাখল্লোনগী পনখৈ অসি মদুদা লোইরম্মী ।

মালেম অসি অহোংবা লাক্লে অমসুং হোংলক্লিবা মালেম অসিদা দিবলপমেন্তপু অনৌবা থাক্তা পুখৎপনা ভরতমচা পুম্নমক্না চাওথোক্না লেপ্পা ঙমগনি । অসিগুম্বা হিন্দুস্থান অমা শেমনবা মংলান অদু হিন্দুস্থান পুম্নমক্কী মংলান্নি । মংলান অসি নরেন্দ্র মোদী খক্তগী নত্তে । কোতী চাম্মগা কুনমঙা লৈরিবা ঙারতমচা পুম্নমক্কী মংলান্নি ।

ঐহাক্তি শুপ্নগী ময়ামগী মংলান অদু মংফাওহন্নবা থবক তৌজবনি । গুজরাতকী মনাক্তা কিলোমিতর ১৬০০ শাংবা সমুদ্র তোর্বান লৈরি । ঐখোগী ঙামী ইচিল ইনাও ইচল ইচেশিং সমুদ্র তোর্বান্দা লৈরি । ব্লু ইকোনোমীগী ওইথোকপা য়াবা পুম্নমক ঐখোয়গী সমুদ্র তোর্বান্দা লৈরি । ঐখোয়না হিথাংফমশিংবু দরকারগী মতুং ইন্না চাওখৎহনবা পাম্মী । ঐখোয়না হিথাংফমশিংবু লম্বীগা শম্নহন্নবা, রেলগা শম্নহন্নবা, এয়ারপোর্তকা শম্নহন্নবা, ৱেয়র হাউজিং কোল্দ স্তোরেজ লৈগদবা মালেমগী লৈবাকশিংদা ভারতকী লৌমীশিংনা পুথোকপা পোৎথোকশিং অদু অতেনবা মতমদা য়ৌহন্নবা ইনফ্রাস্ত্রকচর অদু শেমগৎপা পাম্লি । ঐখোয়গী ঙামীশিংগী ইমপৱার তৌবা তাই । মখোয়গী পুক্নিং থৌগৎপা তাই । মরম অদুনা ঐখোয়না অদুগুম্বা প্রোজেক্ত অমা পুরক্তুনা ঙামী ইচিল ইনাও ইচল ইচে খরদি ঐখোয়গা চৎমিন্নবা তাই ।

সরকারনা মখোয়দা লোন পিগনি । শেন্দোয় পিক্না লোন পিথগনি । অমদি কোতি অমা মখায়, কোতী অনিগী অচৌবা হিশিং মখোয়না ফংবা ঙমলগনি । মদুগী শিল লাংগনি । অমসুং করিগুম্বা কোতি অমা মখায়, কোতী অনিগী অচৌবা হিশিং লৈরগদি নোতিকল মাইল তরা- তরামাথোইদগী হেন্না সমুদ্র মনুং চংবা ঙমহল্লগনি । মফম অদুদদি সমুদ্র মনুংদা ঙাগী সমুদ্র লৈরি । দীপ সিদা করিগুম্বা মখোয়না মফম অদুদা চৎলগদি, নুমীৎ হুম্নিদা পাংথোক্কদবা থবক অদু নোংমদা পাংথোক্তুনা শরুক অহুম মরী হেন্না শেন্দোং লৈহল্লগনি ।

ঐখোয়না পায়খৎলিবা অহোংবগী মায়কৈ অসিনা দিবলপমেন্ততা অনৌ অনৌবা লমশিংদা মীচম প্রজাগী পুন্সিদা অহোংবা পুরক্নবা হোৎনরি । মদুনা মরম ওইরগা মশিগী মহৈশিং অসি লাক্কদৌরে । মাংগরোল অমসুং বেরাবল ঐখোয়গী মহৌশাগী ফিশিং ঙব ওইদুনা লাক্লি । হৌজিক ভারতকী ঐখোয়গী রাষ্ট্রপতিজী লাকপিরম্মী । ঐহাক্না মহাক্কী লমন তোনশিনজরে মদুদি মহাক্না মাংগরোলগী মনুংদা থবক অসি খুমাং চাওশিনহন্নবা অচৌবা খোংথাং অমা লৌখৎলে য়াম্না চাওবা প্রোজেক্ত অমগী মওং পিরে । মসিগী ফিশিং হব অসি লাক্কদৌরিবা মতম খরা অসিদা অচৌবা মওং মতৌ অমাদা উবা ফংলগনি । ঐখোয়গী সমুদ্র তোর্বান অপুনবা ব্লু ইকোনোমীগী মখাদা, তুরিজমগী ইকোনোমীগী মখাদা ইনফ্রাস্ত্রকচরগী মখাদা মাংলোমদা চংশিল্লি । মদুগা লোয়ন লোয়ননা হ্যুমেন রিসোর্স দিবলপমেন্ত ।

ঐহাক্না গুজরাত মীয়ামদা খুদোল অমা তমনবা লাওথোকপা পাম্লি । মসি গুজরাত খক্তা নত্তনা হিন্দুস্থান পুম্নমক্না কান্নগদবা ৱাফমনি । অদুবু ঐখোয়গী সমুদ্র তোর্বান্দা ওইগনি অমসুং লাইগী লৈবাক দ্বারকাদা ওইগনি । ঐখোয়গী সমুদ্র তোর্বান ঙাক শেন্নবা মেরিন পুলিস অসি অদুগুম্বা লমনি মদুবু ভারতনা য়াম্না মোর্দন ওইহন্নবা মায়কৈদা থবক তৌরি । অচম্বা পুলিসতগী মখোয়গী ত্রেনিং তোঙানগনি মরমদি সমুদ্রদা সমুদ্র তোর্বান্দা কিলোমিতর মঙাগী অপুন্বা শুরক্সাগী থবক মখোয়না পাংথোক্কনি অদুনা মসিগী লৈবাক পুম্বগী মেরিন পুলিস ত্রেনিংগী ইন্সতিট্যুত রিসার্স ইন্সতিট্যুত লৈবাক্কী খ্বাইদগী চাওবা অমসুং অহানবা ইন্সতিট্যুত লাইগী লৈবাক দ্বারকাদা মোজপকী মনাক্তা শেমগৎলগনি । লৈবাক পুম্বদগী জামনগরগী মনুংদা এয়ারপোর্ততা ঐখোয়গী ত্রেনিং ইন্সতিট্যুত লৈরি । এয়ার ফোর্সকীদমক লৈবাক পুম্বদগী মীয়াম্না মদুগী কান্নবা ফংলি । মতৌ অদুম্না লাইগী লৈবাক দ্বারকা অসিদা মসিগী মেরিন পুলিস ইন্সতিট্যুত অসিনা হিন্দুস্থান পুম্বদগী পুলীসকী মীয়ামগী ত্রেনিংগী অমসুং মদুদা মশা মতোমতদা মীওই লিশিং কয়া লৈগদবা, চৎথোক চৎশিন তৌরগদবা । অচৌবা ইকোনোমী অমসু মসিগা শাগোন্নরি হাবা অদু অদোম্না খনবিরো ।

ইচিল ইনাও ইচল ইচেশিং ময়াম পুম্নমক দীৱালিগী থৌরাং তৌবদা চিল্লমগনি । অমসুং গুজরাত্তা দীৱালিগী থৌরম অসি তোঙানবা মগুন অমা লৈরি ।

ললোনবশিংগীদি অমুক হেন্না মরু ওই । অমসুং ঐহাক্না ঙসি লৈবাক অসিগী পাওচে পুম্নমক য়েংলে মদুদা হেদলাইন ওইনা দীৱালি অসি নুমীৎ তরামঙা ঙনখৎনা লাক্লে হায়রি । মায়কৈ মরিমক্তা দীৱালিগী শক্তম অমা উবা ফংলি । ঙরাং ঐখোয়না জিএসতিগীদমক য়াম্না মরু ওইবা ৱারেপ লৌখি । অমদি ঐহাক্না হান্ননা হায়খ্রে মদুদি চৎনহল্লবা মতুং থা অহুম য়েংখিনি অমসুং থা অহুম অদুদা খুদোং চাদবা মফমশিং অদু য়েংশিন্দুনা খংলকপশিং অদুগী মতুং ইন্না ঙরাং ঐখোয়গী শেল থুমগী মন্ত্রীনা জিএসতি কাউন্সিলদা পুম্নক্কা য়ান্নদুনা য়াম্না চাওবা ৱারেপ অমা লৌখ্রে অমসুং ঐহাক্না নুঙাইবা ফাওই মদুদি খোংজেল অমত্তা ওইনা হিন্দুস্থানগী কাচিন কোয়া খুদিংদা মসিবু তরাম্না ওকখি অমদি মসি লৈবাক অসিগী পাঙ্গলনি । সরকার অমদা থাজবা থম্বা মতমদা নিয়মশিংগী মরুমদা পুকচেল শেংবা অমা উবা ফংই । অদু ওইরগদি লৈবাক অসি অৱাবনা থল্লবা ফাওবা থৱায় হকচাং য়াওনা অমত্তা ওইনা পুল্লি । মদু ঐঙোন্দা ফাওরি । মরম অদুনা ঐহাক্না লৈবাক মীয়ামগী লমন তোনশিনজরে মদুদি জিএসতিদা ঐখোয়না সিম্পল তেক্সপু হেন্না সিমপ্লর ওইহন্নবা হোৎনরি । মদুবু তরাম্না ওকখিবা অদুগীদমক ঐহাক্না মহাকপু থাগৎপা ফোংদোকচরি ।