ভারতকী প্রধানমন্ত্রী

ভারত ইমানা য়াইফরে

ভারত ইমানা য়াইফরে

ভারত ইমানা য়াইফরে

ভারত ইমানা য়াইফরে

মন্ত্রীমন্দলদা ঐহাক্কী মরূপলোয়, লৈবাক অসিগী ঙাকশেল মন্ত্রীগী থৌদাং লৌরিবা অহানবা নুপী শ্রীমতি নির্মলা সিতারমনজী, দা. সুভাশ ভামরে জী, লান্মী অহুমগী মকোকশিং, এন.সি.সি.গী দাইরেক্তর জেনরেল, মীরৈবাক্তগী লেংবিরক্লিবশিং অমসুং এন.সি.সি.গী অচৌবা ত্রেদিসনগী শরুক ওইরিবা ঐহাক্কী নহা ওইরিবা মরূপশিং।

নেস্নেল কেদেতস কোর্পসকী রিপব্লিক থৌরমগী কেম্পতা অমুক হন্না ময়ামগী মরক্তা লাকচবা অসিদা হান্নগী মতৌগুম্না নুঙাইবা ফাওজরি। অদোম ময়ামগী মরক্তা ৱারি শান্ননবা লাকপা মতম খুদিংদা হৌখ্রবা ৱাফম কয়া অমা পুক্নিং ৱাখলদা ফাওরক্লি। অকনবা পুক্নিং ইহুল অমসুং দিসিপ্লিন অনি অসিদা অদোম্না হিংলিবা অদুম্না  ঐহাকশু মীকুপশিং অদু হিংনবা তঞ্জা ফংজখি। কেদেত অমগুম লেনখিবা নুমীৎ অদু ঙসিসু ঐহাক্কী রিজোলুসনবু, ঐহাক্কী ইন্সপিরেসনবু ইনর্জী পীরি।   

মরূপশিং, কেম্প অসি মসানা মশেক মঙাল লৈবা হৌখ্রবা অমসুং ফ্যুচরগা লোয়ননা মসিগী য়াম্না চাওবা সেগ্নিফিকেন্স লৈরি। কেম্প অসিগী শরুক ওইরিবা কেদেত পুম্নমকপু ঐহাক্না হন্না–হন্না য়াইফ পাওজেল অমসুং নুঙাইবা ফোংদোকচরি। মমাং চহীদা ঐহাক্না অদোম ময়ামগী মরক্তা লাকচখিবা মতমদা ময়ামগী মফমদা করিগুম্বা খরা হায়জখি। লৈবাক অমসুং সমাজকা মরী লৈনবা মরুওইবা হিরমশিংদা এক্তিব ওইনা থৌদাং য়ানবা অদোম ময়ামগী মফমদা অপীল তৌজখি।

ঐহাক্না নুঙাইবা ফাওই মদুদি হৌখিবা চহীদা এন.সি.সি.গী কেদেৎশিংনা মশিং য়াম্লবা মরুওইবা খোংথাংশিংগা লোয়ননা শম্নরি। স্বচ্ছ ভারত অভিয়ান ওইগেরা, দিজিতেল ত্রাঞ্জেক্সন ওইগেরা, বেতি বচাও– বেতি অভিয়ান ওইগেরা, এনভাইরনমেন্তকা মরী লৈনবা ৱাফম ওইগেরা। পব্লিক এৱারনেসকী অসিগুম্লবা থৌগমশিংদা অদোম্না হোৎনখিবশিং অদু থাগৎনিঙাইনি।

অখন্ননা কেরলাদা লাকখিবা ইচাওগী মতুংদা মী কনবা অমসুং তেংবাং পীবগী থবকশিংদা এন.সি.সি.গী কেদেৎশিংগী থৌদাং য়াম্না থাগৎনিঙাইনি। অদোম্না মফম অসিদা তম্লিবা মতেং অমসুং কত্থোকপগী পন্দুপ অদু অদোম্না কেরলাদা অৱাবা তারবা মীওইশিংবু মতেং পাংনবা থবক্তা শিজিন্নখি। ঐহাক্না থাজবা থম্লি মদুদি অদোম্না মতৌ অসুম্না ইশাগী থৌদাং অদু মতম পুম্নমক্তা লৌগনি।

মরূপশিং, নুমীৎ নিনিগী মমাংদা ঐখোয়গী গনতন্ত্রনা চহী ৭০ শুবদা খোংদারক্লে। মমাংদা রাজপথতা অমদি ঙসিনা মফম অসিদা অদোম অদোমগী মায়থোংগী মশেক মঙাল অমসুং অদোম অদোমগী দিসিপ্লিনগী মওং মতৌশিং অদুদা ভারতকী খোংথাং অদু উবা ফংই। অদোমগী অসিগুম্লবা খাংবা কনবা, অদোমগী অসিগুম্লবা ইন্থুসিয়াজম্না মরম ওইদুনা ভসিদি ভারত অনৌবা অত্মাবিশ্বাসনা থলহল্লে। ঙসিদি মালেম অসিনা হায়রি মদুদি ভারত অসি ওইথোকপা য়াবশিং অদু খক্তনা থনবা লৈবাক ওইবতা নত্তনা মদুবুসু পাংথোক্লি।

মরূপশিং, লৈবাক্কী ইকোনোমী ওইগেরা নত্রগা য়েক্নবা থেংননবা ঐখোয়গী পাঙ্গল ওইগেরা, থাক খুদিংমক্তা ঐখোয়গী তৌবা ঙম্বা অদু হেন্না পাকথোক চাওথোকহল্লে। ঐখোয়গী লান্মীনা পাওজেল অসি পীররে মদুদি ঐখোয়না কনাদসু কাইহৌদে অদুবু কনাগুম্বশিংনা কায়হৌরক্লগদি মদু ঐখোয়না লেম্না থাদে। ঐখোয়গী শান্তিগী অকনবা সপোর্তরনি। অদুবু লৈবাক্কী রক্ষাগীদমক খোংথাং অমা হেক্তা লৌখৎপদা ঐখোয়না নিংহন্নরোই। মসিনা মরম ওইরগা হৌখিবা চহী মরি মখায় অসিদা লৈবাক্কী রক্ষা অমসুং সেক্যুরিতীবু মরুওইনা লৌদুনা তোঙান তোঙানবা ৱারেপশিং লৌখ্রে।

মরূপশিং, ভারত অসি ঈশিং, কংফাল অমসুং নোংথক্তগী নইক্লিার এতেক্ত তৌবা ঙম্বা অমসুং মশাবু ঙাকথোকচবা ঙম্বা মালেমগী খনগৎলবা লৈবাকশিংগী মুনুং চল্লে। মসিদসু নত্তনা চহী তরাগী খুজিং কয়াদগী পন্দুনা লৈরক্লবা ফাইতর জেৎশিং অমসুং অনৌবা থাক্কী তোপশিংগা মরী লৈনবা এগ্রীমেন্তশিং লৈমায়থক্তা পুথরক্লে। লৈবাক অসিদসু মিসাইদগী হৌরগা তেঙ্ক, বোম তোপ অমসুং হেলিকোপ্তর শারি। ঐহাক্না নহা ওইরিবা মরূপশিংদা থাজবা পীরি মদুদি লাক্কদৌরিবা মতম খরা অসিদা লৈবাক অসিগী সেক্যুরিতীগীদমক দরকার ওইবা অচৌবা অমসুং অচেৎপা ৱারেপশিং লৌরগনি। লৈবাক অসিনা সেক্যুর ওইরবা মতমদা, কেপেবল ওইরবা মতম অদুতদা নহাশিংনা মখোয়গী মংলানশিং মংফাওনহনবা ঙমগনি।

মরূপশিং, ময়াম মফম অসিদা লৈবাক অসিগী তোঙান তোঙানবা মফমশিংদগী লাক্লি। অদোম ময়ামগী মরক্তগী কয়া অমদি তোঙান তোঙানবা অপিক অপিকপা খুঙ্গংশিং অমদি তাউনশিংদগী তোঙান তোঙানবা লমদমশিংদগী লাকপা ঙাক্তনি। ঐহাক্না ময়াম্না হোৎনজমন অদু খংজৈ। অদোম্না কৎথোক্লিবা অদু খংজৈ। ঐহাক্না ময়ামদা মসি অমত্তং হায়জনিংই মদুদি হোৎনরিবশিং অসিনা ঐখোয় পুম্নমকপু চাওখৎহল্লি। ঐখোয়গী য়ুম্বীবু চেৎশিনহল্লি। হোৎনখিবা অদুগী মহৈ করি ওইবগে হায়বদু খংনবগীদমক্তা এন.সি.সি.গী কেদেৎশিংনা য়াম্না লাপ্না চৎপগী মথৌ তাদে। অদোমগী মরক্তগী য়াম্লবা মরূপশিংনা হন্দক্তা অঙকপা থৌনা উত্তুনা লৈবাক অসিবু চাওথোকচনবা মীকুপশিং পীখি।     

মাউন্তেনরিং অমসুং ত্রেক্কিংগুম্বা এদভেঞ্চর এক্তিবিতীশিং ওইগেরা নত্রগা শান্ন–খোৎনবগী লম্পাক্তা মচু অহুমগী ফিরাল পাইহনবগী থবক ওইগেরা, কেদেৎস কয়া অমনা মাংলোমদা চংশিল্লক্লি। নোর্থ ইস্ত দাইরেক্তোরেৎকী কেদেৎ হিমা দাসপু ঙসি মালেম অসিনা ইজ্জৎ লৈনা শকখংবা হৌরক্লে। ফৌগী লৌবুকশিংদা চেন–চোংদুনা, লৌবুক্কী লৌরিশিংদা চেনবা তমদুনা হিমা দাসনা ঙসি থাক অসিদা য়ৌরক্লিবনি। অপাম্বা অমগা লোয়ননা অহানবদা হিমানা জুনিয়র এথেলেতিক চেম্পিয়নশিপতা অমসুং মথংদা এসিয়ান গেম্সতা লৈবাক অসিবু চাওথোকপা পোকহনখি।

মরূপশিং, মং মংবা অমদি এস্পিরেসনশিংবু পাংথোকপা অসিমক্না নহাশিংবু মশক তাক্লি, মসিমক মখোয়গী মহৌশাগী পীথোরক্লবনি। অদোম অদোমগী মংলানশিং অমসুং এস্পিরেসনশিং অদু হেন্না ৱাংনা পাইজসনু। হৌজিক লৈরিবা সরকার অসিনা লৈবাক অসিগী নহা পুম্নমকপু মং মংলিবা পুম্নমক্কা লোয়ননা লেংমান্ননা লেপমিন্নরি অমদি পুন্না চৎমিন্ননবা থৌরাং তৌরি। মরূপ পুম্নমক্না লৈবাক অসিগী ৱার্ক ফোর্সতা চৎনবগীদমক থৌরাং তৌবা মতমদুদা ঐহাক্না থাজবা পীবা পাম্লি মদুদি অদোম করম্বা ইমুংদা পোকপনো, অদোম কনাগা খংন চান্নৈ, অদোমগী ইকোনোমীগী ফিভম কমদৌই হায়বা অদুগী মখাদা অদোমগী তুংগী লাইবক লেপলোয়। অদোমগী স্কিল, অদোমগী আত্মবিশ্বাস, অদোমগী থবক থৌরমশিং অদুনা মহৈ ফংহল্লগনি।  

মরূপশিং, মসিগী ত্রেদিসন অসি থুগায়নবা সমাজদা মখল খুদিংমক্কী খল মান্নদবা, ময়ামগা মান্নদবা অদু য়েন্থোক্নবগীদমক মগুন লৈনা হোৎনবা মথৌ তাই। ভি.আই.পি. নত্তবা ই.পি.আই. হায়বদি ইভরী পর্সন ইজ ইম্পোর্তেন্ত , সংস্কার অসিবু চেৎশিনহন্নবা লেপ্পা লৈতনা হোৎনরি। গারিগী মথক্তগী অঙাংবা মৈঙালশিং লৌথোকখ্রে। হৌজিক্তি ৱাখলদগী ফাওবা মদু লৌথোক্নবা হোৎনরি।

মরূপশিং, চাং মান্ননা খুদোংচাবা ফংবগী ৱাফম লাকপা মতমদা মরুওইবা হিরম অমা ঐখোয়গী ইচানুপীশিংগসু মরী লৈনরি। ঐগী ইমাংদা ফম্লিবা কেদেৎ পুম্নমক ইচানুপাশিং ওইগেরা ইচানুপীশিং ওইগেরা, অদোমগী অকনবা পুক্নিং ইহুলদা অমদি অদোমগী পাঙ্গল শক্তিদা খেৎনবা অমত্তা লৈতে। ইচানুপীশিংবু মখল খুদিংমক্কী খুদোংচাবগা মরী লৈনহনবা অসি ঐখোয়গী সরকারগী প্রায়োরিতীনি। হৌখিবা চহী মরি মখায়দা ইচানুপিশিংবু ৱার্ক ফোর্সতা পুক্নিং থৌগৎনবগীদমক তোঙান তোঙানবা খোংথাংশিং পায়খৎলি। লেবর, সর্বিস অমসুং উদয়মগা লোয়ন–লোয়ননা লৈবাক্কী দিফেন্সতসু ঐখোয়গী নুপীশিং থৌদাং য়ারি। মসিগীদমক মশিং য়াম্লবা পুৱারি ওইরবা খোংথাংশিং পায়খৎলি। অহানবা ওইনা ঐখোয়গী ইচানুপীশিং ফাইতর পাইলোৎ ওইরক্লি। তারিনীগী দিগনিতী অদু মালেম পুম্বনা উখ্রে। হৌজিক্তি লান্মীদসু ইচানুপীশিংগী শরুক য়াবা অদু চেৎশিলহন্নবা অচৌবা ৱারেপ লৌখ্রে। মিলিতরী পোলিসক অপুনবা কোর্পতা চাদা ২০ নুপীশিং লৌনবগীদমক খোংথাংশিং লৌখৎলি।      

মরূপশিং, নুপীগী শক্তিগী মতৌ অদু হৌখিবা চহী মরি মখায় অসিদা রাজপথতসু উবা ফংখ্রে। হৌখিবা চহীদা ৱুমেন স্বাত স্ক্বাদ রাজপথদা খোংদাখি অমদি চহী অসিদা লৈবাক অসিগী পুৱারিদাদা অহানবা ওইনা নুপী জৱানশিংগী অপুনবা স্ক্বাদ অমা পেরেদতা শরুক য়ারি। লৈবাক অসিনসু অহানবা ওইনা উরে মদুদি নুপাগী স্ক্বাদপু নুপী অমনা লুচিংলি। ইচানুপীশিংনা সমাজকী লম খুদিংমক্তা লুচিংনবা, মসিগীদমক হেন্না ফবা ফিভম ওইহন্নবা হোৎনরি।

মরূপশিং, খুদোংচাবশিংগী লম্বীদা শেঞ্জা–থুমজাসু য়াম্না চাওবা অপনবা অমনি। শেল চাবা, মরী মতাগী য়েংবা, মশাগীদা খনবা অসি ঐখোয়গী সিস্তেমদা মখোয়শিং অসিগীদমক মফম অমত্তা থমলোয়দবনি। শেঞ্জা–থুমজা, অনৌবা ভারতকী সংস্কার ওইহনলোয়দবনি। ঐহাক অমসুং ঐহাক্কী সরকারগী ৱাখল্লোন অমসুং এক্সন অনিমক ৱাফম অসিগী সাক্ষিনি মদুদি শেঞ্জা থুমজা তৌবশিং, ফনা য়াম্না চাওজসনু, ফনা য়াম্না অকন অথৌ ওইসনু, অমত্তা লেম্না থারোই। লাইরবদগী লাইরবা মীওইশিংগী হকপু লুত তৌরিবশিংবু শেংদোকপদা ঐহাক এবিলিতী পুম্নমক্কা লোয়ননা অমসুং পুকচেল শেংনা থবক তৌরি।

মরূপশিং, ঙসি সরকার অসিনা তৌবা ঙম্লিবা পুম্নমক অসিগী তুংদা নহা ওইরিবা মরূপ ময়ামগী অচৌবা থৌদাং লৈরি। স্বচ্ছ ভারতকী অন্দলোনসু অদোম্না মাংলোমদা পুখৎখি। শেল চৎনহনখিদবগুম্বা অকনবা ৱারেপশিংনা শেঞ্জা–থুমজাগী মায়োক্তা লান্থেংনবদা অদোম্না সপোর্ত তৌখি। দিজিতেল ইন্দিয়াগী খুত্থাংদা পুকচেল শেংবা অমসুং ত্রান্সপরেন্ত ওইবা সিস্তেম শেমগৎপদা অদোম্না য়াম্না চাওবা থৌদাং লৌরি। ৱাফম অমসু ময়ামদা হায়জরি, লৈবাক অসিগী হেরিতেজ, লৈবাক অসিগী অথৌবশিংগী নিংশিংবগা মরী লৈননা হৌখিবা চহি মরি মখায় অসিদা মফম অসিদা দিল্লীদা অসিগুম্লবা মশিং য়াম্লবা শেংলবা মফমশিং শেমগৎলে, মফম অদুদা অদোম্না চৎলগদি তমজনিঙাই ওইবা কয়া অমা ফংগনি। অদোমগী মরক্তগী খরা অমদি মফমশিং অদু য়ৌরম্বসু য়ারে। অদুম ওইনমক ময়ামগী মফমদা মসিগী মরমদা হায়জনিংই। মদুদি হন্দক্তা লাল কিলাদা লালহৌগী লাইশং শঙ্গাখ্রে। লালহৌগী লাইশং অসি নেতাজি সুভাশ চন্দ্র বোসতা কৎথোকপনি। অদোম্না মফম অদুদা চৎপা মতমদা অজাদ হিন্দ ফৌজ অমসুং লাল কিলাগী মরক্তা লৈনরিবা মরী অদু খংবা ঙমগনি। মতৌ অসুম্না হৌখিবা চহীদা নেস্নেল পুলিস মোনুমেন্তসু শঙ্গাখ্রে। লৈবাক অসিগী মনুংদা লৈরিবা মফমশিংদা লো অমসুং ওর্দর থম্নবা হোৎনবদা থৱায় থাখ্রবা পুলিস অমদি সেক্যুরিতী ফোর্স লিশিং কয়াগী মেমোরীদা মোনুমেন্ত অসি শেমগৎখি। ময়াম পুম্নমক্না অলিপুর রোদতা শেম্লিবা বাবা সাহেব ভীম রাও অম্বেদকরগী পরিনির্বন স্থলদসু চৎপা য়াই।

মরূপশিং, মফমশিং অসিনা দিল্লীগী অনৌবা শক্তম ওইরি। সরদার পতেলগী অনৌবা মোনুমেন্ত দিল্লীদা শারে। দিজিতেল ম্যুজিয়ম শেমগৎলে। মফমশিং অসিনা অদোম্না পুৱারিগা মরী লৈনবা, অথৌবা কয়াগা মরী লৈনবা কয়া খংবা ঙম্বগা লোয়ননা লৈবাক্কীদমক থবক তৌনবা, সমাজকীদমক থবক তৌনবা অনৌবা ইনর্জী অমসু ফংলগনি। লাক্কদৌরিবা থা খরা অসিদা মতম কুইনা ঙাইরকপগী তুংদা নিং তম্লবা মতুং লৈবাক্কীদমক থৱায় থাখিবা ঐখোয়গী থৌনা ফরবা জৱান, ঐখোয়গী লান্মীগী জৱানশিংনা জাতিগী থাক্তা ৱার মেমোরিয়েলগী লৈবাক অসিনা ঙায়রম্বা অদু, মতম কয়াগী মমাংদগী পন্দুনা লৈরক্লবনি। থবক অসি চহী কয়াগী মমাংদা লোয়শিনবা য়ারম্লবনি। অদুবু ঐখোয়না সরকার পায়রকপা মতুং ঐখোয়না লোইশিন্নবা ৱারেপ লৌদুনা লোইশিনলক্লে অমদি ফেব্রুৱারী থাদা লৈবাক অসিগী থৌনা ফবা, অৱাংবা থাক্তা কত্থোকখিবা অদুগুম্লবা থৌনাফবশিংগী মোনুমেন্তদা ভারতকী জাতিগী থাক্কী ওইবা ৱার মেমোরিয়েল শেম্বা লোইশিল্লক্লে। ফেব্রুৱারী থাদা মদু শঙ্গাবগী তঞ্জা ফংলগনি অমসুং লৈবাক অসিগী ঐখোয়গী থৌনা ফরবা জৱানশিংবু ইকায় খুম্ননবা লাইবক ফরবা তঞ্জা অদু ফংলগনি। ঐহাক্না অমুক হন্না ময়াম পুম্নমকপু হন্না–হন্না নুঙাইবা ফোংদোকচরি। তঞ্জা অসিনা ঐখোয়গী ৱাখলবু হোংহল্লি। মসিনা ইশাগী খুঙ্গং, ইশাগী ইরৈকাই, ইশাগী শাগৈ নাতৈ নত্তনা লৈবাক্কী ওইবা ৱাখল খন্ননবগীদমক্তা তঞ্জা অমা পীরি। ঙসি ঐহাক্না চাওথোকপগা লোয়ননা হায়জরি ভারত মচা কোতি চামগা কুনমঙাবু অনৌবা আশাশিং অমসুং এস্পিরেসনশিংনা থনবা ওইরসনু, অমদি মসিনা মরম ওইদুনা ঐহাক্কী লৈবাক অসিনা অনৌবা অৱাংবা থাক লান্দুনা চৎকনি হায়বা ঐহাক্না থাজবা থম্লি। মংলানশিংবু শোয়দনমক্কী মংফাওনহনগনি। লাকপীরো, ঐখোয় অমত্তা ওইনা পুন্দুনা ভারত ইমাগী জয়কারগী ইশৈ শক্তুনা মংলানশিং অদু অনৌবা ইনর্জী পীরসি, অনৌবা পাঙ্গল পীরসি, অনৌবা ৱারেল লৌরসি। ঐহাক্কা লোয়ননা হায়বিয়ু–

ভারত ইমানা য়াইফরে

ভারত ইমানা য়াইফরে

ভারত ইমানা য়াইফরে

হন্না–হন্না থাগৎচরি।