ভারতকী প্রধানমন্ত্রী

এক্সিলেন্সী,

ঐহাক অমসুং ঐহাক্কী মীহুৎ কাংবুবু তরাম্না ওকপগীদমক্তা ঐহাক্না অদোমগী মফমদা থাগৎপা ফোংদোকচরি। চহি তরাগী খুজিং অমগী মতুংদা নেদরলেন্দসতা লাকপদা ঐহাক নুংঙাইবা ফাওই। হৌখিবা চহি তরাগী খুজিং অসিদা, ভারত-নেদরলেন্দস পার্তনরশিপ্না চাউনা খুমাং চাউশিল্লি।

এক্সিলেন্সী,

ঐখোয়না নেদরলেন্দসপু ভারতকী খ্বাইদগী মরুওইবা পার্তনর অমা ওইনা লৌই। নেদরলেন্স অসি ভারতকী খ্বাইদগী মকোক থোংবা ইনভেস্তর মঙাগী মনুংদা লৈ। ঐখোয়গী পুৱারী, চৎনবী অমসুং মীয়ামগী মরক্তা লৈনরিবা মরী অসিসু য়াম্না চেৎশিল্লি। দিমোক্রেতিক ভেল্যুশিং, মার্কেত ইকোনোমী, অমসুং থৌদাং য়াবা মতৌ অসিনা ঐখোয়গী মান্নবা মীৎয়েং অসিগী মরুওইবা শরুক অমা ওইরি। ঈশিং, হেল্থকেয়র অমসুং এজুকেসনগুম্বা সেক্তরশিংদা ঐখোয়গী কোওপরেসন অসিনা ঐখোয়গী মীয়ামগী পুন্সি ফগৎহল্লি। অসিগুম্বা হেনগৎলক্লিবা কোওপরেসন অসি য়েংলগা, ঐখোয়না নেদরলেন্দসপু ২০২৩দা ভারতনা জি-২০ প্রসিদেন্সীগী মতমদা গেস্ত কন্ত্রী অমা ওইনা শরুক য়ানবা কৌখি। নেদরলেন্দসকী হান্নগী প্রধান মন্ত্রীনা হৌখিবা ফেব্রুৱারীদা ভারত্তা পাংথোকখিবা এ.আই. ইম্পেক্ত সম্মিৎতা শরুক য়াখিবা অসিদা ঐখোয়না নুংঙাইবা ফাওই।

এক্সিলেন্সী,

ভারত অসি মালেমগী খ্বাইদগী নহা ওইরিবা লৈবাক অমসুং মালেমগী খ্বাইদগী য়াংনা চাউখৎলক্লিবা মরুওইবা ইকোনোমীনি। নহাক্না নেদরলেন্দস অমসুং অনৌবা য়ুরোপিয়ন লুচিংবশিংগী মহুৎ শিন্মী ওইরি। সেক্তর খুদিংমক্তা নেদরলেন্দসকী এক্সপর্তিস অসি ভারতকী স্পীদ অমসুং স্কেলগা লোয়ননা ঐখোয়না পুনশিনবা তাই। ঐখোয়না ইন্নোবেসন, ইনভেস্তমেন্ত, সস্তেনেবিলিতী অমসুং ঙাকশেলগুম্বা হিরমশিংদা তেংবাং পীনবা অসি অনৌবা থাক্তা পুখৎনবা পান্দম থম্লি। অসিগুম্বা অপুনবা মীৎয়েং অসিগা লোয়ননা, ঐখোয়না ঙসি ভারত-নেদরলেন্দসকী মরীশিংবু স্ত্রেতেজিক পার্তনরশিপকী থাক্তা পুখৎলি। অমুক হন্না মীয়োক মীচান ফাবা মওংদা তরাম্না ওকপীবগীদমক হন্না-হন্না থাগৎপা ফোংদোকচরি।

****