ভারতকী প্রধানমন্ত্রী
নেপালগী হান্নগী প্রধান মন্ত্রী অমসুং নেপাল কম্যুনিস্ত পার্তীগী কো-চেয়রমেন শ্রী পুশ্প কমল দহল ‘প্রচন্দ’না ঙসি প্রধান মন্ত্রী শ্রী নরেন্দ্র মোদীগা উনখ্রে।
লুচীংবা অনিনা ভারত-নেপালগী মরিগী চাউখৎ-খোংথাংগা লোইননা শরুক য়ামিন্নরিবা কান্নবশিংগী হিরম অতৈ কয়াগী মতাংদসু খন্ন-নৈনখি।
প্রধান মন্ত্রীনা মমাংদা মখোয়না উনখিবা অদুবু নীংশিংলদুনা ভারত-নেপালগী মরি অসিবু চেৎশিলহনবদা শ্রী দহলগী মমল য়াম্লবা থৌদাং অদুগীদমক থাগৎপা ফোংদোকখি।
চহি অসিদা নেপালদা চৎখিবা মহাক্কী খোংচৎ অনি অদুবু নীংশিংলদুনা প্রধান মন্ত্রীনা হায়খি মদুদি তোইনা পাংথোক্লিবা অৱাংবা থাক্কী ৱারী-ৱাতাই অসিনা ভারত-নেপালগী মরি অসি অৱাংবা থাক্তা পুখৎলি।
