ভারতকী প্রধানমন্ত্রী

য়োর এক্সিলেন্সী, রাইৎ ওনরেবল প্রধান মন্ত্রী

শ্রী কে. পি. শর্ম

ওলী জী,

শক্নাইরবা মীথুংলেনশিং,

শরুক য়াবীরিবা মীদিয়াগী মরূপশিং,

নমস্কার।

প্রধান মন্ত্রী জ্যু,

তপাই লে মেরো হার্দিক স্বাগৎ র সৎকার গর্নুভয়ো।

য়স লাই ম হার্দিক আভার ৱ্যক্ত গর্দ ছু।

মরূপশিং,

নেপালগা লোয়ননা ঐহাক্কী মতম কুইরবা অচেৎপা মরি অমা লৈরি, অদুবু প্রধান মন্ত্রী অমা ওইনা মসি ঐহাক্কী অহুমশুবা নেপাল খোংচৎনি। মসিনা ভারত অমসুং নেপালগী অচেৎপা মরি, ঐহাক অমসুং ঐহাক্কী সরকারগী ৱাশক অদু ময়েক শেংনা উৎলরে।
প্রধান মন্ত্রী অমা ওইনা লাকপা ওইগেরা নত্রগা মীচম অমা ওইনা লাকপা ওইগেরা, নেপালগী মীয়াম্না ঐহাকপু মতম পুম্নমক নুংশিবীরি অমদি ইমুং মনুংগী মীওই অমগুম তরাম্না ওকপীরি। মদুগীদমক ঐহাক্না প্রধান মন্ত্রী ওলী, মহাক্কী সরকার অমসুং নেপালগী মীয়াম্বু থমোয় শেংনা তৌবীমল খঙবা উৎচরি।

মরূপশিং,

হন্দক্কী ঐহাক্কী নেপাল খোংচৎ অসি নেপালদা ফেদরেল, প্রোবিন্সিয়েল অমসুং লোকেলগী থাক্তা মীখল মায় পাক্না পাংথোকখিবা অদুগুম্লবা পুৱারী ওইরবা মতম অমদা ওইররে। মসি নেপালগী পুৱারীদা শনাগী কালিনা ইদুনা লৈহৌরগনি। নেপালগী মীয়াম্না ইকোনোমিক অমদি সোসিয়েল প্রোগ্রেস অমসুং ত্রান্সফোর্মেশনগীদমক, লৈবাক শেমগৎ শাগৎনবগীদমক, প্রধান মন্ত্রী ওলীগী লমজিংখাদা থাজবা থম্লি। নেপালগী মীয়াম্না ফেদরেল, দেমোক্রেতিক ফ্রেমৱার্ক্তা লৈবাক শেমগৎ শাগৎনবা লৌরিবা ফিরেপ অদু থাগৎচরি।

মরূপশিং,

মমাং থাদা প্রধান মন্ত্রী ওলীবু ভারত্তা তরাম্না ওকচনবগী তাঞ্জা অমা ঐহাক্না ফংজখি। ঐখোয়না লৈবাক অনিমক্কী দিবেলপমেন্তকীদমক ঐখোয়না য়েংলিবা মীৎয়েংশিং অদুদা খন্ন-নৈনখি। ঙসি ঐহাক্না মহাক্কা লোয়ননা নেপালগী কোনুংদা পুন্না লেপ্পা ফংজরিবা অসি ঐহাক্কী লাইবক ফবনি। য়ুম্লোন্নবগা লোয়ননা ভারতকী মরূপ ওইবগী ভিজন অদু খোংচৎ অসিদা উবা ফংই।

মরূপশিং,

ভারতকীদমক ঐহাক্কী “সবকা সাথ, সবকা বিকাস”কী ভিজন, অমদি নেপালগীদমক ওলীগী “সমৃদ্ধ নেপাল, সুখী নেপালী”গী স্লোগান অসি অমনা অমগী কমপ্লিমেন্তনি। ঙসিসু ঐখোয়না ভারত অমসুং নেপালগী পার্তনরশিপকী দাইমেনসন পুম্নমক অমুক হন্না য়েংশিনখি। চাউরাক্না হপ্তা মঙাগী মমাংদা প্রধান মন্ত্রী ওলী ভারত্তা লাকপীরম্মি, মতম অদুদা মহাক্না হিরম কয়াদা ঐহাক্কা খন্ন-নৈনখি। তেনখ্রবা মতম অসিদা লৈবাক অনিমক্কী তিমশিং পুন্সিন্দুনা হিরম খুদিংদা থবক পায়খৎলিবা অসিদা ঐহাক অপেনবা ফাওই। ঐখোয়না এগ্রীকলচর, ইনলেন্দ ৱাতরৱেজ অমসুং রেলৱেদা মশিং য়াম্লবা অনৌবা খোংথাংশিং পায়খৎপা হৌরে। মসিনা লৈবাক অনিগী মীয়ামশিং অমসুং ললোন-ইতিক্কী কনেক্তিবিতী হেঙ্গৎহল্লগনি। ইনলেন্দ ৱাতরৱেজদা ঐখোয়গী তেংবাং অদু ঐহাক্না য়াম্না মরুওইনা লৌই। নেপাল অসি লেন্দ-লোক ওইনা লৈবগী মহুৎ লেন্দ-লিঙ্ক অমদি ৱাতর-লিঙ্ক ওইহন্নবা প্রধান মন্ত্রী ওলীগী মীৎয়েং অদু মপুং ফাহনবদা পীবা য়াবা মতে পুম্নমক পীগনি। ঐখোয়গী এগ্রীকলচল মিনিস্তরশিং অথুবা মতমদা উন্নরগনি। অমদি এগ্রীকলচরেল রিসর্স, এগ্রীকলচরেল এজুকেসন অমসুং এগ্রীকলচরেল দিবেলপমেন্তা মতেং পীননবগীদমক রোদমেপ শেম শানবা থবক পায়খৎকনি। রক্সৌল অমসুং কাথমান্দুগী মরক্তা অনৌবা রেলৱে লিঙ্ককীদমক সর্ভেগী থবক অথুবা মতমদা চত্থরগনি। অমদি ত্রেদ অমসুং ইনবেস্তমেন্তদা লৈরিবা ঐখোয়গী মরি অসি হেন্না চেৎশিলহন্নবা ত্রেদকী ত্রীতি অদু অথুবা মতমদা ঐখোয়না কমপ্রেহেন্সিব রিভ্যুশু পাংথোক্লগনি। হকশেলগী তেংবাং পীনবদা ঐখোয়না অনৌবা খোংথাং অমা পায়খৎলে। কাথমান্দুদা লৈরিবা ভক্তপুর কেন্সর হোস্পিতালদা কেন্সরনা নারবশিং লায়েংনবা অথুবা মতমদা ভারত্তা শাবা ভাভাত্রোন রেদিও-থেরাপী মেছিন থম্লগনি।

মরূপশিং,

ঐখোয়গী ৱাতর রিসোর্স অমসুং ইনর্জী কোওপরেসনদা ঙসি অনৌবা পন্দুপ অমা হাপচিল্লে। প্রধান মন্ত্রী ওলীগা লোয়ননা ঙসি মেগা ৱাৎ ৯০০গী অরুন-III হাইদ্রো-ইলেক্ত্রিক প্রোজেক্তকী উরেপ উয়ুং তম্বগী খুদোংচাবা ফংজরে। চাউরাক্না ভারতকী শেনফম লুপা কোতি ৬০০০ চংনা পায়খৎকদৌরিবা প্রোজেক্ত অসি নেপালদা পায়খৎলিবা খ্বাইদগী চাউবা প্রোজেক্তশিংগী মরক্তা অমনি। কনেক্তিবিতী অসি ঐখোয়গী মীয়ামগীগী দিবেলপমেন্তকীদমক য়াম্না মরু ওইবা ফেক্তর অমনি হায়বা ঐখোয় অনিনা য়ানরে। হৌজিক ঐখোয়না লম্বী, রেলৱেজ, পাৱর ত্রান্সমিসন লাইন, ওইল পাইপলাইনগী থোংদা কনেক্তিবিতী হেঙ্গৎহনবা পাম্লি।

মরূপশিং,

ভারত অমসুং নেপালগী অচেৎপা মরি অসিদা ঐখোয়গী ওপন বোর্দরনা থোইদোক হেন্দোকপা থৌদাং লৌরি। মসিবু ঐখোয়না করিগুম্বা মখল অমত্তদা লান্না শিজিন্নবা য়াহল্লোয়। প্রধান মন্ত্রী ওলী অমসুং ঐহাক্না ঐখোয়গী বাইলেতরেল দিফেন্স অমসুং সেক্যুরিতী কোওপরেসন হেন্না চেৎশিলহন্নবা খোংথাং লৌখৎলে। ২০১৪দা ঐহাক্না নেপালদা লাকখিবা মতম অদুদা ভগবান পশুপতিনাথ খুরুমজবগী খুদোংচাবা ফংজখি। ঙসি অয়ুক ঐহাক্না জানকী মন্দিরদা ইমা সীতা খুরুমজবা ফংজখি। হয়েং অয়ুক মুক্তিনাথ অমসুং পশুপতিনাথ খুরুমজবগী খুদোংচাবা ফংগনি হায়না ঐহাক্না থাজবা থম্লি।

মরূপশিং,

মমাং থাদনা দিল্লীদা, অমদি ঙসিনা কাথমান্দুদা, ঐখোয়না ৱারী শান্নদুনা লৌখিবা ৱারেপশিং অদুদা ভারত-নেপালগী মরিদা অনৌবা মোমেন্তমগী ৱাফমশিং য়াওরি। তুংদা ওইরক্কদবা ভারত-নেপালগী রিলেসনগী মতাংদা আশা চাউনা তৌরি। অসিগুম্লবা আশা, থাজবা অমসুং মরূপ ওইবগী স্পিরিৎ অদুগা লোয়ননা অমুক হন্না প্রধান মন্ত্রী ওলীবু, মহাক্কী সরকারবু, অমদি নেপালগী প্রজাশিংবু থমোয় শেংনা তৌবীমল খঙবা উৎচরি।

ভারত-নেপাল মৈত্রী

অমর রহোস।

থাগৎচরি।